ޝާހުގެ ޝޫޓިންގެ ސަބަބުން ފައިދާވީ އާންމުންނަށް

ޝާހުރުކް ޚާން.

10 އޮކްޓޯބަރ 2022 - 07:04

ބޮލީވުޑްގެ މަޝްހޫރު ތަރި، ޝާހުރުކް ޚާންގެ ކުރިއަށް އޮތް ފިލްމު، "ޖަވާން" ގެ ޝޫޓިންތައް، އިންޑިއާގެ ޗެންނާއީގައި ބޭއްވުމުން 1،000 އާއިލާއަކަށް އެކަމުން ފައިދާވި ކަމަށް ފިލްމުގެ ޑައިރެކްޓަރު އަތުލީ ކުމާރު ބުނެފި އެވެ.

ވަރުގަދަ ފިލްމުތަކެއް މީގެ ކުރިން ވެސް ޑައިރެކްޓްކުރި އަތުލީއާ އެކު ޝާހު މަސައްކަތްކުރާ ފުރަތަމަ ފިލްމަކީ "ޖަވާން" އެވެ. ފިލްމުގައި ޝާހުއާ އެކު ނަޔަންތާރާ އާއި ތަމަޅަ ތަރި، ވިޖޭ ސެތުޕަތީ ވެސް ފެންނާނެ އެވެ.

View this post on Instagram

A post shared by Atlee (@atlee47)

ފިލްމުގެ ޝޫޓިންތައް ނިންމާލުމަށް ފަހު ޝާހު ވަނީ ލިބުނު މެހެމާންދާރީއަށް ޑައިރެކްޓަރު އަތުލީ އާއި އޭނާގެ އަންހެނުން ޕްރިޔާ އަދި ފިލްމުގެ ޓީމުގައި ހިމެނޭ އެންމެންގެ ފަރާތުން ޝުކުރު އަދާކޮށްފަ އެވެ. ޝާހު ބުނީ ވަރަށް މީރު ކާ އެއްޗެހި އެތަނުން ލިބުނު ކަމަށެވެ.

އެ ޓްވީޓާ ގުޅިގެން ޑައިރެކްޓަރު ޝާހުއަށް ޝުކުރު އަދާކޮށް ކުރި ޓްވީޓުގައި ބުނެފައިވާ ގޮތުގައި އޭނާގެ ފިލްމީ މަސައްކަތުގައި އެންމެ ހާއްސަ އެއް ޝޫޓިންތަކަކީ އެއީ އެވެ. ޗެންނާއީގައި ޝޫޓިންތައް ބޭއްވުމުން 1،000 އާއިލާއަކަށް ފައިދާވި ކަމަށް ބުންޏަސް އެކަމުގެ ތަފްސީލެއް ނުދެ އެވެ.

Thank u sir it’s a honour & pleasure to have u here sir,most memorable schedule in my career,spl thanks to u for having the shoot happen in Chennai sir,1000s of family wer benefited “KING IS A KING ALWAYS”a big bow & respect to you sir love you sir❤️
See you in Mumbai soon sir❤️ https://t.co/cOeXNnXAhV
— atlee (@Atlee_dir) October 8, 2022

ޖަވާނަށް ފަހު ސަޕޯޓަރުން ޝާހުގެ ދެން އެންމެ އިންތިޒާރުކުރާ އަނެއް މަސައްކަތަކީ "ޕަތާން" އެވެ. އަންނަ އަހަރުގެ ޖެނުއަރީ 25 ގައި ރިލީޒްކުރާ އެ ފިލްމުގައި ޝާހުއާ އެކު ދީޕިކާ ޕަޑުކޯނާއި ޖޯން އަބްރަހަމް ވެސް ފެންނާނެ އެވެ. އަދި ތާޕްސީ ޕަންނޫއާ އެކު "ދުންކީ" ގައި ޝާހު ފެންނާނެ އެވެ.