މޯހިތު ސޫރީ (ވ-2) އަދި ފިލްމުގެ ބަތަލު އަރްޖުން ކަޕޫރު (ވ) އާއި ބަތަލާ ޝްރައްދާ ކަޕޫރު "ހާފް ގާލްފްރެންޑް"ގެ ޝޫޓިންގައި
22 މާޗް 2017 - 06:12
1 comments
ލޯބީގެ އަސަރުގަދަ ވާހަކަތަކަށް ތައްޔާރުކުރާ ފިލްމު ތަކަކީ ޑައިރެކްޓަރު މޯހިރު ސޫރީގެ ކުޅަދާނަކަން އެންމެ ފުރިހަމައަށް ފެނިގެންދާ ފިލްމުތަކެވެ. "އާވާރާޕަން" އާއި "އާޝިގީ 2" އަކީ މޯހިތު އުފެއްދި އެންމެ ރީތި ފިލްމުތަކުގެ ތެރޭގައި ހިމެނޭ ފިލްމުތަކެވެ.
ނަމަވެސް މޯހިތު މިހާރު އުފައްދަމުންދާ "ހާފް ގާލްފްރެންޑް" އަކީ އޭނާ ކުރިން އުފެއްދި ލޯބީގެ ފިލްމުތަކަށް ވުރެ ތަންކޮޅެއް މަޖާ ކަންތައްތައް ހިމެނޭ ފިލްމެއް ކަމަށް އޭނާ ބުންޏެވެ.
މޯހިތު އެންމެ ފަހުން އުފެއްދި ވިދްޔާ ބާލަން އާއި އިމްރާން ހާޝިމީ ތަރިންގެ ގޮތުގައި ހިމެނުނު "ހަމާރީ އަދޫރީ ކަހާނީ" އަށް ބޮކްސް އޮފީހުގައި ނާކާމިޔާބު ވެފައި ވިޔަސް އޭނާގެ ހިތްވަރަކަށް ބަދަލެއް ނާދެ އެވެ. އޭނާ ބުނި ގޮތުގައި އެ ފިލްމަކީ މަހޭޝް ބަޓް ތަންކޮޅެއް ކުރިން ލިޔެފައި އޮތް ސްކްރިޕްޓެކެވެ. އަދި އޭނާ ކޮންމެހެންވެސް އެ ފިލްމު އުފައްދަން ބޭނުންވާތީ އެކަން ކޮށްދިނީ އެވެ.
"ހަމާރީ އަދޫރީ ކަހާނީ" ގެ ވާހަކައަކީ މަހޭޝް ބަޓްގެ މަންމައަށް ދިމާވި ލޯބީގެ ހާދިސަތަކެއްގެ މައްޗަށް އުފެއްދި ފިލްމެކެވެ.
މޯހިތު ބުނި ގޮތުގައި އޭނާ މިހާރު އުފައްދަމުންދާ އަރްޖުން ކަޕޫރާއި ޝްރައްދާ ކަޕޫރުގެ "ހާފް ގާލްފްރެންޑް" އަކީ މަޝްހޫރު ވާހަކަ ލިޔުންތެރިޔާ ޗޭތަން ބަގަތު "ހާފް ގާލްފްރެންޑް" ވާހަކައިގެ މައްޗަށް އުފައްދާ ފިލްމެކެވެ. އަންނަ މޭ މަހު ރިލީޒްކުރަން ތައްޔާރުވަމުންދާ މި ފިލްމަކީ ފަގީރު ފިރިހެންކުއްޖަކާއި މުއްސަނދި އަންހެންކުއްޖެއްގެ ލޯތްބަށް މުޖުތަމައުން އަޅާ ހުރަސްތައް ވަރަށް ފުރިހަމައަށް ފެނިގެންދާނެ ފިލްމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެނިކް ފަރީދާ
22 March 2017
ތިފިލްމް އިންޑިއާގެ ސިނަމާތަކުގަ އެޅުވޭނެބާ؟ ކޮންމެވެސް އަންހެނުންގެ ޖަމާއަތަކުން ބުނާނެ ކަންނޭގޭ ފިލްމުގެ ނަން އަންހެނުން ކުދިމީސްކުރަނީއޭ އެހެންވީމާ "ފުލްގާލް ފްރެންޑް" ނަމަށް ބަދަލްކުރާށޭ.