ރޮކްގެ ބައްޕަގެ ވާހަކަ ބޮޑު ސްކްރީނަށް ގެންނަނީ

އަހުމަދު އަދްޝަން، މިހާރު

05 ފެބުރުއަރީ 2020 - 12:11

މިދިޔަ މަހު މަރުވި ކުރީގެ ރެސްލިން ތަރި އަދި ހޮލީވުޑްގެ މަޝްހޫރު އެކްޓަރު ޑްވޭން (ރޮކް) ޖޯންސަންގެ ބައްޕަ ރޮކީ ޖޯންސަންގެ ވާހަކަ ކިޔައިދޭ ފިލްމެއް ބޮޑު ސްކްރީނަށް ގެންނަން ތައްޔާރުވާން ފަށައިފި އެވެ.

"ރިންގް ކިންގް" ގެ ނަމުގައި ގެނެސްދޭން ނިންމާފައިވާ މި ފިލްމު ހަދަނީ ރޮކީ އަށް ބޮޑުބޭބެ ކިޔާ އެއްމާބަނޑު ދެބޭން ކަމަށްވާ ޖޮނަތަން އާއި ޖަސްޓިން ގެޖޯސްކީ އެވެ. އެ މީހުން މިހާރު އަންނަނީ ފިލްމުގެ ސްކްރިޕްޓްގެ މަސައްކަތްކުރަމުންނެވެ.

މިދިޔަ މަހުގެ 15 ވަނަ ދުވަހު އުމުރުން 75 ގައި މަރުވި ރޮކީގެ ބައޮގްރަފިކަލް ޑްރާމާއެއް ހަދާކަން އެންމެ ފުރަތަމަ އިއުލާންކޮށްފައި ވަނީ 2018 ގެ ޓޮރޮންޓޯ އިންޓަނެޝަނަލް ފިލްމު ފެސްޓިވަލް (ޓީއައިއެފްއެފް) ގަ އެވެ.

View this post on Instagram

I love you. You broke color barriers, became a ring legend and trail blazed your way thru this world. I was the boy sitting in the seats, watching and adoring you, my hero from afar. The boy you raised to always be proud of our cultures and proud of who and what I am. The boy you raised with the toughest of love. The intense work. The hard hand. The adoring boy who wanted to know only your best qualities. Who then grew to become a man realizing you had other deeply complicated sides that needed to be held and understood. Son to father. Man to man. That’s when my adoration turned to respect. And my empathy turned to gratitude. Grateful that you gave me life. Grateful you gave me life’s invaluable lessons. Dad, I wish I had one more shot to tell you, I love you, before you crossed over to the other side. But you were ripped away from me so fast without warning. Gone in an instant and no coming back. Im in pain. But we both know it’s just pain and it’ll pass. Now I’ll carry your mana and work ethic with me, as it’s time to move on because I have my family to feed and work to accomplish. Finally, I want you to rest your trailblazing soul, Soulman. Pain free, regret free, satisfied and at ease. You lived a very full, very hard, barrier breaking life and left it all in the ring. I love you dad and I’ll always be your proud and grateful son. Go rest high. #ripsoulman #rockyjohnson 🐐

A post shared by therock (@therock) on Jan 17, 2020 at 8:01am PST

ޖޮނަތަން އާއި ޖަސްޓީން ބުނީ އެ މީހުންގެ މަންމަ ފަރާތު ބޮޑުބޭބެގެ ވަކިވުމަކީ ވަރަށް ބޮޑު ހިތްދަތިކަމެއް ކަަމަށާއި ރެސްލިންގެ ދުނިޔޭގައި އޭނާގެ ނަމަކީ ދުވަހަކު ވެސް ފަނޑުވުމެއް ނާންނާނެ ކަމެއް ކަމަށެވެ. އެހެންވެ ރޮކީގެ ހަނދާންތަކާއި އޭނާގެ ކެރިއަރުގެ މުހިއްމު ސޮފުހާތައް ސްކްރީނަށް ގެނައުމަކީ އަބަދު ވެސް ދެކެމުން ދިޔަ ހުވަފަނެއް ކަމަށް ބުންޏެވެ.

"އަހަރެމެން މިހާރު މި އަންނަނީ ފިލްމުގެ ސްކްރީންޕްލޭ ލިޔަމުން. އަދި މީގައި ހިއްސާވާން ރޮކް ވެސް ވަނީ ޝައުގުވެރިކަން ފާޅުކޮށްފައި،" ދެބޭން ހޮލީވުޑް ރިޕޯޓާ އަށް ބުންޏެވެ. "ރޮކީގެ ވާހަކަ އަކީ ވަރަށް އިންސްޕަޔަރިން ވާހަކައެއް. އޭނާ ކާމިޔާބު އަދި ރެސްލިންގެ ނުފޫޒު ގަދަ މީހަކަށްވެގެން ދިޔައީ އެތައް އަޑިގުޑަންތަކަކުން އަރައިގަނެ، ކުރި ހިތްވަރު ގަދަ މަސައްކަތުން."

ރޮކީ(މ) އާ އެކު ޖޮނަތަން އާއި ޖަސްޓިން.

ޖަސްޓިން އާއި ޖޮނަތަން ބުނީ ރޮކީގެ ވާހަކަ ސްކްރީނަށް ގެނައުމަކީ އެ މީހުންނަށް ލިބޭ ވަރަށް ބޮޑު ޝަރަފެއް ކަމަށާއި ވަރަށް ފުރިހަމަ ފިލްމެއް ގެނެސްދޭން މަސައްކަތްކުރާނެ ކަމަށެވެ.

ނަމަވެސް "ރިންގް ކިންގް" ގެ ޝޫޓިން ފަށާނެ އިރަކާއި ފިލްމު ބެލުންތެރިންނަށް ގެނެސްދޭނެ އިރެއް އަދިއިއުލާނެއް ނުކުރެ އެވެ. އަދި އޭގައި ރޮކީގެ ރޯލް ކުޅޭނެ އެކްޓަރަކު ވެސް ނުނިންމަ އެވެ. ފަހަރުގައި ބައްޕަގެ ރޯލުން ރޮކް ވެސް ފެނިދާނެ އެވެ. ހޮލީވުޑަށް ނުކުތުމުގެ ކުރިން ރޮކަކީ ވެސް ރެސްލިން ރިންގްގައި ވިދައިލި ތަރިއެކެވެ.