ހޮލީވުޑްގެ މަޝްހޫރު އެކްޓަރު ކާކް ޑަގްލަސް މަރުވެއްޖެ

މައިކަލް ބައްޕަ ކާކްއާ އެކު.

އަހުމަދު އަދްޝަން، މިހާރު

07 ފެބުރުއަރީ 2020 - 18:10

"ސްޕާޓެކަސް" ފަދަ ކާމިޔާބުތައް އެތައް ފިލްމެއް ކުޅެފައިވާ ހޮލީވުޑްގެ ލެޖެންޑަރީ އެކްޓަރު ކާކް ޑަގްލަސް ބުދަ ދުވަހު މަރުވެއްޖެ އެވެ.

އުމުރުން 103 އަހަރުގައި އޭނާ މަރުވި ވާހަކަ، ދަރިންގެ ތެރޭގައި ހިމެނޭ މަޝްހޫރު އެކްޓަރު މައިކަލް ޑަގްލަސް އިންސްޓަގްރާމްގައި ހިއްސާކުރަމުން ބުނީ ބައްޕަގެ ވަކިވުމަކީ އާއިލާ އަށް ލިބުނު ފޫނުބެއްދޭ ވަރުގެ ފުން ހިތާމައެއް ކަމަށެވެ.

މަޝްހޫރު ބަތަލާ ކެތެރީން ޒީޓާ-ޖޯންސްގެ ފިރިމީހާގެ އިންސްޓަގްރާމްގައި ބުނީ ކާކް އަކީ އާއިލާ ދެކެ ވަރަށް ލޯބިިވާ ބައްޕައެއް ކަމަށާއި މުނިފޫހި ފިލުވުމުގެ ދާއިރާގައި ވެސް ވަރުގަދަ ލެގަސީ ދަމަހައްޓަމުން ދިޔަ ފަންނާނެއް ކަމަށެވެ.

އޮސްކާގެ ލައިފްޓައިމް އެޗީވްމަންޓް ވެސް ހާސިލުކޮށްފައިވާ ކާކް ކުޅެފައިވާ މަޝްހޫރު ބައެއް ފިލްމުތަކުގެ ތެރޭގައި އައުޓް އޮފް ދަ ޕާސްޓް (1947)، ޗެމްޕިއަން (1949)، ދަ ބޭޑް އެންޑް ދަ ބިއުޓިފުލް (1952) އަދި ޓަފް ގާއިޒް (1986) ހިމެނެ އެވެ.

View this post on Instagram

It is with tremendous sadness that my brothers and I announce that Kirk Douglas left us today at the age of 103. To the world he was a legend, an actor from the golden age of movies who lived well into his golden years, a humanitarian whose commitment to justice and the causes he believed in set a standard for all of us to aspire to. But to me and my brothers Joel and Peter he was simply Dad, to Catherine, a wonderful father-in-law, to his grandchildren and great grandchild their loving grandfather, and to his wife Anne, a wonderful husband. Kirk's life was well lived, and he leaves a legacy in film that will endure for generations to come, and a history as a renowned philanthropist who worked to aid the public and bring peace to the planet. Let me end with the words I told him on his last birthday and which will always remain true. Dad- I love you so much and I am so proud to be your son. #KirkDouglas

A post shared by Michael Douglas (@michaelkirkdouglas) on Feb 5, 2020 at 3:33pm PST

ތިން ފަހަރަށް، އޮސްކާގެ މޮޅު އެކްޓަރުގެ މަގާމަށް ވެސް ނޮމިނޭޓްވި ކާކް އެންމެ ފަހުން ކުޅުނު ފިލްމަކީ 2004 ގެ "އިލޫޝަން" އެވެ.

އޭނާ އަކީ އެކްޓަރެއްގެ އިތުރުން ޕްރޮޑިއުސަރެއް/ޑައިރެކްޓަރެއް ވެސް މެ އެވެ.

ކާކްގެ ދަރިންގެ ތެރެއިން ޖޮއެލް އާއި ޕީޓާ ޑަގްލަސް އަކީ ވެސް މަޝްހޫރު ޕްރޮޑިއުސަރުންނެވެ. ކާކްގެ ހަތަރު ކުދިންގެ ތެރެއިން ކުރީގެ އެކްޓަރު އަދި ކޮމީޑިއަން އެރިކް ޑަގްލަސް 46 އަހަރުގައި 2004 ގައި ވަނީ މަރުވެފަ އެވެ.