ސިލްސިލާ "ބަލިކާ ވަދޫ" އަލުން ކަލާޒް އަށް

އަހުމަދު އަދްޝަން، މިހާރު

20 އެޕްރީލް 2020 - 09:25

ކަލާޒް ޗެނެލުން މިހާތަނަށް ގެނެސްދިން އެންމެ ކާމިޔާބު ސިލްސިލާތަކުގެ ތެރޭގައި ހިމެނޭ "ބަލިކާ ވަދޫ" އަލުން ގެނެސްދޭން ނިންމައިފި އެވެ.

ކޮރޯނާވައިރަހާ ހެދި ޓީވީ އުފެއްދުންތަކުގެ މަސައްކަތްތައް ހުއްޓި ޝޯތަކުގެ އާ އެޕިސޯޑްތައް މި ދުވަސްވަރު ނުގެނެސްދޭވީ ދިވެހިންގެ މެދުގައި އެންމެ މަގުބޫލު އިންޑިއާގެ ވަރަށް ޓީވީ ޗެނެލްތަކުން މިހާރު އަންނަނީ ކުރީގެ ޝޯތައް ދައްކަމުންނެވެ.

Khushi ke yeh pal jo laaye Anandi ki zindagi mein pyaar aur bhuchaal. 😬
Tell us your answer using #BalikaVadhuIsBack in the comments and watch Anandi’s journey on #Colors, Mon-Fri at 6 PM. #AvikaGor
Anytime on @justvoot pic.twitter.com/pg7fnhTmz3
— COLORS (@ColorsTV) April 17, 2020

އެގޮތުން ބެލުންތެރިންގެ ބޮޑު ތަރުހީބެއް ލިބުނު "ބަލިކާ ވަދޫ" ކަލާޒުން ގެނެސްދޭނީ ކޮންމެ ހަފުތާއެއްގެ ހޯމަ ދުވަހުން ހުކުރު ދުވަހަށް ރާއްޖެ ގަޑިން ހަވީރު 5:30 ގަ އެވެ. މި ސިލްސިލާ އަލުން ގެނެސްދިނުމަކީ ކުރިން ނުބަލާ މީހުންނާއި ކުރި ބެލި މީހުންނަށް ވެސް ހަނދާންތައް އާކޮށްލަން ލިބޭނެ ފުރުސަތަކަށް ވާނެ އެވެ.

Humein toh din bhi pata hai! 🤭
Tell us what you think, using #BalikaVadhuIsBack in the comments and rewatch its episodes on #Colors, Mon-Fri at 6 PM. #AvikaGor
Anytime on @justvoot pic.twitter.com/IVOeXu4gTv
— COLORS (@ColorsTV) April 17, 2020

"ބަލިކާ ވަދޫ" އަކީ އިންޑިއާގައި ކުޑަ އަންހެން ކުދިން ކައިވެނިކުރުވާ މައްސަލަ އަށް ބިނާކޮށް ހަދާފައިވާ އެއްޗެކެވެ.

ކަލާޒުން މި ސިލްސިލާ ގެނެސްދިނީ ޖުލައި 21، 2008 އިން ޖުލައި، 31، 2016 އަށެވެ. ދެ ސީޒަނަކަށް ގެނެސްދިން "ބަލިކާ ވަދޫ" ގެ ޖުމްލަ 2،245 އެޕިސޯޑް ދައްކާފައިވެ އެވެ.