ކަޅުކަމުން މަލާމާތްކުރާތީ ޝާހްރުކްގެ އަންހެން ދަރިފުޅު ރައްދުދީފި

އަހުމަދު އަދްޝަން، މިހާރު

01 އޮކްޓޯބަރ 2020 - 08:28

ހަމުގެ ކުލަ އަލި ނޫން ކަމަށް ބުނެ ބުނެ ސޯޝަލް މީޑިއާގައި ކިޔާ ފާޑުކިޔުންތަކަށް ބޮލީވުޑްގެ އެކްޓަރު ޝާހްރުކް ޚާންގެ އަންހެން ދަރިފުޅު ސުހާނާ ޚާން ރައްދު ދީފި އެވެ.

އުމުރުން 20 އަހަރުގެ ސުހާނާގެ ސިފައާ ބެހޭ ގޮތުން ބައެއް މީހުން ސޯޝަލް މީޑިއާގައި ކޮށްފައިވާ ކޮމެންޓްތަކެއްގެ ސްކްރީންޝޮޓްތަކެއް އިންސްޓަގްރާމްގައި ހިއްސާކުރަމުން ބުނީ އިންޑިއާގައި ހުރި ބޮޑެތި މައްސަލަތުގެ ތެރެއިން އެއް ކަމަކީ ކުލައަލި ދޮން މީހަކަށް ނުވުން ކަމަށްވާ ނަމަ އެ މީހަކަށް ފުރައްސާރަކުރުން ކަމަށެވެ. އެކަމަކު މިކަން ހުއްޓުމަކަށް ގެންނަން ޖެހިފައިވާ ކަމަށް ބުންޏެވެ.

ސުހާނާ ބުނީ އޭނާ ދޮން މީހަކަށް ނުވާތީ ތަކުރާރުކޮށް އެތައް ބަޔަކު އޭނާގެ ސިފަ އަށް މަލާމާތްކޮށް ފުރައްސާރަކުރަމުންދާ ކަމަށެވެ. ސުހާނާ ބުނި ގޮތުގައި އުމުރުން އެންމެ 12 އަހަރުން ފެށިގެން މި ފުރައްސާރައާ ވަނީ ކުރިމަތިލާން ޖެހިފަ އެވެ. އަދި މިކަން ކުރަނީ އަމިއްލަ ގައުމުގެ ރައްޔިތުން ކަމަށާއި މިއީ ވަރަށް ދެރަ ކަމެއް ކަމަށް ބުންޏެވެ.

ސުހާނާ ބުނި ގޮތުގައި މީސްމީހުންގެ ސިފައާ އަޅައިގަނެގެން ސޯޝަލް މީޑިއާގައި ހިތުހުރިހާ އެއްޗެއް ކިޔަނީ އަމިއްލަ ނަފުސަށް އިތުބާރު ނުކުރެވޭ ބަލިކަށި މީހުންނެވެ. އަދި ކަޅުވުމަކުން އޭނާ އަށް އެއްވެސް މައްސަލައެއް ނޫން ކަމަށާއި އެކަމާ އުފާވާ ކަމަށް ވެސް ބުންޏެވެ. ސުހާނާ ބުނީ އިސްކޮޅުގައި އެންމެ މަދުވެގެން ފަސް ފޫޓް ހަތް އިންޗި ނެތުމާއި ކުލައަލި ނުވުމަކީ ހަޔާތުގެ ބައިވެރިއަކު ވެސް ލިބޭނެ ކަމެއް ނޫން ކަމަށް ބައެއް މީހުން ގަބޫލުކުރާ ކަމަށެވެ.

View this post on Instagram

There's a lot going on right now and this is one of the issues we need to fix!! this isn't just about me, it's about every young girl/boy who has grown up feeling inferior for absolutely no reason. Here are just a few of the comments made about my appearance. I've been told I'm ugly because of my skin tone, by full grown men and women, since I was 12 years old. Other than the fact that these are actual adults, what's sad is that we are all indian, which automatically makes us brown - yes we come in different shades but no matter how much you try to distance yourself from the melanin, you just can't. Hating on your own people just means that you are painfully insecure. I'm sorry if social media, Indian matchmaking or even your own families have convinced you, that if you're not 5"7 and fair you're not beautiful. I hope it helps to know that I'm 5"3 and brown and I am extremely happy about it and you should be too. #endcolourism

A post shared by Suhana Khan (@suhanakhan2) on Sep 29, 2020 at 9:10am PDT

"އަހަންނަކީ އިސްކޮޅުގައި ފަސް ފޫޓް ތިން އިންޗި ހުރި ކުލަ އަނދިރި މީހެއް. އަދި އެކަމާ އަހަރެމެން ވަރަށް އުފާ ވެސް ކުރަން،" #އެންޑްކަލަރިޒަމް ޖަހާފައި ޕޯސްޓް ނިންމައިލަމުން ސުހާނާ ބުންޏެވެ.

މަތީ ތައުލީމަށް މިހާރު ކިޔަވަމުން އަންނަ ސުހާނާ އަކީ ދެން މާ ގިނަ ދުވަސްތަކެއް ނުކޮށް ބޮލީވުޑަށް ވެސް ނުކުންނާނެ ކަމަށް ބެލެވޭ ކުއްޖެކެވެ. އެކަން އޭނާގެ ބައްޕަ ޝާހްރުކް ވެސް ކަށަވަރުކޮށް ދީފައިވެ އެވެ. ސުހާނާ އަކީ ޝާހްރުކްގެ ތިން ކުދިންގެ ތެރެއިން ހަމައެކަނި އަންހެން ދަރިފުޅެވެ. އޭނާގެ ދެން ތިބެނީ އާރިޔަން ޚާން، 22، އާއި އަބްރަމް، 7، އެވެ.

ބޮލީވުޑް

1 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަބަރު

01 October 2020

ކުލަ އަދި އިސްކޮޅަކީ މުހިންމު އެއްޗެއްނޫން. މީހާގެ ތަޢުލީމާ ހުނަރާ އަޚްލާޤު މުހިންމީ. ސުހާނާ އަށް ގަބޫލުކުރެވުނަސް ނުކުރެވުނަސް އޭނަ ލައިއުޅޭ ހެދުން، ހެދުން ނުލުމާ އެއްވަރު.