އިންސްޓަގްރާމްގެ ދެ މޭސްތިރިން އިސްތިއުފާ ދީފި

އިންސްޓަގްރާމްގެ ދެ ބާނީން ކަމަށްވާ މައިކް ކްރެއިގާ (ކ) އާއި ކެވިން ސިސްޓްރޮމް.

އަހުމަދު އަދްޝަން، މިހާރު

26 ސެޕްޓެމްބަރ 2018 - 06:33

ދުނިޔޭގެ އެންމެ މަގުބޫލު ސޯޝަލް މީޑިއާ ޕްލެޓްފޯމް އިންސްޓަގްރާމްގެ ދެ ބާނީ ކަމަށްވާ ކުރީގެ ޗީފް އެކްޒެކެޓިވް އޮފިސަރު (ސީއީއޯ) ކެވިން ސިސްޓްރޮމް އާއި ޗީފް ޓެކްނޮލޮޖީ އޮފިސަރު (ސީޓީއޯ) މައިކް ކްރެއިގާ އިންސްޓަގްރާމް ދޫކޮށްލައިފި އެވެ.

އެ ދެ މީހުން އިސްތިއުފާ ދޭކަން ކަށަވަރުކޮށްދީފައި ވަނީ އެ ވާހަކަ ނިއު ޔޯކް ޓައިމްސް އިން ވެސް ކުރިން ރިޕޯޓްކޮށްފައި ވަނިކޮށެވެ.

އިސްތިއުފާ ކަށަވަރުކޮށް ދެމުން ސިސްޓްރޮމް އާންމުކުރި އިންސްޓަގްރާމް ޕޯސްޓެއްގައި ބުނީ "އުފެއްދުންތެރިކަން އިތުރަށް ކުރިއަރުވަން ބޭނުންވާތީ" ދެ މީހުން އިންސްޓަގްރާމް ދޫކޮށްލަން ނިންމާފައިވާ ކަމަށެވެ. އަދި ފާއިތުވި 8 އަހަރު އިންސްޓްގަރާމާ އެކު ކުރެވުނު މަސައްކަތާ ދޭތެރޭ ހިތްހަމަޖެހޭ ކަމަށާއި އެ ފުރުސަތަށްޓަކައި ޝުކުރު އަދާކުރާ ކަމަށް ބުންޏެވެ.

View this post on Instagram

@mikeyk and I are grateful for the last eight years at Instagram and six years with the Facebook team. We’ve grown from 13 people on the team to over a thousand with offices around the world, all while building products used and loved by a community of over one billion. We’ve loved learning to scale a company and nurture an enormous global community. And we couldn’t have done it without our amazing Instagram team, and the support of @zuck, @sherylsandberg, @schrep, and @chriscox at Facebook - we’ve learned so much from all of you. Now, we’re ready for our next chapter. We’re planning on taking some time off to explore our curiosity and creativity again. Building new things requires that we step back, understand what inspires us and match that with what the world needs; that’s what we plan to do. We remain excited for the future of Instagram and Facebook in the coming years as we transition from leaders to just two users in a billion. Thank you for being part of Instagram’s community. It’s been (and will continue to be) an honor 🙌🏻

A post shared by Kevin Systrom (@kevin) on Sep 24, 2018 at 9:57pm PDT

ސިސްޓޮރްމްގެ ޕޯސްޓް.

ދެހާސް ދިހައެއްގައި ވުޖޫދަށް އައި އިންސްޓަގްރާމަކީ މިހާރު މާކް ޒުކަބާގްގެ ފޭސްބުކްގެ ދަށުން ހިންގާ ޕްލެޓްފޯމެކެވެ. މީގެ އަހަރެއްހާ ދުވަސް ކުރިން ފޭސްބުކުން އިންސްޓަގްރާމް ގަތީ އެއް ބިލިއަން ޑޮލަރަށެވެ. އިންސްޓަގްރާމަކީ މިހާރު ބިލިއަނަކަށް ވުރެ ގިނަ މީހުން ބޭނުންކުރާ އެޕެކެވެ.

ސިސްޓްރޮމް ބުނި ގޮތުގައި އެ މީހުން އިންސްޓަގްރާމް ދޫކޮށްލާ އިރު، ލިބޭ އެންމެ ބޮޑު ހިތްހަމަޖެހުމަކި އެންމެ 13 މީހުންނާ އެކު ފެށި މަސައްކަތް ފުޅާވެ، އިންސްޓަގްރާމްގެ ދަށުން ދުނިޔޭގެ އެކި ކަންކޮޅުތަކުގައި މަސައްކަތް ކުރާ މުވައްޒަފުންގެ އަދަދު ހާހަކަށް ވުރެ މައްޗަށް ދިއުމެވެ.

އިންސްޓަގްރާމްގެ ދެ ބާނީން ކަމަށްވާ މައިކް ކްރެއިގާ (ކ) އާއި ކެވިން ސިސްޓްރޮމް.

"ދެން އަހަރެމެން ބޭނުން ވަނީ އަނެއްކާ ވެސް އާ ބާބެއް ހުޅުވަން،" އޭނާ ބުންޏެވެ.

ސިސްޓްރޮމް އާއި މައިކް އިސްތިއުފާއާ އެކު ޒުކަބާގް ނެރުނު ބަޔާނެއްގައި ބުނީ އެ ދެ މީހުންނަކީ ކުރިއަށް އޮތް ތަނުގައި ވެސް އިންސްޓަގްރާމްގެ ހިއްސާއަކަށް ވާނެ ކަމަށާއި ދެ މީހުންގެ އާދަޔާހިލާފު ހުނަރުވެރި ހިދުމަތްތައް އަބަދު ވެސް ބަލައި ގަނެ، އެކަމަށް ޝުކުރު އަދާ ކުރާނެ ކަމަށެވެ.

"އަހަރެން އެ މީހުންނަށް އިތުރު ކުރިއެރުމަށް އެދެމް. އަދި މުސްތަގުބަލުގައި އެ މީހުން ދެން އަންނާނީ ކޮން ކަހަލަ އުފެއްދުމަކާ އެކުތޯ ދުށުމުގެ ޝައުގުވެރިކަން ވެސް ބޮޑު،" ޒުކަބާގް ބުންޏެވެ.