ޕްރިންސް ހެރީ އާއި މޭގަން އަށް ފިރިހެން ބޭފުޅެއް

އަހުމަދު އަދްޝަން، މިހާރު

07 މެއި 2019 - 09:30

އިނގިރޭސިވިލާތުގެ ޕްރިންސް ހެރީ އާއި އަނބިކަނބަލުން މޭގަން މާކްލްގެ އަލަތު ދަރިކަލުން ލިބިވައިގެންފި އެވެ.

ކައިވެންޏަށް އަހަރެއް ވާން ކައިރިވެފައި ވަނިކޮށް މޭގަން އިއްޔެ ލިބިވަޑައިގަތީ ފިރިހެން ބޭފުޅެކެވެ. ހެރީ އާއި މޭގަންގެ އިންސްޓަގްރާމް އެކައުންޓް، ސަސެކްސް ރޯޔަލް އާއި ކެންސިންޓަން ޕެލެސްގެ ޓްވިޓާގައި މި ވާހަކަ ހިއްސާކޮށްފައިވެ އެވެ. އަދި މޭގަން އާއި ދަރިފުޅުގެ ހާލު ވެސް ރަނގަޅު ކަމަށް ވަނީ ބުނެފަ އެވެ.

ބައްޕައަކަށް ވުމުން ހެރީ ވިދާޅުވީ މިއީ ވަރަށް ވެސް އުފާވެރި ވަގުތެއް ކަމަށާއި މުޅި އާއިލާ އަށް ހާއްސަ އުފާވެރި ކަމެއް ލިބިފައިވާ ކަމަށެވެ. އަދި މިއީ ލިބިވަޑައިގެންނެވި އެންމެ ބޮޑު އެއް އުފަލުގެ ގޮތުގައި ސިފަ ކުރައްވާފައިވެ އެވެ.

Her Royal Highness The Duchess of Sussex was safely delivered of a son at 0526hrs.
The baby weighs 7lbs 3oz and The Duke of Sussex was present for the birth.
Read the full announcement here: https://t.co/RCUFjQG8pe
— The Royal Family (@RoyalFamily) May 6, 2019

ޕްރިންސް ހެރީ އާއި މޭގަން ކައިވެނި ބައްލަވައިގަތީ މިދިޔަ އަހަރުގެ މެއި މަހުގެ 19 ވަނަ ދުވަހު އެވެ. އަދި ދެ ކަނބަލުންނަށް ދަރިއަކު ލިބިވަޑައިގަންނަވާކަން ޝާހީ އާއިލާ އިން އިއުލާންކުރީ މިދިޔަ އަހަރުގެ އޮކްޓޯބަރު މަހުގެ ތެރޭގަ އެވެ.

View this post on Instagram

This afternoon, His Royal Highness The Duke of Sussex shared the news of the arrival of his and the Duchess’ first born child. Their son was born early morning on the 6th of May, 2019 and weighs 7lbs and 3oz. Their Royal Highnesses thank you for your support and kindness during this exceptionally joyful time in their lives as they welcome their baby boy.

A post shared by The Duke and Duchess of Sussex (@sussexroyal) on May 6, 2019 at 9:17am PDT

ޕްރިންސް ހެރީ އަކީ އަވަހާރަވެފައިވާ ޕްރިންސެސް ޑަޔާނާ އާއި ޕްރިންސް ޗާލްސްގެ ހަގު ދަރިކަލުންނެވެ. ދޮށީ ދަރިކަލުން ޕްރިންސް ވިލިއަމް 2011 ގައި ކޭޓް މިޑްލްޓަންއާ ކައިވެނި ބައްލަވައިގެންފައިވާ އިރު، ތިން ބޭފުޅުން ލިބިވަޑައިގެންފައިވެ އެވެ. އެއީ ދެ ފިރިހެން ބޭފުޅުންނާއި އަންހެން ބޭފުޅެކެވެ.

ގިނަ ބަޔަކު މިހާރު އިންތިޒާރު ކުރަނީ ޕްރިންސް ހެރީ އާއި މޭގަންގެ ދަރިކަނލުންގެ ނަން އިއުލާން ކުރައްވާނެ ވަގުތަކަށެވެ. ކިޔާނެ ނަމަކާ ބެހޭ ގޮތުން މީޑިއާތަކުގައި ވެސް ބޮޑެތި ބަހުސްތަކެއް ކުރެވިފައިވެ އެވެ.

އިނގިރޭސިވިލާތް ޕްރިންސް ހެރީ ޝާހީ އާއިލާ

4 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނެޑް

08 May 2019

ޓެސްޓު ކުރިއިރު ބޭފުޅަކަށް ވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮޕިއުލޭޝަން

07 May 2019

ބަލާބަލަ މަކަރުވެރިކަން. އެކަމު އެހެން މީހުން ވިއްޔާ ގޮވާނެ އާބާދީ ކޮންތުރޯލުކުރާށޭ. އޭއްޗެކޭ މީއްޗެކޭ. މި މީހުން ހަމަ އަހަރު ދެކޮޅުހެން ވިހަނީ ވިހަނީ.