ގައުމީ ޓީމުގެ ކީޕަރު މުހައްމަދު އިމްރާން (ކުޑަ އިންމަ).-- ފޮޓޯ: އެފްއޭއެމް
12 އޮކްޓޯބަރ 2017 - 08:53
11 comments
ގައުމީ ފުޓްބޯޅަ ޓީމުގެ ބަދަލު ގޯލްކީޕަރު މުހައްމަދު އިމްރާން (ކުޑަ އިންމަ) ގައުމީ ޓީމަށް ކުޅުން ހުއްޓާލައިފި އެވެ.
ފުރަތަމަ ޑިވިޝަންގެ ތިން ކްލަބަށް މީގެ ކުރިން ކުޅުނު އުމުރުން 32 އަހަރުގެ ކުޑަ އިންމަ ގައުމީ ޓީމަށް ކުޅުން ހުއްޓާލި އޭޝިއަން ކަޕް ކޮލިފައިންގައި އަންގާރަ ދުވަހުގެރޭ 3-1 އިން އޮމާން އަތުން ބަލިވި މެޗަށް ފަހު އެވެ.
ކުޑަ އިންމަ ގައުމީ ޓީމުގައި ފުރަތަމަ ފަހަރަށް ހިމެނުނީ 2012 ވަނަ އަހަރު އެވެ. އެހެން ނަމަވެސް ގަވަައިދުން އޭނާ އަށް ޓީމުން ފުރުސަތު ނުލިބެ އެވެ. އޭނާ އަށް ގަވަައިދުން ޓީމުން ޖާގަ ލިބެން ފެށީ 2014 ވަނަ އަހަރުން ފެށިގެންނެވެ. ފުރަތަމަ ފަހަރަށް ކުޑަ އިންމަ ގައުމީ ޓީމަށް ވާދަވެރި މެޗެއް ކުޅުނީ 2015 ވަނަ އަހަރު ވޯލްޑް ކަޕް ކޮލިފައިންގަ އެވެ.
އެ ފަހަރު އިމްރާނަށް ފުރުސަތު ލިބުނީ އޭރު ގައުމީ ޓީމުގެ ކީޕަރު އިމްރާން މުހައްމަދަށް އަނިޔާވުމާ ގުޅިގެންނެވެ. ކުޑަ އިންމަ އެ ފަހަރު ވަނީ ބޫޓާނާއި ޗައިނާ އަދި ހޮންކޮންއާ ދެކޮޅަށް ވޯލްޑް ކަޕް ކޮލިފައިންގައި ކުޅުނު ތިން މެޗުގައި ކުޅެފަ އެވެ.
ސަތާރަ އަހަރަށް ފަހު ތަޖުރިބާކާރު ކީޕަރު އިމްރާން މިދިޔަ އަހަރު ރިޓަޔަަކުރުމުން ދެން ގައުމީ ޓީމުގެ ގޯލު ބަލަހައްޓާނެ ކުޅުންތެރިއަކާ މެދު ސުވާލު އުފެދުނެވެ. އެކަމަކު އިމްރާން ރިޓަޔާކުރުމަށް ފަހު މިހާތަނަށް ކުޅުނު ހުރިހާ މެޗެއްގައި ވެސް ގޯލު ބެލެހެއްޓީ ފައިސަލް އެވެ. ގައުމީ ޓީމުގެ ކޯޗުކަމާ އޮސްޓްރޭލިއާގެ ޑަރެން ސްޓެވާޓް ހަވާލުވި ފަހުން ކުޑަ އިންމަ އަށް މެޗަކުން ފުރުސަތު ނުލިބެ އެވެ.
ގައުމީ ޓީމުގެ ފަރިތަކުރުންތަކުގެ ތެރެއިން ކުޑަ އިންމަ (މ) ފޮޓޯ: ނިޝާން އަލީ/މިހާރު
ފުރަތަމަ ޑިވިޝަނަށް 2009 ވަނަ އަހަރު ވެލެންސިއާ އިން ތައާރަފްވި އިމްރާން ވަނީ އެ ޓީމަށް ތިން އަހަރު ކުޅެފަ އެވެ. އޭނާ މާޒިޔާ އަށް ބަދަލުވީ 2012 ވަނަ އަހަރު އެވެ. އެ ޓީމުގައި ހޭދަކުރި ތިން އަހަރުގައި ކުޑަ އިންމަގެ ފަރާތުން ބޮޑު ކުރިއެރުމެއް ފެނުނެވެ. އަދި އޭނާގެ ކުޅުން އެންމެ ބޮޑަށް ފާހަގަވާން ފެށީ 2015 ވަނަ އަހަރު ޓީސީ ސްޕޯޓްސް ކްލަބުގައި ހުރެ އޭނާ ދެއްކި ކުޅުމުންނެވެ. މުޅިން އަލަށް ފުރަތަމަ ޑިވިޝަނުގައި ވާދަކުރި ޓީސީ ޓީމުގައި އޭނާ މޮޅަށް ކުޅުނެވެ.
މި ސީޒަން ފެއްޓުމުގެ ކުރިން ޓީސީ ދޫކޮށް އެސްޓީއޯ މާލޭ ލީގުގައި ކުޑަ އިންމަ ކުޅުނީ ވިކްޓަރީ އަށެވެ. ފުރަތަމަ މެޗުގައި ކުޑަ އިންމަ އަށް ވިކްޓަރީގެ ފުރަތަމަ އެގާރައިން ފުރުސަތު ނުލިބުނީ އޭރު އެ ޓީމުގައި ސީރިއާ ގައުމީ ޓީމުގެ ދެ ވަނަ ކީޕަރު މަހުމޫދު އަލް ޔޫސުފް ހުރުމުންނެވެ. އެހެން ނަމަވެސް މާލޭ ލީގުގެ ދެ ވަނަ ބުރު ފެށިގެން ކުޑަ އިންމަ ވަނީ ގިނަ މެޗުތަކެއް ވަނީ ކުޅެފަ އެވެ.
ވިކްޓަރީ އަށް މާލޭ ލީގުގެ ގަދަ ހަތަރަކުން ފުރުސަތު ނުލިބި ދިވެހި ޕްރިމިއާ ލީގުގައި ވާދަކުރުމުގެ ޖާގަ ގެއްލުމުން ކުޑަ އިންމަ ދެން ބަދަލުވީ ށ. މިލަންދޫ އަށެވެ. އެ ޓީމު ޕްރިމިއާ ލީގުގައި ކުޅުނު ހަތް މެޗުގައި ވެސް ކުޑަ އިންމަގެ ފަރާތުން ފެނުނީ ރަނގަޅު ކުޅުމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޭކޭ
14 October 2017
ބޮޑާ ހާކަނީ. ދެންއަންނަ މެޗަށް ނަގާނެ. ހާސްނުވޭ...
އަހާށޭ
13 October 2017
ވަރަށް ދެރަވެއްޖެ، ކުޑައިމްރާން އަކީ މޮޅު ކީޕަރެއް އޭނައަށްވެސް ޗާންސެއް ދިނުން މުހިންމުކަމުގައި އަހަރެން އަބަދުވެސް ދެކެމެވެ. ރާއްޖޭގެ ޤައުމީ ކޯޗު މިހާރު އެބުނަނީ ސަރައްދީ ފުޓުބޯޅަ މުބާރާތުގެ ވާހަކައެވެ. މިކަން ވެސް މަށަށް ހީވަނީ ހަމަދާނީ ފެނަށް ހެނެވެ. ޤައުމީޓީމު މުބާރާތުގެ މެޗުކުޅެން ހަފްތާއަކަށްވީމާ 2ޕްރެކްޓިސް ކުރުމަކުން ޓީމުގެކޮންބިނޭޝަނާއި ބުންވަރު ރަގަޅުވާނެކަމަށް އެޕް.އޭ.އެމްގެތިބިވެރިންނަށް ހީވާކަހަލައެވެ، އެމީހުންގެ ޒިންމާ އެނިމުނީކަހަލަގޮތަކަށް މިހާރުމިވަނީ، ބަލަ އެންމެފަހުން ޤައުމީޓީމު އެކުޅުނު މެޗުގައި އިދިކޮޅުޓީމމު އެމީހުން ރާއްޖެއާއި ގެކޮޅަށް ކުޅުނު މެޗުން މޮޅުވިއެއްކަމަކު އިތުރު ޕަތެކްޓީސް މެޗުތަށް ކުޅެ ތައްޔާރުވެފައިވާކަން ފާހަގަކުރަމެވެ، އެކަމަކު ރާއްޖެ 2 ދުވަހު ބެމީހުން ދެކޮޅަށް ބޯޅަތަޅާލާފައި މެޗުކުޅެލަން ނިކުތީމާ ވާނެގޮތްއެވަނީ. އިންޑިޔާ މީހާރު އެގުރޫޕުން ހޮވިފައިވާއިރު އަހަރެމެން ކިހިނެއް އެފެންވަރަށް ކުޅޭނީ މިގޮތަށް ތައްޔާރުވެގެން
މްލަސްއަ
12 October 2017
އަސްލަމް ބޭރުކުރޭ ތިކަން ރަނގަޅުވާނެ
ބާކީ ދެ މެޗު އޮއްވާ އިންޑިއާ އ
12 October 2017
ބާކީ ދެ މެޗު އޮއްވާ އިންޑިއާ އިން އަންނަ އަހަރުގެ އޭޝިއަން ކަޕަށް ކޮލިފައިވެއްޖެ
އަދި
12 October 2017
މިޓީމުމިއޮތީ ބައިބައިވެ ރޫޅިފަ!
ހަސަނުބެ
12 October 2017
އެންމެ ރަނގަޅަށް ޕްރިމިއަ ލީގް ފުރަތަމަ ބުރފޯމުގަ ހުރެ ކުޅުނު ކީޕާރަކީ ކުޑައިންމަ ފައިސަލް ކުޅުނީ ދެތިން މެޗެށް ހޮކޭ އިނީ ގިނަ މެޗުގަ ބެންޗުގަ.... އެކަމު ގައުމީ ޓީމު 11ގަ މި މިމީހުން ހިމެނުނު ގޮތެއް ނުވިސްނޭ...... ބޭކާރު ބަދަލެށް 25ވަނަމިނިޓުގަ ފުރަތަމަވެސް ކުރީ ތި ހޮކޭ އެއް ލައިގެން.... ކޮރަޕްޝަން ގެ ހާއްޔެށް އެފްއޭއެމަކީ.... ކުޑަ އިންމަ ތި ހެދީ ރަނގަޅަށް
ކުޑަ އިންމަ
12 October 2017
އަސްލުބުނަން ވާހަކައެއް، އިސްކޮޅުން ދިގު މީހަކު ހުރިއްޔަ އޭނަ ކީޕަރަކަށް ނަގާނީ. ކުރު ކީޕަރަކު ވވވވ މޮޅުވެގެން ނޫނީ ޓީމަކަށް ނުނަގާނެ!!! ކުޑައިންމައަށް ވީވެސް އެހެން. ކީޕަރަށް ކުޅެން ބޭނުންވާ ކުދިންވެސް ވިސްނާލުން މުހިއްމު ކަމެއް މިއީ ތިމާގެ އިސްކޮޅޫ ދިގުތޯ އެހެން ދިވެހިންނާއި އަޅާބަލާއިރު، އެހެން ނޫނީ ރަނގަޅު ވާނީ ކީޕަރަކަށް ނުކުޅުން. 5-0 އިން ބަލީ ވީމަވެސޮ، އަދި އެމެޗުކައި ކީޕަރުގެ ކުޅުންވެސް ދަށްވިޔަސްވެސް އަދި ވެސް ފައިސަލް ދިވެހި ގޯލްގަ އެހުރީ އޭނަގެ އިސްކޮޅުގެ ސަބަބުން. ކުޑައިންމަ އަށްވެެސް އަވަރުގެ އިސްކޮޅެއް ލިބިފަހުރި ނަމަ މިއަދު ޗާންސް ލިބުނީސް ޓީމުން!!!
ބޮޑު އިންމަ
12 October 2017
އިއްމަ އިސްކޮޅު ރަނގަޅު ޖަމްޕްހައިފެފަ ހުނަރުހުރީމަ އަދި މޫވްމެންޓް ފާސްޓް އެލެވަލުގަ އެކުޅެވެނީ
ކުޑަ އިންމަ
12 October 2017
ބޮޑު އިންމަ ވެސް ނިކަން ވިސްނާލަބަލަ، ދިވެހި ޓީމްތަކަށް ހުސް ބިދޭސީ ގޯލްކީޕަރުން އައިސްގެން މިއުޅެނީ ކީއްވެތަ މިހާރު؟؟؟؟ ދިވެހިންގެ ތެރޭގައި ހުނަރު ހުރި ކީޕަރުން ނެތީތަ؟؟؟ ނޫން އެބަހުރި ހުނަރު ހުރި ކީޕަރުން ،ޒިޔަޒަން، ކުޑައިންމަ ފަދަ ކީޕަރުން އެބަހުރި. އެކަމަކު މި މީހުންގެ ހެތީ ހަމައެކަނި އިސްކޮޅު، އެހެންވެ ޓީމްތަކުން ބޭރު ކީޕަރުން ގެންނަނީ. ކުރީގެ ގައުމީ ޓީމް ކޯޗު، މަމިޗްގެ އިންޓަވިއު އެއްގައި ވެސް ބުނެފަވާނެ އޭނަވެސް އިރުޝަދު ދިންކަމަށް ދިވެހި ޓީމްތަކަށް ބޭނުންވަނީ ދިގު ކީޕަރުންނޭ!!!
ފަހުމީ
12 October 2017
ރަނގަޅަށް ތިހެދީ ހަމަ.
ތަކުރު
12 October 2017
ރަގަޅަން ތިހެދީ އަސްލަމް ޓްރޭނަރަކަން އުޅެގެން ތިކަމެން ނުވާނެ!