ބަދިގޭގައި ގިނައިރު ހޭދަނުކޮށް އެންމެ 15 މިނެޓުން ވެސް ސިއްހަތަށް ފައިދާ ހުރި ކެއުމެއް ތައްޔާރުކޮށްލެވިދާނެ އެވެ. ވަގުތު ސަލާމަތްކޮށް ފަސޭހަ އިން ތައްޔާރުކޮށްލެވޭ ކެއުންތަކާ އެކު ކެއުމުގެ ނުރަނގަޅު އާދަތަކާ ދުރުވާން ފަށަން އެންމެ ރަނގަޅީ ވެސް ރޯދަ މަހެވެ.
ދިރާގާ އެކު މިހާރު ބަދިގެ މިއަދުގެ އެޕިސޯޑުގައި ޕްރެޒެންޓަރު ޝަމްރާ ޝަމީމް (ކުޑޫ) ކިޔައިދޭނީ ވަރަށް އަވަހަށް ފަސޭހަ އިން ތައްޔާރުކޮށްލެވޭނެ ސެލަޑެކެވެ.
ބޭނުންވާނެ ތަކެތި
1 ދަޅު ޗިކްޕީ
1 ބެލްޕެޕާ
1ފިޔާ
1 ކެރެޓް
1 ކިއުކަމްބާ
1 ޓޮމާޓޯ
1 ދަޅު ކޯން
އަންނާރުކޮޅެއް
އޮލިވްސް
ލެޓިއުސް
ޕާސްލީ ކޮޅެއް
ކުކުޅު (ލޮނުމެދާއި މިކްސްޑް ހާބްސް އާއި ޕެޕްރިކާ އަދި އޮލިވް އޮއިލްކޮޅަކުން މެރިނޭޓްކޮށް ރޯފިލުވާފައި)
ޑްރެސިންއަށް
އޮލިވް އޮއިލް
ތަހީނީ
ލޮނުމެދު ގާނާފައި
ވައިޓް ވިނިގާ
ލުނބޯ ހުތް
ދިރި
ލޮނު
އަސޭމިރުސް
ތައްޔާރުކުރާނެ ގޮތް
ބެލްޕެޕާ އާއި ފިޔަ އާއި ކެރެޓާއި ކިއުކަމްބާ އާއި ލެޓިއުސް އާއި ޓޮމާޓޯ އާއި އޮލިވްސް އާއި ޕާސްލީކޮޅު ކޮށާލައި ޗިކްޕީއާ އެއްކޮށްލާށެވެ. އަންނާރުކޮޅާއި ކޯންދަޅު ވެސް އޭގެތެރެއަށް އަޅާލާށެވެ. ދެން ޑްރެސިންއަށް ބޭނުންވާ އޮލިވް އޮއިލް އާއި ލޮނުމެދާއި ވިނެގާ އާއި ތަހީނީ އާއި ލުނބޯ ހުތާއި ދިރި އާއި ލޮނާއި އަސޭމިރުސްކޮޅު އެއްކޮށްލާށެވެ. މި ޑްރެސިން ކޮށާފައި ހުރި ތަރުކާރީ އާއި ޗިކްޕީތެރެއަށް އަޅައި ރަނގަޅަށް އެއްކޮށްލާށެވެ. ލިސްޓުގައި ހުރި ތަރުކާރީގެ ބާވަތްތަކުގެ އިތުރަށް އެ މީހަކަށް ކަމުދާ ބާވަތެއް މި ރެސިޕީގައި ބޭނުންކުރެވިދާނެ އެވެ.
މިއީ ރޯދަ މަހުގެ ހުރިހާ ގަޑިއަކަށް ވެސް ސިއްހަތަށް ފައިދާ ހުރި ސެލެޑެކެވެ.