އެއްޖިންސުން ގުޅުން ހިންގި މައްސަލައެއްގެ ތުހުމަތަށް މަޖިލިހުގެ އިދާރާގެ މުވައްޒަފަކު ސަސްޕެންޑްކޮށްފި
ރައްޔިތުންގެ މަޖިލިހުގެ އިދާރާ: އެއްޖިންސުން ގުޅުން ހިންގި މައްސަލައެއްގައި މަޖިލީހުގެ މުވައްޒަފަކު ވަނީ ސަސްޕެންޑްކޮށްފައި -- ފައިލް ފޮޓޯ: މިހާރު
06 އޯގަސްޓް 2022 - 15:08
34 comments
އެއްޖިންސުން ގުޅުން ހިންގި މައްސަލައެއްގެ ތުހުމަތަށް ރައްޔިތުންގެ މަޖިލީހުގެ އިދާރާގެ މުވައްޒަފަކު ސަސްޕެންޑްކޮށްފި އެވެ.
އެ އިދާރާގެ މީޑިއާ ޑިރެކްޓަރު ހަސަން ޒިޔާއު "މިހާރު" އަށް އެ ކަން މިއަދު ކަށަވަރު ކޮށްދެއްވިޔަސް އެ ކަމާ ގުޅޭ އިތުރު ވާހަކައެއް ނުދައްކަ އެވެ.
އެކަމަކު، އެ މައްސަލައިގައި ސަސްޕެންޑް ކޮށްފައި ވަނީ މަޖިލީހުގެ އިދާރާގެ އާދައިގެ މުވައްޒަފެކެވެ.
ބަންގްލަދޭޝްގެ މީހެއް ކަމަށްވާ އަލަމްގީރާއެކު، އެކި ފިރިހެނުން އެއްޖިންސުން ގުޅުން ހިންގާ ގިނަ ވީޑިއޯތަކެއް ދަނީ މި ދުވަސްވަރު ސޯޝަލް މީޑިއާގައި ދައުރުވަމުންނެވެ.
އެކަމަކު، މަޖިލީހުގެ އިދާރާ އިން ސަސްޕެންޑްކުރި މުވައްޒަފާ، އަލަމްގީރުގެ މައްސަލައާ ގުޅޭ ކަމެއް އަދި ނޭނގެ އެވެ.
އެއްޖިންސުން ގުޅުން ހިންގި މައްސަަލައެއްގައި ފުލުހުން މިހާތަނަށް ވަނީ ހަތަރު މީހަކު ހައްޔަރުކޮށްފަ އެވެ. އެއީ ގާނޫނީ ވަކީލު ނާޒިމް ސައްތާރާއި މަޖިލީހުގެ ކުރީގެ މެމްބަރު މުހައްމަދު ނަޝީދު (ކާނަލް) އާއި ފުލުހުންގެ ޑްރަގް އެންފޯސްމަންޓްގައި މަސައްކަތްކުރި ސާޖަންޓް އަބްދުއްރަހުމާން ރަފީއު އަދި ނޫސްވެރިޔާ އަބްދުﷲ ނަސީރު އެވެ.
އެއްޖިންސުން ގުޅުން ހިންގި މައްސަލައިގައި ޓީޗަރުުންތަކެއް ވެސް ސަސްޕެންޑްކޮށްފައިވާ ކަމަށް އެޑިއުކޭޝަން މިނިސްޓްރީން އިއްޔެ ބުންޏެވެ. އެ މައްސަލައިގައި ހޯމް މިނިސްޓްރީގެ މުވައްޒަފަކު ވެސް ވަނީ ސަސްޕެންޑްކޮށްފަ އެވެ.
އަލަމްގީރާއެކު އެއްޖިންސުން ގުޅުން ހިންގި މީހުންގެ ތެރޭގައި ސަރުކާރުގެ ބައެއް މުވައްޒަފުން ހިމެނޭތީ އެ ކަން ފުލުހުން ވަނީ އެ މުވައްޒަފުންގެ އޮފީސްތަކަށް އަންގައިފަ އެވެ. އެހެންވެ، އެ މުވައްޒަފުން ވަނީ ސަސްޕެންޑް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢިޖުތިމާޢީ
08 August 2022
އަނދިރި ދައުލަތް ތިއޮތީ ހާމައަށް ފެންނަން. ނެޓްވާރކު އަޅައަޅައިގެން ހުރިހާ އިދާރާއަކާ މަޖިލިހާ، ފުލުހުންނާ، ޓީޗަރުންނާ، ސަރުކާރު އޮފީސްތަކާ، މުދިމުގެ ވެސް ޚަރާބުކޮށްފި.
މަންމަ
08 August 2022
ގާނޫނު ގެ އެއްވެސް ބާރެއް ނެތް. ބޮޑެތި ކުށް ކުރާ މީހުން މިގައުމުގަ މިތިބެނީ ގާނޫނަށްވުރެ މަތީގައި. ހުކުމްކޮށްފަ އަބަދުވެސް އެ ހުކުމް ދިފާއު ކުރަން ކޯޓުތަކުން ޖެހޭތަން ފެންނަނީ. އެކަމަކު ކުށްކުރާމީހުން ތިމަންނަ ކުށްނުކުރަމޭ ބުނުމުން އެއީދޮގުވިޔަސް އޭނާގެ ހައްގު މާމަތީގަ އޮންނަނީ. ވަރަށްވެސް ދެރަ. މިގައުމުގަ ދިރިއުޅުމަކީ ޑިޕްރެޝަން އަށް މަގު ފަހި ވާ ކަމަކަށް ވެއްޖެ. ހީވަނީ ދެންމެދެންމެ ބޮޑުރާލެއްޖަހައި އަހަރުމެން ބަންޑުން ޖަހާލަފާނެހެން.
އިމަނާ
08 August 2022
ތިޔަގިރިއަށްނާރާ މީހަކު ސަރުކާރުގެ ބޮޑުންގެ ތެރޭގައި ވަރަށް ގިނަ ވާނެކެމަށްވަނީ. އެގޮތަށް ވާހަކަ އިވެނީ. އނނވެސް ބުނަނީ ބިރެއްނެތި މަޖާކުރެވެންވާނެއޭ. ހުރިހާ ވަގުތެއްގައި ހަމައިގައި ކުރެގެންނުވާނެއޭ. އެހެން ވީމާވާގޮތް ތިޔައީ.
ދިވެހިރާއްޖޭގެ
07 August 2022
ހައް! ގޭ!! މިހާރު މި އެނގުނީ ހައްގު
އަސް
06 August 2022
ތިއަށް ވުރެ އަންހެން އަންހެން މާ ގިނަވާނެ ކަމަށް ފެނޭ. އެއީ ގޯސް ކަމަކަށް ނަހަދަނީ ބާ؟
ކުޑޭ
06 August 2022
ދެރަކަމެއް، އެކަމު ސަސްޕެންޑް ކުރުން އެއީކޮންކަހަލަ ކަމެއް
މިއޮއް ހުރިހައި ދުވަހު........
06 August 2022
މިއޮއް ހުރިހައި ދުވަހު ޤައުމުގައި ހިންގާ މިހާބޮޑު ނުބައިކަމެއް އޮތީ ސިއްރު ވެފައެވެ. ގަޓް ރައީސްގެ 5 އަހަރު ގައިވެސް މީހަކަށް ރެއަކާވެސް ނުލައެވެ. މިނުބައި ބޮޑުފާފަ ވެސް ފަޅާ މިއެރީ، ރައީސް ޞާލިޙް ގެ ދައުރުގަ އެވެ. މޫނަކަށް ކަނދުރާއަކަށް ނުބަލައި އެހެރަގެން ހިފާ ހައްޔަރުކޮށް ތަޙުޤީޤް ކުރިއަށް ދަނީއެވެ. ވިސްނައިފި ބަޔަކަށް ޢިބްރަތެވެ!
މަރުމޯލް
07 August 2022
ގަޓް ރައީސް އައީމާ ބިރަކާ ނުލާ ފާހިޝް ކަންތައްތައް ހައްދުން ނައްޓާގެންދަނީ ، ފާޅުގައި ރާގެންގުޅުމާއި ލިވާތުކުރުން ފަދަ ނުބައި މުޑުދާރު އަމަލުތައް ކުރަން ހިއްވަރު ލިބެނީ ، އެއީ ވާގޮތަކީ !!!!
ޢެލިފް
06 August 2022
ޢެއް ބަޔަކު ފޮޓޯއާއި އެކު ވަނަވަރު އާއްމުކޮށް ފަލީހަތްކޮއްފަ އަނެއް ބަޔަކުގެ އެެއްވެސް މައުލޫމާތެއް އާއްމުނުކޮށް ސިއްރުކޮށްފަ. ނޮޓް ގުޑް.
ފރހނ
06 August 2022
ކަން އެނގޭ މީހެއްގެ ހައިސިއްޔަތުން މިބުނަނީ. މީކީ މިއަދަކު އިއްޔެއަކު ފެށިގެންއުޅޭ ކަމެއްނޫން. ޒަމާނުއްސުރެވެސް ރާއްޖޭގަ ކުރަމުން އައިކަމެއް! މިއަދު ޓެކްނޮލޮޖީ ކުރިއަރައިގެން ގޮސް ކުރާ ކޮންމެކަމެއް ވީޑިއޯ ކުރެވެން އޮތީމަ މި ފަޅާއެރީ. އަދި މީ އެކަކާއެކު ގުޅުންހިންގި މީހުން، ދެން ވިސްނާލާ މުޅި ރާއްޖޭގެ އާބާދީއަށް ބަލާއިރު ކިތަށް މީހުން އުޅޭނެ؟ އެންމެ އެކަންނުކުރާނެއޭ ހީވާ މީހުންވެސް މިކަން ކުރޭ!
ކނރގ
06 August 2022
އާދެ ވަރަށް ރަގަޅުވާހަކައެއް. މުޅި މާލެތެރޭގައި ތުންތުންމަތިން އެބައެއްގެ ނަމާއި ގުޅުވައިގެން ތިފަދަ "ޔޯލަ" ވާހަކަތަށް ދެކެވޭ ފަރާތްތަށް މިކަމުގައި އުޅޭކަމަށް ޝައްކުކުރެވިގެން ފުލުހުންގެ ބެލުމުގެ ދަށަށް ގެންދެވޭކަމީ ވިސްނާލުން ރަގަޅުކަމެއް ކަމުގައި ދެކެން
މާލޭގައި ކިޔަވަން އުޅުނު ކުއްޖެއް.
06 August 2022
އަހަރެން މާލޭގައި ކިޔަވަން އުޅުނު އިރު ރައްޓެހިން މާލޭގެ ވަރަށް މަޝްހޫރު ގަދަރުވެރިންގެ ވާހަކަ ދައްކާފައި އެމީސްމީހުންނަކީ ޖީއޭވައި ބައެއްކަމަށް ބުނޭ. އަހަރެން ސްކޫލް ނިންމާފައި ވަޒީފާއަށް ވަންފަހުން މިމީސްމީހުންގެ ޙަޤީގަތް އޮފީސް މީހުން ކައިރިން ތަންކޮޅެއް ރަނގަޅަށް އެގުނު. އެޒަމާނުގައި ވެރިންގެ ތެރޭގައި މިކުޅި ވަރަށް ބޮޑު.
މުޅި ދައުލަތް ހުއްޓެނީ
06 August 2022
މިކަމުގެ ތަހްގީގަށް މީހުން ސަސްޕެންޑްކޮށް ނިމޭއިރު މުޅި ދައުލަތް ހުއްޓޭނެހެން ހީވަނީ
ޢަރުތަ
06 August 2022
ދައުލަތެއް ނުހުއްޓޭނެ، އެކަކު ނެތިއްޔާ އަނެކަކު ހުންނާނެ، މަޤާމުތަކަށް ދެން ތިބި ބަޔަކު ލައިގެން ދައުލަތް ހިންގޭނެ، މީގެ ކުރިންވެސް ހިންގީ މިހާރުވެސް އަދި ފަހުންވެސް ހިންގޭނެ.