ވިނަރެސް ފްލެޓް ގަންނަން 1413 މީހަކު ހުށަހެޅި، ހަވާލުކުރާނީ އަންނަ އަހަރުގެ ކުރީކޮޅު

ހުޅުމާލޭ ދެވަނަ ފިޔަވަހީގައި އިމާރާތްކުރަމުން އަންނަ ވިނަރެސް ފްލެޓްތައް-- ފޮޓޯ: ފަޔާޒް މުސާ/ މިހާރު

މާއިދާ މުހައްމަދު ރަޝާދު، މިހާރު

20 ސެޕްޓެމްބަރ 2022 - 11:05

ހުޅުމާލޭ ދެވަނަ ފިޔަވަހީގައި އިމާރާތްކުރަމުން އަންނަ ވިނަރެސްގެ 1344 ފްލެޓަށް އެދި 1413 މީހަކު ކުރިމަތިލާފައިވާ ކަމަށް އެޗްޑީސީން ބުނެފި އެވެ.

މާލޭ ސަރަހައްދަށް ދިމާވެފައިވާ ބޯހިޔާވަހިކަމުގެ ދަތިކަން ހައްލުކުރުމަށް ހިންގާ އެ މަޝްރޫއުގައި 10 ޓަވަރުގައި ހިމެނެނީ ތިން ކޮޓަރީގެ 1344 ފްލެޓެވެ.

އެޗްޑީސީން ބުނި ގޮތުގައި ފްލެޓް ގަތުމަށް އޮންލައިންކޮށް ފުރުސަތު ހުޅުވާލައި ދިން ދެ މަސް ދުވަހުގެ ތެރޭގައި އެ ފްލެޓް ގަތުމަށް ހުށަހެޅީ 1413 ފަރާތަކުންނެވެ. އެ މީހުންގެ ޝަރުތު ފުރިހަމަވޭތޯ ބަލާނީ ހައުސިން މިނިސްޓްރީން ކަމަށް އެޗްޑީސީން ބުންޏެެވެ.

އެޗްޑީސީން ބުނީ އެ ފްލެޓް ލިބޭ މީހުން ކަނޑައެޅުމަށް ދިރިއުޅުމުގެ ހާލަތު ބަލައި އެ މީހުންނަށް ލިބޭ ޕޮއިންޓް ތަރުތީބުން ލިސްޓުކުރެވޭނެ ކަމަށެވެ. އަދި އެ ލިސްޓު ތަރުތީބުން ޔުނިޓް ހިޔާރުކުރުމުގެ ފުރުސަތު ހުޅުވާލާނެ ކަމަށާއި އެޗްޑީސީން އެ މީހުންގެ މާލީ ގާބިލުކަން ހުރިތޯ ބަލައި، އެ ޝަރުތު ހަމަވާ މީހުންނަށް ޔުނިޓް ހަވާލުކުރެވޭނެ ކަމަށް ވެސް އެ ކުންފުނިން ބުންޏެވެ.

"ފައިނޭންޝިއަލް އެލިޖިބިލިޓީން ޝަރުތުހަމަނުވާ ފަރާތްތަކުގެ ޔުނިޓްތައް ކެންސަލްކޮށް، ވެއިޓްލިސްޓުގައިވާ ފަރަތްތަކަށް ފުރުސަތު ދެވޭނެ އެވެ،" އެޗްޑީސީން ބުނެ އެވެ.

އެ ފްލެޓްތަކުގެ އެންމެ ފަހުގެ މަސައްކަތްތައް މިހާރު ކުރަމުން އަންނައިރު އަންނަ އަހަރުގެ ފުރަތަމަ ކުއާޓާގައި އެތަން އާންމުންނާ ހަވާލުކުރެވޭނެ ކަމަށް ވެސް އެ ކުންފުނިން ބުނެ އެވެ.

ވިނަރެސް ފްލެޓްގައި ހިމެނެނީ 902 އަކަފޫޓާއި 883 އަކަފޫޓުގެ ތިން ކޮޓަރީގެ ފްލެޓްތަކެކެވެ. އެތަނުގެ ކޮންމެ ޓަވަރެއްގައި ވެސް ގްރައުންޑް އަދި ފުރަތަމަ ފްލޯ ހާއްސަކޮށްފައި ވަނީ ވިޔަފާރީގެ ބޭނުމަށެވެ.

ވިނަރެސް ފްލެޓަށް ސަރުކާރުން ކަނޑައެޅި މައިގަނޑު ޝަރުތަކީ މާލޭ މީހުންނާއި މާލޭގައި ދިރިއުޅޭތާ 15 އަހަރުވެފައިވާ މީހަކަށް ވުމެވެ.

އެޗްޑީސީ ވިނަރެސް ފްލެޓްތައް

13 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަސްލީ

20 September 2022

މާލެއެއް ރުމާލެއް ބަލާނެ ކަމެއްނެތް، މާލީ ގޮތުން މަހަކު ދައްކަންޖެހޭ އަދަދު ދެއްކޭނެ ޤާބިލުކަން ހުރި މީހުންނަށް ގުރުލާފަދީ. ތިއޮތީ އެއްވެސް ތަފާތު ކުރުމެއް ނެތި ކުރިމަތިލިމީހުންނަށް ހަމަހަމައިން އިންސާފުން ތިކަން ކުރެވެން. ބާކީވި 69 މީހުންނަށް ދެން އަޅާ ފެލްޓުން ޖާގަކަށަވަރު ސިޓީދޭނީ. އޭރުން އެޕްލައި ކުރި 100% މީހުންނަށް ފްލެޓް ދެވުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާނު

21 September 2022

ތާއީދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

20 September 2022

ދަރަނިނަގައިގެން ދައުލަތުން ސޯޝަލް ހައުސިނގް ޕްރޮޖެކްޓް ހިންގާއިރު ދައުލަތާއި ރައްޔިތުންގެމަސްލަހަތަށް ހަދާންޖެހޭޤާނޫނު ހުރޭ. # މިގޮތުން ޕްރޮޕަޓީ ނުވަތަ ބިމާއި ފުލެޓްއަމިއްލަކުރެވޭ ޤާނޫނެއްހަދާ އެޤާނޫނުގެދަށުން ފުރަތަމަ ފުލެޓާއި ބިން ޓެކްސް ފުރީކޮށް އޭނާގެނަމުގައި ރެޖިސްޓްރީކުރާ 2 ވަނަ ބިމާއި ފުލެޓުން %50 އަދި އިތުރަށްހޯދާ ކޮންމެފުލެޓަކާއި ބިމަކުން %100 ޓެކްސް ނަގާގޮތަށް ޤާނޫނުހަދައި ކުލީގެއަޅުވެތިކަމަށް ނިމުންގެނެސްގެންނޫނީ މިކަމަށްނިމުމެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

20 September 2022

ރިއަލްއެސްޓޭޓް ކުންފުނިތަކަށް ކ.އަތޮޅު މާލެސަރަޙައްދުގައި ފްލެޓްއަޅަން ދޫކޮށްލާފައި "ގޯތިބޭނުންކަމަށް އަޑުއުފުލާ މާލޭމީހާއަށްވެސް ގޯތިލިބޭގޮތަށް" ސަރުކާރުން ކެލާ، ފިއްލަދޫ، ހަނިމާދޫ، ކާށިދޫ، ކުޑަހުވަދޫ، ތުލުސްދޫ، ތ.ގުރައިދޫ، ތިމަރަފުށި، ވިލުފުށި، ލ.ގުޅިފައިވާ ރަށްތައް، ހުވަދުއަތޮޅު ތިނަދޫ، ކޮލަމާފުށި، ވާދޫ، ފަރެސްމާތޮޑާ އަދި އައްޑޫގެ ބިންހިއްކިނަމަ މިހާރު ބޯހިޔާވަހިކަމާއި ފުލެޓާއި ބިންވެސް ބޭނުން ބަޔަކަށް ފަސޭހަކަމާއިއެކު ލިބޭނެ މަގު އޮންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

20 September 2022

ކ.އަތޮޅުމާލޭގައި އޮތްކަމަށްކިޔަމުންދާ "ބޯހިޔާވަހިކަމުގެ ދަތިކަން ހައްލުކުރަންބޭނުންނަމަ" އެންމެ ރަނގަޅުގޮތަކީ ދިވެއްސެއްގެނަމުގައި 1 ފުލެޓާއި 1 ބިމަށްވުރެއިތުރުވާ ނުވަތަ އޭނާހޯދާ ބިމާއިފުލެޓްތަކަށް ޓެކްސްނެގޭނެ ޤާނޫނުހަދާ މާލެސަރަހައްދުގައި ދައުލަތުން ސޯޝަލް ހައުސިންގހެދުން ހުއްޓާލާ ރިއަލްއެސްޓޭޓް ފަރާތްތަކަށް ކަޑައެޅޭ ޝަރުތުތަކާއިއެކުގައި ފުލެޓްއިމާރާތްކޮށް ވިއްކަންހުޅުވާލުން. # ސަރުކާރުން ގަންނަފަރާތަތަކަށް ލޯނު ފެސިލިޓައިޒްކޮށްދޭން އެހީވެދީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާޒީގަރު

20 September 2022

ބަލަ އަހަރެމެން ހީކުރީ ވިހިތިރީސްހާސް މީހުން ކުރިމަތިލާނެކަމަށް، ދޮޅަހަކަށް ފުލެޓް ބިލްޑިން އަޅާލިއިރަށް ހައުސިން މާކެޓް ސެޗިއުރޭޓް ވެއްޖެ. މިވަރުން ބިލިއަނުން ތިނަގާ ދަރަނިތައް ދައްކަނީ ކިހިނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

20 September 2022

ތިތަންތަން އެފޯޑު ކުރެވޭނީ މަހުޖަނުންނައް ނޫނީ ސިޔާސީ ވަޒީފާއެއްގައި އުޅޭމީހަކައް ނޫނީ ޑުރަގު ދީލަރުންނައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުލައި2021

20 September 2022

މީ ސޯސަލް ހައުސިންއެއްނޫން ، މެދުފަންތީގެ އާއިލާ އަކަށްވެސް މަހަކު 17 ހާސް 18 ހާސް ފުލެޓުގަންނަން ދައްކައިގެން ދެކޮޅެއްނުޖެހޭނެ. މިތަންތަނަކީ ސޯސަލް ހައުސިންނަށް އެކަށީގެންވާ އަގުތަކެއްގަ ގަނެވޭނެ ތަނަކަށް ހަދަން އެބަ ޖެހޭ. އެހެންނޫނީ މިތަންތަން ގަންނާނީ މުއްސަނދިން ގަނެގެން ހަމަ ކުލީގެ ވިޔަފާރި ކުރާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

20 September 2022

ޖުލައި2021 ދަންނަވަންތޯ. ތިޔަވިދާޅުވީ މަންޒަރުގެ އެއްފަރާތް. އަނެއް ފަރާތުގައި އޮތީ ތިކަން ނުކުރެވޭނެ ގޮތް ދުނިޔެއިން ހޯދާފަ. އެއީ ފުރަތަމަފުލެޓާއި ބިން ޓެކްސްފުރީވެފަ އޭނާގެނަމުގައި ހޯދާ 2 ވަނަ ބިމާއި ފުލެޓުން %50 ޓެކްސް އަދި އިތުރަށްހޯދާ ކޮންމެ ފުލެޓަކާއި ބިމުން %100 ނެގޭފަދަ ބިމާއި ފުލެޓް ނުވަތަ ޕްރޮޕަޓީ ޤާނޫނު. # މިފަދަ ޤާނޫނަކުން "ފުލެޓް ބަނޑުއެޅުން" ހުއްޓުވޭނެ. އަދި އަގުނުއުފުލި ހިފަހައްޓަން ފަސޭހަވެގެންދާނެ. ކީއްވެ މިފަދ ޤާނޫނު ނަހަދަނީ.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލެކޮއި

20 September 2022

މަ އެޕްލައި ކުރިން. އިންޝާﷲ ޝަރުތު ހަމަވާނެ. މަހަކު 18،000 ދައްކަން ބޮޑު. އެކަމުން މި ބަލަނީ ޔާމިން2023 ކަށަވަރު ވުމުން 12،000 އަށް ތިރިކޮށްދެއްވާނެކަމަށް. އަސްލު ކުރިމަތިމިލީ އެ އުއްމީދުގަ.