ފައެއް ޖަހަން ޝަވަން އަށް އެންސްޕާ އިން އެހީވަނީ

ކުޑަކުއްޖަކު އެއް ފައިގައި ފުޓްބޯޅަ ކުޅޭތަން ފެންނަ ވީޑިއޯއެއ އާންމުވުމާ އެކު އެ ކުއްޖާއަށް ފައެއް ޖަހައިދޭން އެންސްޕާ އިން އެހީވާން ނިންމައިފި އެވެ.

ހދ. މަކުނުދޫ ކުއްޖެއް ކަމަށްވާ އުމުރުން ހަތް އަހަރުގެ އަހުމަދު ޝަވަން މުހައްމަދަކީ އުފަންވި އިރު ވެސް އެންމެ ފައެއް އިން ކުއްޖެކެވެ. އެ ކުއްޖާގެ ކަނާތު ފައި އިންނަނީ ކަކުލުހުޅާ ހިސާބަށެވެ.

ޝަވަންގެ މަންމަ، އައިޝަތު ވިޝާހު "މިހާރު" އަށް ބުނީ ޝަވަންއަށް ޕްރޮސްތެޓިކް ފައެއް ޖަހަން އެންސްޕާއިން ގުޅި ކަމަށެވެ. އަދި ދަރިފުޅުގެ މެޑިކަލް ރިޕޯޓްތައް ފޮނުވައި ދޭން އެދުނު ކަމަށް ބުންޏެވެ.

"އެންސްޕާއިން ގުޅާފައި އެދުނީ މެޑިކަލް ލިޔުންތައް ފޮނުވައިދޭން. އަޅުގަނޑު މިހާރު ހުރިހާ ލިޔުންތަކެއް ފޮނުވާފައި ހުންނަނީ،" ވިޝާހު ބުންޏެވެ.

ސޯޝަލް މީޑިއާގައި މިހާރު ދައުރުވަމުން އަންނަނީ މަކުނުދޫ ސްކޫލުގައި މިދިޔަ ހޯމަ ދުވަހު ފެށި އިންޓަ ހައުސް ފުޓްބޯޅަ މުބާރާތުގައި، ދުވެލި ހައުސްގެ 41 ނަމްބަރު ކުޅުންތެރިޔާ ޝަވަމް ކުޅޭ ތަނެވެ. އެއް ފައިގެ އެހީގައި ދަނޑުމަތީގައި ދެ ފަރާތަށް ދުވެ، ކުޅެން އުޅޭ މަންޒަރަށް ގިނަ ބައެއްގެ ސަމާލުކަން ވަނީ ހުއްޓިފަ އެވެ.

Emme fayakaa eku mi kujjaa mi dhakkanee ajaibeh kahala hivvareh

The most trusted news source in the Maldives

Mihaaru

އާޓިފިޝަލް ފައެއް ޖެހުމަށް ޝަވަމް އެއް އަހަރުގައި އިންޑިއާއަށް ވެސް ދިޔަ އެވެ. ފައިގައި އެއް ސެންޓި މީޓަރު ބޭރަށް އިންނަ ކަށި ކޮޅު ނެގުމަށްފަހު ފައެއް ޖަހައިދޭނެ ކަމަށް ހޮސްޕިޓަލުން އޭރު ބުންޏެވެ.

އެކަމަކު، ދަރިފުޅަށް އިތުރު ތަކްލީފެއް ދޭން ބޭނުން ނުވާތީ އޮޕަރޭޝަން ނުކޮށް އެ ފަހަރު އިންޑިއާއިން އައީ އެވެ. ވިޝާހާ ބުނީ ޝަވަން އަށް ފައެއް ޖެހުމަކީ ކުރަން ބޭނުން ނަމަވެސް ފައިސާފެ ދަތިކަން ހުރުމުން ނުވެ އޮތް ކަމެއް ކަމަށެވެ.

"މާލީ ހާލަތު ހުރި ގޮތުން ނުވެފައި ހުރީ. ވަރަށް އުފާވެއްޖެ މިކަން ވީމަ،" ވިޝާ ބުންޏެވެ.