ހުޅުމާލެ 2 ގައި ފަހިދިރިއުޅުން ކޯޕަރޭޝަނުން ފްލެޓުތަކެއްގެ މަސައްކަތް ކުރަމުން އަންނަނީ.-- ފޮޓޯ: ފަޔާޒު މޫސާ | މިހާރު
08 އޯގަސްޓް 2023 - 11:26
32 comments
ގެދޮރުވެރިޔާ ސްކީމުން 13،000 ފްލެޓަށް މީހުން ޝަރުތު ހަމަވާ ކަމަށް ހައުސިން މިނިސްޓްރީން މިއަދު ބުނެފި އެވެ.
އެ މިނިސްޓްރީގެ ސްޓޭޓް މިނިސްޓަރު އަދި ފްލެޓް ކޮމިޓީގެ ޗެއާ، އަކްރަމް ކަމާލުއްދީން "މިހާރު" އަށް ވިދާޅުވީ ދެ ކޮޓަރި އާއި ތިން ކޮޓަރީގެ 13،000 ފްލެޓަށް ޝަރުތު ހަމަވިޔަސް، ޖޮއިންޓް ވެގެން ކުރިމަތިލި މީހުންނާ އެކު، ޝަރުތު ހަމަވާ މީހުންގެ އަދަދު 15،000 އަށް އަރަ އެވެ.
ދެމަފިރިން ވެސް، ވަކިން ފްލެޓަށް ކުރިމަތިލައި، ޝަރުތު ހަމަވެފައި އެބަތިއްބެވެ. އަކްރަމް ވިދާޅުވީ ދެމަފިރިން ފްލެޓަށް ޝަރުތުހަމަވާ ނަމަ އޭގެ ތެރެއިން އެކަކު ފްލެޓު ދޫކޮށްލަންޖެހޭނެ ކަމަށެވެ. އެއީ އަބަދުވެސް އަމަލުކުރަމުން އަންނަ އުސޫލެކެވެ.
ސަރުކާރުގެ ގެދޮރުވެރިވެރިޔާގެ ސްކީމުގެ ތެރެއިން ހަދާ ފްލެޓުތަކަށް ހުޅުވާލުމުން 20،000 އަށް ވުރެ ގިނަ މީހުން ކުރިމަތިލި އެވެ. އޭގެ ތެރެއިން 14،400 މީހުން ކުރިމަތިލީ ތިން ކޮޓަރީގެ އެޕާޓްމެންޓަށެވެ. އަދި 6،200 މީހުން ކުރިމަތިލީ ދެ ކޮޓަރީގެ އެޕާޓްމެންޓަށެވެ. ސަރުކާރުން ވަނީ، އެ ސްކީމަށް ޝަރުތު ހަމަވާ އެންމެންނަށް ފްލެޓު ދޭން ނިންމައިފަ އެވެ.
އެ ސްކީމްގެ ދަށުން މިހާރު އަންނަނީ ހުޅުމާލޭގައި 8،000 ފްލެޓެއްގެ މަސައްކަތް ކުރަމުންނެވެ. އޭގެ ތެރެއިން، 4،000 ފްލެޓް ހަދަން ހަވާލުކުރީ އިންޑިއާގެ ޖޭއެމްސީ އަދި އެންބީސީސީއަށެވެ. އެ އިން ކޮންމެ ކުންފުންޏަކަށް 2،000 ފްލެޓް ހަދަން އިންޑިއާގެ އެގްޒިމް ބޭންކުން ދެ ލޯނެއްގެ ގޮތުގައި 227 މިލިއަން ޑޮލަރު ހަމަޖައްސައިދީފައި ވަނީ ދިވެހި ސަރުކާރުން ސޮވެރިން ގެރެންޓީ ދީގެންނެވެ. އެއީ 116.45 މިލިއަން ޑޮލަރު އަދި 110.5 މިލިއަން ޑޮލަރުގެ ލޯނެކެވެ.
އެ ފްލެޓުތަކުގެ މަސައްކަތް އަންނަނީ ކުރަމުންނެވެ.
އޭގެ ބާކީ 4،000 ފްލެޓު އަޅަން ފަހި ދިރިއުޅުން ކޯޕަރޭޝަނުން މިިދިޔަ ބުދަ ދުވަހު އަނެއްކާ ވެސް ވަނީ އިންޑިއާގެ އިތުރު ކުންފުންޏަކާއެކު ސޮއިކޮށްފަ އެވެ. ކަލްޕަޓަރު ޕްރޮޖެކްޓްސް އިންޓަނޭޝަނަލް ލިމިޓެޑް ނަމަކަށް ކިޔާ ކުންފުންޏާ އެ މަޝްރޫއު ހަވާލުކުރީ 2.5 ބިލިއަން ރުފިޔާއަށެވެ.
އޭގެ އިތުރަށް ބޭނުންވާ ފްލެޓުތައް އެޅުމުގެ މަޝްވަރާތައް ކުރަމުން އަންނަ ކަމަށް ވެސް އަކްރަމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިއްކިބިން
08 August 2023
ފްލެޓްބެހުން މީ ސަރުކާރުތަކުން ވ ދޯދިޔާކޮށް ކުރާ ކަމެއް. ރަށުގަ ގެ ހުރެ ފްލެޓް، އިއްޔެ މާލެ އައި މީހުނަށްވެސް ފްލެޓް، ދެމަފިރިންނަށްވެސް ފްލެޓް، ރަށުގަ އުޅެމުން މާލެއިން ފްލެޓް، އެކި ސްކީމްން ފްލެޓް މީ ހަގީގަތް. މިގޮތަށް މިކަން ކުރުމަކީ ބޮޑު ބޭއިންސާފެއް. އިހުމާލެއް، ބިޔަ އިސްރާފެއް. ދެކޮޅުޖެހޭ ކަމެެއް ނޫން. ހަގީގީ މައްސަލައަށް ހައްލެއް ލިބޭނެކަމެއް ނޫން. މިއަށްވުރެ މާ ތާހިރުވާނެ މާލެ ސަރަހައްދުގަ އެކަނި މީހުުންއުޅެން ސިޔާސަތެއް ރަސްމީކުރީމަ
ޝޮކްތެރަޕީ
08 August 2023
ޝަރުތުހަމަވޭ އަޅަނީ 4ހަސް ފްލެޓު. 13ހަސް މީހުން ސަރުތުހަމަވޭ. ކީކޭ ބުނާނީ.
ވޯޓް
08 August 2023
އަންނަ ރިޔާސީ ދައުރުގަ ފްލެޓް ދޭނަމަ ވޯޓް ނުލިބޭނެ .............. ސޮރީ ....... ސޮރީ....... ސޮރީ
ސިމްޕަލް
08 August 2023
ހަސަނު ގޯތި އާދަނު ޝަރުތު ހަމަނުވީ، މާލޭގައި ދިރިއުޅޭތާ ވީ 18 އަހަރުގެ ތެރެއިން 4 އަހަރު ރާއްޖެއިން ބޭރުގައި ސަރުކާރުގެ ވަޒީފާއެއްގައި ހުރީމަ.
އިންތި،
08 August 2023
3 ވަނަ ދައުރަކައް ހޮވިއްޖެއްޔާ ތިޔަފުލޭޓު ލިބޭނި
ނީލަމު
08 August 2023
އެއްދައުރުން ބުރިޖާ ފުލެޓު އެޅިމީހުންނައް ތިކަންވާނި މަނިކުފާނު ކަހަލަ ސުލޯމީހަކައް ތިކަމެއް ނުވާނެ
ހިންދު
08 August 2023
ވަހީދު ވެރިކަމުގަވެސް މިދައުރައް ވުރެ ގިނަ ފުލެޓު އެޅި ދެެން ދެދަރުރު ދިނަސް މިކަމެއ ނުވާނެ
13000 ޓީޗަރުން
08 August 2023
ތިޔައީ ލައިސަންސެކޭކިޔައި އުމުރުދުވަސް ތަޢްލީމީދާއިރާގައި ހޭދަކުރި އެތައްހާސް މުދައްރިސުން މަގުމަތިކުރުވަން ހަނި 1 ސެޓްފިކެޓަކަށް ބަލަންނިންމި ޕާޓީ. މިރާއްޖޭގެ ސެޓްފިކެޓް ވިއްކާ ކޮލެޖްތަކުން ތިޔަބުނާ ހަނި ޑިގްރީ 4 އަހަރުން ކިޔަވައިދޭނެ ފައިސާހޯދަން. ކިތައް ގައުމުގައިތޯ 4 އަހަރުގެ ފޭސް ޓު ފޭސް ޓީޗިން ޑިގްރީއަކަށް ނަގައިގެން ނޫންގޮތަކަށް އުގަންނައިދިނުން މަނާ ކިޔަނީ؟ ކޮރަޕްޓްވީމަ ގަވައިދު ފުޅާވާނެ
މިސްބާ
08 August 2023
ފުލެޓު ދޮންބެ މިހާރު އެމުޑީޕީ ދޫކޮއް ގޮސްޕި ދެން ނުވާނެ ތިކަމެއް
ގުލުމީ
08 August 2023
ފުލެޓު ބޮޑުއަގުގަ ބިން ހިލޭ
ގުދުގުދާބެއްޔާ
09 August 2023
ކަލޭ މޮޔަނުވޭ! ގޯތި މާލޭ ރައްޔިތުންނަށް ދެނީ އެހެން ރަށް ތަކުން އެރަށުމީހުންނަށް ގޯތި އުސޫލުން! ކަލޭ ހީކުރީ ދައުލަތުގެ ފައިސާއެއީ ރަށް ރަށުގެ މީހުންގެ އެކަނި ތަރިކަ މުދާކަމަށްތަ؟