ގުޅިފަޅުން ގޯތި ލިބުނު ބަޔަކު ގޯތި ލިބުނު ސަރަހައްދު ބަލާލަނީ-- ފޮޓޯ: ނިޝާން އަލީ / މިހާރު
07 ނޮވެމްބަރ 2023 - 13:04
48 comments
މާލެ ސަރަހައްދުން ދޫކުރާ ގޯތީގެ ރަޖިސްޓްރީގެ ބޮޑު ބައެއް ހަވާލުކޮށްފައިވާ ކަމަށާއި އަންނަ ހޮނިހިރު ދުވަހުގެ ކުރިން ހުރިހާ ކަމެއް ނިންމާނެ ކަމަށް ޕްލޭނިން މިނިސްޓްރީން މިއަދު ބުނެފި އެވެ.
ބިންވެރިޔާ ސްކީމްގެ ފުރަތަމަ ބުރުގެ ދަށުން، ހުޅުމާލެ، ގުޅީފަޅު އަދި ގިރާވަރުވަޅުން ގޯއްޗަށް ހުޅުވާލުމުން 20،000 އެއްހާ މީހުން ކުރިމަތިލި އެވެ. އެކަމުގެ އެއްބަސްވުމުގައި މިދިޔަ އޮގަސްޓް 27 އިން ފެށިގެން އަންނަނީ ސޮއިކުރަމުންނެވެ.
މިނިސްޓްރީން އޭރު ބުނީ މިދިޔަ އާދިއްތަ ދުވަހުގެ ކުރިން ގޯތީގެ އިން ކަނޑައި، ރަޖިސްޓްރީ ހަވާލުކުރާނެ ކަމަށެވެ.
ޕްލޭނިންގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވީ ގޯތި ލިބުނު ގިނަ މީހުންނަށް ރަޖިސްޓްރީ ހަވާލުކޮށްފައިވާ ކަމަށެވެ. މިހާރު ސޮއިނުކޮށް، ރަޖިސްޓްރީ ހަވާލުނުކޮށް ހުންނާނީ ގުޅިފަޅުގެ ގޯތީގެ ރަޖިސްޓްރީތައް ކަމަށް އޭނާ ވިދާޅުވި އެވެ.
އަކްރަމް ވިދާޅުވީ ގޯތީގެ ރަޖިސްޓްރީއާ ހަވާލުވާން ނާންގާ 1،500 އެއްހާ މީހުން އެބަތިބި ކަމަށެވެ. އެކަމަކު، ކުރިއަށް އޮތް ދެ ދުވަހެއްގެ ތެރޭގައި ވެސް އެ މަސައްކަތްތައް ނިންމާލާނެ ކަމަށް ވިދާޅުވި އެވެ.
"ރަޖިސްޓްރީ ބަލާ ނާންނަ މީހުންގެ ރަޖިސްޓްރީއާއެކު ނޮވެމްބަރު 11ގެ ކުރިން ޕޯޓަލްއަށް ރަޖިސްޓްރީތައް ހުށަހަޅާނަން." އަކްރަމް ވިދާޅުވި އެވެ.
ސަރުކާރުން ވަނީ މާލެ ސަރަހައްދުން 18،955 މީހުން ގޯއްޗަށް ޝަރުތު ހަމަވާކަމަށް ކަނޑައަޅައިފަ އެވެ. އެއީ؛
- ގުޅިފަޅުން 2،218 ގޯތި
- ހުޅުމާލެއިން 1،351 ގޯތި
- ގިރާވަރުފަޅުން 5،432 ގޯތި
ބިންވެރިޔާ ސްކީމްގެ ދެ ވަނަ ބުރަށް ކުރިމަތިލުމުގެ މުއްދަތު މިދިޔަ މަހުގެ 24 ވަނަ ދުވަހު ހަމަވިއިރު، ގޯއްޗަށް 19،347 ފޯމު ހުށަހެޅި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއުނިމާ
08 November 2023
ހުޅުމާލެ އިން ދީފަހުރި ގޯތިތައް ނަގާ އެހެންތަނަކަށް ބަލަކުރަންޖެހޭ
ހަސީނ
08 November 2023
ރަޖިސްޓްރީ ދީފައި އޮތަސް ކަންވަކިކުރަން (އިންފާރު ރާނަން) އެޗްޑީސީ އަށް ދިއައިމަ ބުނީ އެކަން ކޮށްދެވޭކަށް ނެތޭ. ހައުސިންގ މިނިސްޓްރީން އޮތީ އެކަން ހޯލްޑް ކުރަން އަންގާފައޭ. އެހެންވީމައި ގޯތި މިދިނީ މޮހަށް އޮޑިދޭހެން. ދެން ބުނާނީ ގޯތި އަތުލަން ޖެހިއްޖޭ ކަންނޭންގެ. ކޮންމެ ކަމަކުން ރައްޔިތުންނަށް އޮޅުވާލުން.
ދޮން ހަސީނާ
08 November 2023
ބިންބެހި ގޮތާއި މެދު ނޫސްވެރިން، އޭސީސީ ފަދަ ފަރާތްތަކުން އަނގައިން ނުބުނަނީ ކީއްވެބާ؟ މިމީހުނަށްވެސް ގޯތި ލިބުނީހެން ހީވަނީ...
ވޯލް
08 November 2023
އެއީ އޭގައި ގޯހެއް ނެތީމަ. ގޯސްއޮތް ނަމަ އެ ލިބުނު މީހުން، މިހާރު ފުލެޓް ނުލިބިގެން އުޅޭ މީހުންތައް ހެން މައްސަލަ ޖައްސާ އަޑުގަދަކުރަން ޕްލޭނިންގ މިނިސްޓްރީގައި ތިބޭނީ.
ހުސައިން 803
08 November 2023
ހައްޤު ހޯދަން ނުކުންނަ ނިކަމެތި މީހާގެ ލޮލަށްޖަހަނީ ސްޕްރޭއެވެ. އިންވެރިންނާއި ބޮޑުން ހިމާޔަތުގައި ގެންގޮސް އަރުވަނީ ބެންޒު ކާރަށެވެ. މިއީ މިޤައުމުގެ ހާލަތެވެ. މިހެންވެ ބޮޑެތި ވެރިން ބޮޑުވެ ބޭނުންހާ ގޮތެއް ހަދާލާނެތާއެވެ. ޤައުމުގެ އިންސާފުގެ ހާލަތު މިދަރަޖައަށް ވެއްޓުނީ ހައިބަތުބޮޑެތި ވެރިންނާމެދު ފިޔަވަޅު ނޭޅުމާއި ކުއްވެރިނުވުމެވެ. މުއައްސަސާތަކުންވެސް އިންސާފާއި ހައްޤު ނުލިބޭނެކަން އެގޭތީ ރައްޔިތުމީހާ ހުންނަނީ މާޔޫސްކަމުގައެވެ.
ނޫރާނީގޭ އިބޫ
08 November 2023
ބިންވެރިން ދައުލަތަށް ބައިރުފިޔާއެއްވެސް ދައްކަންނުޖެހޭއިރު އާދައިގެ ފުލެޓްގަނޑު ލިބުނުމީހާ މިޖެހެނީ މުޅި ޢުމުރު ކުލިދައްކަ ދައްކާ ހުންނަން. ދަރީންނާއި ދަރީންގެ ދަރިންވެސް ދަރަނިވެރިވެފައި. އެކަމަކު ބިންވެރިޔާ، ވިޔަފާރިވެރިޔާއަށް ބިން ކުއްޔަށްދިނުމަށްފަހު ދުބާއީގައި ނުވަތަ އިނގިރޭސިވިލާތުގައި ނުވަތަ އެހެންވެސް ބޭރުގެ ކަރައެއްގައި އަމިއްލަ ފުލެޓްގައި ފައިވްސްޓާ ފެންވަރުގައި އުޅުން މީތޯ އިންސާފަކީ؟؟
ވޯލް
08 November 2023
ޤާނޫނުތަކާއި ގަވާއިދުތައް ރަގަޅަށް އެނގުން މުހިންމު ކޮންމެޓް ކުރުމުގެ ކުރިން. ދީފައި ހުރީ ބަންޑަރަ ގޯތި އަދި އެކަން އެއީ ރާއްޖޭގެ އެހެން ރަށްރަށުގައިވެސް ބަންޑާރަ ގޯތިދޭ ގޮތް. މިފަހުން މާފުއްޓާ އައްޑޫ އިންވެސް ބިން ދީފަ. ފުލެޓްއަކީ އެމާރަތެއް ދައުލަތުން އެތަން ނަގަންޖެހޭ ހާލަތުގައިވެސް ފުލެޓްގެ އަގު ދޭންޖެހޭނެ އޭގެވެރިމިހާއަށް. ރަށްރަށުގައި ހުރި ގޯތީވެސް ގެސްޓްހައުސް އަޅަން ކުއްޔާ ދިފަ ތިޔަ ބުނާ ޤައުމުތަކުަގިެވސް އެބަ އުޅޭ.
ދަ ޑިމޮކްރެޓސްް
08 November 2023
ހަމަޔާއި އިންސާފުން ބޭރުންކުރާ މިކަހަލަ ކަންތައް ބަލަންޖެހޭނެ. ވެރިކަންނިމުމުގެ ކުރިން އަރިސްކުދިންކޮޅާއި ބޮޑެތިކުދިން ބޭނުންވާ ފަރާތްތަކަށް ގޯތިބަހާ ނިންމާލުމަކީ ވަރަށް ބޭއިންސާފުން ކުރިކަމެއް. އަކަފޫޓެއް 4 ހާހުން މަތީގައި މާކެޓުގައި އަގުތައްހުރިއިރު 2ހާސް އަކަފޫޓު ލިބޭމީހާއަށް އެލިބުނީ 8 މިލިޔަން ރުފިޔާ ހިލޭ. ތިޔައިން ފުލެޓެއްގެ އަގު ތިންހަތަރު މިލިޔަނުގައި ހުރިއިރު މުޅިޢުމުރަށް މިޖެހެނީ ފައިސާ ދައްކަން. ކޮބައިތޯ އިންސާފަކީ؟؟
ވޯލް
08 November 2023
ބަންޑަރަ ގޯތި ދިނީ ފުލެޓް އެއީ ބޭނުން ކޮށްމެ އިރެއްގައި ވިއްކާލެވޭ ނުއުފުލޭ ހަރު މުދަލެއް. ކަންކަން އެއްފަޅިން ބެލިމާ ފެންނާނީ ނާއިންސާފު. މިއީ މާލެ ރައްޔިތުންގެ އޮތް ބޯހިޔާވަހި ކަމުގެ ދަތިކަން ފިލުވަން ހިންގި ޕްރިޖެކްޓެއް. މިއޮތް ހުރިހާ ދުވަހު އެކި ރަށްރަށުގައި ދިރިއުޅޭ މީހުންނަށް ދަންދެން މި ސަރަހައްދުން ފުލެޓްދިން އެކަމަކާ މީހުން މައްސަލައެއް ނުޖައްސާ. ތިކޮންމެ ފުލެޓެއްގެ އަގު މާކެޓްގައި މިލއަނުން މަތިވާނެ.
އަލް އުސްތާޒު
08 November 2023
ހުޅުމާލެއިން އެއްބަޔަކަށް ވަރަށް ބޮޑު އަގުގައި ގޯތި ވިއްކާފަ، އަނެއް ބަޔަކަށް ކެމްޕޭން ތެރޭ ހިލޭ ބަހާލީމާ އެއީ އިންސާފުތޯ؟ މި ލާ އިންސާނީ ބޮޑު ކޮރްޕްޝަން ބަލަން ޖެހޭ. މިކަން ހުެްޓުވަން ޖެހޭ
ދެރަ
08 November 2023
ތިޔަ ރަޖިސްޓަރީ ތަކުގެ ވެރިންގެ ލިސްޓް ހާމަނުކުރި ސަބަބެއް ބަލަން ބޭނުންވާ މީހަކު މިޤައުމަކު ނުވެސް ނެތް. އެވާހަކަ ދައްކާލާނެ ނޫސްވެރިއަކުވެސް ނެތް. ފުލެޓް ލިސްޓް އިޢުލާނުކުރިއިރު ކީއްވެގެންތޯ ގޯތިތައް ލިބުނު މީހުންގެ ނަންތައް އިޢުލާނު ނުކުރަންވީ؟
ވަރަށްބޮޑަށް ދެރަ
08 November 2023
ފްލެޓް ލިބުނު މީހުންގެ ލިސްޓު އާންމުކުރި ގޮތަށް ގޯތި ލިބުނު މީހުންގެ ވެސް މަޢުލޫމާތު އާންމުކުރި.. ދެރަ އަށް އެކަން ނޭނގުމަކީ ވަރަށް ދެރަކޮށް ހިނގާފަ އޮތް ކަމެއް.
ސީތާ
08 November 2023
ޖައްވުގައި ހަދާފައިހުރި ތަންކޮޅެއްދޭންވީމާ ޕޮއިންޓާއި ޝަރުޠާއި ދެންވެސް ހުރިއެއްޗަކުން މިއުޅެނީ ސަލާމަތްނުވެގެން. އެކަމަކު އޭގެ އެއްހާސްގުނަ އަގުބޮޑު ބިންތައް ބަހަންވީމާ އެއްވެސް ހަމައެއްލަމައެއް އިންސާފެއްނެތް. ގޯތީގެ ރަޖިސްޓަރީ ޙަވާލުކުރާ މީހުންގެ ނަންތައް އިޢުލާނުކުރުމެއްވެސް ނެތް. ވެރިކަމުގެ ފަހުވަގުތުވެސް ބޮޑުވެގެންވާ ޖަރީމާތައް ހިންގަނީ. މުޢިއްޒު ހުވާކުރުމަށްފަހު މިހުރިހާ ކަމަކަށް އިންސާފު ޤާއުމުކޮށްދެއްވާނޭކަމަށް އުންމީދުކުރަން.
މާކުންބޭ
08 November 2023
މިރޭސިސްޓް ކޮށް އިބްރާހީމްގެ ރޭސިސްޓް ޓީމުން ދިން ހުރިހާ ގޯއްޗަކާ ފްލެޓްތައް ކެންސަލްކޮށް ހައްޤުވާ އެންމެނަށްވެސް ފްލެޓް ދިނުމަށް ގޮވާލަން، ބިމަކީ އެންމެހާ ރައްޔިތުންގެ ހަރުމުދާ ގޯތި ވަކިބަޔަކަށް ވަކި ނަސްލަކަށް ބަލައިގެން މަދުވެގެން 15 ވަރަކަށް މިލިއަން ގޯތިތައް ހިލޭ ބެހުމަކީ ގޯތި ނުލިބޭ މީހުންގެ ހައްޤުތައް ގެއްލޭކަމެއް، މިކަން ހުއްޓާލަން ޑރ މުއިޒްގެ ސަރުކާރަށް ގޮވާވާލަން.