ޚަބަރު / އިބްރާހިމް ފައިސަލް (ކުރީގެ ޓުއަރިޒަމް މިނިސްޓަރު)

އިސްކަންދެނީ ޓޫރިޒަމަށް އާ ރަށްތައް އިއުލާން ކުރާކަށް ނޫން، ނުހެދި ހުރި ރަށްރަށް ހަދަން: މިނިސްޓަރު

ރައީސް ޑރ. މުއިއްޒު ޗައިނާ އަށް ކުރެއްވި ފުރަމާނަ ދަތުރުފުޅުގައި ބޭއްވި ބައްދަލުވުމެއގައި ޓޫރިޒަމް މިނިސްޓަރު ފައިސަލް ބައިވެރިވެވަޑައިގަންނަވަނީ.

އަހުމަދު ހަމްދޫން، މިހާރު

14 ޖެނުއަރީ 2024 - 11:45

9 comments

ރިސޯޓު ހެދުމަށްޓަކައި އާ ރަށްތައް ދޫކުރުމުގެ ބަދަލުގައި މި ސަރުކާރުން އެންމެ ބޮޑު އިސްކަމެއް ދެނީ ނުހެދި ހުރި ރިސޯޓުތައް ހަދަން ކަމަށް ޓޫރިޒަމް މިނިސްޓަރު އިބްރާހިމް ފައިސަލް ވިދާޅުވެއްޖެ އެވެ.

"މިހާރު" އާ ވާހަކަ ދައްކަވަމުން ފައިސަލް ވިދާޅުވީ، ނުހެދި ހުރި 63 ރަށުގެ މައްސަލަތައް ހައްލު ކުރުމުގެ މަޝްވަރާ މިހާރު ވަނީ ފަށާފައި ކަމަށެވެ. އެކަމަކު، ވިދާޅުވީ ރާއްޖޭގައި ރިސޯޓެއްގެ ގޮތުގައި އާ ރަށެއް ތަރައްގީ ކުރަން ގާބިލް ކުންފުންޏަކުން ޕްރޮޕޯސަލް ހުށަހަޅައިފި ނަމަ އެ ކަމާ ވިސްނަވާނެ ކަމަށެވެ.

މިނިސްޓަރު ވިދާޅުވީ، އެ 63 ރަށް މާކެޓަށް ނެރުމަކީ ވަރަށް ބޮޑު ގޮންޖެހުމެއް ކަމަށާއި އެ މީހުންނަށް ސަރުކާރުން ކޮށްދެވޭނެ ކަންކަން ބަލަމުން އަންނަ ކަމަށެވެ.

"ލީސް އެގްރީމަންޓް ބަދަލުކުރަން ބޭނުންވާ ފަރާތްތަކަކީ ކޮބައިތޯ ވެސް ބަލަމުން މިދަނީ. އެ ގޮތަށް ބޭނުންވާ ބަޔަކު ވެސް ތިބެދާނެ. އެ ބޭފުޅުންގެ ލިސްޓެއް ހަދައިގެން ބައްދަލު ކުރަމުން މިހާރު ގެންދަނީ. އަޅުގަނޑު މި ބަލަނީ އެ މަސައްކަތްތައް ވަރަށް އަވަހަށް ނިންމައި ކުރިއެރުންތަކެއް ހޯދަން،" ފައިސަލް ވިދާޅުވި އެވެ.

އޭނާ ވިދާޅުވި ގޮތުގައި ރިސޯޓުތައް ނުހެދި ލަސްވާ އެންމެ ބޮޑު މައްސަލައަކީ ރާއްޖޭގައި އިންވެސްޓްމަންޓް ބޭންކެއް ނެތުމެވެ. ހަތަރު ތަރީގެ ރިސޯޓެއްގެ މަސައްކަތް ނިންމައިލަން 25 މިލިއަނެއްހާ ޑޮލަރު ހަދަރު ވާއިރު، ޓޫރިޒަމް ސިނާއަތަށް އަލަން ވަންނަ މީހުންނަށް އެ ވަރުގެ އިންވެސްޓްމަންޓަކަށް ފައިސާ ދެވޭނެ ބޭންކެއް ރާއްޖޭގައި ނެތް ކަން ފައިސަލް ފާހަގަކުރެއްވި އެވެ.

"ރަށެއް ލިބުނީމާ އިކުއިޒިޝަން ކޮސްޓް މި ދައްކާލެވެނީ. އެ ދައްކާލާފައި އުޅެނީ އިންވެސްޓަރެއް ހޯދަން. އެއް ބަޔަކަށް އިންވެސްޓަރުން ލިބިފައި އަނެއް ބަޔަކު އިންވެސްޓަރާ އެކު މަސައްކަތް ފަށާފައި ވަކި ހިސާބަކުން މަސައްކަތް ހުއްޓެނީ،" ރިސޯޓުތައް ނުހެދި ދިގުލައިގެންދާ މައްސަލާގައި މިނިސްޓަރު ވިދާޅުވި އެވެ.

އޭނާ ވިދާޅުވީ، ނުހެދި ރިސޯޓުތަކުގެ މައްސަލާގައި ހައްލެއް ހޯދަން މަޝްވަރާ ކުރިއަށް ގެންދަނީ ވަރަށް އެކުވެރި މާހައުލެއްގައި ކަމަށެވެ. އެހެންވެ، ސަރުކާރުން އެހީތެރިކަން ބޭނުން ނަމަ އެ އެހީތެރިކަން ނުވަތަ ލީސް އެއްބަސްވުން ބަދަލުކުރަން ބޭނުން ނަމަ އެ ގޮތަށް މަސައްކަތް ކުރައްވާނެ ކަމަށް ފައިސަލް ވިދާޅުވި އެވެ.

މިނިސްޓަރު ވިދާޅުވީ، ޗައިނާއަކީ ވަރަށް ބޮޑެތި އިންވެސްޓަރުން އުޅޭ ގައުމަކަށް ވާތީ، އެ ގައުމުން އިންވެސްޓަރުން ހޯދައިގެން ޓޫރިޒަމް ދާއިރާ އަށް އެހީތެރިކަން ލިބޭތޯ ވެސް މަސައްކަތް ކުރައްވާނެ ކަމަށެވެ.

ޓޫރިޒަމް އެންޑް އެންވަޔަރަންމަންޓް މިނިސްޓްރީ ރިސޯޓްތައް އިބްރާހިމް ފައިސަލް (ކުރީގެ ޓުއަރިޒަމް މިނިސްޓަރު)

9 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

16 January 2024

ހޫނ. ރެޒޯޓުތައް ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމީީ

15 January 2024

ތީ ތިކަން ކުރަން އެންމެ ރަނގަޅު ގޮތް މިވަގުތު. ބޭނުންވަނީ ރިސޯޓުތައް އަވަހަށް މާކެޓަށް ނެރެލުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެކްސް

14 January 2024

ދެން ރިސޯޓު ތަކުން މިލިއަނުން ޓެކްސް މާފު ކޮށްދީ. ކިހިނެއް ވާނެ ވިނަރެސް ގެ ބޮޑު އަގު ކުޑަކޮށްދިނިއްޔާ؟ ހިޔާ އަށް މިހާރު ދައްކަން ޖެހެނީ 3000 ރުފިޔާ އެކަމަކު ވިނަރެސް ކުލި 20،000 ހުން 18000 ހަށް ކުޑަ ކުރީ. ވައުދު ވީ އެވަރެޖް ކޮށް 4000 ކުޑަ ކޮށްދޭން. އެއެވެސް އިންސާފެއް ހަމައެއް ލަމައެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަސދދަސަސ

14 January 2024

ޓެކްސް މާފް ކޮށްލަދީ. ޖޫރިމަނާ މާފްކޮށްލަދީ. ރެންޓް މާފް ކޮށްލަދީ. މިހުރީ ހައްތާވެސް ކުރެވޭނެ ކަންކަން ބޮޑެތި ވިޔަފާރިތަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

14 January 2024

ރާއްޖޭގެ އިޤްތިސޯދި ހިފެހެއްޓުމަށްބޭނުންނަމަ މިވަގުތު ކުރާން އެންމެމުހިންމުކަމަކީ ދައުލަތުން ސޮވަރެންޓީދީގެން ނުވަތަ ޗައިނާލޯނުއެހީގައި ނޫންނަމަ އިންވެސްޓަރ ފައިނޭންސް އުސޫލުންކަމަށްވިޔަސް ހަނިމާދުއާއި ގޭން އިންޓަރނޭޝަނަލް އެެއަރޕޯޓްގައި ބީޗްކޮޓަރިވެސް ހިނެނޭގޮތަށް 1000 ކޮޓަރީގެ ޓްރާންސިޓްހޮޓަލެއް ޤާއިމްކޮށް (އިންފްލައިޓް ކޭޓަރިން އަދި ޓަމިނަލްލައުންޖް ހިދުމަތްވެސް ދޭގޮތަށް) ދުނިޔޭގެމަޝްހޫރު ހޮޓެލްޗައިންއަކަށް 50 އަހަރަށް މެނޭޖްމަންޓް ދޫކޮށްލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

14 January 2024

އެކަންކުރެވޭ ފެންވަރު އެއްވެސްގޮތަކުންނެތް މީހުންނަށް ކޮންމެވެސް އެހެން ބޭނުމެއްގައި ރަށްތައް ދިނީމާ ވާނީ މިހެންނެވެ. ކޮންމެވެސް މީހަކަށް ރަށެއް ދިނީމާ 10 ވަރަކަށް ޕަސެންޓް ލިބުނަސް ކޮންމެސް ބޭރު ފަރާތަކަށް ރަށްދީގެން ރިސޯޓްހަދަނީއެވެ. އެއްވެސް ބުރައެއް ޚަރަދެއް ނުކޮށް 5 ޕަސެންޓް ލިބުނަސް ހެޔޮތާއެވެ. އޭގެ ބަދަލުގައި ދައުލަތުގެ ކުންފުންޏަކުން ބޭރުން ލޯނު ނަގައިގެންވިޔަސް ރިސޯޓް ހަދާފައި އާންމުކޮށް އިއުލާނުކޮށްގެން އިންސްޓޯލްމަންޓަށް އަގުއަދާކުރާގޮ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

14 January 2024

ގާބިލް ކަން ނެތް މީހުންނަށް ރިސޯޓް ހަދަން ރަށް ދިނީމަ ވާގޮތެކެވެ. ނުހެދި އެގްރީމަންޓް ގެ މުއްދަތު ހަމަ ވެފަ ހުރި ރަށްތައް ސަރުކާރަށް ނަގަން ވީ އެވެ. ނޫނީ ނުހުޅުވާ ހުރުމުގެ ސަބަބުން ސަރުކާރަށް ލިބޭ ގެއްލުމުގެ ބަދަލު ނަގާފަ އިތުރު މުއްދަތެއް ދޭން ވީ އެވެ. ޖީބަށް ކަޓެއްލާފަ ނުހެދި ހުރި ރަށް ތަކަށް ލުއި ތަކާ އަދި މުއްދަތު ވެސް ދީފަ ބެހެއްޓުމުގެ ބޭނުމެއް ނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

14 January 2024

ތިއީ ވަރަށް ބޭއިންސާފު އަދި ކޮރަޕްޝަންގެ އަމަލެއް. ވާދަވެރި އެތައް ބަޔަކާއި އެކުގައި ބިޑަށް ކުރިމަތިލައިގެން ނެތް ފެންވަރު ހުރިކަމަށް "ދޮގު މައުލޫމާތު ދީގެން" ބިޑް ކާމިޔާބު ކުރުމަށްފަހު އެއްބަސް ވުމާއި އެއްގޮތަށް ރަށްތަރައްޤީކޮށް ރިސޯޓްހިންގާން ނުފަށާނަމަ ދައުލަތުން ކުރާންޖެހޭކަމަކީ އެއްބަސްވުން އުވާލާ އަލުން ރަށް ބިޑަށް ހުޅުވާލުން. އޭގެ ބަދަލުގައި ކުރާން ތިއުޅޭ ކަމަކީ "މަކަރުވެރިންނަށް އެހީތެރިވެ" އަދި އެމީހުންނަށް ވާގުވެރިވުން. ތިކަން ހުއްޓާލާ.