އީސީގެ މެމްބަރުކަން ދެ ދައުރު އަދާކޮށްފި ނަމަ އިނާޔަތާ އެކު ރިޓަޔާވެވޭ ގޮތަށް އުސޫލު ހަދައިފި

އިލެކްޝަންސް ކޮމިޝަނުން މީގެ ކުރިން ބޭއްވި ނިއުސް ކޮންފަރެންސްގައި އެ ކޮމިޝަންގެ މެމްބަރުންނާއި އެސްޖީ ބައިވެރިވެވަޑައިގަންނަވަނީ.-- ފޮޓޯ: ފަޔާޒު މޫސާ/ މިހާރު

އާސިމާ ނިޒާރު، މިހާރު

12 މާޗް 2024 - 12:17

31 comments

އިލެކްޝަންސް ކޮމިޝަން (އީސީ) ގެ މެމްބަރުކަން ދެ ދައުރު އަދާކޮށްފައިވާ ނަމަ ރިޓަޔާވެވޭ ގޮތަށް އެ ކޮމިޝަންގެ ގަވާއިދަށް އިސްލާހު ގެނެސްފި އެވެ.

މިިދިޔަ މަހުގެ 28 ގައި އީސީން ނެރެ، އެ ދުވަހު އަމަލުކުރަން ފެށި ގަވާއިދުގައި ވަނީ އެ ކޮމިޝަންގެ މުވައްޒަފުން އަދި ކޮމިޝަންގެ މެމްބަރުންނަށް މުސާރަ އާއި އިނާޔަތްތަކާއި އިތުރުގަޑީގެ ފައިސާ ދިނުމުގެ އުސޫލު ކަނޑައަޅައިފަ އެވެ.

ކޮމިޝަންގެ މެމްބަރަކަށް 40،000ރ. ލިބިވަޑައިގަންނަވަ އެވެ. ރައީސާއި ނައިބު ރައީސަށް އިނާޔަތްތަކާއެކު އެއަށްވުރެ އިތުރަށް ލިބިވަޑައިގަންނަވާނެ އެވެ.

އެ އުސޫލުގައިވާ ގޮތުން، ރިޓަޔާކުރުމުގެ ދަރަޖައާ އެކު، ވަޒީފާ އިން ވަކިކުރެވޭނީ، އުމުރުން 55 އަހަރު ފުރި، އީސީ އަށް މަދުވެގެން 15 އަހަރު ހިދުމަތް ކޮށްފައިވާ ނަމަ އެވެ. ކޮމިޝަންގައި ވަޒީފާ އަދާކުރަމުން ދަނިކޮށް، އީސީގެ ކޮމިޝަނަރަކަށް އައްޔަން ކޮށްފި ނަމަ، ރިޓަޔާކުރާއިރު ހިދުމަތުގެ މުއްދަތު ބަލާނީ އެ އަހަރުތައް ވެސް ހިމަނައިގެންނެވެ.

ނަމަވެސް، ކޮމިޝަންގެ މެމްބަރަކު ރިޓަޔާވާއިރު އުމުރުން 55 އަހަރުވާކަށް ނުޖެހޭނެ އެވެ. އެ ކޮމިޝަނަށް 10 އަހަރު ހިދުމަތް ކޮށްފައިވާ ނަމަ، މުޅި އުމުރަށް ލިބޭ އިނާޔަތްތަކާ އެކު ރިޓަޔާ ކުރެވޭނެ ކަމަށް ގަވާއިދުގައި ބުންޏެވެ.

އެ އުސޫލުގެ ދަށުން ރިޓަޔާ ކުރާއިރު، އެއްފަހަރާ ގަނޑުކޮށް ދޭ ފައިސާ އިނާޔަތެއްގެ ގޮތުގައި އެ މީހަކު ހުރި ރޭންކަށް ކަނޑައަޅާފައިވާ މުސާރަ އާއި ހިދުމަތްކުރި އަހަރު ގުނަކުރުމުން ޖެހޭ އަދަދަށް ވާ ފައިސާ އެއްފަހަރާ އެ މީހަކަށް ލިބޭނެ އެވެ. އަދި މަހުން މަހަށް އެ މީހެއްގެ މުޅި އުމުރަށް ދެވޭ އިނާޔަތެއްގެ ގޮތުގައި އެ މީހަކު އެންމެ ފަހުން ހުރި ރޭންކަށް ކަނޑައަޅާފައިވާ މުސާރައިގެ 75 ޕަސެންޓް ރިޓަޔާމަންޓު ޕޭގެ ގޮތުގައި ދޭންވާނެ އެވެ.

ނަމަވެސް، އެ މީހަކު ހިދުމަތްކުރި އަހަރު 15 އަހަރަށް ވުރެ އިތުރުވެފައިވާ ނަމަ ގަނޑުކޮށް އެއްފަހަރާ ފައިސާ ދިނުމުގައި ބަލާނީ 15 އަހަރަށެވެ.

އީސީން މި ގެނައި ބަދަލުގެ ދަށުން ކޮމިޝަންގެ ފަސް މެމްބަރުންގެ ތެރެއިން ހަތަރު މެމްބަރުންނަށް މިހާރު ވެސް ރިޓަޔާކުރެވޭނެ އެވެ. އެއީ؛

- ކޮމިޝަންގެ ރައީސް ފުއާދު ތައުފީގު

- ނައިބު ރައީސް އިސްމާއިލް ހަބީބު

- މެމްބަރު މުހައްމަދު އާސިފް

- މެމްބަރު އަލީ ނަޝާތު

އީސީގައި ކުރިން ވެސް މަސައްކަތް ކުރައްވައި އަދި ކޮމިޝަންގެ މެމްބަރުކަން 10 އަހަރު ކުރެއްވުމަށް ފަހު، ހަބީބްގެ ދައުރު މާދަމާ ހަމަވާނެ އެވެ. ގާނޫނު ބުނާގޮތުން، އީސީގެ މެމްބަރުކަން ކުރެވޭނީ ގިނަ ވެގެން ދެ ދައުރެވެ.

އިންތިހާބުތަކާ ބެހޭ ކޮމިޝަނުން، އެ ކޮމިޝަންގެ މުވައްޒަފުންނާއި މެމްބަރުން ރިޓަޔާވުމުގެ އުސޫލެއް ހަމަޖެއްސިއިރު، އެނގިފައިވާ ގޮތުގައި މިނިވަން މުއައްސަސާތަކުން ވަނީ އެ ކޮމިޝަންތަކުގެ މެމްބަރުންނަށް ރިޓަޔާމަންޓު ޕެކޭޖެއް ހަމަޖައްސައިދިނުމަށް ހުށަހަޅައިފަ އެވެ. ނަމަވެސް، ރައްޔިތުންގެ މަޖިލީހުގެ ތެރެއިން އަދި އެ މަސައްކަތެއް ކުރިއަކަށް ނުދެ އެވެ.

އިލެކްޝަންސް ކޮމިޝަން ރިޓަޔަމެންޓް

31 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޭރޭ

13 March 2024

ގަދަމީހާ ގަދަވާނޭ...ބަލިމީހާ ބަލިވާނޭ....ހަބީބުމެންނަކީ ހަޔާތްކުޑަ ބައެކޭ ބުނާ ހިތެއް ނެތް އެކަމަކުވެސް..ވާަދޯ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާކުއްދާ

12 March 2024

ގާނޫނު އަސާސީގެ 176 ވަނަ މާއްދާއިން އިލެކްޝަންސް ކަމިޝަންގެ މެމްބަރުންގެ މުސާރައާއި އިނާޔަތް ކަނޑައެޅުމުގެ ބާރު ލިބެނީ ރައްޔިތުންގެ މަޖްލިހަށް. ކަމިޝަންގެ ގަވާއިދަކުން ނިންމޭނެކަމެއް ނޫން އެއީކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢީސީ ހަބީބު

12 March 2024

ޙަބީބުމެން ލަދެއް ހަޔާތުގެ ކަންފުޅެއްވެސް ނެތީތަ ؟ މެމްބަރުކަމުގެ ޓާމު ހަމަވާން 2 ދުވަހަށްވީމާ ބޮޑު ސްކޭމެއް ތިޔަ ހިންގާލީ ނިތްކުރިއަށް އެންމެ ރުލެއްވެސް އަރުވާނުލާ. ޙެޔޮނުވާނެ ތިހާ އަމިއްލަ އެދުން ބޮޑުވާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިފޮނިޓައްޕު ކުމާރު

12 March 2024

ފުއާދުބޭ އެހެލާން އޭނާއަށް ގޮތެއް ހަމަޖައްސައިދިނީހެން ހީވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމޭއްތަ

12 March 2024

މީވެސް ކިހާ ވަރުގަދަ ކަމެއް. މުޅި އުމުރަށް އެޕާޓްމަންޓާ ދަރިންގެ ޚަރަދާ އިންނާނެ މީހަކުވެސް ހަމަޖައްސަދޭން ގަވައިދު ހަދާބަލަ. ހެޔޮނުވާނެ. ކަލޭމެންގެ އަމިއްލަ ފައިސާއެއް ނޫނޭ ތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިދު

12 March 2024

މިހާރުދޭ މަޖުލިސް މެންބަރުންނަށްފުލުހުންނަށްސިފައިންގެ މީހުންނަށްފަނޑިޔާރުންނަށްދައުލަރުގެ ރުފިޔާއިން ވަކި ބަޔަކު ހިންގާ ބޮޑު ޖަރީމާ, ގަވާއިދު އަމިއްލަ އަށް ހަދާގެން ފޭރެނީ, އެކަމާއި ގުޅިގެން ފިޔަވަޅު އަންތިބޭ މީހުންނަށްވެސް ބަޔެއް އެބަ އަޅާ. އާމުންނަށް އޮތީ ﷲ އަށް ވިކީލު ކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިދު

12 March 2024

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިދު

12 March 2024

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރއޔތ

12 March 2024

މިއީ ރައްޔިތުންނަށް ކޮންފަދަ ލާބައެއް؟ މަޤާމުގައިތިބޭއިރު މުސާރަދޭންއެބަޖެހޭ. މަޤާމުން ވަކިވުމުން މިއަރަނީ ބަލަދު. ކިހާލާބަވާނެ! ރައްޔިތުންނަށް މިއޮންނަނީ ޚަރަދުކުރުން. 65 އަހަރު ޓެކްސްދައްކައި، މިކަހަލައެންމެނަށް މުސާރައާއި ޢިނާޔަތްތައްދީހަދައި އެއުމުރުފުރުނީމަ މިލިބޭހާވެސް އެއްޗަކީ 5000 ރުފިޔާ. އަދިއެއިން ޓެކުސްވެސް ދައްކަންޖެހޭ. މިކަހަލަކަންތައް ވަގުތުންވަގުތަށް ހުއްޓުވަންއެބަޖެހޭ. ރ. މުޢިއްޒޫ މިކަންހުއްޓުވާ. މަޖިލީހުގެ ރައީސޫ މިކަންހުއްޓުވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންނަގޮތް

12 March 2024

މިފަދަ ނިންމުން ތަކުން މުޅި މާލިއްޔަތު ހުސްވަނީ... މިކަހަލަ ކަންކަން އިސްލާހު ކުރޭވޭނެ ވެރިޔަކު ނެތީތަ، މިކަހަލަ ކަންކަން އިސްލާހު ކުރާނެ ބާރު ހުރި މުއައްސަސާއެއް ނެތީތަ،، މިކަހަލަ ކަންކަން އިސްލާހު ކުރާނޭ މަޖިލިސް މެންބަރުން ނެތީތަ،،.