ޚަބަރު / އާދަމް ޝަރީފް (ލޯކަލް ގަވަމަންޓް މިނިސްޓަރު)

މަސައްކަތްތެރިންގެ ރައްކާތެރިކަމަށް މަސައްކަތް ކުރަންވިތާ ވަރަށް ދުވަސްވެއްޖެ: މިނިސްޓަރު

ދުނިޔޭގެ މަސައްކަތްތެރިންގެ ސަލާމަތާ ބެހޭ ބައިނަލްއަގުވާމީ ދުވަސް ފާހަގަކުރަން ބޭއްވި ކޮންފަރެންސް ފެށުމުގެ ރަސްމިއްޔާތުގައި ޑިފެންސް މިނިސްޓަރު އާދަމް ޝަރީފް ވާހަކަދައްކަވަނީ-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

27 އެޕްރީލް 2017 - 20:15

9 comments

މަސައްކަތުގެ މާހައުލުގައި އުޅޭ މީހުންގެ ރައްކާތެރިކަމާއި ސަލާމަތަށް މަސައްކަތް ކުރަންވިތާ ވަރަށް ދުވަސްވެއްޖެ ކަމަށް ޑިފެންސް މިނިސްޓަރު އާދަމް ޝަރީފް މިއަދު ވިދާޅުވެއްޖެ އެވެ.

ދުނިޔޭގެ މަސައްކަތްތެރިންގެ ސަލާމަތާބެހޭ ބައިނަލްއަގުވާމީ ދުވަސް ފާހަގަކުރަން އެސްޓީއޯ އާއި މޯލްޑިވްސް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (މަސީ) ގުޅިގެން ބޭއްވި ކޮންފަރެންސް ފެށުމުގެ ރަސްމިއްޔާތު ޝަރަފުވެރިކޮށްދެއްވައި ވާހަކަދައްކަވަމުން މިނިސްޓަރު ވިދާޅުވީ ރައްކާތެރިކަމުގެ ފިޔަވަޅު އެޅުމަކީ ވަރަށް މުހިއްމު ކަމެއް ކަމަށާއި އެހެން ނޫންނަމަ ހިތާމަވެރި ހާދިސާތައް ހިނގުން އިތުރުވާނެ ކަމަށެވެ.

ދުނިޔޭގެ މަސައްކަތްތެރިންގެ ސަލާމަތާ ބެހޭ ބައިނަލްއަގުވާމީ ދުވަސް ފާހަގަކުރަން ބޭއްވި ކޮންފަރެންސް ފެށުމުގެ ރަސްމިއްޔާތުގައި ބައިވެރިވި ބައެއް މީހުން-- ފޮޓޯ: ހުސެއިން ވަހީދު/ މިހާރު

"ވަރަށް ގިނަ ފަހަރު ދިވެހީން ރައްކާތެރިކަމުގެ ފިޔަވަޅު ހުރި ނަމަވެސް އެ ބޭނުން ނުކުރާ ފަހަރު އާދޭ. އެކަމަކު ސަލާމަތީ ފިޔަވަޅު އަޅައިގެން މަސައްކަތް ކުރުމަކީ ވަރަށް މުހިއްުމު ކަމެއް،" ޗަމްޕާ ސެންޓްރަލް ހޮޓެލްގައި ބޭއްވި ރަސްމިއްޔާތުގައި މިނިސްޓަރު ވިދާޅުވި އެވެ.

މިނިސްޓަރު ވިދާޅުވީ އަޅަންޖެހޭ ސަލާމަތީ ފިޔަވަޅުތައް ނޭޅުމުގެ ސަބަބުން މައްސަލަތައް ދުވަހުން ދުވަހަށް އިތުރުވަމުން ދާ ކަމަށާއި އެންމެ މުހިއްމު ވަސީލަތަކީ އިންސާނީ ވަސީލަތް ކަމަށެވެ.

"އެ ވަސީލަތްތައް ކޮބައިތޯ ބަލައި އެ ވަސީލަތްތަކުގެ ސަބަބުން ވެގެންދާނެ މޮޅުތައް އެނގުން ވަރަށް މުހިއްމު ވާނެ ކަން ފާހަގަކޮށްލަން،" މިނިސްޓަރު ވިދާޅުވި އެވެ.

އޭނާ ވިދާޅުވީ އިމާރާތްތަކާއި ދޯނިފަހަރު ފަދަ ތަންތަން އަލިފާނުން ރައްކާތެރިވުމަށް އަޅަންޖެހޭ ފިޔަވަޅުތަކުގެ އުސޫލެއް އެކުލަވާލުމަށް އެޓާނީ ޖެނެރަލް (އޭޖީ) އޮފީހަށް ހުށަޙަޅާފައިވާނެ ކަމަށެވެ.

"އޮކިޔުޕޭޝަނަލް ސޭފްޓީ އެންޑް ހެލްތް ކޮންފަރެންސް" އަކީ މަސައްކަތްތެރިންގެ ރައްކާތެރިކަމާ ބެހޭގޮތުން ފުޅާ ދާއިރާއެއްގައި މަޝްވަރާކުރަން ބޭއްވި ކޮންފަރެންސެކެވެ. އެކި ދާއިރާތަކުގައި މަސައްކަތް ކުރަމުން އަންނަ މީހުން ވެސް ބައިވެރިވި މި ކޮންފަރެންސްގައި މަސައްކަތްތެރިންނަށް ދިމާވާ އެކި މައްސަލަތަކާއި ކުރާ މަސައްކަތާ ގުޅިގެން ދިމާވާ ސިއްހީ މައްސަލަތަކާ ގުޅޭގޮތުން ވެސް ވާހަކަދައްކާފައި ވެ އެވެ.

އެސްޓީއޯ މުވައްޒަފުން މަސީ ޑިފެންސް މިނިސްޓަރު އާދަމް ޝަރީފް (ލޯކަލް ގަވަމަންޓް މިނިސްޓަރު)

9 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލީ

02 May 2017

https://mihaaru.com/news/10640 މީގެ އަޕްޑޭޓެއް މިހާރު ނޫހުން ހޯދަދީބަލަ. ލިންކުގެ ހަބަރުގައިވަނީ މުސާރަ ބޮޑުކުރުމަށް މަސައްކަތްތަކެއް ކުރާވާހަކަ. ސަރުކާރުން މިގޮތައްދައްކާ ވާހަކައިގެ އަސްލު ފަހުން ބެލުމަކީވެސް މިފަދަ ކަންތައްތަކަށް ބަދަލު ގެނެވޭނެކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

29 April 2017

މަސައްކަތުގެ މާހައުލަކީ ހަމައެކަނި އެއްގަމެއްނޫން އަދި ކޮންސްޓްރަކްޝަން ސައިޓްތަކެއްނޫން، ރައްކާތެރިކަން ހޯދައިދޭންޖެހޭ ކަނޑުގައި ދިރިއުޅޭ މަހަށް އަދި ހެދެމުންދާ މުރަކައަށްވެސް، އެސޮރުމެންގެ ރައްކާތެރިކަމަށް ކާކުތޯ އިސްކަންދެނީ، އެކަމަކު ކަނޑާއި މޫދާއި ރަށްރަށުގެ ބީޗުތަކުން ލިބޭ އާމްދަނީ ދިވެހިން ދިރިއުޅެނީ، އެހެންކަމުން ޤައުމީލެވަލްފައި ރައްކާތެރިކަން ފުޅާކޮށް ހަގީގަތަކަށް ހަދަންެޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒާނާ

28 April 2017

މަށަށް މައްސަލައަކީ ވަޒީފާގެ ބިރު ދައްކައިގެން ޕީޕީއެމް އަށް ވައްދަން އުޅޭތީ. އާ އެެހެންޏަ. ދުވާލު ދެދަޅަޔަށް ޕާޓީއަށް ވަންނަން އާދޭސް ކުރަމުން އޮފީސްތަކުގެ ތެރޭގައި ދުވޭވިއްޔަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު

28 April 2017

ތިޔައީ އަގައިން ހިފަހައްޓާ މީހެއް.ހުރަވީ ބިލްޑިންގ ގައި ހުރި އަލިފާން ނިވާ ފުޅިތައް 2015 އޮގަސްޓަށް ވަނީ މުއްދަތު ހަމަވެފައި..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިލްބާބު ހަބީބު

28 April 2017

އަނގައިއިންވެސް އެބަހިފަހައްޓާތާ؟ މިވައްތަރު މީހުން ބަލާފަ އެފަދަ ތަންތަނަށް ލާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުބޭބެ

27 April 2017

މަސައްކަތުގެ ރައްކާތެރިކަމަށްވުރެ ފުރާނައިގެ ރައްކާތެރިކަން މާމުހިންމު އެކަންނުކުރެވެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

27 April 2017

ރައްކާތެރިކަން މިއޮތީ ރާއްޖެއިން ވަރަށް ސާފްކޮށް ފެންނާނެ ،،،، އޮފީހުގައި ދަންވަންދެން މަސައްކަތްކޮއްފައި ގެޔަށް އައިސް ލިފްޓުން މައްޗަށް އެރުމުގެ ބަދަކުގައި މިދާންޖެހެނީ ސަހަރާއަށް ،، މީހާގެ މަސްގަނޑު މާރުކޭޓްގައި މަސްކަނޑާއުސޫުލުން ކަނޑާހުސްވެގެން ދަނީ ،،،،، ދެންހުރިހާ ދީނީ މީހުން ޓްވީޓްކުރަނީ ،،، ނުސީދާގޮތަކަށް ވެރިމީހާވެސް ބުނަނީ އެއްވާހަކައެއް ،،، އެހެންވީމައި ރާއްޖޭގައި ރައްކާތެރިކަން އޮތްވަރު މިއޮތީ ފެންނާން ،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުވާނެއޭ

27 April 2017

މަސައްކަތް ތެރި ކަމަށް ރައްކާތެރި ކަން ގާއިމް ކުރުމަށް ޓަކައި އެމްއެންޑީއެފް އިން މިހާރު މަސައްކަތް ތަކެއް ކުރަމުން އަންނަ ކަން މަމެން ވެސް ފާހަގަ ކުރަމެވެ. އެކަމަކު އަދިވެސް އެއްގޮތަކަށް ވެސް އެކަމަށް މަސައްކަތް ނުކުރަނީ އެއީ ޓްރާންސްޕޯރޓް އޮތޯރިޓީ އެވެ. ހަގީގަތުގައި ރާއްޖެ އަށް ވަޒީފާ އަށް އަންނަ ހުރިހާ ބިދޭސީން ޖެހޭނެ ފުރަތަމަ އެމެންނަށް ވޯކް ވިސާ ދިނުމުގެ ކުރިން މޯލްޑިވްސް ސްވިމިންގް އެސޯސިއޭޝަން އިން ދޭ ސްވިމިންގް ތަމްރީން ޕްރޮގްރާމް ގައި ބައިވެރި ވެ އެއިން ސެރޓިފިކެޓް ހާސިލް ކުރަން. އެއިރުން އެހެން ނަމަ މިއަދު މިމަރުވި ދެ މީހުން މަރުނުވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިކުސް

27 April 2017

މަސައްކަތް ތެރިންގެ ތަފާތު ގެންގުޅެނީ ހުދު ސަރުކާރުން ކަން ފާހަގަ ކޮއްލެވޭ ، މިކަން ހާމަ ވެގެންދާނީ ، ސަރުކާރުގަ މަސައްކަތް ކުރާ މުއްޒަފެއްގެ މަސައްކަތް އޮނިގަޑާއި ޕްރައިވެޓް ސެކްޓަރ ގަ މަސައްކުރާ މުއައްޒަފެއްގެ އޮނިގަނޑާއި އަލާ މިނަ ކިރާލީމަ.