ނޫސްވެރިކަމުގެ ލައިފްޓައިމް އެޗީވްމަންޓް އެވޯޑު އައްބާސް އިބްރާހިމަށް

ނޫސްވެރިކަމުގެ ލައިފްޓައިމް އެޗީވްމަންޓް އެވޯޑު ލިބިވަޑައިގެންނެވި އައްބާސް އިބްރާހީމަށް، އިސްލާމިކް ޔުނިވާސިޓީގެ ޗާންސެލާ މުހަންމަދު ޝަހީމް އަލީ ސައީދު އެވޯޑު ހަވާލުކޮށްދެއްވަނީ -- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

12 އޮކްޓޯބަރ 2017 - 11:15

5 comments

މޯލްޑިވްސް މީޑިއާ ކައުންސިލް (އެމްއެމްސީ) އިން ދެމުން އަންނަ ނޫސްވެރިކަމުގެ ލައިފްޓައިމް އެޗީވްމަންޓް އެވޯޑު، މި ދާއިރާ އަށް ބައި ގަރުނު ހިދުމަތް ކޮށްދެއްވާފައިވާ "އާފަތިސް" ނޫހުގެ މަސްއޫލުވެރިޔާ އައްބާސް އިބްރާހިމަށް ރޭ ލިބިވަޑައިގެންފި އެވެ.

ރޭ ދަރުބާރުގޭގައި ބޭއްވި ނޫސްވެރިންގެ އެވޯޑު ދިނުމުގެ ހަފުލާގައި އައްބާހަށް އެވޯޑު ހަވާލުކޮށްދެއްވީ އިސްލާމިކް ޔުނިވާސިޓީގެ ޗާންސެލާ ޑރ. މުހައްމަދު ޝަހީމް އަލީ ސައީދެވެ.

ނިޝާން އިއްޒުއްދީނުގެ އިއްޒަތުގެ ވެރިޔާ އައްބާހަކީ ނޫސްވެރިކަމުގެ ހުރިހާ ދައުރެއް ތަޖުރިބާކުރައްވައި އެ ދާއިރާ އަށް އެކި ސިފައިގައި ހިދުމަތް ކޮށްދެއްވި މަދު ބޭފުޅުންގެ ތެރޭގައި ހިމެނިވަޑައިގަންނަވާ ބޭފުޅެކެވެ. އަދި ބައެއް ނޫސް މަޖައްލާތަކުގެ މަސްއޫލުވެރިކަމާއި އެޑިޓަރުކަން ވެސް އޭނާ ވަނީ ކުރައްވައިފަ އެވެ.

ރޭ ނޫސްވެރިކަމުގެ އެވޯޑު ލިބުނު ބައެއް ނޫސްވެރިންނާ އެކު އައްބާސް -- ފޮޓޯ: ނިޝާން އަލީ/ މިހާރު

ނޫސްވެރިކަމުގެ ތެރެއަށް އައްބާސް ވެންނެވީ މަޖީދިއްޔާ ސްކޫލުގައި ތައުލީމް ހާސިލްކުރެއްވިއިރު ސަރުކާރުގެ ހަބަރު ނޫހުގެ ކުޑަކުދިންގެ ސަފުހާ ހާ ހިސާބުންނެވެ. އަދި ކިޔަވާ ވިދާޅުވުމަށް ފަހު އޭނާ ވަނީ ނޫސްވެރިކަމާ އަމަލީ ގޮތުން ގުޅިވަޑައިގެންފަ އެވެ.

ނޫސްވެރިކަމުގައި އައްބާސްގެ އެންމެ ފުރަތަމަ ރަސްމީ މަސައްކަތަކީ ސަރުކާރުން އޭރު ނެރުނު ވިޔަފާރި މިއަދު ނޫހަށް ބޭރު ދުނިޔޭގެ ހަބަރު ލިޔުއްވުމެވެ. އަދި މަޖީދިއްޔާގެ މުސްކުޅި ދަރިވަރުންގެ ޖަމިއްޔާއާ އެކު 1960 ވަނަ އަހަރު ސަރުކާރުގެ އެހީތެރިކަމާ އެކު "ފަތިސް" ނަމުގައި ނޫހެއް ނެރުއްވުގައި އުޅުއްވި އެވެ.

އެ ޖަމިއްޔާ އުވިގެން ދިޔަ ކަމުގައި ވިއަސް އަމިއްލަ ޗާޕު މެޝިނެއް ހޯއްދަވައިގެން އެ ނޫސް ގޭގައި ޗާޕް ކުރައްވައިގެން ނެރުއްވި އެވެ. އޭގެ ފަހުން "އާފަތިސް" ނަމުގައި ވަރަށް ގިނަ އަހަރުތަކަކަށް ދެމިގެން ދިޔަ ވަރުގަދަ، ޒަމާނީ ނޫހެއް އޭނާ ނެރުއްވަން ފެއްޓެވި އެވެ. އެ ނޫހަކީ ވަރަށް ބަޔަކު ނޫސްވެރިކަމުގެ ބިންގާ އެޅި ނޫހެއް ވެސް މެ އެވެ.

ރޭގެ ހަފުލާގައި އައްބާސް ވާހަކަ ދައްކަނީ -- ފޮޓޯ: ނިޝާން އަލީ/ މިހާރު

ނޫސްވެރިކަމަށް އޭނާ ކުރެއްވި މަސައްކަތުގެ އަގުވަޒަންކުރުމުގެ ގޮތުން ސަރުކާރުން ވަނީ 1985 ވަނަ އަހަރު ހިތްވަރު ދިނުމުގެ އިނާމު ދެއްވައިފަ އެވެ. އަދި ހަބަރާއި މައުލޫމާތު ދެތުރުމުގެ ދާއިރާއިން 2004 ވަނަ އަހަރު ވަނީ އާއްމު ހިދުމަތުގެ ޝަރަފުވެރިކަމުގެ އިނާމު ދެއްވައިފަ އެވެ.

ނޫސްވެރިކަން މޯލްޑިވްސް މީޑިއާ ކައުންސިލް ނޫސްވެރިން ލައިފްޓައިމް އެޗީވްމަންޓް އެވޯޑު

5 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަނިކުދަރި

13 October 2017

ދިވެހި ޑިމޮކްރެޓިކް ސަރުކާރުގެ ފުރަތަމަ ޕްރެސް ސެކެޓްރީ އަށް އޭނާގެ ނޫސްވެރިކަމުގެ ހުނަރުތައް އުނގެނެން ލިބުނީ އާފަތިސް ނޫހުގައި އޭނާ (މެދުކެނޑުމާއިއެކު) ޚިދްމަތްކުރެއްވި 18 ވަރަކަށް އަހަރު ތެރެއެެވެ. ޝުކްރިއްޔާ ޢައްބާސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

12 October 2017

ތެދުފުޅެށް އައްބާސް އިބްރާހިމްއަކީ ނޫސްމަޖައްލާހައްދަވައިގެން އާފިހެއް އާދޭތޯ އަބަދުވެސް މަސައްކަތްކުރެއްވި ބޭފުޅެށް ،، އަސްލުގައި ކޮންމެ ފަތިހަކުން އިރުގެ ދޯދިތަކުން އެފެށެނީ މުޅިންއާދުވަހެއް ،،، ކޮންމެމީހަކީވެސް އާމިޙެއް ،،، މިދެންނެވީ ގަމީހާއި ފަޓްލޫނުގެ އެތެރޭގައި އިންނަ އަސްލުމީހާގެ ވާހަކަ ،،، އައްބާސްގެ އަޅުގަނޑަށް އެންމެ ފާހަގަކޮއްލެވޭ ކަމަކީ އެބޭފުޅާގެ އަޑުގެންގުޅުއްވާ ގޮތް ،، ޙާއްސަކޮށް ކީރިތި ގުރުއާންގެ ތަރްޖަމާތަށް ކިޔާލާއިރު ،، ހަމަ އަޑުއަހާލާ ހިތުން އަޑުއަހާލެވޭނެ ،، ، އެބޭފުޅާގެ ހަޔާތުގައިވެސް ކުއްލި ޝޮކެއް ލިބިގެންދިއައީ އެކްސިޑެންޓްއެއްގައި ދަރިޔަކު ދުނިޔެއަޅާދިއުމުން ،،، އެއީ ވަރަށްވެސް ސަކަމިޒާޖެއްގެ އެންމެނާވެސް ގުޅޭ ވަރަށް ފައްކާ ސޮރެކޭ ދެންނެވޭނީ ،، މިދަނޑިވަޅުގައި އޭނާއަށް ﷲ ސުވަރުގޭގެ އަޖައިބްތަށް ދައްކަވާ އެތަނުގެ އުޅުމުގެ ހެތޮރަހްމަތް ލެއްވުމަށް އެދި ދުއާދަންނަވަން ،، އައްބާސް ކުރެއްވި ނޫސްވެރިކަމުގެ ޙިދުމަތަށް ވަރަށްބޮޑަށް ޝުކުރުވެރިވަން ،،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިފުތު

12 October 2017

ޚިދުމަތް ތެރީންގެ ޚިދުމަތް ފާހަގަ ކުރުމުގައި މިސަރުކާރުން ވަކިދިމާއަކަށް ބަރޯސާ ނުވާކަން މިފަދަ ޙަފްލާތަކުން ޔަގީންއެބަވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިކުޑް

12 October 2017

ނޫސްވެރިކަމުގެ ލައިފްޓައިމް އެޗީވްމަންޓް އެވޯޑު އައްބާސް އިބްރާހިމަށް ދިނުން އެއީ މަމެން އެކަމާއި ޖެލަސް ވާނެ ކަމެއް ނޫނެވެ، އެކަމަކު މަމެން ރިކޯލް ކޮށްލާނަން އައްބާސް އިބްރާހިމް ހިންގި އާފަތިސްގެ ހިސްޓްރީ އަށް. އާފަތިސް ހިންގިއިރު އެބޭނުން ކުރީ އެއީ ސަރުކާރުން ކުރާ ގޯސް ކަންކަން ފޮރުވަން އެމަތީގައި އަޅަން ގެންގުޅޭ މަލަން ގަނޑެއް ގޮތަށް. އާ ޚިޔާލު އާ އިނޮވޭޓިވްސް ތަކެއް އެއްގޮތަކަށް ވެސް އާފަތިސް ގައި ނުހުރެއެވެ. ސެޓް މައިންޑް ޚަބަރު ތައް ހުންނަނީ. އެއީ މަމެން ކިޔާ ނޫހަކަށް ނޫން ކަމަށް މަމެން ނިންމަން ޖެހުނީ. އައްބާސް އިބްރާހިމް މެން ގަދަ ނަމަ ހުންނާނެ މިއަދު ވެސް އޮންލައިން ނޫސް އާފަތިސް ނަމުގައި ހިނގާ އަދި ވަރަށް އޯޕެން މައިންޑެޑް އުސޫލުން އެނޫސް ހިންގާނެއެވެ. އެނީވޭ މަމެން ވެސް މަރުހަބާ ކިޔަން ތަމެންނަށް ލިބުނު އެވޯރޑް އާއި މެދު. ޑިޒާރވްޑް އިޓް އޯރ ނޮޓް ވީ ޑޯން ނޯ. ބަޓް އައި އޭމް ލުކިންގް ފޯރ ދަ ލަވް އޮފް ޔުއަރ ލައި ލައި ލައި ލައިފް ލައިފް.. މޭކް ނޯ މިސްޓޭކްސް..