ޚަބަރު / ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ

ހަތް ކުއްޖެއްގެ ގާނޫނީ ބެލެނިވެރިކަން ބަޔަކަށް ދީފި

ކުޑަކުދިންގެ ހިޔާގައި ކުދިންތަކެއް ކުޅެނީ: މިހާރު ވެސް ގިނަ އަދަދެއްގެ ކުދިން ދައުލަތުގެ ބެލުމުގެ ދަށުގައި އެބަތިބި

އާމިނަތު ޝިފްލީން، މިހާރު

27 މެއި 2018 - 14:48

ސަރުކާރުގެ ބެލުމުގެ ދަށުގައި ތިބޭ ކުދިންގެ ތެރެއިން ހަތް ކުއްޖެއްގެ ގާނޫނީ ބެލެނިވެރިކަން މިދިޔަ އަހަރު ބަޔަކާ ހަވާލުކޮށްފައިވާ ކަމަށް ޖެންޑާ މިނިސްޓްރީން ބުނެފި އެވެ.

އެ މިނިސްޓްރީން ބުނީ ފޯސްޓާ ކެއާގެ ދަށުން ހަތް ކުއްޖަކު ހަވާލުކުރީ އާއިލާއެއްގެ ތެރޭގައި އުޅުމުގެ ފުރުސަތު ކުދިންނަށް ދިނުމަށް، އެކަމަށް އެދި ހުށަހެޅި ފަރާތްތަކާ ކަމަށެވެ.

ގާނޫނީ ބެލެނިވެރިކަން ހަވާލު ކުރި ކުދިންގެ ތެރޭގައި ހިމެނެނީ އުމުރުން އެއް މަހާއި ތިން އަހަރާ ދެމެދުގެ ކުދިންނެވެ. އޭގެ ތެރޭގައި އަހަރު ނުފުރޭ ފަސް ކުދިން ހިމެނެ އެވެ.

އެކަމާ ގުޅޭގޮތުން ޖެންޑާ މިނިސްޓްރީން މިއަދު ނެރުނު ރިޕޯޓެއްގައި ބުނި ގޮތުގައި މިއީ 2016 ވަނަ އަހަރު ފޮސްޓާ ޕެނަލް އުފެއްދި ފަހުން، ގާނޫނީ ބެލެނިވެރިކަން ބަޔަކަށް ދިން ފުރަތަމަ ފަހަރެވެ.

ބަލާނެ ބަޔަކު ނެތުމުން ނުވަތަ އިހުމާލުވުމުގެ ސަބަބުން ދައުލަތުގެ ބެލުމުގެ ދަށަށް ނަގާފައިވާ ކުދިން ގެންގުޅެ ބޮޑުކުރުމަށް ހަތް ފަރާތަކުން މިދިޔަ އަހަރު ކުރިމަތިލާފައިވެ އެވެ. އެކަމަކު އެ ފުރުސަތު ދީފައި މިވަނީ އޭގެތެރެއިން ފަސް މީހެއްގެ އިތުރުން 2016 ވަނަ އަހަރު އެކަމަށް ކުރިމަތިލި ދެ މީހަކަށެވެ.

ޖެންޑާ އިން ބުނި ގޮތުގައި ކުދިން ގެންގުޅެ ބޮޑުކުރުމަށް ކުރިމަތިލުމުން، ފޮސްޓާ ޕެނަލްް އިން އެ ބެލެނިވެރިންނާ އިންޓަވިއުކުރެ އެވެ. އަދި ކުދިން ހަވާލު ކުރަނީ އިންޓަވިއުއަށް ފަހު، ބެލެނިވެރިޔާގެ ހާލަތު ވަރަށް ބޮޑަށް ދިރާސާކުރުމަށް ފަހު އެވެ. އަދި ކުދިން ހަވާލުކުރާތާ ދުވަސްކޮޅެއް ފަހުން، ބެލެނިވެރިޔާގެ މައްޗަށް ކޯޓު މެދުވެރިކޮށް ގާނޫނީގޮތުން ބެލެނިވެރިކަން ބަދަލުކުރާ ކަމަށް ޖެންޑާ މިނިސްޓްރީން ބުންޏެވެ.

ގާނޫނީ ގޮތުން ބެލެނިވެރިކަން ބަދަލު ކުރުމުގެ އިތުރުން، ދައުލަތުގެ ބެލުމުގެ ދަށުގައި ތިބި 20 ކުއްޖަކު ޖެންޑާއިން މިދިޔަ އަހަރު އެ ކުދިންގެ އާއިލާތަކާ ވެސް ހަވާލުުކުރި އެވެ. އެތަނުން ބުނިގޮތުގައި ކުދިން އަނބުރާ އާއިލާތަކާ ހަވާލުކުރީ، އާއިލާއިން އެކަމަށް ބޭނުންވެ ހުށަހެޅުމުންނެވެ. އަދި ކުދިން ހަވާލު ކުރުމުގެ ކުރިން، ކުއްޖާ ބެލުމުގެ ގާބިލްކަން އާއިލާގައި ހުރިތޯ ފޮސްޓާ ޕެނަލުން ޔަގީންކުރާ ކަމަށް ޖެންޑާއިން ބުންޏެވެ.

ދައުލަތުގެ ބެލުމުގެ ދަށުގައި މިހާރު ވެސް ގިނަ އަދަދެއްގެ ކުދިން ތިިބި އިރު އެ ކުދިން ބަލަހައްޓަނީ ވިލިމާލޭގައި ހުންނަ ކުޑަކުދިންގެ ހިޔާއިންނާއި ހުޅުމާލޭގައި ހުންނަ ފިޔަވަތިންނެވެ. އެ ދެ ތަނުގައި 80 އަށް ވުރެ ގިނަ ކުދިން އެބަ ތިއްބެވެ.

ކުޑަކުދިން ކުޑަކުދިންގެ ހިޔާ ގާނޫނީ ބެލެނިވެރިން ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ

7 ކޮމެންޓް, 92 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

12365

28 May 2018

ތިޔަ ހިޔާއެއްގައި ކުދިން ގިނަވުމަކީ ސަރުކާޜުން މި މުޖުތަމައު ފެއިލް ކޮށްލާފައިވާ ވަރު އަންގައިދޭ ކަމެއް! އެތާ ތިބި ހުރިހާ ކުދިންނަށްވެސް އާ އާއިލާއެއް ލިބޭނެ ކަމަށް ހީކުރަން. އެކުދިން މައިން ނުވަތަ ބަފައިންނަށް މިގައުމު ވާނީ އިހުމަލެވެފައި ކޮންމެވެސް ހިސާބަކުން! އާއިލާ ފެއިލްވީ ސަރުކާރާ ހެދި. ސަރުކާޜުގެ ސިޔާސަތާ ހެދި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލީމާ

28 May 2018

ތީ ރަނގަޅު ފެށުމެއް.! ވަރަށް ވަރަށް އުފާވެއްޖެ! ހަގީގަތުގާވެސް އެފަދަކުދީންނަކީ މުޖުތަމައުއަށް ބޭނުންވާ ކުދިންނަށް ހެދޭނީ ރަނގަޅު އާއިލާއަކާ އެފަދަ ކުދިން ހަވާލުކޮށްގެން.! އެހެންނޫނީ ދެންވެސް ކަންތައްވަމުން ދާނީ ކުރިންވެސް ކަންތައްވީގޮތަށް! ބޮޑެތި ޚަރަދުތަކެއްކޮށް ފޫނެތްފަޔަށް ފެންފުރުން މިހާރު ހުއްޓާލަން ވެއްޖެ.! އެދުވަސް އެއީ ނާންނަ ދުވަހެއްކަމުގާ ހަދަންވެއްޖެ! ކުއްޖާއަށް ހެޔޮނުބައި ވިސްނަން ފެށުމުގެކުރީން އެކުދީން ބަލަންބޭނުންވާ އާއިލާ ތަކާ ހަވާލުކުރަން ވެއްޖެ! ގިނައާއިލާ ތަކަކަށް އެފަދަކުދިން ބެލުމުގާ ފައިސާގެ ތާށިކަން އާދޭ! އެތާށިކަން ނައްތާލުމުގާ ދައުލަތުން އެފަދަ އާއިލާތަކަށް ކޮންމެވެސް އެހީތެރިކަމެއް ދެއްވާފާ ކުދިން ހަވާލުކުރުމަކީވެސް ބޭނުންތެރިކަމެއް.! މިހާރުވެސް އެތާނގާތިބޭ ކޮންމެ ކުއްޖެއްގެ ބޮލަކަށް ގާތްގަނޑަކަށް ވިހިހާސް، ފަންސަވީސްހާސްވަރު ޚަރަދުކުރޭ! އެހެންވީމާ އޭގެތެރެއިން ކުއްޖަކަށް ފަސްހާސްވަރު ހޭދަކޮށްލިޔަސް ދައުލަތް އަޑިއެއް ނާޅާނެ. -އިބްރާހީމް-

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންއަސަރު

28 May 2018

ތިޔަނިންމެވި ނިންމެވުން ވަރަށްވެސް ރަނގަޅު. އެކަމަކު އަދިވެސް ތިޔަކަންތައްދާލެއް ވަރަށްލަސް. މިހާރު ތިޔަގެންގުޅޭގޮތަށް ކުދިންތަކެއް ބެލެހެއްޓިޔަސް އޭގެ ފައިދާއެއް ނުފެންނާނެ. އާއިލާއެއްގެތެރޭގާ ކުދިން ގެންގުޅެ ބޮޑުކުރުމުން އޭގެ ފައިދާއާއި މަންފާ ފެންނާނެ. މިހާރު ތިޔަތާންގެ އެތެރޭގާ ތިބެ ބޮޑެތިވާ އެއްވެސް ކުއްޖަކީ މުޖުތަމައަ ބަލައިގަންނަ ރަނގަޅު ކުއްޖެއްގެ ގޮތުގައެއް ބޮޑެއް ނުކުރެވޭ. އެހެންވީމާ އެފަދަ ކުދިންނަށް އާއިލާއެއްގެ އެހީތެރިކަން ބޭނުންވޭ. މިހެން ކިޔާކިޔާ ގޮތްހުސްވާވަރު ވީފަހުން މިއިވުނު އުފާވެރި ޚަބަރުން ހަގީގަތުގާވެސް ވަރަށް އުފާވެއްޖެ. ދެންވެސް ބޭނުންވަނީ ދެންތިބިކުދީންވެސް އެކުދީން ބަލާނެ އާއިލާތަކެއްހޯދާ އެއާއިލާތަކާ ކުދިން ހަވާލުކުރުން. މިހާރު ކަންތައް ވާގޮތަކީ ކުދިންބަލާހިތް ކިތަންމެ ވިޔަސް، އެފަދަކުދިންބަލާހިތްވާ ފަރާތްތަކުގާ ފައިސާގެ ދަތިކަން ހުންނަނީ. އެކަމަކު ދައުލަތުން ބޭނުމެއްނުވޭ އެފަދަ ފަރާތަތަކަށް އެހީއެއްދީފާ ކުދިން ހަވާލުކުރާކަށް. މީކީ ވެގެންވާނޭ ގޮތެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޝީދާ

28 May 2018

ޢަޅުގަނޑުވެސް 2ކުދިން އެބަބަލަން އިންޝާﷲ ވަރައްބަސްއަހާ ވަރައްރަގަޅު މިކުދިންގެއުމުރަކީމިހާރު14އަހަރު ﷲގެ ހެޔޮރަޙްމައްފުޅާއިއެކު އަޅުގަޑައް ލެއްވި ނަސީބެކޭވެސް ބުނެވިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔުނައިޓެޑް އައްޑޫ

27 May 2018

ފޮސްޓަރ ކެއާ ޤާނޫނެއް ފާސްކުރާނީ ކޮންއިރަކުތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ

27 May 2018

ކުޑަކުދިންގެ ހިޔާގައި ގެންގުޅޭ ކުދިންގެ އަހްލާޤް ވަރަށް ގޯސް، ތިތަނުން ގެނެސްގެން އުޅޭ ކުއްޖަކު އުޅޭ އަހަރެމެން ރަށުގަވެސް، ހަމަ ލަދުން މަރުވާވަރުވޭ އަނގައިން އެކިޔާލާ އެތިންވެސް