ހޯރަފުށީ އެއް ފަޅެއްގައި އޮންނަ މާފިނޮޅު: އެއާޕޯޓް ހަދަނީ ހިއްކައިގެން އެ ރަށް ބޮޑުކުރުމަށް ފަހު
28 އޯގަސްޓް 2018 - 08:40
52 comments
ހއ. ހޯރަފުށީ އެއާޕޯޓް ހަދަން ބިން ހިއްކުމަށްޓަކައި ގެންދިޔަ "މަހާޖައްރާފު"، މަހަކަށް ވުރެ ގިނަ ދުވަހު އޮތުމަށް ފަހު ހިއްކޭ ގޮތް ނުވެގެން، ތ. އަތޮޅަށް ގެންގޮސްފި އެވެ.
ހޯރަފުއްޓާ އެއް ފަޅެއްގައި އޮންނަ މާފިނޮޅުގައި ހަދާ އެއާޕޯޓަށް ބޭނުންވާ ބިން ހިއްކޭ ގޮތް ނުވީ، "މިހާރު" އަށް އެނގިފައިވާ ގޮތުގައި އެމްޓީސީސީގެ ބިޔަ ކޮންނަބޯޓު އަޅާފައި އޮންނަން ޖެހުނު ހިސާބުގެ ގޮތުން އެކަން ކުރެވޭ ގޮތް ނުވެގެންނެވެ. ބައެއް މީހުން ބުނާ ގޮތުގައި ކޮންނަ ބޯޓުގެ ހޮޅި ގުޅާފައި ބާއްވަން، ރާޅުބާންޏާއި އޮއިގެ ސަބަބުން، އުނދަގޫތައް ކުރިމަތިވީ އެވެ.
ތ. ގުރައިދޫގެ ބައެއް ހިއްކަން މަހާޖައްރާފު އެ އަތޮޅަށް ފުރީ އޯގަސްޓް 20 ގަ އެވެ.
ހޯރަފުށީ އެއާޕޯޓަކީ ރައީސް އަބްދުﷲ ޔާމީންގެ މި ދައުރަށް ވެވަޑައިގެންނެވި ވައުދެކެވެ.
އެއާޕޯޓަށް ބޭނުންވާ ބިން ހިއްކަން ދިމާވި ހުރަސްތަކާ ބެހޭ ގޮތުން އެމްޓީސީސީގެ ފަރާތުން ރަސްމީ ބަހެއް ލިބޭ ގޮތެއް ނުވި އެވެ.
ބިން ހިއްކުމުގެ މަސައްކަތް ރަސްމީކޮށް ފަށަން އެ ރަށުގައި މިދިއަ މަހު ބޭއްވި ރަސްމިއްޔާތުގައި އެމްޓީސީސީގެ ސީއީއޯ އިބްރާހިމް ޒިޔަތު ވިދާޅުވީ 1.2 ކިލޯ މީޓަރުގެ ރަންވޭއަކާ އެކު ހަދާ އެއާޕޯޓަށް ބޭނުންވާ ބިން ހިއްކުމުގެ މަސައްކަތް 203 ދުވަހުގެ ތެރޭގައި ނިންމަން ޖެހޭ ކަމަށެވެ.
ގާތްގަނޑަކަށް 64 މިލިއަން ރުފިޔާ ހޭދަވާނެ ކަމަށް ލަފާކުރެވޭ މަޝްރޫއުގެ ދަށުން 16 ހެކްޓަރުގެ ބިން ހިއްކަން ޖެހެ އެވެ.
ހޯރަފުށީގެ އުތުރުގައި އޮންނަ މާފިނޮޅުގައި ތަރައްގީކުރާ އެއާޕޯޓާއި ހޯރަފުށި ގުޅާލަނީ ހިއްކައިގެން ހަދާ މަގަކުންނެވެ.
އެކަމަކު އެ ހުރިހާ ބިމެއް ހިއްކަން އަލުން މަހާޖައްރާފު ހޯރަފުއްޓަށް ދާނީ ކޮން އިރަކުކަމެއް އަދި ނޭނގެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަކުނިބޯ
29 August 2018
1,722,225.60÷000'000'64 ޖަވާބަކީ 37 ރުފިޔާ 16 ލާރި އަކަފޫޓަކަށް ..ބުނަން މިއުޅެނީ މައުމޫނު ހުޅުމާލެހިއްކީ ހައިމާކުން އަކަފޫޓެ 7 ރުފިޔާ ބަޔަށް ރައީސް ނަޝީދު ހިއްކީ އަކަފޫޓެއް 3 ރުފިޔާ ބަޔަށް ބޮސްކާލިސް އަށް ދީގެން އަދި މިވެރިން ހުޅުމާލެ ފުރަތަމަހިއްކީ ބޭރު ކުންފުންޔަކަށް ދީގެން އަކަފޫޓެއް 16 ރުފިޔާ އަށްވުރެދށްކޮށް އެވަރުންވެސް އެންމެއަގުބޮޑު އަދި ކޮބާ މިވަރުންވެސް ހިއްކާފަ ދިވެހިންނަށް މީގެންތަނެއް ލިބެނީ ރަނުގެ އަގުގައި އަދިވެސް ވިސްނޭބާ
falaku ain
28 August 2018
ހޯރަފުށްޓަށް އަވާމެންދުރެއް. ގުރައިދުއަށް ހުވަފެނެއް!
ހަސަން ޒަކީ
28 August 2018
ބަލަ ގެސްޓު ހައުސްތަކާއި ފަތުރުވެރިންނަށް ރީތި ގޮނޑުދޮށެއް ބާއްވާފަ ސިޕްލޭން ޓަރމިނަލް އެއް އެޅުމަކީވެސް ހަމަ ތަރައްޤީއޭ! ރަޢީސް ޔާމީން އަކީ ދުރުވިސްނައިގެން ކަންކުރާ ރަޢިސްއެއް!
ހުސްނު
28 August 2018
ބޮއްކުރާ އަލަން ޓާމިނަލެއް އެންމެފަހުން ހަދާނީ ދުރުވިސްނިގެން ގޮސް
ޖެމް
28 August 2018
ބޮސްކާލިސް އިން 2 ދުވަހުން ހިއްކާލި ހުޅުލޭ އެއާޕޯޓް. ޖައްރާފު އަކީ ހަމަ އެވަރު އުޅަނދެއް. ކީއްވެ 203 ދުވަސް ނަގަނީ
ހައްޤުބަސް.
28 August 2018
ޖައްރާފަކީ އެއާ ގާތްކުރާ ވަރުގެ އުޅަނދެއްވެސް ނޫން ބޮސްކާލިސް އިން ބޭނުން ކުރީ މުޅި ދުނިޔޭގެ ވެސް ދެވަނައަށް އެންމެ ބޮޑު ޑްރެޖަރު.. ޖައްރާފަކީ މި ސައުތު އޭޝިއާ ރީޖަންގަ އެންމެ ބޮޑު އެކަމު ދުނިޔޭގެ ޓޮޕް 25 ގަ ވެސް ނޭނގެ ހިމެނޭކަމެއް.. ވާނުވާ ބަލާފަ ކޮމެންޓުކުރޭ
falaku ain
28 August 2018
ގައިމުން ނޫސްތަކުގައި ލިއުނު އެއީ މުޅިދުނިޔެއަށް ބެލިކަމުގައިވިއަސް މިސާލެއްނެތްފަދަ ވަރުގަދަ މޮޅު ޖައްރާފެކޭ. މެލޭޝިޔާއިންނާއި ސިންގަޕޯރުންވެސް އެއަށް މިހާރުވެސް ބިންހިއްކައިދުމުގެ އޯޑަރު ދީފައިވާ މަހާ ޖައްރާފެކޭ. ފަހަރުގައި ވެދާނެދޯ މަހާރާޖާ ލާރިކޮޅު ޖީބަށްލާފައި ޖައްރާފެއްގެ ގޮތަށް ހަދާފައިއޮތް ފެންފަޅޮލަކަށްވެސް. އެހެންވީމާތާ ތިލަފަޅެއް ނުހިއްކިގެން ރޮއިގަތީ.
ހައްޤުބަސް.
29 August 2018
މޮޅު ވުމާ ބޮޑު ވުމާ އެ ތަފާތު ދެކަމެއް..ޖައްރާފު މޮޅު އަދި މި ސަރަހަށްދުގެ އެންމެ ބޮޑު ހޮޕަރ ސަކްޝަން ޑްރެޖަރ އެކަމު އެއީ ބޮސްކާލިސްގަ އޮންނަވަރުގެ ބިޔަ އެއްޗެއް ނޫން.. ކޮން ނޫހެއްގަ އޮތީ ދުނިޔޭގެ އެންމެ ބޮޑު ޑުރެޖަރޭ؟؟ އެވަރު އެއްޗެއް ބަންނަންދާ ހަރަދު އިންޓަރނެޓުން ސާރޗްކޮށްފަ ވާހަކަ ދެއްކުން އެދެން
ހަސަނު32
28 August 2018
އެހެންނޭ ވާނީ ހޯރަފުށީ މީހުން މާބޮޑަށް އެމްޑީޕީ ވެގެން އުޅޫނީމަ... ޔާމީނު އެއަރޕޯޓް އޮފަރ ކުރީ ވޯޓު ދޭ މަތިން.. މިހާރުވެސް ބޮޑާ ހާކަން ފެށީމާއި ވާނީ ތިހެން.
ހަސަން ޒަކީ
28 August 2018
ހާސްނުވާށެވެ! ފަޅުނުހިއްކޭނަމަ ސީޕްލޭން ޓަރމިނަލް އެއްހަދާ، ސީދާ ރަށުގެ ރީތި ރީތި ދޮންވެލި ގޮނޑުދޮށަށް ރައްޔިތުން ފައިބާ ވަރުގެ ރިތި ވޮޓަރ ރަންވޭ އެއް ހެދޭނެއެވެ. ދިރުމެއް އޮތިއްޔާ އުންމީދެއް ވެއެވެ! މިއީ ވިސްނުންތެރި ރަޢީސް އެކެވެ.
ހުސްނު
28 August 2018
ނޯއެއާޕޯޓު ނޯވޯޓު،
ހެހެހހެހެ
28 August 2018
އަދިވެސް ވޯޓު ދޭންވާނީ ޔާމީނު އަށް.... މުޅިން ވެސް އޮޅުވާލުން..
ދަތްއަދުރޭ
28 August 2018
އޭއްޗެކޭ މީއްޗެކޭ ކިޔާފައި ވޯޓު ހޯދަން ޖެއްސި ސްޓަންޓް އަތަށް ގޮވީ! ހުސް މިކަހަލަ ފޭކު ތަރައްގީ ގެންނާނީ!
ހަބޭސް2020
28 August 2018
ތ. ގުރައިދޫ މީހުންގެ ލޮލުގައި އަންދުންއަޅުވަން ވެގެން މަހާޖައްރާފް ގެންދިޔައި
މަހަށްދަގަ.
28 August 2018
ކޮންމެ އިންތިޚާބަކަށް ހިކޭ އެއަރޕޯޓެއްތީ.. ތިހެން ލައްކަ ދަޅަ ދެއްކިއްޖެ ރައްޔިތުން ގުނބޯ ނުހެއްދޭނެ އަބަދަކު. އިހުލާސްތެރިކަމެއް ހުރިނަމަ އިންތިހާބަކަށް މަހަކަށް ވީމަ އައިސް ތިޔަ ހަޑިއެއް ހޭވީ ކީއްވެ؟ 3 ވަނައަށް އަށް އެންމެ ގިނަ މީހުން ވޯޓުލުމުގެ ހައްޤު ލިބިފަ އޮތް އަތޮޅުކަން އެނގި މިތަނަށް އިސްކަން ނުދީ ބައެއް އަތޮޅުތަކުގަ ދެ ތިން އެއަރޕޯޓް އަޅާއިރު ކޮބާ ހަމަ ހަމަ ކަމާ އިންސާފު؟ އޭގެ ބަދަލު ހިތި ގޮތަކަށް ފެންނާނެ 23 ވަނަ ދުވަހު.. ޝައްކެއް ވަސްވާހެއް ނެތް