ރައީސް ޔާމީނާއި ގާސިމް: އަރިއަތޮޅަށް ތަރައްގީ ގެނެސްދިނީ މި ސަރުކާރުގެ ފަސް އަހަރުގައި ކަމަށް ރައީސް ޔާމީން ވިދާޅުވި.
04 ސެޕްޓެމްބަރ 2018 - 12:15
69 comments
ވަކި ފިކުރެއްގެ މަތީގައި "ގުޑާނުލެވި" އަރިއަތޮޅުގެ ރައްޔިތުން ވެސް ނުތިބެ، ތަރައްގީގެ ވިސްނުމާ އެކު ކުރި އަށް ދާން ރައީސް އަބްދުﷲ ޔާމީން އދ. މާމިގިލީގައި މިއަދު ގޮވާލައްވައިފި އެވެ.
މާމިގިއްޔަކީ، ޖުމްހޫރީ ޕާޓީގެ ފައުންޑަރު، ގާސިމް އިބްރާހީމްގެ އުފަން ރަށް، އަދި ރައްޔިތުންގެ މަޖިލީހުގައި ވެސް އޭނާ ތަމްސީލްކުރައްވާ ދާއިރާ އެވެ. އއ. އަދި އދ. އަތޮޅުގައި ގާސިމަށް ތާއީދު ބޮޑު އިރު، މިހާތަނަށް ބޭއްވި އިންތިޚާބުތަކުގައި ނަތީޖާ ނެރެދީފައި ވަނީ ވެސް އޭނާގެ ވިސްނުމާ އެއްގޮތަށެވެ.
ރައީސް ޔާމީން މިއަދު އެދިވަޑައިގަތީ، އަރިއަތޮޅުގެ ރައްޔިތުން އެ ވިސްނުމުގެ މަތީގައި ނުތިބުމަށެވެ. އެ އަތޮޅަށް ތަރައްގީ ގެނެސްދީފައި ވަނީ އެހެން އެއްވެސް ސަރުކާރެއްގައި ނޫން ކަމަށާއި އެ މަނިކުފާނުގެ ފަސް އަހަރުގެ ތެރޭގައި ކަމަށް ވިދާޅުވި އެވެ.
"އަރިއަތޮޅުގެ ތަރައްގީއަކީ ވަކި ބަޔަކު ގެނައި ތަރައްގީއެއް ނޫން. އަރިއަތޮޅަށް އެންމެ ގިނަ މަޝްރޫއުތައް ހިންގާފައި ވަނީ މި ފަސް އަހަރުގެ ތެރޭގައި. މާމިގިލީގެ ރައްޔިތުން އެކަމަށް ހެކިވާނެ،" ރައީސް ޔާމީން ވިދާޅުވި އެވެ.
އެމަނިކުފާނު ވިދާޅުވި ގޮތުގައި މި ވެރިކަމުގައި މާމިގިއްޔަށް އެކަނި ވެސް 258 މިލިއަން ހޭދަކޮށްފައިވެ އެވެ.
"އެހެންވީމަ، ނުޖެހޭ ވަކި ފިކުރެއްގެ މަތީގައި ގުޑާނުލެވި ތިބޭކަށް،" ރައީސް ވިދާޅުވި އެވެ.
ރައީސް ޔާމީން، އއ. ތޮއްޑޫގައި: އަރިއަތޮޅަށް ތަރައްގީ ގެނެސްދިނީ މި ސަރުކާރުން ކަމަށް ވިދާޅުވި. --ފޮޓޯ: ރައީސް އޮފީސް
"މާމިގިލީ ރައްޔިތުން ވެސް ބޭނުން ވާނީ ރަށްރަށަށް ދަތިވެފައި ހުރި ކަންކަން ފުއްދަން. މާމިގިލީ މީހުން ނުބުނާނެ މި ތަނުގެ ބަނދަރު ކައިރި އަށް އެއްވާނެ ސަރަހައްދެއް ހަދައިދޭށޭ. ތިމަންނަމެން ބޭނުންވާ ޚިޔާލެއް ވަކި ގޮތަކަށް ނޫސްތަކުގައި ފާޅުކުރަން ހުއްދަދޭށޭ. ކޮން ވާހަކައެއްތޯ ނޫސްތަކުގައި ނުލިޔަނީ. ކިތަންމެ ވާހަކައެއް އަޅުގަނޑުމެންނާ ބެހޭ ގޮތުން ދެއްކިއަސް އެ ވާހަކަތައް އަތަށް ގޮވާނެ."
އެ މަނިކުފާނު ވިދާޅުވި ގޮތުގައި ދެ ވަނަ ދައުރަކަށް ހޮވިވަޑައިގެންފި ނަމަ މާމިގިލީ ރައްޔިތުން އެދިފައިވާ ގޮތަށް، އެ ރަށުގެ ސިއްހީ މަރުކަޒު ހޮސްޕިޓަލަކަށް ބަދަލުކޮށް، ބޭންކުގެ ޚިދުމަތް ވެސް އެ ރަށުގައި ގާއިމް ކޮށްދެއްވާނެ އެވެ. އެކަމަކު، އެ ފުރުސަތު މި މަހު 23ގައި ނަގާ ވޯޓުގައި އެ މަނިކުފާނަށް ފަހިކޮށްދޭން އެއް ނަމްބަރުގައި ފާހަގަ ޖަހައިދޭން ރައީސް އެދިވަޑައިގަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޏަމް
05 September 2018
ޢަޅުގަނޑުމެން މިތިބީ ރައީސް ޔާމީން އާއެކު. ގާސިމް އެއްވެސް ކަމެއް ކޮއްދީފަ ނޯންނާނެ އޭނަ ވޯޓް ހޯދަން ނޫން ގޮތަކައް އަރިއަތޮޅު ރަށަކައް. ޢޭނަ ކޮއްދިން ކަންތަކައް އޭނަ ބުނި މީހުންނައް ވޯޓް އަޅައިދީފިން.
އެމްސް
04 September 2018
ރައީސްގެ ހުންނަ ވިސްނުމަށް އެންމެން ލަންބަން އުޅުމީ ޚުދުމުޚުތާރު ކަމެއް! ތަރައްގީ ކުރަންވީ ރަޢިއްޔަތު މީހާ، އަނގަޔާ އަތާ ދިމާކޮށް، ސަލާން ނުޖަހާ ޒަރޫރީ ބޭނުން ފުއްދޭނީ އޭރުން!
އާޗީސް
04 September 2018
އަލިފު އަތޮޅަކީ ގާސިމް ގެ ޕަޕެޓަކަށް ވަަކަަށް ނުޖެހޭނެ. ޤައުމު ތަރައްގީ ކުރަން ދަންނަ ހަމަ އެކަނި ވެރިޔަކަށް މި ފެންނަނީ ރައީސް ޔާމީން ކަން ޔަގީން އެން ވީ މަ ރްއީސް ޔާމީން އާއި އެކު މަސައްކަތް ކުރުމައް ގޮވާލަން. ރައްޔިތުން ވިސްނާލުން މުހިންމު
ކަމަނަ
04 September 2018
ބަލަގަ ޤާސިމް އިބުރާހިމް ނޫން ވަރަށްގިނަ ފައިސާވެރިން މި ޤައުމު ދެކެފި. އޭގެތެރޭ ކ.ގުޅީ އީސާކަލޭފާނު މާލޭ ކޮލިގޭ ޢުމަރުމަނިކު ހދ. ދިއްދޫ އިބުރާހިމް ކަލޭފާނު (ޑީ އައި ކަލޭފާނު) ޑޮކްޓަރު އަޙުމަދު ދީދީ (ޑޮކްޓަރު އަހަންމައިދީ) ޗަންޕާ ޙުސެންޢަފީފް ށ. މަރޮށީ ޙުސެން ކަތީބު (އެމް އެޗް އޭ) އަދި މިނޫން ކިތަންމެ ފައިސާވެރިން. ނަމަވެސް ޤާސިމް ކުރިވަރުގެ ހޭދައެއް ޚިފުމަތެއް އުފަން ރަށަށް, އަތޮޅަށް. ޤައުމަށް, ވަކިވަކި ފަރުދުންނަށް, ބަލިޙާލު ޖެހޭ މީހުންނަށް ކުރެއްވެވި ފައިސާވެރިއެއް ކޮބާ. ? ?
ޖަހޯބަރާ
04 September 2018
މިއޮތްކިއާ އަދަދުތަކެއް.. ދެން މައްސަލައެއްނެތް. ބުނެދީބަލަ ހަމަތިހާ ޖޯޝާފޯރީގަ.. ދައުލަތުން ކިހާ ފައިސާއެއް ގެއްލިއްޖެ..؟
ރާބޮނދި
04 September 2018
މާމިނގިލީގެ އާބާދީ : 2200 ސަރުކާރުން ޚަރަދު ކުރިވަރު: 258،000،000ރ (258 މިލިއަން) ބޮލަކައް ޖެހޭވަރު: 117272ރ (އެއްލައްކަ ސަތާރަހާސް) މިވަރުގެ ތަރައްގީއެއް ގެނައިރު އަދިވެސް ރައްޔިތުން ބޭނުންވާ ހޮސްޕިޓަލާއި ބޭންކު ފެންނާކަށް ނެތް.. ކޮބާ ތި ހުރިހާ ފައިސާއެއް
ހުތާ
04 September 2018
ރައްޔިތުންގެ ފައިސާއިން އަމިއްލަ ކެމްޕޭނަށް ބޮޑެތި ހޭދަތައްކުރާއިރު މިކަމަށް ބަހެއް ބުނާނެ މިނިވަން މުއައްސަސާއެއް ނެތް. މިއީ ބާރުތައް ވަކިވެފައިވާވަރު.
އަރިބޭ
04 September 2018
އަރި އަތޮޅުން ވިސްނުން ބަދަލު ކޮށް މިފަހަރު މަނިކުފާނަށް ދޭނީ 5%. ފުދޭނެ ތޯ. ހަވާ އަރުވަން ތައްޔާރަށް ހުރޭ
ޙުސެން
04 September 2018
ތިހުންނަނީ ރައީސަކާ ބެހެވިގެންވާނެ ކަމެއްނޫން. އަރިއަތޮޅު މީހުނަށް އެނގޭނީ. ޢެމީހުން އުޅޭނެގޮތެއް.
ޑަސްޓް
04 September 2018
މިހާރުމީ އެއްވެސް މީހަކަށް ބަރޯސާ ވެގެން ތަރައްޤީ ކުަރެވޭނެ ޒަމާނެއް ނޫން.ކޮއްމެ ވެރިކަމެއް އޮތަސް ވެރިކަން ކުރާ ޕާޓީއާއި ގުޅިގނެް ނޫނީ ރަށެއް ތަރަަައްޤީ އެއްނުކުރެވޭނެ.