ނުހައްގުން ފްލެޓް ބެހި މީހުންނަށް ފިޔަވަޅު އަޅަނީ

ކުރީގެ ރައީސް އަބްދުﷲ ޔާމީންގެ ސަރުކާރުން ކުރިއަށް ގެންދިޔަ "ހިޔާ މަޝްރޫއު" ދަށުން ފްލެޓް ލިބުނު ކަމުގެ ލިޔުން ހޯދުމަށް ކިޔޫ ހަދާފައި. ---ފޮޓޯ: އަހުމަދު ނިޝާތު/މިހާރު

ފަޒީނާ އަހުމަދު، މިހާރު

17 ނޮވެމްބަރ 2018 - 22:48

52 comments

ރައީސް އަބްދުﷲ ޔާމީންގެ ސަރުކާރުގައި، ހުޅުވައިލި ބޯހިޔާވަހިކަމުގެ ދެ މަޝްރޫއުގައި ކޮރަޕްޝަން ހިމެނޭ ގޮތަށް ނުހައްގުން ފްލެޓް ބެހި މީހުންނާ ދޭތެރޭގައި ފިޔަވަޅު އެޅުން، ރައީސް އިބްރާހިމް މުހައްމަދު ސޯލިހްގެ ވެރިކަމުގެ 100 ދުވަހުގެ ތެރޭގައި ފުރިހަމަ ކުރައްވާނެ ކަންކަމުގެ ތެރޭގައި ހިމަނައިފި އެވެ.

އެ މަނިކުފާނު މަގާމުގެ ހުވާ ކުރައްވައި ގައުމާ މުޚާތަބު ކުރެއްވި އިރު، މި ސަރުކާރުގެ ފުރަތަމަ 100 ދުވަހުގެ ތެރޭގައި ކުރާނެ ބައެއް ކަންތައްތައް ވިދާޅުވި އެވެ. އޭގެ ތަފްސީލު ހިމެނޭ ގޮތުން ރައީސް އޮފީހުން މިރޭ އިއުލާން ކުރި އެޖެންޑާގައިވާ ގޮތުން ބޭއިންސާފުން ފްލެޓް ދޫކުރުމުގެ މައްސަލަ އެއް މަސް ދުވަހުގެ ތެރޭގައި ހައްލު ކުރާނެ އެވެ.

އެ އެޖެންޑާގައިވާ ގޮތުން ފްލެޓު ހައްގުވެ، އެކަމަކު ބޭއިންސާފުން ކޮރަޕްޝަން ހިމެނޭ ގޮތަށް ދޫކުރުމުގެ ސަބަބުން ފްލެޓް ނިގުޅައިގަނެވުނު ފަރާތްތަކަށް ފްލެޓް ދޫކުރުމުގެ ނިޒާމެއް ކަނޑައެޅޭނެ އެވެ. އަދި ހަމަހަމަ އުސޫލުން ފްލެޓް ދޫކުރެވޭނެ ނިޒާމެއް ކަށަވަރު ކުރެވޭނެ ކަމަށް ބުނެފައިވީ ނަމަވެސް ތަފްސީލު އާއްމުކޮށްފައެއް ނުވެ އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުން ދެ ފަހަރަށް ފްލެޓް ދޫކުރި އިރު ވެސް ނުހައްގުން ފްލެޓް ދީފައިވާ ކަމުގެ ޝަކުވާ ބޮޑެވެ. ފުރަތަމަ ފަހަަރަށް ފްލެޓް ދޫކުރީ، ތުހުމަތު ކުރާ ގޮތުގައި، މަތިން މާކްސް ލިބިފައި ތިބި މީހުން ތިއްބައި، އެއަށް ވުރެ ދަށުން ލިބުނު މީހުންނަށެވެ.

އޭގެ ފަހުން ހުޅުވާލި 7،000 ފްލެޓް ވެސް ދޫކުރީ، ޕޮއިންޓް ދޫކުރާނެ އުސޫލެއް އާއްމު ކުރުމަށް ފަހު ވެސް ބޭއިންސާފުން ކަމަށް ބުނެ މިހާރު ދަނީ ޝަކުވާ ކުރަމުންނެވެ. ގިނަ ކެޓަގަރީތަކަކަށް ބަހާލި އެ މަޝްރޫއުގައި ފްލެޓް ލިބުނު ކަމުގެ ލިއުން ބައެއް މީހުންނަށް ހަވާލުކުރި މައްސަލަ ވަނީ ބޮޑުވެފަ އެވެ.

ހައުސިން މިނިސްޓަރު ފްލެޓް ހުޅުމާލެ ހައުސިން ރައީސް އިބްރާހިމް މުހައްމަދު ސޯލިހް

52 ކޮމެންޓް, 180 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނޫމާ

21 November 2018

އަހަންނަކީވެސް ވަރަށް ނިކަމެތިކޮށް ކުޑަކޮޓަރިއެއްގައި ދެކުދިންނާއި ފިރިމީހާއާއި އެކު އުޅޭ މީހެއް ފުލެޓަށް އިއުލާން ކުރާ ކޮންމެ ފަހަރަކު ފޯމު ލަން.. ދުވަހަކުވެސް ޝަރުތު ހަމަވާ ކަމަކަށް ނުވޭ. އެއް ދައުރެއްގައި ވެސް.. ޝަކުވާފޯމު ހުށަހެޅިޔަސް ޖަވާބެއްވެސް ނުދޭ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

عبدالله

18 November 2018

1984 ވަނަ އަހަރުން ފެށިގެން މާލެއާއި ހުޅުމާލެއާއި ވިލިމާލެއިން ދެއްވާފައިވާ ގޯތިތަކާއި ފްލެޓްތަކުގެ މައްސަލަ ބަލައި އެތަންތަނުން ދައުލަތަށް އެއްވެސް އަގެއް ފައިސާއެއް، ނުލިބޭފަދަ ގޮތެއްގައި ދޫކޮށްފައިވާ ފްލެޓްތަކާއި ގޯތިތަކުގެ މައްސަލަ ދައުލަތުގެ ރެވެނިޔުއަށް ގެއްލުން ނުވާފަދަ ގޮތަކަށް ނިންމިދާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުްންގެ ސިޓީ / އައްޑޫ ސިޓީ

18 November 2018

ސޯލިޙް ވެރިކަމުގެ 5 އަހަރު ބޭކާރުކޮށްނުލައްވާނެކަމަށް ހީކުރަން. . . . ރަނގަޅަށް ވިސްނައިފިނަމަ އިގޭނެ ތިޔަ “ފްލެޓާއި ހައުސިންގސްކީމްގެ އަވާގައި ދިވެހިން ހަނާކުރުމުގެ ހީލަތްތެރިވިސްނުމަކީ ބަޔަކުގެނެސްގެންއުޅޭ މަކަރުވެރި ދަންތުރައެއް” ކަން. . . . ތިޔަ ގޮޅިތަކަށް ދިވެހިން މަޖުބޫރުން ނުވައްދާ ރާއްޖޭގެ އުތުރާއި ދެކުނަށް ދައުލަތުގެ ބެޖޭޓް ހިއްސާއާއި އެކު ދޭންޖެހޭ އަސާސީ ހިދުމަތްދީ ފަތުރުވެރިކަން ގެނެސްދެއްވާ ވަޒީފާގެ ފުރުސަތު ހޯއްދަވާ ދެއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބޫމޫސަލްއަސަރީ

18 November 2018

ތިހަމަ ވަރަށް ރަނގަޅު ނިންމެވުމެއް ތިކަމުގެ ތެރޭގައި ހއ ދިއްދޫގައި ހައުސިންގ ޔުނިޓްތައް ބެހި ބޭއިންސާފު ގޮތް ބަލަންވާނެ އެވެ ސުވާލުކުރެވޭ މީހުންގެ ތެރޭގަ ސުޖާއާ ދާންނާ މުހައްމާ ނެތިއެއްވެސް ކަމަކު ނުދާނެއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުންމީދު

18 November 2018

އަންނިގެ ވެރިކަމުގަ ވެށިފަހި މާލޭގެ ނަމުގަ ހުޅުމާލޭން މޑޕ އެކްޓިވިސްޓުންނަށް ފްލެޓް ދިނުމާ މާލޭގެ ގެދޮރުވެރިންނަށް ހުޅުމާލޭން ހިލޭ ގޯތި ދިން މައްސަލަ ވެސް ބަލާނެ ކަމަށް އުންމީދުކުރަން. އަދި އިންޑިޔާގެ ޓާޓާ ކުންފުންޏަށް ދީގެން ހަދާފައިވާ މުޑުދާރު ފުލެޓުގެ ޑިޒައިންނަށް އަލުން ފުލެޓު ނާޅާނެ ކަމަށް އުންމީދުކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާކޫއްތަ

18 November 2018

އަލުން ފުލެޓް ފޯމް ތައް ލުމަށް ހުޅުވާލުމަށް ގޮވާލަން އަދި ހައްޤުފަރާތްތަކަށް ދިނުމަށް އެދެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކޯ

18 November 2018

މި ވެރިކަން ނިމޭދުވަހު އިބޫ އަށް ވޯޓް ދޭން ބުނާ މީހުންނަށް ފްލެޓް ޔަގީންވާނެ. މީހުރިހާ ވެރިކަމެއްގަވެސް ކަން ހިނގާ ގޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުބާ

18 November 2018

ފުލެޓު ލިބޭ މީހުން ހޮވުން އެބަ ޖެހޭ މިނިވަން މުއައްސަސާއަކާ ހަވާލުކުރަން. އެއިރަކު އޮންނަ ސަރުކާރަކުންނެއް ނޫން ނިންމާނީ ޝަރުތު. ކޮންމެ ބުރެއްގަ ޝަރުތު ބަދަލުވޭ އެބަ. ބޯހިޔާވަހިކަމަކީ ވޯޓު ހޯދަން ބޭނުންކުރެވޭ އެއްޗަކަށް ވެގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮއެ

18 November 2018

ތިކަމެއް ނޭންގެ ހުރިހާ ވެރިކަމެއްގައިވެސް ފްލެޓް ދޫކޮށްފައި ވަނީ ބޭ އިންސާފުން. ހަމަ އެއިރެއްގެ ވެރިކަމުގެ އަރިސް މީހުންނަށް. އެކްޓިވިޓިސްޓުންނާ ތިމާގެ މީހުންނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެސްޓްބޯއި

18 November 2018

ފެލެޓު ބެހި މީހުން އެކަންޏެއް ނޫން މިކަހަލަ ހުރިހާ ކަމެއް ގޯސްކޮށް ކޮށްފަ ހުރި މީހުންނަށްވެސް. އެހެން ނޫނީ ރަނގަޅެއް ނުވާނެ. އަނެއްކާވެސް ތަކުރާރުވަނެ.