އައްޑޫ ގަން އިންޓަނެޝަނަލް އެއާޕޯޓަށް ޖައްސަން އުޅުނު މޯލްޑިވިއަންގެ ފްލައިޓެއްގެ ލޭންޑިން ގިއަރުގައި މައްސަލައެއް ޖެހިގެން، ބޯޓް ރަންވޭ އަށް ނުޖެއްސި ގިނަ އިރުތަކެއްވުމަށް ފަހު މައްސަލަ ހައްލުކޮށްގެން ދާދި ދެންމެއަކު ޖައްސައިފި އެވެ.
ލޭންޑިން ގިއަރުގައި މައްސަލަ ޖެހުނީ މާލޭން ފުރައިގެން ކައްދޫގައި ޖައްސައިފައި ގަމަށް ދިޔަ މޯލްޑިވިއަންގެ ޑޭޝް8 ގެ ކިއު 118 ގެ ފްލައިޓުގަ އެވެ. ބޯޓް ނުޖެއްސި ގިނަ އިރުތަކެއް ވަންދެން ދުއްވުމަށް ފަހު ރައްކާތެރިކަމާ އެކު ޖައްސާފައިވާ ކަމަށް މޯލްޑިވިއަން އިން ކުރި ޓްވީޓެއްގައި ބުންޏެވެ. އެ ޓްވީޓްގައި ބުނީ ބޯޓަށް ދިމާވީ މެކޭނިކަލް މައްސަލައެއް ކަމަށެވެ.
One of our Dash8 aircraft experience mechanical malfunction, crew carried out alternate procedure with successful outcome, Aircraft has just landed in Gan.
— Maldivian (@MaldivianAero) March 12, 2019
މި ހާދިސާއާ ގުޅިގެން ގަން އެއާޕޯޓް ކުއްލި ހާލަތަކަށް ގެނެސް ބޯޓަށް އެހީތެރިކަން ފޯރުކޮށް ދިނުމުގެ މަސައްކަތްކޮށްފައިވެ އެވެ.
