ރާއްޖޭގެ ދެކުނުން އޮންނަ ޑިއެގޯ ގާސިއާ ހިމެނޭ ޗާގޯސް އައިލެންޑްސް. --ފޮޓޯ: ސައެންސް ފޮޓޯ ލައިބްރަރީ
23 މެއި 2019 - 00:53
60 comments
އިނގިރޭސިވިލާތުގެ ބާރުގެ ދަށުގައި، ރާއްޖޭގެ ދެކުނުން އޮންނަ އޮތް ޗާގޯޒް އައިލެންޑްސް އެ ގައުމުގެ ތަނެއްގެ ގޮތުގައި ބާއްވަން ރާއްޖެ އިން ވޯޓު ދިން ނަމަވެސް އެ ރަށްތައް މޮރިޝަސްގެ ސަރަހައްދެއްގެ ގޮތުގައި ކަނޑައަޅަން އދ.ގެ އާއްމު މަޖީލީހުން މިއަދު ފާސްކޮށްފި އެވެ.
ރާއްޖެއާ އެކު ހަ ގައުމަކުން އެ ގަރާރާ ދެކޮޅަށް ވޯޓު ދިން އިރު، 116 ގައުމަކުން ތާއީދުކުރީ ޗާގޯޒް މޮރިޝަސްގެ ތަނެއްގެ ގޮތުގައި ކަނޑައެޅުމަށެވެ. ފަންސާސް ހަ ގައުމަކުން ވަކިކޮޅަކަށް ވޯޓެއް ނުދެ އެވެ. އޭގެ ތެރޭގައި ފްރާންސާއި ޖަރުމަން ވެސް ހިމެނެ އެވެ. ގަރާރާ ދެކޮޅަށް ރާއްޖޭގެ އިތުރުން ދެން ވޯޓުދިނީ އިނގިރޭސި ވިލާތް، އެމެރިކާ، އޮސްޓްރޭލިއާ، ހަންގޭރީ އަދި އިޒްރޭލެވެ.
އދ.ގެ އާއްމު މަޖިލީހަށް ގަރާރެއް ހުށަހަޅާފައި މިވަނީ، އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އިން ޗާގޯޒް މައްސަލައިގައި މޮރިޝަސްއާ އެއްކޮޅަށް ލަފައެއް ނެރެފައި ވަނިކޮށެވެ. އދ.ގެ އާއްމު މަޖިލީހަށް ގަރާރެއް މި ހުށަހެޅީ، އެ ކޯޓުގެ ލަފާ ތަންފީޒުކުރަން މެމްބަރު ގައުމުތަކަށް ގޮވާލުމަށެވެ.
އައިސީޖޭ އިން ނެރުނު ލަފާގައި ބުނެފައި ވަނީ، މޮރިޝަސްގެ މައްޗަށް އޮތް އިނގިރޭސި އިސްތިއުމާރީ ބާރު ނިމުމަކަށް ގެނައީ ބައިނަލްއަގުވާމީ ގާނޫނާ އެއްގޮތްވާ ގޮތުގެ މަތިން ނޫން ކަމަށެވެ. އެހެންކަމުން މިހާރު ވެސް އިނގިރޭސިވިލާތުގެ ބާރުގެ ދަށުގައި އޮތް ބްރިޓިޝް އިންޑިއަން އޯޝަން އައިލެންޑްސް ދޫކޮށްލުމަށް އައިސީޖޭ އިން ލަފާ ދީފައިވެ އެވެ.
މީގެކުރިން ރާއްޖެ އިން ގަބޫލްކުރީ، ޗާގޯޒް މައްސަލައަކީ އިނގިރޭސިވިލާތާއި މޮރިޝަސްއާ ދެމެދުގައިވާ މައްސަލައެއްގެ ގޮތުގަ އެވެ. ނަމަވެސް 2010 ގައި "ކޮމިޝަން އޮން ދަ ލިމިޓްސް އޮފް ދަ ކޮންޓިނެންޓަލް ޝެލްފަށް" ރާއްޖޭގެ ކޮންޓިނެންޓަލް ޝެލްފްގެ ސަރަހައްދު ކަނޑައަޅައިދޭން އެދުމުން މޮރިޝަސް އިން ވަނީ އެކަމަށް އިއުތިރާޒްކޮށް އެކަން އދ.ގެ ސެކްރެޓަރީ ޖެނެރަލަށް ހުށަހަޅައިފަ އެވެ.
މޮރިޝަސް އިން އިއުތިރާޒްކޮށްފައި ވަނީ ރާއްޖޭގެ ހުށަހެޅުމުގައި ޗާގޯޒްގެ ހާއްސަ އިގްތިސާދީ ސަރަހައްދު ފާހަގަކޮށްފައި ނުވާތީ އާއި ރާއްޖެ އިން ހުށަހެޅި ސަރަހައްދާއި މޮރިޝަސްގެ ކަނޑުގެ ސަރަހައްދާ ފުށުއަރާ ކަަމަށް ބުނެ އެވެ. އެއަށް ފަހު، އައްޑު އަތޮޅާއި ޗާގޯޒްއާ ދެމެދުގައިވާ ކަނޑުގެ ސަރަހައްދާ މެދު ދެ ގައުމުގެ ދެމެދުގައި ވަކި ގޮތަކަށް އެއްބަސްވުމަކަށް އައުމަށް މޮރިޝަސް އިން ވަނީ ރާއްޖެ އަށް ގޮވާލައިފަ އެވެ.
ޗާގޯސް އައިލެންޑްސް މޮރިޝަސް އަތުން އިނގިރޭސިން ވަނީ 1965 ވަނަ އަހަރު ތިން މިލިއަން ޕައުންޑަށް ގަނެފަ އެވެ. އެމެރިކާއާ އެކު ޗާގޯޒްގެ ޑިއެގޯ ގާސިއާގައި އަސްކަރީ މަރުކަޒެއް ގާއިމްކުރުމަށް އިނގިރޭސިން ވަނީ 1967 އާއި 1973 އާ ދެމެދު އެ ރަށްތަކުން މީހުން ހުސްކޮށްފަ އެވެ. ޑިއެގޯ ގާސިއާ އެމެރިކާ އަށް ދޫކޮށްފައިވާ މުއްދަތު 2016 ގައި ވަނީ 2036 ވަނަ އަހަރާ ހަމައަށް އިތުރުކޮށްފަ އެވެ.
އިންޑިއާ ކަނޑުގައި ރާއްޖޭގެ ދެކުނުން 500 ކިލޯ މީޓަރު ދުރުގައި އޮންނަ ޗާގޯޒް އައިލެންޑްސްގައި ހަތް އަތޮޅު ހިމެނެ އެވެ. މި އަތޮޅުތަކުގައި 60 ރަށް އެކުލެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންްނި
23 May 2019
މިއޮތީ އިންސާފަށް ލޯބިކުރާވަރު ހާމަވާން. އިޒްރާއީލާ އެމެރިކާއާ އިނގިރޭސިވިލާތާ އެއްބައިވެގެން މުޅި ދުނިޔެއާ ދެކޮޅަށް ޑީލް ހަދައިގެން ލިބުނު ފޮނި މީރުކަމަކީ ކޮބާ؟ މިއީ ފަލަސްތީނު މިނިވަން ގައުމެއްގެ ގޮތުގައި އޮންނަން ފެންނަކަމަށް ވޯޓު ނުދިން އެމްޑީޕީ ބައިގަނޑު. މަގުމައްޗަށް އިންސާފޭ ކިޔާ ނުކުންނައިރު ލަދެއް ނުގަނޭތަ؟ އަނިޔާވެރިކޮށް އެރަށުން ބޭލުނު މީހުންނާމެދު ކުޑަކޮށްވެސް ހަމްދަރުދީ ނުވަނީތަ؟
ދީމާހު
23 May 2019
ޚާރިޖީ ސިޔާސަތު ވަރަށް ކަޑަ. ސިޔާސަތެއް ނުވެސް ނެތް. ކުށްވެރިކުރަން. ކުޑަ ޖަޒީރާ ގައުމަކަށް މިނިވަންކަން ދިނުމާ ދެކޮލަށް ރާއްޖޭން ވޯޓް ދިނީތީ. މީގެ ނަތީޖާއަކަށް ވާނީ ރާއްޖެއަށް ބޮޑު ކަމެއް ދިމާވާއިރު ކުދި ގައުމުތަކުން އަޅާ ނުލުން. އިނގިރޭސީންގެ ތައްޕާހަށް ވެއްޓި ގަނެގެން ލިބޭނެ މޮޅެއް ނެތް.
ޔާނު
23 May 2019
ގަރާރާ ދެކޮޅަށް ރާއްޖޭގެ އިތުރުން ދެން ވޯޓުދިނީ އިނގިރޭސި ވިލާތް، އެމެރިކާ، އޮސްޓްރޭލިއާ، ހަންގޭރީ އަދި އިޒްރޭލެވެ. -ޙާލަތު-
މަރޭމިތުރު
23 May 2019
ޗާގޯސް އަކީ މޮރޮކޯގެ ތަނެއް. 60 ރައް ހިމެނޭ ޗާގޯސް އައިލެންޑަކީ އިނގިރޭސި އިސްތިއުމާރުގެ ކުރިން މޮރޮކޯގެ ތަނެއް. އިންޑިއާއިން ޗާގޯސް މޮރޮކޯގެ ތަނެއްގެ ގޮތުގައި ބޭއްވުމަށް 2018ގައި ވެސް ވޯޓުދިން. އެހެނަސް ޗާގޯސް ކާރީގައި އޮންނާނެ މިހާރުވެސް އިނގިރޭސިންގެ ބާރުގައި ވާތަނެއް. އެންމެ އިންސާފުވެރިގޮތަކީ ޗާގޯސް މޮރޮކޯއަށް އޮތުން.
ޕަޕެޓްމާސްޓަރ
23 May 2019
ހޭ ދެބައިވެފަ ތޯއްޗެއް. މޮރިޝަސް. މޮރޮކޯ އެއް ނޫން
ގާޖީޒް
23 May 2019
އައިސީޖޭއަށް ކޮންސަލްޓަންސީ ދެއްވަން ރަނގަޅު ބޭފުޅެއް. ހިސްޓްރީއާއި، އިންޓަރނޭޝަނަލް ރިލޭޝަންގެ ފުންނާބު އުސް ބޭފުޅެއް.
މަރޭމިތުރު
23 May 2019
ޗާގޯސް އިނގިރޭސިންގެ ކޮޅައް ގޮސްފައިވަނީވެސް އިހުގައި މޮރޮކޯއިން ހެދި ޑީލަކުން. އެ އެގްރިމެންޓް މިހާރުވާނީ ބާތިލުވެފައި.
މަރޭމިތުރު
23 May 2019
އޮޅުމަކުން މޮރޮކޯ ލިޔެވިފައި އެވަނީ. މޮރިޝަސް.
މަރޭމިތުރު
23 May 2019
ލިއުމުގެ ކުށެއް. މާފުކުރުއްވާ! މޮރިޝަސް ރަނގަޅުގޮތަކީ.
ހޮޓްކިންގ
23 May 2019
އެމެރިކާ އިނގިރޭސިވިލާތް އަދި އިޒްރޭލާއި ގުޅިގެން ގައުމުތަކުގެ ބިންތައް އޭގެ ހައްގުވެރިން އަތުލުމުގައި ދިވެހިރާއްޖެވަނީ ބައިވެރިވެފައި. މިއީ ލަދު ގަންނަންޖެހޭވަރުގެ ކަމެއް. ރާއްޖޭގެ ޚާރިޖީ ސިޔާސަތު މިހާރު އޮތީ ދިވެހިރާއްޖޭގެ މިނިވަންކަމާއި ބައިނަލްއަގްވާމީ ޤާނޫނުތަކާއި ފުށުއަރާފަދަ ނުބައި ފައްތަރެއްގައި. މިއީ ދިވެހިން ލަދުގަންނަންޖެހޭނެކަމެއް. ބައިނަލްއަގްވާމީ ޤާނޫނުތަކަށް ގޮންޖަހައި ރާއްޖޭގެ އަގު ވައްޓާލައިފި އިބޫ ސަރުކާރުން.
މުށި
23 May 2019
ޚާރިޖީ ވަޒީރު ވަނީ ވިކިފަ.
ޕަޕެޓްމާސްޓަރ
23 May 2019
ޙާރިޖީ ވަޒީރު ބުނަނީ ހިލޭ އެހީ ލިބެޔޭ ބޯކޮށް. ލިބުނު ގައުމުތަކަށް ބަލާއިރު ހުސް މިކަމަށް ވޯޓު ނުދިން މީހުން. ދެން ވިސްނާ
އަސްލުހާލަތު
23 May 2019
ގޯސް ގޯސް އިޒުރޭލު އެމެރިކާ ކޮޅު ކިޔާފަ ކޮމްނެޓް މިކުރަނީ ވާނުވާ ނުދަންނަ ގަމާރުންތަ؟ މިއީ ތިޔަ ވިސްނާވަރަށްވުރެއް ބޮޑަށް ރާއްޖޭގެ މަސްލަހަތާ ގުޅިފައޮތްކަމެއް. ރާއްޖޭގެ ކޮންޓިނެންޓަލް ޝެލްފާ އީއީޒެޑް ހިމާޔަތްކުރުން. މޮރިޝިއަސް މީހުން ދާއަޅައިގެން މަސްކޮޅު ކަހާލާ ޕައިރޭޓުންތަކެއްކަހަލަ ބަޔަކަށ އެތަން ލިބިއްޖެއްޔާ ދިވެހި މަސްކަނޑުތަކާ އެންވެރިކަން ފުނޑޭނެ. އިނގެރޭސިންނަކީ މަސްވެރިކަން ކުރާބައެއް ނޫން، ދިވހިން އެ ސަރަހަށްދުންވެސް މަސްބާނަނީ މިހާރު.
ޕަޕެޓްމާސްޓަރ
23 May 2019
ބަޔެއްގެ އީއީޒެޑަށް ވަދެ ދިވެހިން ނުޖެހޭ މަސްވެރިކަން ކުރަން.
ސަކީނަ
23 May 2019
އިންޑިއާއަށް މިފަހަރުވެސް މިއޮތީ ހުރިހާ މޮޅެއްް
ނެގުނުކަތީބު
23 May 2019
ދެފުއްކެހެރިން ކޮންމެ ތަނަކަށް ވަނަސް އެތަނަކު އެމީހުންގެ އމަލުތަށް ހުންނާނީ އެގޮތަށް.
އޮރެންޖް
23 May 2019
ދިވެހިރާއްޖެއާ ދެކޮޅަށް މޮރިޝަސްއިން އެބަހުރި ވޯޓު ދީފަ. މޮރިޝަސް އަކީ އިންޑިއާގެ ގޮނޑިކޮއްކޮއެއް. މޮރިޝަސް ގެ ބަޔަކު 18 ވަނަ ގަރުނައިގެ ކުރިން ނެތް ފޯޅަވައްސަށް ގޮއްސަކަ. ދިވެހިން އެތަނަށް އެންމެ ފުރަތަމަ ދިޔައީ. އެތަން އެންމެ ހައްގީ ދިވެހިރާއްޖެއަށް. ބަލާ މޮރިޝަސް އޮތް ދުރު ހިސާބު. މޮރިޝަސްގަ ގިނައީވެސް އިންޑިއާ ނަސްލު މީހުން. އެކަމު އިންޑިއާ ވެސް އެއޮތީ ފޯޅައްސާ މާ ދުރުގަ.
56456
23 May 2019
ދިވެހިރާއްޖޭން ފޯޅަވަހި ހޯދަން ކުރި މަސައްކަތެއް ނެތް. ބަޔަކު އެކަމަށް ވަކާލާތުކޮށްގެން އެތަން ހޯދުމުން އެކަމާ ދެކޮޅު ހެދުމުގެ ބަދަލުގައި، އަމިއްލަ ހައްޤު ހޯދަން ބައިނަލްއަގްވާމީ ކޯޓަށް ދާނީ. އިނގިރޭސިންގެ ގޮނޑިކޮށްކޮއަށް ހެދިގެން، ޒައިނިސްޓުންގެ ވާގިވެރިއަކަށް ވެގެން އޮންނާނީކީ ނޫން.
ޒައިން
23 May 2019
އެއްވެސް އިރެއްގަ ދިވެހިންގެ ތަނެއްކަން އެނގޭކަށް ނެތް. ދިވެހި ދަރިކޮށްޅެއްވެސް ނަސްލުގެ މީހަކުވެސް އުޅުނުތަނެއް ނޫން. މޮރިޝިއަސް މީހުން އެތާ އުޅުނީ.. ދެން ކިހިނެއް އެތަން ހޯދަން ދަޢުވާ ކުރާނި. ކޮްނޓިނެންތަލް ޝެލްފްގެ މައްސަލައިގަވެސް ތި މޮރިޝިއަސްއަކުްނ ރާއްޖެއާ ޖެހިފަ އޮތީ އެހެންވީމަ އެމީހުން ކޮޅަށް ވޯޓު ދޭން ހެޔޮ ނުވާނެ