ގައިދީ ދޫކޮށްލި މައްސަލާގައި ސަސްޕެންޑްކުރި އޮފިސަރު އަލުން ވަޒީފާ އަށް ނުކުމެއްޖެ

މާލޭގެ ބޮޑުތަކުރުފާނު މަގު ހެދުމުގެ މަސައްކަތުގައި ގައިދީން ހަރަކާތްތެރިވާ އިރު ކަރެކްޝަންސްގެ މުވައްޒަފުން ބަލަހައްޓަނީ. -- ފޮޓޯ: ނިޝާން އަލީ/މިހާރު

އަހުމަދު ސާއިލް އަލީ، މިހާރު

30 ޖޫން 2019 - 10:37

9 comments

ރައީސް އިބްރާހިމް މުހައްމަދު ސޯލިހު މާފު ދެއްވާފައި ނުވާ ގައިދީއަކު ޖަލުން ދޫވި މައްސަލައިގައި ސަސްޕެންޑް ކުރި މޯލްޑިވްސް ކަރެކްޝަނަލް ސާވިސްގެ އޮފިސަރު، މިދިޔަ ބުރާސްފަތި ދުވަހު އަލުން ވަޒީފާ އަށް ނުކުމެއްޖެ އެވެ.

މޭ މަހުގެ 23 ވަނަ ދުވަހު ސަސްޕެންޑް ކޮށްފައިވަނީ ކުށްވެރިން ދޫކުރުމަށް ޗިޓް ހަދާ ކަރެކްޝަންސްގެ އޮފިސަރެވެ. ނުބައިކޮށް ޗިޓް ހެދުމުގެ ސަބަބުން ޖަލުން ދޫވީ މަސްތުވާތަކެތީގެ ވިޔަފާރި ކުރުމުގެ މައްސަލައެއްގައި 25 އަހަރަށް ޖަލަށް ލާފައިވާ މީހެކެވެ. އެއީ، ރައީސަށް މާފު ނުދެއްވޭނެ ކަމަށް ގާނޫނުގައި ކަނޑައަޅާފައިވާ ކުށެކެވެ. ފަހުން ވަނީ އެ މީހާ ހައްޔަރުކޮށްފަ އެވެ.

ކަރެކްޝަނަލް ސާވިސްގެ މީޑިއާ އޮފިޝަލް ވިދާޅުވީ އޭނާ މިދިޔަ ބުރާސްފަތި ދުވަހު އަލުން ވަޒީފާ އަށް ނުކުމެފައި ވަނީ އެ ސާވިސްގެ ގަވައިދު ބުނާގޮތުން މުވައްޒަފެއް ސަސްޕެންޑް ކޮށްފައި ބެހެއްޓޭނީ ގިނަ ވެގެން 21 ދުވަސް ކަމުގައިވާތީ އެ މުއްދަތު ހަމަވުމުން ކަމަށެވެ.

ކުރިން ހެޑް އޮފީހުގައި މަސައްކަތް ކުރި އެ އޮފިސަރު އަލުން ވަޒީފާ އަށް ނެރެފައިވަނީ މާލޭ ޖަލަށެވެ.

ރައީސް މާފު ނުދެއްވާ ގައިދީއަކު ދޫކޮށްލި މައްސަލަ ފުލުހުންނާއި ކަރެކްޝަންސް އިން ވެސް އަންނަނީ ތަހުގީގު ކުރަމުންނެވެ.

ކަރެކްޝަނަލް ސާވިސަސްގެ ޑިސިޕްލިނަރީ ބޯޑުން މީގެ ކުރިން ވަނީ އެ މައްސަލައިގައި އޮފެންޑާ މެނޭޖްމަންޓް ޑިޕާޓްމަންޓުގެ އިސްވެރިޔާ މުހައްމަދު ތޮލާލާއި ޗިޓް ތައްޔާރުކުރި އޮފިސަރުގެ މަގާމު ދަށްކުރަން ލަފާ ދީފަ އެވެ. ނަމަވެސް ކޮމިޝަނާ އޮފް ޕްރިޒްންސް އަބްދުﷲ މުނާޒު ވަނީ އެ ނިންމުން އަލުން މުރާޖާ ކުރަން އަންގައިފަ އެވެ. އޭގެ ފަހުން އަދި ވަކިގޮތެއް ނުނިންމަ އެވެ.

ކުށްވެރިޔާ ދޫވާނީ ޑިޕާޓްމެންޓުގެ އިސް ވެރިޔާ މުހައްމަދު ތޮލާލާއި ކޮމިޝަނާ އޮފް ޕްރިޒަންސް އަބްދުﷲ މުނާޒު ޗިޓުގައި ސޮއި ކުރެއްވުމުންނެވެ.

މިކަމުގައި މުނާޒާއި ތޮލާލްގެ ވެސް މަސްލަހަތު ހިމެނޭތީ، ތަހުގީގުގައި ދެ މީހުންގެ ވެސް ދައުރެއް ނޯންނާނެ ކަމަށް ކަރެކްޝަނަލް ސާވިސަސް އިން ވަނީ ބުނެފަ އެވެ.

މީގެ އިތުރުން ވެސް މާފު ނުދެވޭ ކުށްތަކުގައި ހިމެނޭ ނުވަ ގައިދީއަކު ދޫވި ކަމުގެ އަޑު ފެތުރުނެވެ. ކަރެކްޝަންސް އިން އެކަން ދޮގުކުރިޔަސް ހޯމް މިނިސްޓްރީން ބުނެފައިވަނީ އެކަން ސާފުވާނީ ގައިދީ ދޫވި މައްސަލައިގައި ފުލުހުން މިހާރު ކުރިއަށް ގެންދާ ތަހުގީގު ނިމުމުން ކަމަށެވެ.

ކުށްވެރިން ކަރެކްޝަނަލް ސާވިސް މާލޭ ޖަލު ޖަލުތައް

9 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަސްޕަމްޕް

30 June 2019

ހާދަ މޮޅަށް ކުރި ސަސްޕެންޑެކޭ މިއީ. ދެވަނަ ފަހަރުވެސް ސަަސްޕެންޑްވާން ޖެހިލުންވާނެ ކަމެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑްމުންޑޯ

30 June 2019

މިނޫސްތަކުން މިވަރަށް މިވާހަކަތަށް ނުޖަހާނަމަ އަޅާވެސް ނުލާނެ ، މިގައުމު ރަގަޅުވާނީ ކިހިނެއް ، ކިތަންމެ ބޮޑު ގޯހެއް ހެދިއަސް އެމީހަކީ ޕާޓީގެ އެކްޓިވިސްޓެއްވިއްޔާ އޯކޭ ، މީ ކުރީސަރުކާރުންވެސް އަދި މިސަރުކާރުންވެސް އަމަލުކުރާގޮތް ، ބަލާ މަޚްލޫފާއި މައުސޫމާއި އަކްރަމް ކަމާލުއްދީން ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުޑުގުޑާ

30 June 2019

އެއްމެފުރަތަމަ ސަރުކާރުގެ އެއްމެ އިސްމަގާމު ތަކުގައިވެސް ތިޔަތިއްބެވީ ޖަލުގައިބުއްހައްގުވާމީހުއް ދެން ރަގަޅުކުރެވޭނެ އެއްވެސްކަމެއް އޮއްނާނެ ކަމައް ގަބޫލުކުރާނީކިހިނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު ސިފާއު

30 June 2019

މާ މޮޅު ގޮތެއްދޯ؟ ސަސްޕެންޝަންގައި އެންމެ ގިނައިން ބެހެއްޓެނީ 21 ދުވަހޭ ކިޔާފަ އެއްވެސް ފިޔަވަޅެއް ނާޅާ އަނެއްކާ ވަޒީފާއަށް ނެރުނީ؟ ކޮބާ ދެން އޭނާއާމެދު ކުރެވުނު ކަމަކީ. 21 ދުވަސް ޕެއިޑް ޗުއްޓީއެއް ދެވުނީމަ އޭނައަށް މާ ރަނގަޅު ދޯ. ބަލަ ސަސްޕެންޝަނުގެ މުއްދަތު އެގޮތަށް އޮންނަނީ އެ މުއްދަތުގެ ތެރޭގައި އެ މައްސަލަ ބަލައި އަޅާނެ ފިޔަވަޅެއް ނިންމަން. އެއީ ހަމައެކަނި އެދުވަސްކޮޅު ވަޒީފާއިން ދުރުކޮށްލުމަށް އޮންނަ ކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗް ބީ

30 June 2019

2 ވެރިން ސޮއިކޮށްފަ މީހުން ދޫކުރެވެނީ. އެހެންވެ އެދެމީހުންގެ މައްސަލަ ވެސް ބެލެންވާނެ ..އެމީހުންގެ މަސްލަހަތު ހިމެނޭތީ ތަހުޤީޤުގައި އެމީހުން ނުހިމަނާ..އެކަމު ޑިސިޕްލިނަރީ ބޯޑުގެ ނިންމުން ތަންފީޛުކުރަން ފޮނުވަންޖެހެނީ އެތަނުން އެކަކަށް، ދެން އޭނައަށް ކަމުނުދާ ގޮތަށް ނިންމީމަ އަލުން މުރާޖާ ކުރަން ބުނީ؟؟ މީ ކޮންކަހަލަ ތަނެއް؟ ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުމާ

30 June 2019

އައިސީޓީ އައް އިންވެސްޓުނުކޮށް ޖަލުތަކުގެ ހިންގުން ހަރުދަނާކޮށް އަތްދަށުން މީހުންދޫނުވާގޮތެއްނުހެދޭނެކަން މިސަރުކާރަށް އެނގެންވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުމުންޒާނި އަލިބޭ

30 June 2019

ވަރަށް ހެއްވާ! ހޯރަ އިއްބެ ދޫކޮށްލެވުނީތީވެސް ހިތާމަ ކުރެޔޯ! އަދި ސިއްދީޤަށް ޙަމަލަދިން ސްމިތު ދޫކޮށްލީވެސް ހޯމް މިނިސްޓަރަށް ނޭގިޔޯ! ރައީސް ނަޝީދު ދޫކޮއްލަން ޗިޓް ނެރުނީވެސް އޮޅުމަކުންނޯ! މިހުރީ އެންމެނަށް އެނގޭ ޖަގްލަރީ ގޭމް.