ޚަބަރު / ޖުމްހޫރީ ޕާޓީ

ޖޭޕީގެ ނައިބު ރައީސަކަށް ސައުދު އިންތިޚާބުކޮށްފި

ޖޭޕީން މިދިޔަ އަހަރު ބޭއްވި ކޮންގްރެސްގައި ސައުދު (ކ-3) ބައިވެރިވެވަޑައިގަންނަވަނީ---ފޮޓޯ: ނިޝާން އަލީ/މިހާރު

އާސިމާ ނިޒާރު، މިހާރު

22 ޖުލައި 2019 - 23:55

10 comments

ޖުމްހޫރީ ޕާޓީ (ޖޭޕީ) ގެ ނައިބު ރައީސަކަށް އަހުމަދު ސައުދު މިރޭ އިންތިޚާބުކޮށްފި އެވެ.

އެ ޕާޓީގެ ކައުންސިލުން ބޭއްވި ބައްދަލުވުމުގައި، ނައިބު ރައީސްގެ އިތުރުން އިސްތިއުނާފު ކޮމެޓީގެ ޗެއާ ކަމަށާއި އިސްލާމީ ވަހުދުތަކުގެ ޗެއާ ކަމަށް ވެސް ބޭފުޅުން އައްޔަންކޮށްފައި ވެ އެވެ. އެގޮތުން އިސްތިއުނާފު ކޮމެޓީގެ ޗެއާކަމަށް އައްޔަންކޮށްފައިވަނީ މަތިވެރި ދާއިރާގެ ކުރީގެ މެމްބަރު ހުސެއިން މުހައްމަދެވެ. އިސްލާމީ ވަހުދަތުގެ ކޮމެޓީގެ ޗެއާއަކަށް ހަމަޖެއްސެވީ ކެޔޮދޫ ދާއިރާގެ ކުރީގެ މެމްބަރު މޫސާ ނިޒާރެވެ.

ޖޭޕީގެ ނައިބު ރައީސަކަށް ކުރިން ހުންނެވީ ޑރ. އަބްދުﷲ މައުސޫމެވެ. ނަމަވެސް ސިންގަޕޫރުގައި ހުންނަވާ ސަފީރުކަމަށް އައްޔަންކުރެއްވުމުން އޭނާ ވަނީ ޕާޓީގެ މަގާމުން އިސްތިއުފާ ދެއްވައިފަ އެވެ.

ސައުދަކީ ޖޭޕީގެ ލީޑަރު ގާސިމް އިބްރާހިމަށް ބޮޑުބޭބެ ވިދާޅުވާ ބޭފުޅެކެވެ. އޭނާގެ މަސްއޫލިއްޔަތުގެ ތެރޭގައި ހިމެނެނީ ޕާޓީގެ އިދާރީ ކަންތައްތައް ބެލެހެއްޓުމެވެ.

އެ ޕާޓީގެ ޗީފް ސްޕޯކްސްޕާސަން އަލީ ސޯލިހު ވިދާޅުވީ މަގާމުތަކަށް ބޭފުޅުން އައްޔަންކުރުމުގެ އިތުރުން އެހެން މުހިއްމު ކަމެއް ވެސް ނިންމާފައިވާ ކަމަށެވެ. އެގޮތުން، މީގެ ފަހުން ބާއްވާ އިންތިޚާބުތަކުގައި ޖޭޕީގެ ފަރާތުން ވާދަކުރާނެ ކެންޑިޑޭޓުން ކަނޑައަޅާނީ ޕްރައިމަރީއަކުން ކަން ކައުންސިލްގެ ބައްދަލުވުން ފާސްކޮށްފައިވާ ކަމަށް ވިދާޅުވި އެވެ.

ސިޔާސީ ޕާޓީ ޖުމްހޫރީ ޕާޓީ

10 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގަހާފޮޑިދޮންތި//ފޭދޫ

23 July 2019

މުސްކުޅީން އުޅޭ މައުލޫދު ޕޓީއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

23 July 2019

" އިސްލާމީ ވަހުދުތަކުގެ ޗެއާ " .... ދީނީ ކާޑު ކޮންމެ ޕާޓީ އަކުންވެސް ކުޅެންވާނެ ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމީނާ

23 July 2019

ގައުމު ފުނޑެމުންދާއިރުވެސް، މަގާމުތަކުގެ ދަހިވެތިކަމުގެ އަވާގައި ތިބެގެން އަދިވެސް އިތުރު މަގާމްތަކަށް މީހުން ނުލެވިގެންދޯ މިއުޅެނީ. މިހާރު މިގައުމުގައި ކުރާނެ މަސައްކަތެއް ނެތް، ވިޔަފާރިތައް ދަނީ ފުނޑެމުން. އެއްޗެއް ގަންނާނެ މީހަކު ނެތް. ޕިކަޕް ކާރު ދަތުރުތައް އިންތިހާއަށްވަނީ މަދުވެފައި. މިވަރު ވާއިރުވެސް މޫނުގަ ފުއްޖަހާގެން ރީނދޫ ޓައީ އަޅާގެން ވީ އަދި ރާ ޓީވީތަކަށް އަރާ ލަވަކިޔާފަ އަތްޖަހާއިރު އަޅެހަމަ ވާނުވާވެސް ނޭނގެނީ ހެއްޔެވެ.