ހިތަދޫ އުތުރު ފަރާތް ގިރައި، ރައްޔިތުން ބިރުވެރިކަމެއްގެ ތެރޭގައި!

ހިތަދޫ ގިރާ ސަރަހައްދުގައި ވެލި ބަސްތާތަކެއް ޖަހާފައި.

ސ، ހިތަދޫން، އަހުމަދު އަދްޝަން، މިހާރު

26 ޖުލައި 2019 - 13:13

އައްޑޫ ހިތަދޫ އުތުރު ފަރާތް ވަރަށް ބޮޑަށް ގިރައި، އެ ސަރަހައްދުގައި ހުރި ގެތަކުގެ ރައްޔިތުންގެ ބިރުވެރިކަމެއްގެ ތެރޭގައި ތިބެން ޖެހިފައިވާތީ އެކަމަށް ހައްލެއް ހޯދައި ދޭން މަސައްކަތް ކުރަމުން އަންނަ ކަމަށް އައްޑޫ ސިޓީ ކައުންސިލުން އިއްޔެ ބުނެފި އެވެ.

ކައުންސިލުން ބުނީ ހިތަދޫގެ ފުއްޓަރު ފަރާތުން ގިރަމުންދާ ސަރަހައްދު ހިމާޔަތް ކުރުމަށްޓަކައި، އެ ސަރަހައްދުގައި ޖިއޯ ބޭގްސް ޖެހުމުގެ މަސައްކަތް ވަރަށް އަވަހަށް ފަށާނެ ކަމަށެވެ.

އެގޮތުން، އެކަމަށް މި އަހަރުގެ ބަޖެޓުގައި ތިން މިލިއަން ރުފިޔާ ހިމަނާފައިވާ ކަމަށް ވެސް ބުންޏެވެ.

ކައުންސިލުން ބުނި ގޮތުގައި މަސައްކަތް ކުރިއަށް ގެންދާނީ އެންވަޔަރުމެންޓް މިނިސްޓްރީގެ ބެލުމުގެ ދަށުން އެމްޓީސީސީއާ ހަވާލުކޮށްގެންނެވެ. ނަމަވެސް މަސައްކަތް ފެށޭނެ ސީދާ ދުވަހެއް ނުބުނެ އެވެ. ކައުންސިލުން ބުނީ ހިތަދޫ މޫލެކެޑެ ސަރަހައްދުން ފުއްޓަރު ފަރާތުން ގިރަމުންދާ ސަރަހައްދު ހިމާޔަތް ކުރުމަށް ދާއިމީ ހައްލެއް ހޯދުމުގެ މަސައްކަތް ކުރިއަށް ގެންދާއިރު، އެ ސަރަހައްދު ހިމާޔަތް ކުރުމަށްޓަކައި ކައުންސިލްގެ ފަރާތުން ވަރަށް ފަހުން ވެސް ވެލިއަޅައި ޖަމްބޯ ބޭގްސް ޖެހި ކަމަށެވެ.

ނަމަވެސް ގިރުމުގެ މައްސަލަ ދުވަހުން ދުވަހަށް ގޯހުންގޯހަށް ދާތީ ރައްޔިތުން ތިބީ ވަރަށް ބޮޑު ކަންބޮޑުވުމެއްގެ ތެރޭގަ އެވެ. އެ ސަރައްދުގައި އުޅޭ މީހުން ބުނި ގޮތުގައި ގިރާ މައްސަލަ އަށް ހައްލެއް ހޯދައި ދޭން ސަރުކާރުގައި އެދޭތާ ވެސް މިހާރު 10 ވަރަކަށް އަހަރު ވެދާނެ އެވެ.

ހިތަދޫ ގިރާ ސަރަހައްދުގައި ޖަމްބޯ ބޭގްތަކެއް ކުރިން ބަހައްޓާފައި.

އެކަމަކު މިހާތަނަށް އައި އިރު ވެސް މި ކަންބޮޑުވުމަށް އެއްވެސް ސަރުކާރަކަށް ދާއިމީ ހައްލެއް ހޯދައި ދެވިފައި ނުވާތީ އެތައް ބަޔަކު ބިރުވެރިކަމެއްގެ ތެރޭގައި އުޅެން ޖެހިފައިވާ ކަމަށް ބުންޏެވެ. ގިރާ ސަރަހައްދުގައި ހުރި ގެތަކަށް މިކަމާ ގުޅިގެން މާލީ ގޮތުން ވެސް ބޮޑެތި ދަތިތަކާ ކުރިމަތިލާން ޖެހިފައިވެ އެވެ.

އެގޮތުން، ގޭގޭގައި ގެންގުޅޭ ކަރަންޓު ސާމާނަށް ލޮނުގެ އަސަރުކޮށް ހަލާކުވާ މައްސަލަ ވެސް ބޮޑެވެ.

"އެކަމަކު އެ އަށް ވުރެ ބޮޑަށް މިތިބީ ނަފުސާނީ ބިރުވެރި ކަމެއްގެ ތެރޭގައި. މިހެން ގިރަމުން ގޮސް ގެއާ އެކު، ގިރައިގެން ހިނގައި ދާނެ ކަމުގެ ބިރު އެބައޮތް،" އެ ސަރަހައްދުގައި އުޅޭ މީހަކު ބުންޏެވެ.

"މިކަމަށް އެބަޖެހޭ ވީހާ ވެސް އަވަހަށް ހައްލެއް ހޯދައި ދޭން."

ސ. ހިތަދޫ އައްޑޫ އައްޑޫ ސިޓީ ކައުންސިލް ރަށް ގިރުން

10 ކޮމެންޓް, 44 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހައްވާގެ ތެލެފޯނާ

27 July 2019

މި ސަރުކާރު އައިފަހުން މިހާ ބިޔަ ރާޅު ނަގަން ފެށީ ދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްޔާ އައްޑޫ

27 July 2019

ސޯބެ މެން މެމްބަރު އަސްލަމް ކޮންމެ އިންތިޚާބަކަށް ރައްޔިތުންނަށް ހައްލުކޮށްދޭން ވައުދުވާ ކަމެއް މިއީ. ރައްޔިތުން ބިކަކޮށް، ދަތިހާލުގައި އުޅެން މަޖުބޫރު ކުރުވަނީ ސިޔާސީ މަންފާ ހޯދަން. އަމަލުން ތިޔަކަމެއް ނުކުރާނެ. ނަމަކަށް ހިމާޔަތް ކުރަން ކަމެއް ނުކުރާނެއެކޭ ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިރިކޭހާ

27 July 2019

ތިއީ ކުރިން ވަރަށް ބޮޑު ދޮންވެލިގަނޑަކާއި އަކިރި އޮންނަ ސަރަހައްދެއް. ނަމަވެސް 2011 އިން ފެށިގެން ވެލި ނަގައި ވިއްކައި ހުސްކުރީ. އެކަން ކުރާކަން ޕޮލިހުންނަށް އިނގޭ، ކައުންސިލަރުންނަށް އިނގޭ. ރޭގަނޑު ދަންވަރު ޕާޓޭމެން ޖަހާ ސަކަރާތް ނޭގޭ އެކަކުވެސް ނެތް، ނަމަވެސް ޕާޓީ ކުދިން ވީމާ އެއްކަމެއްވެސް ނުކޮށް ތިބީ. މިހާރު ދެން ވާނެއެއްޗެއް ތިއޮތީވެފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙޯރަސް

26 July 2019

ބޯހަލާކު. ދެކުނު އުތުރުވެސް ނޭގޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިރިކީލަ

26 July 2019

އެ ނިމުނީނު. ކޮބާ މައްސަލަ އަކީ؟ އަނެއްކާވެސް އަންނަ އިނތިޚާބުގަ ރާއްޖެތެރެ ފެންނާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާގުރެޓު

26 July 2019

ހުސްނުވާވަރަށް ބިންއޮންނަ މާސިންގާ ރަށްރަށުގަ އެންމެ ގަދައަށް ރާޅުބިންދާ ހިސާބުގަ މޫދާޖެހިގެން ގެދޮރު އަޅައިގެން ތިބުމެކޭ ވޮލްކޭނޯއެއްގެ ބުޑުގައި ގެދޮރު އެޅުމެކޭ ކޮބާ ތަފާތަކީ. ގިރަންވެސް ޖާގަދޭންޖެހޭ، އެއީ ގުދުރަތީ ނިޒާމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަށްޑޫ ކަތީބު

26 July 2019

ހާސްވާނެ ކަމެއްނެތް. މިފަހަރު ކައުންސިލްވެސް 7 0 އިން ދީފަ ބަހައްޓާ. އަށްޑޫ މީހުންނަކީ ހަމަ އެކަނި ވޯޓް ލާން ތިބިބައެއްކަން ނިމުނު 7 މަހުން އެގިއްޖެ. މިފަހަރުވެސް 7 0 ވާނެކަމަށް މިބަލަނީ. ވޯޓް ލެވޭޏެ ކަމެއް ނުކޮށްދެވޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމާ

26 July 2019

ކެއްތެރިވޭ ދެންއޮތީ އައްޑޫގެ ތަރައްގީގެ ޕޮލޭން އެކުލަވާލުން. އިގިރޭސި ރާނީގެ ރޮޔަލް ބޭންޑު ފަދައިން އޮޑި އަރަގުވާއިރުވެސް އެއްވާމެއްގައި ސަޕޯޓުކޮށްލަކޮށްލާ ތިބެންވާނެ. މާޔޫސްވުމެއްނެތް ނޭފަތުންމައްޗަށް އެރިއަސް ވަރިހަވިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަށްޑޫ ކަތީބު

26 July 2019

ކަލޯ އެއްކަމެއްވެސް ނުވާނެ މަ ނުބުނަން ހުންނައެތިވެސް ބުނެވޭ ހިސާބަށް މިއަނަންނީ. އަށްޑޫގަ ތިބި މީހުން މަވެސް ލައިގެން ހޭ އަރާނީ ކޮންއިރަކުންބާވަޔޭ ހިތަށްއަރަނީ. 7 0 ކިޔާލައިގެން މިފަހަރު ވަރިހަމަ ވެއްޖެނަމަ ދެން އަށްޑޫގެ ނަންވެސް ދުއްވާލާނެކަން ނޭގޭ.