މޮޅަދޫ ބަނދަރު ހަދަން ލަންކާ ކުންފުންޏަކާ ހަވާލުކޮށްފި

ޕްލޭނިން މިނިސްޓްރީގެ ޑިރެކްޓާ ޖެނެރަލް ފާތިމަތު ޝަނާ ފާރޫގް (ވ) އާއި ސެނޮކް ޓްރޭޑް ކޮމްބައިންގެ އެކައުންޓަންޓް ޕްރަބާތު އެއްބަސްވުން ބަދަލުކުރަނީ -- ފޮޓޯ: ޕްލޭނިން މިނިސްޓްރީ

ލަމްޔާ އަބްދުﷲ، މިހާރު

08 ސެޕްޓެމްބަރ 2019 - 16:14

2 comments

ހއ. މޮޅަދޫގައި ބަނދަރު ހެދުމުގެ މަޝްރޫއު، 26 މިލިއަން ރުފިޔާ އަށް މިއަދު ބަޔަކާ ހަވާލުކޮށްފި އެވެ.

މި މަސައްކަތް ޕްލޭނިން މިނިސްޓްރީން ހަވާލުކުރީ ސެނޮކް ޓްރޭޑް ކޮމްބައިން އާ އެވެ. އެއީ ސްރީ ލަންކާގެ ކުންފުންޏެކެވެ.

ޕްލޭނިން މިނިސްޓްރީގައި ބޭއްވި ރަސްމިއްޔާތުގައި އެއްބަސްވުމުގައި އެތަނުގެ ފަރާތުން ސޮއިކުރެއްވީ މިނިސްޓްރީގެ ޑިރެކްޓަ ޖެނެރަލް ފާތިމަތު ޝަނާ ފާރޫގެވެ. ސެނޮކްގެ ފަރާތުން ސޮއިކުރެއްވީ އެތަނުގެ އެކައުންޓެންޓް ޕްރަބާތެވެ.

ހއ. މޮޅަދޫ ބަނދަރު ހެދުމަށް ސެނޮކް ޓްރޭޑް ކޮމްބައިން ޕްރައިވެޓް ލިމިޓެޑާއި ހަވާލުކޮށްފި.
26,984,891.28 ރުފިޔާ ޚަރަދުކޮށްގެން ކުރިއަށްގެންދާ މި މަޝްރޫޢުއަކީ 1 އަހަރު ދުވަހުގެ ތެރޭގައި ނިންމުމަށް ހަވާލުކޮށްފައިވާ މަޝްރޫޢުއެއް. pic.twitter.com/MqfgtcURyc
— Ministry of National Planning and Infrastructure (@PlanningMV) September 8, 2019

ޕްލޭނިން މިނިސްޓްރީން މިއަދު ކުރި ޓްވީޓެއް

ޕްލޭނިން މިނިސްޓްރީން ބުނީ އެއް އަހަރު ތެރޭ ނިންމަން ހަވާލުކޮށްފައިވާ މި މަޝްރޫރުގައި 232 މީޓަރު ކަނޑު ތޮއްޓަކާއި 200 މީޓަރުގެ އެއްގަމު ތޮށްޓެއް ލާނެ ކަމަށެވެ. އަދި 42 މީޓަރު ރިވެޓްމެންޓް ޖަހާނެކަމަށް ވެސް އެތަނުން ބުންޏެވެ،

މީގެ އިތުރުން ހަތަރު ރަށެއްގައި ފެނާއި ނަރުދަމާގެ މަސައްކަތްކުރަން އެމްޓީސީސީއާ މިދިޔަ ހަފްތާ ހަވާލުކުރި އެވެ. އަދި ވ. ފެލިދޫގެ ބަނދަރު ބޮޑުކުރުމުގެ މަޝްރޫއު އާއި އއ. ރަސްދޫގެ ގޮނޑުދޮށް ހިމާޔަތްކުރުމުގެ މަޝްރޫއު ވެސް ޕްލޭނިން މިނިސްޓްރީން ވަނީ އެމްޓީސީސީއާ މިދިޔަ ހަފުތާގައި ހަވާލުކޮށްފަ އެވެ. މި ހުރިހާ މަޝްރޫތަކަށް 188 މިލިއަން ރުފިޔާ ހަރަދުކުރާނެ އެވެ.