ޖަލުގައި ހަމަނުޖެހުން ހިންގަނީ ވާނުވާގައި ގިނަ ދުވަހު ތިބެން ޖެހުމުން: މުނާޒު

އެމްސީއެސްގެ 48 ވަނަ އަހަރީ ޖަލްސާގައި ހޯމް މިނިސްޓަރު އިމްރާން (ކ) އާއި ކޮމިޝަނާ އޮފް ޕްރިޒަންސް މުނާޒް (ކ.2) ބައިވެރިވަޑައިގަންނަވަނީ -- ފޮޓޯ: ހޯމް މިނިސްޓްރީ

ލަމްޔާ އަބްދުﷲ، މިހާރު

27 ސެޕްޓެމްބަރ 2019 - 15:01

9 comments

ޖަލުގައި ހަމަނުޖެހުން ހިންގަނީ ޖަލުގެ މުވައްޒަފުންގެ ކުށުން ނޫން ކަމަށާއި ޝަރީއަތް ނިމެންދެން ވާނުވާ ނޭނގި ގިނަ ދުވަހު ޖަލުގައި ގައިދީން މަޑުކުރަން ޖެހުމުން ކަމަށް ކޮމިޝަަނާ އޮފް ޕްރިޒަންސް އަބްދުﷲ މުނާޒް ރޭ ވިދާޅުވެއްޖެ އެވެ.

ކ. މާފުށީގައި ހުންނަ ޖަލުގައި ބޭއްވި މޯލްޑިވްސް ކަރެކްޝަނަލް ސާވިސަސް (އެމްސީއެސް) ގެ 48 ވަނަ އަހަރީ ޖަލްސާގައި މުނާޒް ވިދާޅުވީ މި އަހަރުގެ އޮގަސްޓް މަހާ ހަމައަށް، މާފުށީ ޖަލުގައި ތިބި ގައިދީންގެ ފަރާތުން 40 އަށް ވުރެ ގިނަ ފަހަރު ޖަލު އޮފިސަރުންނަށް އަނިޔާކޮށްފައިވާ ކަމަށެވެ. އަދި އެއީ ގައިދީންނާ މެދު އޮފިސަރުން އިހާނެތިކޮށް ކަންތައް ކުރާތީ ހިނގާ ހަމަނުޖެހުންތަކެއް ނޫން ކަމަށެވެ.

pic.twitter.com/AEZ3mplD4x
— Home Ministry, MV (@HomeMinistrymv) September 26, 2019

ހޯމް މިނިސްޓްރީން ރޭ ކުރެއްވި ޓްވީޓެއް

"ކަރެކްޝަނަލް އޮފިސަރުން މިއަދު ގަބޫލުކުރަނީ އެކަން އެހެން އެވަނީ ޝަރީއަތް ނިމެންދެން ބަންދުކުރުމަށް ފަހު ވާނުވާގައި އަހަރު ދެ އަހަރު ވަންދެން، ނުވަތަ އެއަށް ވުރެ ވެސް ގިނަ ދުވަސް ވަންދެން ބޭތިއްބުމާއި، ހުކުމުގެ މުއްދަތުގައި އަބަދު ގޮޅީތެރޭގައި ބަންދުވެފައި ބޭތިއްބުމުގެ ނަތީޖާއެއްގެ ގޮތުން ކަމަށް. އެ މީހުންގެ ރުޅިގަނޑު ފިލުވައިލުމަށް އެ މީހުންގެ ކުރިމަތިން، ގޮޅި ކުރިމަތިން ފެންނަ ކޮންމެ މީހަކަށް ކުރާ ގޯނާއެއްގެ ގޮތުގައި،" މުނާޒް ވިދާޅުވި އެވެ.

ގައިދީންނާ މެދު އަމަލުކުރަމުން އަންނަ ގޮތް ބަދަލުކުރަން އެމްސީއެސްގެ އޮފިސަރުން މަސައްކަތްކުރަމުން އަންނަ ކަމަށް އޭނާ ވިދާޅުވި އެވެ. އަދި މި އަހަރު ނިމުމުގެ ކުރިން ގައިދީންނާ މެދު އަމަލުކުރަން އެކުލަވާލައިފައިވާ ގަވާއިދު އިސްލާހުކުރުމަށް ފަހު އަލުން ގެޒެޓް ކުރާނެ ކަމަށް ކޮމިޝަނަރު ވިދާޅުވި އެވެ.

އޭނާ ވިދާޅުވީ ސަރުކާރު ބަދަލުވި އިރު ޖަލުގެ ހާލަތު ގޯސްކަމަށާއި އެކަން އިސްލާހުކުރަން ގިނަ މަސައްކަތްތަކެއް ކުރަމުން އަންނަ ކަމަށެވެ. އޭގެ ތެރޭގައި ގައިދީންގެ ވަކީލުން އުފުލަމުން އައި ތަކުލީފު ކުޑަކޮށްފައިވާކަން އޭނާ ފާހަގަކުރެއްވި އެވެ.

މުނާޒް ވިދާޅުވީ އެމްސީއެސްގެ އެންމެ ބޮޑު ޒިންމާ އަކީ ޖަލުގައި ބަންދުކުރާ މީހުން ކުށުގެ ވެއްޓާ ދުރުކުރުން ކަމަށެވެ.

ހޯމްލޭންޑް ސެކިއުރިޓީ މިނިސްޓްރީ ކ. މާފުށި މާފުށީ ޖަލު އިމްރާން އަބްދުﷲ، ހޯމް މިނިސްޓަރު ކޮމިޝަނާ އޮފް ޕްރިޒަންސް އަބްދުﷲ މުނާޒް (ކުރީގެ ކޮމިޝަނާ އޮފް ޕްރިޒްންސް)

9 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަށްޑޫ ކަތީބު

27 September 2019

ތިޔަބުނާ ވާނުވާ އެގެނީ ކޮންދުވަަކުންބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުވާލަކީ؟

27 September 2019

ހަމަ އެމީހުން ރިތިކޮށް އުޅެއުޅެ ތިއްބާ އެއްވެސް ކުށެއް ނުކުރަނީސް ގެނެއްސަ ވާނުވާ ޖަހަނީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

900 ޑިގުރީ

27 September 2019

ޖަލު ރަންގަޅަށް ބެލެހެއްޓޭނަަމަ ޖަލުގައި ގައިދީން ފޯނެއް ނުގެންގުޅޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސީހު

27 September 2019

ދިވެހިރާއްޖޭހައި ގަވާއިދާއި ހިލާފަށް އައިސްއުޅޭ ބިދޭސީން ގެ މައްސަލަ ރެގިއުލަރައިސް ކޮއްގެން ހައްލުނުވާނެ. ހައްލުކުރެވޭނީ ޑޮކިއުމެންޓް ނެތްމީހުން ރާއްޖެއިން ފޮނުވާލެވިގެން. ޖަލުގެ ހާލަތު ރަގަޅުކުރެވޭނީ ޖަލުގެ ގޮޅިތަކުގައި ހުކުމެއް ނެތް ހުރިހާ އެއްމެން ދޫކޮއްގެން. ބައިތިއްބާނެ ތަންތަން ބިނާކޮއްގެން. ކަންކަން ރަގަޅުކުރަން އިހްލާސްތެރިކަމާއި އެކު އުޅޭނެބަޔަކު ތިބެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކީނާއްތަ

27 September 2019

ޖަލުގެ ހާލަތު ރަަގަޅުކުރެވޭނީ ކޯޓުތަކުން އަވަހަށް މައްސަލަ ނިއްމައިގެން. އަދި ޖިނާއީ ތަހްގީގް އަވަސްކުރެވި ކަންކަން އަވަހަށް ނިއްމަން އެގޭ މީހުންނަށް. ލަހުން މައްސަލަތައް ނިއްމާމީހުން އެއްފަރާތްކޮއްގެން. ގާބިލް މީހުން ތިތަންތަނަށް ލައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯލްޓް

27 September 2019

ކަންކަން ރަގަޅުކުރެވޭނީ ކަމަށް ގާބިލް ގިނަމުއައްޒަފުން ލާފައި ގާނޫނާއި ގަވައިދު ހިންގައިގެން. ތި މުއްއައްސަސާއަށް ގިނަސިޔާސީ މުއްޒަފުންލައިގެން. ގިނަމުއައްޒަފުން ތިބޭތަންތަން މޭން ކުރެވޭނީ ގިނަމުައްޒަފުންލައިގެން. ސިވިލްސާވިސް ވެސް އެބަޖެހޭ އޯވަހޯލްކުރަން. މުވައްޒަފުންނަށް ދޭ މުސާރަ ހަަރުދަނާކުރުމާއި އެކު ސިޔާސީ މުައްޒަފުންގެ ވެސް މުސާރަކުޑަކުރަން ފެނޭ. ކުރީސަފުގައި ތިބި މީހުން ބަދަލުކޮއްގެން އެއްރޫހުގައި ކަންކަން ރަގަޅުކޮއްގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެބަންދިހާރު

27 September 2019

ވާނުވާ އެނގުނީތަ ނޫނީ ވާނުވާ ނޭގެނީތަ ހަމަ އެކަނި ”ވާނުވާގައޭ” ބުނީމަ ރަނގަޅަކަށް ވާނުވާއެއް ނޭގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮދުރީ

27 September 2019

ގައުމު ބަނގުރޫޓުވާ އިރުވެސް އިމްރާންމެން އުޅެނި މުޖުރިމުންނަށް 5 ތަރީގެ ރެސޯޓެށް ނެހެދިގެން.. މުއާތިނުންނާއި މައުސޫމުންގެ ހައްޤެއް މި ގައުމުގަ އެށް ނެތް...