ކަސްޓަމްސްގެ ވަޒީފާ އިން ވަކިކުރި މުއާޒް އަލީ
29 ސެޕްޓެމްބަރ 2019 - 23:27
42 comments
ކޮރަޕްޝަންގެ މައްސަލައެއްގެ ތުހުމަތުގައި ކަސްޓަމްސްގެ އިސް މުވައްޒަފަކު މިއަދު މަގާމުން ވަކިކޮށްފައިވާ ކަމަށް އެ އިދާރާއިން ބުނެފި އެވެ.
ކަސްޓަމްސްގެ މީޑިއާ އޮފިޝަލް ވިދާޅުވީ އެ އިދާރާގެ އެގްޒެކްޓިވް މަގާމެއްގައި ހުންނެވި ބޭފުޅަކު މިއަދު މަގާމުން ވަކިކޮށް އޭނާގެ މައްޗަށް ތުހުމަތު ކުރެވޭ ކޮރަޕްޝަންގެ މައްސަލާގެ ޖިނާއީ ތަހުގީގު ފަށާފައިވާ ކަމަށެވެ.
އޭގެ އިތުރުން އެއްވެސް މައުލޫމާތެއް ނުދިނެވެ. ނަމަވެސް އެނގިފައިވާ ގޮތުގައި، ވަޒީފާ އިން ވަކިކުރީ ސީނިއާ ސުޕްރިންޑެންޓެއްގެ މަގާމުގައި ހުރި މުއާޒް އަލީ އެވެ.
ދެ ކޮންޓެއިނަރެއް ރާއްޖެ އަށް ވަގަށް ވެހިކަލް އެތެރެކުރި މައްސަލާގައި ކަސްޓަމްސްގެ ދެ އޮފިސަރަކު ސަސްޕެންޑްކޮށް ތަހުގީގު ފަށާފައިވާ ކަމަށް މި މަހު ކުރީކޮޅުގައި ކަސްޓަމްސްއިން ވަނީ ބުނެފަ އެވެ. މިއަދު ވަކިކުރި މީހާއާ މި މައްސަލައާ ގުޅުމެން އޮތްކަމެއް ނުވަތަ ނޫން ކަމެއް ވެސް އަދި ނޭނގެ އެވެ.
އިމްޕޯޓް ޑިއުޓީ ނެގުމުގަ އާއި ރާއްޖެ އަށް މުދާ އެތެރެ ކުރުމުގައި މަކަރާއި ހީލަތް ހަދާ ކަމަށް ކުރިންސުރެ ވެސް ކަސްޓަމްސްގެ މައްޗަށް ތުހުމަތު ކުރެ އެވެ. ތަހުގީގީ އިދާރާތަކުން ވެސް ކުރާ އެ ތުހުމަތުތައް ކަސްޓަމްސްއިން އޭރު ދިޔައީ ދޮގު ކުރަމުންނެވެ.
ކޮމިޝަނާ ޖެނެރަލް އޮފް ކަސްޓަމްސް އަހުމަދު ނުއުމާން މަގާމާ ހަވާލުވެވަޑައިގެންފައި ވިދާޅުވީ ކޮރަޕްޝަނަށް އެ އިދާރާގެ ތެރެއިން ދެން ފުރުސަތު ނުދެއްވާނެ ކަމަށެވެ. މައްސަލަތައް ބަލައި އިހުމާލުވި ފަރާތްތަކާ މެދު ފިޔަވަޅު އަޅުއްވާނެ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެހެންތަ ހީވަނީ
30 September 2019
ކަސްޓަމްގަ މަސައްކަތް ކުރާމީހުން ބުނަނީ މިހާރު މާގަދައަށް ވައްކަންކުރާކަމަށް .ތިމައްސަލަގައިގަ ބެދިފަތިބިމީހުންނަކީ އެމްޑީޕީ އަށް ނިސްބަތްވާ ފެށުނީއްސުރެ އެޕާޓީއަށް މަރުދޭ ބައެއް އެބައެއްގެ ކޮރަޕްޝަނުގަ މައްސަލަތަށް ފެންމަތިވެ ސައްކު އެބައެއްގެ މައްޗަށް ކުރެވެމުންދަނިކޮއް އެބަޔަކުވަނީ މިހާރު ރިޓަޔ ވެފަ ސަކުވާއަކީ ކީއްވެހޭ މައްސައެއް ގަ ސައްކުގެ އިގިލި ދިއްކުރާބަޔަކު އިބޫ ސޯލިހު އެބަޔަށް ރިޓަޔަވުމަށް ފުރުސަތު ދިނީ .އެއްފަހަރާ ބައިވަރު ގަޑެއް .
ވާލުސޮރު
30 September 2019
އެންމެން ދަންނަ ބޮޑު ސިއްރު، ވަރަށް ގިނަ މީހުން ދަންނަ ކުރީ ސަރުކާރުގައި ވަރަށް ބާރުގަ ވަރަށް ބޮޑެތި ބަސްތައް ބުނެފަ އުޅުނު މީހުންމީ. މިމީހުން ދަންނަންވާނެ މިނޫނަސް ދުވަހެއް އަންނާނެކަން. މެލޭޝިޔާގައިވެސް ަރުކާރު ހަރަދުގައި އޯޕަން ބަޖެޓުގައި ކިޔަވައިގެން އައިސް ބޭނުން ވަޒީފާއެއް ޗޫސްކުރަން ލިބުނު މަދު މީހުން ތެރެއިން އެކަކު މިބޭފުޅާމީ
ސަލީމާ
30 September 2019
ބޮޑުމީހާގެ އޯޑަރު ތަންފީޒުކުރާ ބުރަނދަތައް ބޭރުކޮށްގެން މިކަމެއް ނުނިމޭނެ
ސޮބާ
30 September 2019
ކޮންމެ ތަނެެެއްގައިވެސް އުޅޭނެ ވައްކަން ކުރާ ރިސްވަތު ހިފާމީހުން. ހުރިހާ އެންމެނެއް ވަައްކަމެއް ނުކުރާނެ. ކަސްޓަމްސްގައި އުޅޭތާ 12 އަހަރައްވުރެ ގިނަދުވަސްވީ ތިބުނާ މުއްސަދި ދިރިއުޅުމެއް ނޫން އުޅެނީކީ ކުލި ދައްކައިލައިގެން މީހުންނަށް ނުދަރާ ހަމަ ކިރިޔާ އުޅެވެވެނީ. ކަސްޓަމްސް އައްވުރެ އެހެން ތަންތަނުގަ ރިސްވަތު ނަގާ މުވައްޒިފުންގިނަ އެމް.ޕީ.އެލް މުވައްޒިފުން ނަގާ ހުރިހާ ރިސްވަތެއްގައިވެސް ނަންވަނީ ކަސްޓަމްސް.
ވޯލް
30 September 2019
ތިޔަ ކަހަލަ ވަގުން ހުސް ކަސްޓަމްސްގެ ކްލިއަރަންސް ބައިގަ. އެކަން އެނގޭނެ ލިބޭ އާމްދަނީއާއި ނުބައްދަލު ލައިފްސްޓައިލްއަށް ބަލާލީމަ.
އެކްޓިވިސްޓް
30 September 2019
ކޮރޮޕްޝަން ނެތް ތަނެއް އިދާރާއެއް އޮފީހެއް މިޤައުމުގެ އެބަވޭތަ؟ ޔަޤީނުންވެސް އަދިވެސް ކުޑަމިންވަރެއްވެސް މަދުނުވެ ދަނީ ހަމަ އިތުރަށްކުރިއަށް، އެއިރުވެސް މިހާރުވެސް ތިބީ އެއްބައެއް، މަޤާމާއި ނުފޫޒުބޭނުންކޮށްގެން ނާޖާއިޒުފައިދާ ނަގަމުންދާ މިންވަރު ތަންފުކެއްވެސް މަދުނުވޭ، ތިބީ ހަމަ އެވަގުން، ރައީސް ޞާލިހުގެ ޢިއްޒަތް ވިއްކާލާފައި އެމް ޕީ އިންތަކާއި ކައުންސިލަރުންތައް އެމީހުންގެ ގޮނޑިހިމާޔަތްކުރަންވެގެން އެ ވަގުންތަކަށް ހިމާޔަތްދީގެން އެއުޅެނީ
ކުޜެންދޫ
30 September 2019
ކާރު ތާ...ކޮބާ 2 ކޮންޓެއިނަރުގެ ސިގިރޭޓުގެ މައްސަލަ؟ މިހާރު ޢެމީހަކު އުޅެނީ ހުޅުމާލޭގައި ކެފޭ އަކާއި ސެލޯނެއް ހުޅުވައިގެނޯ ކިޔާ އަޑުއަހަން......؟!!!
ޅަހުއްތު
30 September 2019
މިއީ ކުޅޭ ކުޅިގަނޑެއް މިއީ ސިޔާސީ ކުޅިބައި ރުކުރުވާލާ ތުރެޓްސް ޑިސްމެންޓަލް ކުރުމުގެ ރާސްތާ.. މި ރިޕީޓް ވާނެ ކޮންމެ 5 އަހަރަކުން
ސޯދު
30 September 2019
ވަކިކުރުމަކުން ދެރައެއް ނެތް. ތީނަގެ މުސްސަދިކަން މުޅިގައުމުގަ މިހާރު އޮންނާނީ ފެތުރިފަ
23.ހ
30 September 2019
ރަނގަޅަށް ތިބުނީ.. ވަޒީފާއިން ވަކުކުރަންދެންވެސް ސަސްޕެންޑް ކުރާކަށް ނުކެރުނު.. މަހަކު 35000 ވަރު ނަގާލަ ނަގާލަ 7 މަސްވަރު... އެކަމަކު އާދައިގެ ކުއްޖާ ކަނޑާ ލަންދެން ސަސްޕެންޑް.. މީތި ކަޑަ
ސޯދު
30 September 2019
ވަރައް އުފާ ވެރި ހަބަރެއް.ފުރަތަމަ ފަހަރު ކަންނެގެ ތިކަހަލަ މީހެއް ތިވަކި ކުރީ..ތީނަގެ މުސްސަދިކަން ވެސް ބަލާލުން މުހިންމު.