އުނގޫފާރު ދާއިރާގެ ކުރީގެ މެމްބަރު ޑރ. އަފްރާޝިމް
20 ނޮވެމްބަރ 2019 - 20:40
41 comments
އުނގޫފާރު ދާއިރާގެ ކުރީގެ މެމްބަރު ޑރ. އަފްރާޝިމް އަލީ އަވަހާރަކޮށްލި މައްސަލަައިގައި ރިޔާސީ ކޮމިޝަނުން ތައްޔާރުކުރި ރިޕޯޓުގައި ފާހަގަކޮށްފައިވާ ޖިހާދީ ފިކުރުގެ ޖަމާއަތްތަކާމެދު ފިޔަވަޅު އަޅަން ލަފާދިނުމަށް ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ސަބް ކޮމިޓީން ނިންމައިފި އެވެ. އޭގެ ތެރޭގައި ސަލަފް ވެސް ހިމެނެ އެވެ.
އެ މައްސަލަ ދިރާސާކޮށް ނިންމި ރިޕޯޓުގައި ބުނެފައިވަނީ ޖިހާދީ ފިކުރުގެ މީހުންނާ ދެކޮޅަށް ފިޔަވަޅު އެޅުމަށް، ގައުމީ ސަލާމަތާ ބެހޭ މައި ކޮމެޓީ އަށް ލަފާ ދިނުމަށް ނިންމާފައިވާ ކަމަށެވެ. އެ ފިކުރުގެ މީހުންގެ ގޮތުގައި ސަބް ކޮމެޓީގެ ރިޕޯޓުގައި ބުނެފައިވަނީ ސަލަފް ޖަމިއްޔާ އާއި އެމެރިކާއިން ޓެރަރިސްޓެއް ކަމަށް ކަނޑައަޅާފައިވާ މުހައްމަދު އަމީނާއި ރާއްޖޭގެ އަލްގައިދާ ޖަމާއަތުގެ ލީޑަރު މުހައްމަދު މަޒީދާއި ޖައުފަރު ފާއިޒާއި ޝާމިލް، މުުހުސިން އަދި އަލީ ޝިޔާމް (ވީބީ އައްޔަ) އެވެ.
ސީރިއާ އަށް މީހުން ފޮނުވުމަށް ފަންޑުކުރާ އެކަކީ ވީބީ އައްޔަ އެވެ.
އޭގެ އިތުރުން ފުރުގާން މިސްކިތް ކައިރީގައި ޖަމާއަތް ހަދައިގެން ތިބޭ ދީނީ ހަރުކަށި ޖަމާއަތް ވެސް އެ ލިސްޓުގައި ހިމަނާފައި ވެ އެވެ.
ފިޔަވަޅު އަޅަން ލަފާދިނުމުގެ އިތުރުން ރިޔާސީ ކޮމިޝަންގެ ރިޕޯޓުގައި ފާހަގަކޮށްފައިވާ މީހުން މިހާރު ތިބި ތަންތަނާއި އެ މީހުން ކުރާ މަސައްކަތްތަކުގެ ތަފްސީލް ހޯދުމަކީ މުހިއްމު ކަމެއް ކަމަށް ބުންޏެވެ. އަދި އަފްރާޝިމް އަވަހާރަކޮށްލުމުގައި ހިންގާފައިވާ ފައިސާގެ މުއާމަލާތްތަކުގެ ތަފްސީލް، މޯލްޑިވްސް މަނިޓަރީ އޮތޯރިޓީ (އެމްއެމްއޭ) މެދުވެރިކޮށް ހޯދައި އެ ފަރާތްތަކާ ދެކޮޅަށް ގާނޫނީ ގޮތުން ފިޔަވަޅު އެޅުމަށް ކަމާބެހޭ މުއައްސަސާތަކަށް ހިއްސާކުރުން ހިމެނެ އެވެ.
އަފްރާޝިމް އަވަހާރަކޮށްލުމާ ގުޅިފައިވާ ބައެއް މީހުން ރާއްޖެއިން ބޭރަށް ގޮސްފައިވާއިރު، އެ މީހުން ފުރައިގެން ދިޔަ ތާރީހާއި އެ ތާރީހުތަކުގައި ބޯޑަ ކޮންޓްރޯލްގައި ތިބި މުވައްޒަފުންނާއި އެ މީހުން ދިއުމުގެ ހުއްދަ ދިން މީހުން ދެނެގަތުމަށް ޑިފެންސް މިނިސްޓްރީ މެދުވެރިކޮށް އެދުމަށް ވެސް ނިންމާފައި ވެ އެވެ.
ސަލާމަތީ ހިދުމަތްތަކާ ބެހޭ ސަބް ކޮމެޓީގައި ހިމެނިވަޑައިގަންނަވަނީ ހެންވޭރު ހުޅަނގު ދާއިރާގެ އެމްޑީޕީގެ މެމްބަރު ހަސަން ލަތީފާއި މަޑުއްވަރީ ދާއިރާގެ ޕީއެންސީގެ މެމްބަރު އާދަމް ޝަރީފާއި ފަރެސްމާތޮޑާ ދާއިރާގެ އަމިއްލަ މެމްބަރު ހުސެއިން މުހައްމަދު ލަތީފެވެ. އެކަމަކު މި ކޮމެޓީގެ ބައްދަލުވުންތަކުގައި ހުސެއިން މުހަންމަދު ލަތީފާއި އާދަމް ޝަރީފު ބައިވެރިވެ ވަޑައިނުގަންނަވާ ކަމަށް ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނީރާ
22 November 2019
ކޯޓުތަކުގައި ރަޖިސްޓްރީ ނުކޮށް އަމިއްލަ އަށް ކައިވެނިކޮށް މައުސޫމު އެތައް ޅަދަރިންނެއް ބިކަކު ރަމުން އެދަނީ އިސްލާމްދީން ކުރިއަރުވަންތޯ؟ ނުބެލެހެއްޓޭވަރުން ގިނަ އަނބިން ހޯދާ އާއިލާތައް ބައިބައިކޮށް މުޖުތަމަޢު ފަސާދަކުރަނީ އިސްލާމްދީން ކުރިއަރުވާތީތޯ؟ ތިމާމެންގެ ރައުޔާ އެއްބަސްނުވާ މީހަކު މިސްކިތުން ފެނުނަސް އެމީހަކާދިމާކޮށް ހަރުކަށިކަން ދެއއްކުން އެއީ އިސްލާމްދީން ކުރިއެރުވުންތޯ؟
އާދަނުބޭ
21 November 2019
ރާއްޖޭގައި އިސްލާމދީންގެ ކުރިއެރުވުމަށް މަސައްކަތްކުރާ އަމިއްލަ ފަރާތްތަކުގެ ހަރާކތްތައް ހުއްތުވާލަން އުޅެނީ ސެކިޔުލަރ ވިސްނުން ރާޢްޖޭގައި ފެތުރުމަށް . ޟި ވަރަށް ދުރާލާ ރޭވިގެން ހިނގަމުންދާ ކަމެއް. މީދުނިޔޭގެ ކުރީގެ މުސްލިމް ދައުލަތްތަކުގައި ވެސް މިކަން ހިނގާފައިވާ ގޮތް. މިކަމާ އިސްލާމް ދީނަށް ލޯބިކުރާ އެންމެ ތެދުވެ އެއްބައިވަންތަވެ ދިފާއުގައި ނިކުންނަންޖެހޭނެ.
ސަހަރޯ
21 November 2019
އަފްރާޝީމަށް މިސްކިތެއްގެ ތެރެއިން ޙަމަލާ ދިން ވީޑިއޯ އެއް ފެނި އަހަރެން ފެންކަޅިވި. އެ ބޭފުޅާގެ ކުޑަ ދަރިފުޅު ކައިރީގައި ބިރުން ރޮއިރޮއި ހުއްޓާ އެ ކުއްޖާގެ ކަރާމާތަށްވެސް ބެލުމެއްނެތި ފައިވާނާ ބޫޓު އުކިއިރު އެކުއްޖާފުޅުގެ ކުޑަކުޑަށް ހިތަށް ވަންނާނެ ބިރުވެރިކަމާ މެދު ވިސްނި މީހަކުހުރިބާ؟ އަދި ލާއިންސާނީ އެވަރުގެ ކަމެއްކުރިއިރު އެ މައްސަލަ ބަލާނެ މުޢައްސަސާއެއްވެސް މިޤައުމުގައި ހަމަނެތީބާ؟ އެއީ ތިމާގެ ދަރިފުޅުނަމަ ތިމާއަށް ވާނީ ކިހިނެއްބާ؟
ނީރާ
21 November 2019
ތިމާމެންގެ ރަޢުޔާއި ޚިޔާލުބތަފާތުވާ ކޮންމެ ބަޔަކާއި ދޭތެރޭ ހަރުކަށިވިސްނުން އިސްކޮށް އެއީ ކާފިރުން ކަމަށް ހެދުމަކީ މުޖުތަމަޢު ފަސާދަކުރުމެއްނޫންތޯ؟. މީ ކުޑަ މުޖުތަމޢުގައި މޫނު ބުރުގާ ނާޅައިފިނަމަ ކާފަރުވީކަމަށް ވިސނައިދިނުނުގެ ނަތީޖާްަކީ އެއްޗެއް ބޭނުންވީމަ މޫނުބުރުގައި އަޅައިގެން ފިހާރަތަކަށްވަދެ ވައްކަން ކުރުން އާއްމުވުން ނޫންތޯ؟އަފްރާޝީމަށް.މިސްކިތުން ހަމަލާ ދޭ ހިސާބަށް ދިޔައީ ކޮންބައެއްގެ ހަރުކަށި ވިސްނުމުގެ ތެރެއިންތޯ؟
އަބްދުﷲ
20 November 2019
3 މެމްބަރުން ކޮމިޓީއެއްގަ 2 މެމްބަރުން ބައިވެރި ނުވަންޏާ ނިންމާ ނިންމުމެއް ސައްހަވާނީ ކިހިނެއް.
ސާދާސީދާ
21 November 2019
މަސައްކަތްނުކޮށް ކޮމިޓީ އެލަވަންސްގެ 20،000 ރުފިޔާ ނަގާ 2 މެމްބަރުން. އެމީހުން ބައިވެރިނުވީ ކީއްވެ؟
ޕީޓާ
20 November 2019
ޢެއެއް މިއެއް ނޭގޭ ހެކިބަސް ދޭމީހުން ހަދަނީ ދޮގު ތެދުކަން ބަލާނީ ކިހިނެއް .އެއިރުގެ ވީޑިއޯއާ އޯޑިއޯ ގެއްލުވާލި މީހުން .އެމަށްސަލަ ނުބެލުނުގޮތް ފުރަތަމަ ތަހުގީގު ކުރަންވީ. ޙުމާމު ބޮލަށް އެކަނި ކަޑާލާފަ އޮތީ.
ޖަމީ
20 November 2019
އަފްރާޝީމްގެ ފުރާނައިގެ އަގު މި ދުނިޔޭގައިވެސް އަދި އާޚިރަތުގައިވެސް އޭނާ އާއި މެދު ނަފުރަތު އުފެއްދި ސަލަފުން އަދާކުރަންޖެހޭ.
ރައްޔިތުު މީހާ
21 November 2019
ސަލަފުން ބަޔާންކުރީ، ޑރ.އަފްރާޝީމްގެ އެއިރުގެ ދީނީ ޙާލަތު.
ހެޔޮ ނަސޭހަތެއް
21 November 2019
ތިކަން ދެނެވޮޑިގެން ވާނީ ﷲ، ޖަމީ އެއް ނޫން. އޭ ނިކަމެތި އަޅާ، ﷲ އަށް ބިރުބެތިވޭ.
މައުމޫނުސަރުކާރު
20 November 2019
އެހެންވީމާ އެންމެ ފަހުން މި ރަނގަޅުވީ މައުމޫނު ސަރުކާރުތާ؟! އެއިރު ހަރުކަށި ބަސްބުންޏަސް ޖަލަށްލާ. އެ ދިމާލަށް އަނެއްކާ މި ދަނީ. ތަފާތަކީ ދީނާ ދެކޮޅަށް މިނިވަން ކަމާއެކު ބިރެއް ނެތި ބަސްބުނެވޭކަން.
ކުކުޅޭ ---
20 November 2019
ބަރާ ބަރު@
ކޮމްޕްލިޝްޑް
20 November 2019
ސަލަފް ޖަމާޢަތަކީ ރ ނަޝީދުގެ ސަރުކާރުގަ އުފެދުނު ބަޔަކަށް ނުވިޔަސް އެޖަމާޢަތް އުފައްދަން ފުރުސަތު ލިބުނީ ޑިމޮކްރަސީ ގެންނަން އެމަނިކުފާނު ފެއްޓެވި ހިތްވަރުގަދަ ކެމްޕެއިނުގެތެރޭން، ރ މައުމޫނަށް ގޮތްހުސްވުމުން.. އެކަމް ރ ނަޝީދުގެ ވެރިކަން ވައްޓާލަން އެއްމެ އިސްކޮށް އުޅުނީ މި ބައިގަނޑު.. ކާންދިން މީހާ އަތުގަ ދަތްއެޅީ.. ވެރިއަކަށް އެއްދުވަސް..