ހިއްކައިގެން ތަރައްގީކޮށްފައިވާ ކ. ގުޅިފަޅު
29 ޖޫން 2020 - 19:48
25 comments
ވެށިފަހި މާލެ ޕްރޮގްރާމުގެ ތެރެއިން، ގޯތި ނުލިބުނު މީހުންނަށް ގުޅިފަޅުން ގޯތި ދޭން މަޝްވަރާކުރަމުން އަންނަ ކަމަށް ނެޝަނަލް ޕްލޭނިން، ހައުސިން އެންޑް އިންފްރަސްޓްރަކްޗާ މިނިސްޓަރު މުހައްމަދު އަސްލަމް މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ، މަސްއޫލިއްޔަތު އަދާކުރާ މިންވަރު ބަލާ ކޮމެޓީގައި، މެމްބަރެއްގެ ސުވާލަކާ ގުޅިގެން އަސްލަމް ވިދާޅުވީ، ގުޅިފަޅުން ހަ މިލިއަން ކިއުބިކް މީޓަރުގެ ބިން ހިއްކުމަށް ފަހު ދިރިއުޅުމަށް ވަކި މިންވަރެއް ކަނޑައަޅާނެ ކަމަށެވެ. އެ ޕްލޭން ތައްޔާރުކުރުމުގެ މަސައްކަތް ކުރަމުން އަންނަ ކަމަށާއި އެކަމާ ގުޅޭގޮތުން މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދާއެކު ވެސް މަޝްވަރާކުރަމުން އަންނަކަމަށް ވިދާޅުވި އެވެ.
ނެދަލެންޑްސްގެ ބޮކްސާލިސްއާ ހަވާލުކޮށްގެން ގުޅިފަޅު ހިއްކަމުން އަންނަނީ ކޮމާޝަލް ޕޯޓް އެތަނަށް ބަދަލުކުރުމަށެވެ.
"ގުޅިފަޅު މެއިންލީ އެއީ ޕޯޓް ސިޓީއެއް. މާލެ ޕޯޓާއި ނޯތު ހާބަރުގެ އެ ހުރިހާ ފަންކްޝަނެއް. ނޯތުގެ ހާބަރުގެ މި ސަރަހައްދު ވަރަށް ބޮޑުތަނުން ލުއިވެގެން ދާނެ ތަނަކަށް. ތަފާތު ތަނަކަށް މިތަން ވެގެންދާނެ. ރަށްރަށަށް މުދާ ޑިސްޓްރިބިއުޓުކުރުން ވެސް ގުޅީފަޅު ބަނދަރަށް ބަދަލުކުރެވިގެންދާނެ،" އަސްލަމް ވިދާޅުވި އެވެ.
އޭނާ ވިދާޅުވީ ވިޔަފާރީގެ މައި ބަނދަރަށް ގުޅިފަޅު ބަދަލުކުރިޔަސް ބޯހިޔާވަހިކަމަށް ވެސް ވަކި ވަރެއް ކަނޑައަޅާފައިވާނެ ކަމަށެވެ. އޭގެ ތެރެއިން، ކުރީގެ ރައީސް މުހައްމަދު ނަޝީދުގެ ސަރުކާރުން ހިންގި ވެށިފަހި ޕްރޮގްރާމުގައި ގޯތި ދޭން ނިންމި މީހުންނަށް ޖާގައެއް ދެވޭނެ ކަމަށް ގަބޫލުކުރައްވާ ކަމަށް އަސްލަމް ވިދާޅުވި އެވެ.
"ގުޅިފަޅުގެ މި ޕްލޭނުގެ ތެރެއިން ވެށިފަހިއަށް މާލެއިން ޖާގައެއް ހޯދާނެ ކަމަށް އަޅުގަނޑު ގަބޫލުކުރަނީ. މިއީ އަދި ޑިސްކަސް ކުރެވެމުންދާ އިޝޫއެއް މިކަމާ ގުޅިގެން. ގުޅީފަޅު ކަންކަމުގައި ވެށިފަހި މާލެ ހިންގުމުގެ ކަންކަން ވެސް،" އަސްލަމް ވިދާޅުވި އެވެ.
ވެށިފަހި ޕްރޮގްރާމް އޭރު ރަނގަޅަށް ހިންގުނު ކަމަށާއި ނަމަވެސް ސިޔާސީ ހިޔާލު ތަފާތުވުންތަކާއެކު އެކަން ފަހުން ރަނގަޅަށް ނުދިޔައީ ކަމަށް ވިދާޅުވި އެވެ.
ގުޅިފަޅުން ފްލެޓު ގަތް ބައެއް މީހުންނަށް އޭގެ ބަދަލުގައި ހުޅުމާލެއިން ވަނީ ފްލެޓު ދީފަ އެވެ. ނަމަވެސް އޭގެ ތެރެއިން ބައެއް މީހުންނަށް އަދި ވެސް ބަދަލު ނުލިބޭ ކަމުގެ ޝަކުވާ އަންނަނީ ކުރަމުންނެވެ. އެކަމާ ގުޅިގެން މިނިސްޓަރު ވިދާޅުވީ ގުޅިފަޅުން ފްލެޓް ގަތުމަށް ފަހު އޭގެ ބަދަލު ލިބެން ޖެހޭ ކަމަށް ދައުލަތުން ދީފައިވާ ލިޔުމަކާ ދެކޮޅަށް ކޯޓަކުން ހުކުމެއް ނުކުރާހާ ހިނދެއްގައި އެ އޮތް ގޮތަކަށް އެއަށް އިހުތިރާމް ކުރައްވާނެ ކަމަށެވެ.
"ކޮންމެ ބަޔަކު ކޮށްފައި އޮތް ކަމުގައި ވިއަސް ދިން އެއްޗެއް، ރަނގަޅަށް ބަލާފައި އޭގައި ހުކުމެއް، އެގޮތަށް ގުޅިފަޅު ކަންކަމުގައި ތިޔަ ވިދާޅުވި ގޮތަށް ލިޔުމެއް ދީފައި އޮތިއްޔާ އެއަށް އަޅުގަނޑުމެން އޮނާކުރާނަން،" އަސްލަމް ވިދާޅުވި އެވެ.
އަސްލަމް ވިދާޅުވީ ގުޅިފަޅުން ގާތްގަނޑަކަށް 1،200 ބިންކޮޅު ނެގޭ ކަމަށެވެ. އެތަނުގައި ކޮންމެ ވެސް ވަރަކަށް މީހުން ދިރިއުޅޭނެ ކަމަށާއި އެކަމަކު ގުޅިފަޅު ހިއްކުމުގެ މަސައްކަތް ކުރަމުން އަންނަނީ ޕޯޓު ބަދަލުކުރުމަށް އަމާޒުކޮށްގެން ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރެފިއުޖީ
30 June 2020
ހުޅުމާލެ ނެއިބާހުޑް 3 ގަ ރެހެންދި ސްކޫލް ކައިރިން ދިން ބިންތައް ހަމަ ހީވަނީ ދެވަނަ މާލެ އެއްހެން. ހިލޭ ބިންދިނީ ދިރިއުޅެން. މާލެއިން ދޫކޮށްލު ބިންކޮޅެއްވެސް ހުހެއް ނުކުރޭ. ބުރި ބުރިއަށް ހަދާ އެންމެ ތިރިވެސް ތިން ފިހާރަ ހަދައިން ކުއްޔައްދީފަ އެހުރީ ހަމަ ދިވެހި އެހެން ރައްޔިތުން ތަކަކަށް. އެއްބަޔަކަށް ހިލޭ ބަންޑާރަ ބިން ދިނީމަ އަނެއް ބަޔަކު އެމީހުންގެ ކުލީގެ އަޅުންނަށްވެފަ.
ދާދާއަލީ
30 June 2020
ކުރަންނޭނގެންޔާ ފައިބާފަކުރަން އެނގޭބަޔަކަށްދޭންވީނު، ޖެހިގެން ތިލަފުށިއޮއްވާ މީހުންތިތާންގަ ގެންގުޅެން ހެޔޮނުވާނެ، ޕާޓީކުދިންނަށް ބިންދޭންވެސް ކޮއްމެވެސްއެހެން ތޮގެއްވިސްނާ، އެއޮތީއަދި ހުޅުމާލެ1ގެ ބޮޑުބައި ޔޫސްނުކޮއް ހުޅުމާލެ2 އަދި ހަމަރޮލާ،އަމިއްލަ ޑިވޮލޮޕްކުރަން ފެންވަރެއްނެތެއްނު ތި އެޗްޑީޗީއަކު. އެކަމަކުވެސް ޑިވޮލަޕަރުންނަށް އެކަންކުރަން ފުރުސަތުނުދޭ، މާކެޓްރޭޓްގަ ބިންގަނެ އެހްޑީސީއަށް %20 ދީފަ ކާކުމިހާރު ތިކަންކުރާނީ މީކީ ޑުބާއީއެއްނޫން!
2ގޔހ
30 June 2020
މާސްގަ ހުސްތަން އޮތްކަމަށް އެބަބުނޭ.. ޖައްވީ ދަތުރާއެކު އެތަނުން ތިކަން ވޭތޯ ބަލަންވީނު....... އެހެންޏާފަހެ! ކަރުން ނާރު ނަގާ ބަޔަކު ހަޅޭ ލަވާތާ އެތައް އަހަރެއް ވެއްޖެ.. ކޮބާހޯ އެމީހުން ގުޅީފަޅުން ގަތް ގޯތި.. މިހެން މިކަން އޮއްވާ އަނެއްކާ ފަޅޮލޭ، ތޮރަލޭ، ބަރަބޮލޭ މިކިޔަނީ.. ދެބޯގެރި ނުދުއްވާ ރައްޔިތުންގެ އިހްސާސްތަކަށް އިހްތިރާމްކުރަން ދަސްކޮށްބަލަ!!
ވަތުބަތާނަ
30 June 2020
ދަޢުލަތުން ހުރިހާ ރައްޔިތުންގެ ފައިސާ ޚަރަދުކޮށްގެން ބިންހިއްކާފަ އެއްވެސް މީހަކަށް ގޯތި ދިނުމަކީ އެހެން ރައްޔިތުންނަށް ވެވޭ ޚިޔާނާތެއް!އެތަންތަނުގައި ފުލެޓް ރޯހައުސް ހަދާފަ އޮންނަ އުޞޫލަކުން ވިއްކާ.
ޯބޮޑޭ
30 June 2020
ދެން ކަލެއަށް އޮނާނުކިރެވިގެން ތިއުޅެނީ ކުރިން ދިން ފުލެޓުތައް ނުދޭން. މޮޅުވާހަކަ ކަލޭ ނުދައްކާ ހުރޭ. ތިތަނަކީ، އިންޑިޔާގެ އާބާދީއަށް ތައްޔާރުކުރާތަނެއް. ތިޔަޕޯޓު ހިންގާނީވެސް އިންޑިޔާގެ މީހުން، ތިތާ އުޅޭނީވެސް އެމީހުން
އަހްމަދު އީސަ
30 June 2020
ގުޅީފަޅުގަ ޕޯޓު އަޅާކަށް ނުޖެހޭނެ. މުޅި ގުޅީފަޅު މާލޭގެ ރައްޔިތުންނަށް ގޯތި ކަންޑާފަ ދޭންވީ. މާލޭގެ ރައްޔިތުންނަށް ގޯތި ދޭން ނިންމާފަ އޮތް ތަނެއް ހުޅުމާލެވެސް އެއީ. ބިންތައް ވިއްކާ ހުސްކޮށްފި. އަބަދަކު ތިޔަހެން އޮޅުވައެއް ނުލެވޭނެ.
ރެޓޭ
30 June 2020
ވެރިކަ މަށް އަންނަނީ ރަނުން ރަނަށް ޕުލޭން ހަދައިގެން، ވެރިކަ މަށް އަރާފަ އެކޮޅުގަ ރޮނގެއް މިކޮޅުގަ ރޮނގެއްހޭ އަޅާނީ ކިޔާލަކިޔާލަ! 2 އަހަރު މި ނި މެނީ އަދި ގާ ފޮށްޗެއްވެސް ބޭއްވޭވަރެއް ނުވޭ!
ހިޔަޅު
30 June 2020
ބޯހަލާކު. ތިޔަ ގުޅީފަޅުން ގޯތި ދޭން ލިޔުން ދިންގޮތަށް ހުޅުމާލެ ފޭސްޓޫއިންވެސް ފްލެޓް ދޭނެކަމަށް ލިޔުން ދީފަވަނީ. ދެން ކީއްވެ އެއަށް އިހުތިރާމް ނުކުރެވެނީ. ހައްގުވެރިން ބަލަނީ. ދެކަންވެސް ކޮށްފައިވަނީ ސަރުކާރުން.
އަލީ.
30 June 2020
އެން މެ ބޮޑު ހިޔާނާތް ނަ މުގަ މާލެއިން ބިން ކޮޅު ދޫކޮށްލާފަ އެކަ މު އެކަން ނުކުރަނީސް ހުޅު މާލެ ރެހެންދި ސުކޫލު ކައިރިން އަންނި ވެރިކަ މުގަ ބިން ދީ ހިންގި ޖަރީ މާ މަޖްލީހުން ބެލު މަށް ގޮވާލަށް...
މުދިމު ކަތީބު
29 June 2020
ހުވަފެންތައް ދައްކައިގެ މާލޭ ރައްޔިތުން ދެމުންދާ އަނިޔާ ނިމުމަކަށް ނުގެނެސްފިނަމަ ނަތީޖާ ވަރައްގޯސްވާނެ... މާލެ އޮތީ ކެތްތެރިކަން ކޮޅުންލާފަ.