އަލިފުުޅުތުއްތު ފައުންޑޭޝަނުން އައިޖީއެމްއެޗަށް ޕީސީއާރު މެޝިނެއް ހަދިޔާކޮށްފި

އަލިފުޅު ތުއްތު ފައުންޑޭޝަން އިން ޕީސީއާރް މެޝީނެއް ހަދިޔާކުރަން އައިޖީއެމްއެޗްގައި ބޭއްވި ރަސްމިއްޔާތުގައި ބައިވެރިވި ބައެއް މީހުން -- ފޮޓޯ: އައިޖީއެމްއެޗް

ލަމްޔާ އަބްދުﷲ، މިހާރު

18 އޯގަސްޓް 2020 - 13:35

6 comments

އަލިފުޅުތުއްތު ފައުންޑޭޝަނުން އައިޖީއެމްއެޗަށް ޕީސީއާރް މެޝިނެއް މިއަދު ހަދިޔާކޮށްފި އެވެ.

ޕާކިންޕާމާ ބްރޭންޑުގެ ޕީސީއާރް މެޝިނެއް ހަދިޔާކުރުމާ ގުޅިގެން، އައިޖީއެމްއެޗުން ވަނީ އޭފްޓީ ފައުންޑޭޝަނަށް ޝުކުރު އަދާކޮށްފަ އެވެ. އެ ތަކެތި އައިޖީއެމްއެޗާ ހަވާލުކުރީ އެ ހޮސްޕިޓަލުގައި ބޭއްވި ހާއްސަ ރަސްމިއްޔާތެއްގަ އެވެ.

We express our sincere appreciation to @AFT_F and the members, for donating a PerkinElmer PCR machine to IGMH. pic.twitter.com/3Py0bqRhry
— IGMH (@igmhmv) August 18, 2020

އައިޖީއެމްއެޗް އިން މިއަދު ކުރި ޓްވީޓެއް

ޕީސީއާރް މެޝިނަކީ ފަސޭހަކަމާ އެކު ޑީއެންއޭ ނުވަތަ ޑީއެންއޭގެ ބައެއް ޑުޕްލިކޭޓްކުރަން ބޭނުންކުރާ މެޝިނެކެވެ. ވަރަށް ކުޑަ ސާމްޕަލްއެއް ބޭނުންކޮށްގެން ވެސް ގިނަ ޑުޕްލިކޭޓްތަކެއް އެ މެޝިނުން ހެދެ އެވެ. މިއީ ހޮސްޕިޓަލްތަކުގެ މެޑިކަލް ލެބްތަކުގަ އާއި ރިސާޗް ލެބްތަކުގައި އާންމުކޮށް ބޭނުންކުރާ ބާވަތުގެ މެޝިނެކެވެ.

މީގެ 20 ކުރިން އަހަރު ޗަމްޕާ އާއިލާއިން އުފެއްދި އޭއެފްޓީ ފައުންޑޭޝަން ވަނީ އެކި ރަށްރަށުގައި މިސްކިތްތައް ވެސް ހަދައިފަ އެވެ. އަދި ކޮންމެ އަހަރަކު ވެސް ދެ ދިވެހި ދަަރިވަރުންނަށް ރާއްޖެއިން ބޭރުން ކިޔެވުމުގެ ފުރުސަތު ދެ އެވެ.