ޚަބަރު / މާރިޔާ އަހުމަދު ދީދީ، ޑިފެންސް މިނިސްޓަރު

ރާއްޖެ އާއި އެމެރިކާގެ ސަލާމަތީ ގުޅުން ވަރުގަދަކުރަން އެއްބަސްވުމެއް

ސަލާމަތީ ގުޅުން ވަރުގަދަކުރުމަށް ރާއްޖެ އާއި އެމެރިކާ ގުޅިގެން އެކުލަވާލި ފްރޭމްވޯކާ ގުޅޭ އެއްބަސްވުމުގައި، ޑިފެންސް މިނިސްޓަރު މާރިޔާ އަދި އެމެރިކާގެ ޑެޕިއުޓީ އެސިސްޓެންޓް ސެކްރެޓަރީ އޮފް ޑިފެންސް ފޯ ސައުތު އެންޑް ސައުތު އީސްޓް އޭޝިޔާ، ރީޑް ވާނާ ސޮއިކުރައްވަނީ.-- ފޮޓޯ: ޑިފެންސް މިނިސްޓްރީ

އާސިމާ ނިޒާރު، މިހާރު

12 ސެޕްޓެމްބަރ 2020 - 10:13

19 comments

ރާއްޖެ އާއި އެމެރިކާގެ ސަލާމަތީ ގުޅުން ވަރުގަދަކުރުމަށް ދެ ގައުމު ގުޅިގެން ފްރޭމްވޯކެއް އެކުލަވާލައި އެއްބަސްވުމުގައި ސޮއިކޮށްފި އެވެ.

އެ ފްރޭމްވޯކާ ބެހޭ އެއްބަސްވުމުގައި މިިދިޔަ ބުރާސްފަތި ދުވަހު ސޮއިކުރެއްވީ، މިވަގުތު އެމެރިކާގައި ހުންނެވި ޑިފެންސް މިނިސްޓަރު މާރިޔާ އަހުމަދު ދީދީ އާއި އެމެރިކާގެ ޑެޕިއުޓީ އެސިސްޓެންޓް ސެކްރެޓަރީ އޮފް ޑިފެންސް ފޯ ސައުތު އެންޑް ސައުތު އީސްޓް އޭޝިޔާ، ރީޑް ވާނާ އެވެ.

"ފްރޭމްވޯކް ފޯ ޔޫއެސް ޑިޕާޓްމަންޓް އޮފް ޑިފެންސް - މޯލްޑިވްސް މިނިސްޓްރީ އޮފް ޑިފެންސް - ޑިފެންސް އެންޑް ސެކިއުރިޓީ ރިލޭޝަންޝިޕް" ގެ ނަމުގައި އެކުލަވާލާފައިވާ ފްރޭމްވޯކްގެ ދަށުން ދެ ގައުމުގެ ދިފާއީ އަދި ސަލާމަތީ ދާއިރާގައި މަޝްވަރާ ބައްދަލުވުންތައް ބޭއްވުމާއި ރާއްޖޭގެ ދިފާއީ މުއައްސަސާ އިތުރަށް ހަރުދަނާކުރުމާ ބެހޭ ހަރަކާތްތައް ހިންގުމަށް ފުރުސަތު ތަނަވަސްކުރުން ހިމެނެ އެވެ.

އޭގެ އިތުރުން ކަނޑުމަތީގެ ސަލާމަތާއި ރައްކާތެރިކަން ދެމެހެއްޓުމުގައި އެއްބާރުލުން އިތުރުކުރުމާއި ޓެރަރިޒަމާއި ހަރުކަށި ފިކުރާ ދެކޮޅަށް ކުރާ މަސައްކަތް ހަރުދަނާކުރުމާއި ގުދުރަތީ ކާރިސާތަކާއި އިންސާނީ އެހީއަށް ބޭނުންޖެހޭ ހާލަތްތަކުގައި ގުޅިގެން އޮޕަރޭޝަންތައް ހިންގުން ފަދަ ކަންކަން ހިމެނެ އެވެ.

ފްރޭމްވޯކުގައި ސޮއިކުރެއްވުމަށް ފަހު މިނިސްޓަރު ވިދާޅުވީ އެކަމުގެ ސަބަބުން ދިފާއީ އަދި ސަލާމަތީ ކަންކަމުގައި ދެ ގައުމުގެ ދެމެދުގައި އޮންނަ ވަރުގަދަ ގުޅުމަށް އިތުރު ބާރެއް ލިބިގެންދާނެ ކަމަށެވެ. އިންޑޯ ފެސިފިކް ސަރަހައްދާއި އިންޑިއާ ކަނޑުގެ ސަރަހައްދުގެ ސަލާމަތާއި ރައްކާތެރިކަން ދެމެހެއްޓުމަކީ ދެ ގައުމުގެ މަސްލަހަތާ ގުޅިފައިވާ ކަމެއްކަން އޭނާ ފާހަގަކުރެއްވި އެވެ. އެގޮތުން ކޮވިޑް-19 ގެ މި ހާލަތުގައި ކަނޑުފޭރުމާއި ޓެރަރިޒަމާއި ހަރުކަށި ފިކުރާއި މަސްތުވާތަކެތީގެ ނުރައްކަލާ ރާއްޖެއިން ކުރިމަތިލާން ޖެހިފައިވާ ކަމަށް ވިދާޅުވި އެވެ.

"އެެހެންކަމުން ބައިނަލްއަގުވާމީގޮތުންނާއި ސަރަހައްދީގޮތުން ދިވެހިރާއްޖެ ފަދަ ކަނޑުގެ ސަރަހައްދު ބޮޑު ގައުމަކަށް ކުރިމަތިވެފައިވާ ގޮންޖެހުންތަކާ ކުރިމަތިލުމުގައި ދެ ގައުމުގެ ސަރުކާރުގެ ދެމެދު މަޝްވަރާކޮށްގެން ކުރިއަށްދިއުން މުހިއްމުކަން އެކަމަނާ ފާހަގަކުރެއްވި އެވެ،" ޑިފެންސް މިނިސްޓްރީީން ނެރުނު ބަޔާނުގައި ބުންޏެވެ.

މާރިޔާ އެމެރިކާއަށް ވަޑައިގަތީ އަމިއްލަ ދަތުރެއްގަ އެވެ. އެކަމަށް ދިވެހި ސަރުކާރުން އެއްވެސް ހަރަދެއް ނުކުރާ ކަމަށް ބުންޏެވެ.

އެމްއެންޑީއެފް ރާއްޖެ-އެމެރިކާ ޑިފެންސް މިނިސްޓްރީ މާރިޔާ އަހުމަދު ދީދީ، ޑިފެންސް މިނިސްޓަރު

19 ކޮމެންޓް, 99 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހޮޓްކިންގ

13 September 2020

މި ސަރުކާރުން ކޮށްފިނަމަ ކޮންމެ ކަމެއްވެސް ބަރާބަރު. ރައީސް ޔާމީނުގެ ވެރިކަމުގައި އެމެރިކާއާއި އާއި އެކު ސިފައިން ތަމްރީން ކުރުމުގެ އެއްބަސްވުމެއް ހެދުމުންވެސް ގޯސްވެ އެވާހަކަ އެމްޑީޕީން ވަރަށް ގަދަޔަށް ދެއްކި. ސައުދީއަށް ފ. އަތޮޅު ވިއްކާލީއޭ ކިޔާ ހަޅެއްލެވި. އެކަމަކު މިގޮތަށް އިންޑިއާގެ އަޅުވެތިކަމާ ދިމާލަށް މީގެ ކުރިން ނުދޭ. މީ ރައްޔިތުން ލޯމަރާލައިގެން ތިބޭނަމަ ގައުމަށް ދެވޭ ގެއްލުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ރަސްގެފާން

12 September 2020

އެމްޑީޕީއަކީ ދުވަހަކުވެސް ރާއްޖެއަކަ ހެވެއް އެދޭނެ ބައެއްނުން. މި ބައިގަނޑުގެ ވާހަކަ ތަކުންވެސް އެގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑީޕީމީހާ

12 September 2020

ލިބޭނީ ކޮންފައިދާއެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެދުވެރިޔާ

12 September 2020

ހެލިކަޕްޓަރެއް ރައްޖެއަ ދިން ޤާއުމަކުން އެއަކު އަތްލަންވެސް ދިވެހި ސިފައިންނަކަ ނުދިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާސިރު ބޭނުމީ މިނިވަންކަން.

12 September 2020

އެމެރިކާއިން އުޅުނު ސޯފާ އެގުރިމެންޓެއް ހަދަން. އަސްކަރީ ބޭހެ ރާއްޖޭގަ ގާއިމް ކުރަން މިކަން ނުވީ ނަޝީދުގެ ވެރިކަން ވެއްޓުމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންޑޭލާ

12 September 2020

ދެންއަންނަ ސަރުކާރަކައް އޮންނާނީ ރަމްޒީ ވެރިކަމެއް. އާރެއްބާރެއްނެއް ވެރިކަމަކައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

12 September 2020

އަސްލު އެއްބަސްވުން އަހަރުންނަކަ ނޭގޭނެ. މިކަމުންވެސް ފޮރުވިފަ ސިއްރުތަކެއް ވާނެ. ލަންކާގަވެސް މިކަހަލަ އެއްބަސް ވުންތަކެއް ހަދަން އުޅުނު ލަންކާއިން ދިނީ ފުރަގަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

7ބޯރާހި

12 September 2020

އެމެރިކާއިން ބުނެގެން ދެގައުމަކުން އިޒުރޭލާ ގުޅުން ގާއިމުކޮށްގެން އުޅޭ ދުވަސްކޮޅަކާއި ދައުލަތުގެ މަތީ މީހުން އަމިއްލަދަތުރުތަކުގަ ދުރުހިސާބުތަކަށް ދާ ދުވަސްކޮޅަކާއި ދިމާވަމުންދާއިރު އަހަރެމެން ހައިރާނެއްނުވާނެ އިޒުރޭލާއި ގުޅުން ގާއިމުކުރުމުގެ ވާހަކަތަކެއް މާދުރުނޫން މުސްތަގުބަލެއްގައި ފެންމަތިވިއަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިލްސިލާ

12 September 2020

އެމެރިކާއާ ގުޅުން ބަދަހި ކުރިވަރެއް ރަނގަޅުވާނީ. އެމެރިކާގެ ޔުނިވާސިޓީތަކުން ދިވެހިންނަށް ގިނައިން ސްކޮލަޝިޕް ލިބޭތޯ އުޅެދިނުން ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭލާށޭދަރިންނޭ

12 September 2020

ހަމަ ރަނގަޅަށްވެސް ޤައުމު ނުވިއްކާށޭ ބުނި މީހުން އެކަންކޮށްފި. ދިވެހިން އަތުގުޅާލަން ޖެހޭ. މިހާތަނަށް ދިވެހިންގެ މިނިވަންކަން ކޮންމެ ފަހަރަކުވެސް ގެއްލިފައި އޮތީ ދިވެހިންގެ ބަޔަކު އަމިއްލަ ޤައުމަށް ޤައްދާރުވުމުން.