އުމަރު ޒާހިރު.
20 ޑިސެމްބަރ 2021 - 15:58
9 comments
ދައުލަތުގެ އިއްޒަތްތެރިން އަވަހާރަވުމުން އާންމުކޮށް ފަސްދާނުލާ ގަލޮޅު ސަހަރާގެ ބަދަލުގައި "އާންމުން ވަޅުލާ ތަނެއްގައި ވަޅުލަން" އުމަރު ޒާހިރު ވަސިއްޔަތް ކުރައްވާފައިވާ ކަމަށް، އެމަނިކުފާނުގެ ގާތް އެކުވެރިޔާ އަބްދުލްހަމީދު އަލީ ވިދާޅުވެއްޖެ އެވެ.
"މިހާރު" އަށް ދެއްވި އިންޓަވިއުއެއްގައި ހަމީދު ވިދާޅުވީ، އުމަރު ޒާހިރު ވަނީ ވަރަށް ބޮޑު ވަސިއްޔަތެއް ކުރައްވާފައި ކަމަށާއި އެކަން އެމަނިކުފާނުގެ އާއިލާ އަށް ވެސް ދަންނަވާފައިވާނެ ކަމަށެވެ.
"ވިދާޅުވީ ހަމީދު ދުނިޔޭގައި ހުއްޓާ ތިމަންނަ މަރުވެއްޖިއްޔާ އާންމުން ވަޅުލާ ތަނެއްގައި ވަޅުލާށޭ. އެކަމަކު އެއީ އަޅުގަނޑަށް ކުރެވޭނެ ކަމެއް ކަމަށް ނުވާތީ އެ ވާހަކަ އުމަރު ޒާހިރުގެ އާއިލާ އަށް ވާނީ ދަންނަވައިފައި،" އުމަރު ޒާހިރާ އެކު 32 އަހަރު ވަޒީފާ އަދާކުރައްވާފައިވާ، އަދި އަވަހާރަވުމާ ހަމައަށް ވެސް އުމަރު ޒާހިރާ ވަރަށް ގާތުގައި އުޅުއްވި ހަމީދު ވިދާޅުވި އެވެ.
މާލޭގައި މަރުވާ އާންމުން ވަޅުލަމުން ގެންދަނީ އާސަހަރާގަ އެވެ.
އުމަރު ޒާހިރަށް ދައުލަތުގެ މަތީ ޝަރަފު ވަނީ އަރުވައިފަ އެވެ. ދައުލަތަށް 50 އަހަރަށް ވުރެ ގިނަ ދުވަހު ހިދުމަތް ކުރައްވައި، އަދި ދައުލަތުގެ ވަރަށް މަތީ މަގާމުތަކެއް ފުރުއްވާފައި އުމަރު ޒާހިރަށް އެރުވީ ނިޝާން އިއްޒުއްދީންގެ އިއްޒަތުގެ ވެރިކަމުގެ ލަގަބެވެ.
އުމުރުފުޅުން 85 އަހަރުފުޅުގައި އުމަރު ޒާހިރު މިއަދު ދަރުމަވަންތަ ހޮސްޕިޓަލުގައި އަވަހާރަވީ، ކޮވިޑްގެ އާލާސްކަންފުޅަށް ފަރުވާ ހޯއްދަވަމުން ގެންދަވަނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުޙައްމަދު...........
21 December 2021
ޢާއްމުން ވަޅުލާ ސަހަރާއެއްނަމަ އެތަނުގެ އަހުލުންނަށް ހެއުދުޢާ އެތަނަށް ޒިޔާރަތްކުރާ މީހުން ކުރާނެ އެކަމަކު މީހުން ޒިޔާރަތް ނުކުރާތަނެއްނަމަ ނުވަތަ މަދު ޢަދަދެއްގެ މީހުން ޒިޔާރަތް ކުރާތަނެއްނަމަ ހެއު ދުޢާ ލިބޭމިންވަރު އެގޮތުން މަދުވާނެ. މަރުޙޫމުގެ ނިޔަތަކީ އެއީކަމަށްވުންވެސް އެކަށީގެންވޭ. ﷲ ދެނެވޮޑިގެންވާނެ
ސަރުދާރު.
20 December 2021
މައްޔިތާގެ ވަސިއްތަކީ ވަރަށް ބޮޑު ދަރަންޏެއް. ކުޅޭ ކުޅޭ އެއްޗަކަށް ނުހައްދަވާ.
ސުޖާ
20 December 2021
ކޮންމެސަހަރާއެއްވެސް ހަމަ ރަނގަޅުވާނެ. ވަޅުލާސަހަރާއެއްގެ ގޮތުން ވަކިހާއްސަކަމެއްނުވާނެ
މރ. ސީ-0-ޓް
21 December 2021
މީގައި ވަކި ތަނެއްގެ ބަރަކާތްތެރިވެގެން އެވާހަކައެއް ނޫން. މައްޔިތާގެ ވަޞިއްޔަކީ ވަރަށް މުހިންމު އެއްޗެއް. އެއީ ނުބައި ކަމަކަށް ނުވާނަމަ މައްޔިތާ ގެ ވަޞިއްޔަތް އަދާކުރުމީ ދިރިތިބީންނަށް ލާޒިމު ކަމެއް.
ޙައްގު ބަސް
21 December 2021
ރަނގަޅު. އެކަމު ވަސިއްޔަތެެއް އޮތިއްޔާ އެކަން އެހެންކުރުން ރަނގަޅީ
މަންދޫހް
20 December 2021
ކޮއްމެ ސަހަރާއެއްގައި ވަޅުލިޔަސް އެއީއަކީ އެއްވެސް މައްސަލައެއްނޫން. ދައުލަތުގެ އިއްޒަތްތެރިން ވަޅުލުމެގެ ކަންކަން ނިއްމާނީ ދައުލަތުން ބޭނުންވާގޮތަށް.
ދައުލަތަށް
20 December 2021
ބަރުޒަހުގެ އާލަމްގަ އިއްޒަތްތެރިން ތަފާތެއް ނުވޭ. (އުމަރު ޒާހިރަކީ ރަގަޅު މާތް ބޭފުޅެއް).
ޙަދަނާ
20 December 2021
ނިޔާވުމަށްފަހު ދައުލަތުގެ އިއްޒަތެއް ނޯންނާނެ. ވަސިއްޔަތެއް އޮވެ އެކަން ފުއްދާ ދެވެން އޮތިއްޔާ އެކަމެއް ފުއްދައިދިނުން ރަގަޅީ. އުމަރުޒާހިރަކީ ހެޔޮލަފާ ހިތްހެޔޮ މަޑުމައިތިރި އެންމެނާގުޅޭ ހިތްތިރި ބޭފުޅެއް. ޢެޢީ ހަގީގީ އިއްޒަތްތެރިންނަކީ. މާތްﷲ އެމަނިކިފާނުގެ ފާފަ ފުުއްސަވައި ސުވަރުގޭގެ ދާއިމީ ނިއުމަތް މިންވަރުކުރައްވާށި. އާމީން.
ޙައްގު ބަސް
21 December 2021
ނޫނޭ. ވަސިއްޔަތް މުހިންމު