އާ އެއާޕޯޓްތަކުގެ އަގުގައި ބިން ހިއްކުން ވެސް ހިމެނޭ: ޕްލޭނިން

ރާއްޖޭގެ ފިނޮޅެއް. އެއާޕޯޓު އަޅަން ހަ ރަށެއް ޕްލޭނިން މިނިސްޓްރީން ވަނީ ކަނޑައަޅާފައި-

ފާތިމަތު ޝަނާ މުހައްމަދު، މިހާރު

23 ޑިސެމްބަރ 2021 - 09:23

އަލަށް އިއުލާން ކުރި އެއާޕޯޓްތަކުގެ އަގު ކަނޑައަޅާފައި ވަނީ ރަށް ހިއްކުމާއި އެތަނަށް ބޭނުންވާ މެޝިނަރީ އާއި އިކުއިޕްމަންޓްތަކުގެ އަގު ވެސް ހިމަނައިގެން ކަމަށާއި އާ އެއާޕޯޓުތައް އަޅަން ނިންމި އަގުތައް ބޮޑު ނޫން ކަމަށް ޕްލޭނިން މިނިސްޓްރީން އިއްޔެ ބުނެފި އެވެ.

ސްޓޭޓް މިނިސްޓަރު އަކްރަމް ކަމާލުއްދީން "މިހާރު" އަށް ވިދާޅުވީ، ރާއްޖޭގެ ހަ ރަށަކުން އެއާޕޯޓް އަޅަން ކަނޑައަޅާފައިވާ އަގުތަކަކީ މީގެ ކުރިން ވެސް އެއާޕޯޓު ހަދަން ދޫކޮށްފައިވާ ރަށްތަކާ ދާދި އެއްވަރެއްގައި ހުރި އަގުތަކެއް ކަމަށެވެ. އޭނާ ވިދާޅުވީ، އަގުތައް ހިސާބު ކުރުމުގައި ހިއްކާ ބިމުގެ ބޮޑުމިނާއި އެއާޕޯޓަށް ބޭނުންވާ އިކުއިޕްމެންޓްތައް ވެސް ހިމެނޭނެ ކަމަށެވެ. ނަމަވެސް އެއާޕޯޓު އަޅާ ރަށްތަކުގެ ހިއްކަނީ ކިހާ ހެކްޓަރެއްގެ ބިމެއް ކަމެއް އޭނާ ވިދާޅެއް ނުވެ އެވެ.

އެއާޕޯޓް އަޅާ ރަށްތަކާއި ލަފާކުރާ ހަރަދު

• ހދ. މަކުނުދޫ - 23.3 މިލިއަން ޑޮލަރު

• ފ. ބިލެއްފަހި - 23.6 މިލިއަން ޑޮލަރު

• ބ. ތުޅާދޫ - 21.9 މިލިއަން ޑޮލަރު

• ތ. ވިލުފުށި - 33.3 މިލިއަން ޑޮލަރު

• ފ. މަގޫދޫ - 8.2 މިލިއަން ޑޮލަރު

• ރ. އަތޮޅުގެ ދެކުނު ބިތުން ރަށެއް - 23.6 މިލިއަން ޑޮލަރު

އަލަށް އެއާޕޯޓު އަޅަން ހުޅުވާލި އެއާޕޯޓުތަކުގެ އަގުތައް ބޮޑު ކަމަށް ބުނެ ގިނަ ބަޔަކު އަންނަނީ ފާޑުކިޔަމުންނެވެ. ހއ. ހޯރަފުއްޓަކީ ވެސް ބިން ހިއްކައިގެން ތަރައްގީ ކުރި އެއާޕޯޓެއް ކަމަށްވާ އިރު އެ ރަށުގައި އެއާޕޯޓު އަޅަން ހޭދަކުރީ 198 މިލިއަން ރުފިޔާ އެވެ. މިހާރު ގދ. ގައި ތަރައްގީ ކުރަމުން އަންނަ ފަރެސްމާތޮޑާގެ ބިން ހިއްކުމާއި އެއާޕޯޓް އެޅުމަށް 144 މިލިއަން ރުފިޔާ ހަރަދުކުރެ އެވެ. ފަރެސްމާތޮޑާގެ އެއާޕޯޓު އަޅަން 20 ހެކްޓަރުގެ ބިން ހިއްކި އިރު ހޯރަފުށި އެއާޕޯޓު އަޅަން 35 ހެކްޓަރުގެ ބިން ހިއްކި އެވެ.

މީގެ އިތުރުން އަލިފުށީގައި އެއާޕޯޓު އެޅުމަށް 50 ހެކްޓަރު ހިންގަން ނިންމާފައިވާ އިރު އެ ރަށަށް 451 މިލިއަން ރުފިޔާ ހޭދަވާނެ އެވެ. މިއީ ވެސް އަންނަ އަހަރުގެ ބަޖެޓުގައި ހިމަނާފައިވާ އެއާޕޯޓެކެވެ. އަލިފުށީގެ އިތުރުން މ. މުލިގައި ވެސް އެއާޕޯޓެއް އެޅުމުގައި ބަޖެޓުގައި ހިމަނާފައިވެ އެވެ.

ސަރުކާރުން އެއާޕޯޓު ހަދަން ހުޅުވާލި ހަ ރަށް ދޫކުރަނީ އިންވެސްޓަރުންނަށް ފަސް މިލިއަން ޑޮލަރު (77 މިލިއަން ރުފިޔާ) އެންމެ މަދުވެގެން އިންވެސްޓް ކުރެވޭ ގޮތަށެވެ. އެހެންކަމުން މި ރަށްތަކުގައި އެއާޕޯޓު ހަދަން އެއް ޕާޓީ އަށް ވުރެ ގިނަ ޕާޓީތަކަށް އިންވެސްޓް ކުރުމުގެ ފުރުސަތު އޮންނާނެ އެވެ. މިއީ އެއާޕޯޓު ތަރައްގީ ކުރަން މި ކޮންސެޕްޓަށް ފުރުސަތު ހުޅުވާލި ފުރަތަމަ ފަހަރެވެ.

އެ ރަށްތަކަށް ބިޑު ހުށަހެޅުމުގެ ފުރުސަތު މިހާރު ހުޅުވާލާފައިވާ އިރު އިއުލާނުގައި، ޕްރޮޕޯސަލްތައް ހުށަހަޅާނެ މުއްދަތެއް ކަނޑައަޅައިފައެއް ނުވެ އެވެ.

ސްޓޭޓް މިނިސްޓަރު އަކްރަމް ކަމާލުއްދީން ސަރަހައްދީ އެއާޕޯޓްތައް ހައުސިން، ލޭންޑް އެންޑް އާބަން މިނިސްޓްރީ

12 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝަފީރު

23 December 2021

މިކަން ކުރަން ޖެހޭތަ. ނުޖެހޭ. މިޢީ ބަޔަކު މުއްސަނދި ކުރަން ވިއްދާދޭ ކައްތެރިތަކެއް. ތަންތަން ހަދާ ނިމޭއިރު ޖީބުތަކަށް ވަރަށް ބަރުވާނެ. ޢެކަމަކު ނުފުރޭނެ. މިހުރިހާ އެއަރޕޯޓެއް ހަދައިގެން މިތަންތަން ބަލަހައްޓަން ޚަރަދުކުރާނެ ފައިސާއެއް މިތަންތަނަކަށް ނުލިބޭނެ. ދަރަނި މައްޗަށް ދަރަނި. އަސްލަމަކީ ކުރަހަން ހުރިމީހެއް. ކުރަހާ ދައްކާލާތި. ތަނަށް ބޭނުންވާ ތަކެތި އަގުކުރި ހިސާބު ހާމަ ކޮށްދެއްވާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޑުހަސަނު

23 December 2021

މިކަންވެސް ވެއްޖެ ބޮޑު ޖޯކަކަށް. ކޮންމެރަށަކަށް ސްކޫލަކާއި ސިއްހީ ހިދުމަތް ދޭ ތަނެއް ބޭނުންވާހެން ކޮންމެ ރަށަކަށް އެއަރޕޯޓެއް.މިހާރުވެސް ރާއްޖޭގައި 17 އެއަރޕޯޓް އެބައޮތް އެއީ.އަދި އެއީ ނައިފަރު ކައިރީގައި އޮތް އެއާރޕޯޓް ނުލާ. މިހާރު އެއާރޕޯޓް ނެތީ ހަމައެކަނި ވ، މ ، އަދި އއ އަތޮޅުގަ. ރާއްޖޭގެ އާބާދީގެ ކޮންމެ 20 ހާހަކަށް އެއަރޕޯޓެއް އޮތެވެ. މިއީ ދެން ތަންފުކެއް ބޮޑުވަރު ކަންނޭގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަލީ

23 December 2021

މިހާރު ހުރި އެއަރޕޯޓުތައް ތަރަށްގީ ކުރަންވިީ ނޫންތޯ . ކުދިކުދި ބަނދަރުތަށް ބޮޑު ކުރަންވީނޫންތޯ؟ ހުޅުމާލެއަށް މީހުން ތޮއްޖަސުވަން މިލިއަނުން ހަރަދު ކުރުމަށްވުރެ މާގިނަ ކަންތަށް ކުރަން އެބަހުރިނޫންތޯ؟ ވޯޓުހޮދަން ސަރުކާރުތަކުން ކުރާކަންތައް ހުއްޓާފަ ފައިދާހުރި ކަންތައްކުރުން ރަނގަޅުނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލީމުދޮނ

23 December 2021

ދެން މިހާރު ފޅު ހިއްކައިގެން ހުރިހާ ތަނެއްގައި އެއަރޕޯރޓް އެޅުން އޯކޭވީ؟ ބޮޑު ގަލު ތަރައްގީ އޮކޭވީ؟ މިލިޔަނުން ހަރަދުކޮއްގެން ބޭރު މީހުންނަށް އެއަރޕޯޓުތަށް ދިނުން އޯކޭވީ؟ ބިންތަށް ތިޔަ ވިއްކާލީނު ބޭރު މީހުންނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިކާ

23 December 2021

ފަޅުތައް ހިއްކަން ފެށުމުން، ރަސްދޫ މީހުން ނުދާނެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލިކާ

23 December 2021

އަހަރުމެން ކޮންމެހެން ވެލިގަނޑު ފަހަތުން ދިޔައީކީ ތިމާވެށި ދެކި ލޯބިވާތީއެއް ނޫނޭ،، ހަމަ ވެލިގަނޑު ރިސޯޓަށް ޖެއްސުން ކޮށްލުމުގެ ގޮތުން.. އެހެން ނޫނީ ރަސްދޫ ހިއްކިއިރު އަހަރުމެން ނިކުނާނެތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލީމަތު

23 December 2021

ބޭނުންވަނީ ރަނގަޅު ފެރީ ސިއްޓަމެއް، ބާރަށްދުވާ ސުޕީޑުތަކެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެޕްޓަން އަޙޫ

23 December 2021

އަޅުގަނޑު އެއްވެސް ގޮތަކަށް ތާއީދުކުރާ ކަމެއްނޫން. މިހާރު ރާއްޖޭގައި އެއާޕޯޓުތަށް ހުރި ދިމަދިމާ ބަލާފަ ލޯންޗުން ފުރައިގެން 20-30 މިނެޓު ތެރޭ ނުދެވޭ ތަނެއްހުރިއްޔާ އެތަނެއްގައި އެއާޕޯޓު އެޅިދާނެ. ސުޕީޑުބޯޓު ފެރީނިޒާމު ބޭނުންވަނީ. ނަމަކަށް އެއާޕޯޓު އެޅުން ރަނގަޅެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިދުރީސު.

23 December 2021

ކ.އަތޮޅު މާލެއަށް ކުލީ ގެސްޓުން އުފުލަންވެގެން އަޅާ ތަންތަން ތިއީ. އަނެއްކާ މިލިސްޓްގައި ދެކުނުން މިއޮތީ ހަމަ އެކަނި ތ.އަތޮޅު ވިލުފުށި. ދުނިޔޭގައި އޮތް އެންމެ ބޮޑު އަތޮޅު ހުވަދޫ އަތޮޅުގައި އެންމެ އެއަރޕޯޓެއްވެސް އަޅުމަށް ހަމަޖެހިފައި ނެތް އިރު އެއޮތްބޮޑު ލ.އަތޮޅުވެސް މިމީހުން ހަދާނެތްނެތް.