2017 ގެ ފަހުން ނޯތު ކޮރެއާގެ އެންމެ ބާރުގަދަ މިސައިލް ޓެސްޓްކޮށްފި

ނޯތު ކޮރެއާ އިން ޖެނުއަރީ މަހު ވަނީ ހަތް މިސައިލް ޓެސްޓްކޮށްފައި. --ފޮޓޯ:އީޕީއޭ

ހަސަން އާމިރު، މިހާރު

30 ޖެނުއަރީ 2022 - 10:54

ޕިއޮންޔޮން (ޖެނުއަރީ 30) - ދެހާސް ސަތާރަ ވަނަ އަހަރުގެ ފަހުން، މިހާތަނަށް ޓެސްޓްކުރި އެންމެ ބާރުގަދަ މިސައިލް ނޯތު ކޮރެއާ އިން މިއަދު ޓެސްޓްކޮށްފި އެވެ.

ސައުތު ކޮރެއާ އިން ރިޕޯޓްކޮށްފައިވާ ގޮތުގައި މި ޓެސްޓް މިއަދު ހެނދުނު ކޮރެއާ ގަޑިން 7:52 ގައި ކޮށްފައި ވަނީ ނޯތު ކޮރެއާގެ އިރުމަތީގެ ސަރަހައްދުގަ އެވެ. މިއީ މި މަހުތެރޭ ނޯތު ކޮރެއާ އިން ކުރި ހަތް ވަނަ ޓެސްޓެވެ.

ނޯތު ކޮރެއާ އިން ކުރި ޓެސްޓް ވަނީ ޖަޕާން، ސައުތު ކޮރެއާ އަދި އެމެރިކާ އިން ކުށްވެރިކޮށްފަ އެވެ.

ނޯތު ކޮރެއާ އިން ބެލިސްޓިކް އަދި ނިއުކްލިއާ ހަތިޔާރު ޓެސްޓްކުރުން އދ. އިން ވަނީ މަނާކޮށްފަ އެވެ. އަދި އެ ގައުމާ ދެކޮޅަށް ވަނީ ދަތިކުރުމުގެ ހަރުކަށި ފިޔަވަޅު ވެސް އަޅައިފަ އެވެ. އެކަމަކު އިރުމަތީ އޭޝިއާގެ ގައުމުން ތަކުރާރުކޮށް ދަނީ އދ.ގެ އެންގުމާ ޚިލާފުވަމުންނެވެ. ނޯތު ކޮރެއާގެ ލީޑަރު ކިމް ޖޮން-އުން ވަނީ އެ ގައުމުގެ ދިފާއު ވަރުގަދަ ކުރައްވާނެ ކަމަށް ވިދާޅުވެފަ އެވެ.

ނޯތު ކޮރެއާގެ ލީޑަރު ކިމް ޖޮން ހަތިޔާރު ފެކްޓަރީއަކަށް މިދިޔަ ހަފުތާގައި ޒިޔާރަތް ކުރައްވަނީ. --ފޮޓޯ:އީޕީއޭ

ސައުތު ކޮރެއާގެ ނޭޝަނަލް ސެކިއުރިޓީ ކައުންސިލުން ބުނީ ނޯތު ކޮރެއާ އިން ޓެސްޓްކޮށްފައި ވަނީ އިންޓަމީޑިއޭޓް ރޭންޖުގެ ބެލިސްޓިކް މިސައިލެއް ކަމަށެވެ. އަދި އެއީ ނޮވެމްބަރު 2017 ގެ ފަހުން އެ ގައުމުން ކުރި އެންމެ ބާރުގަދަ މިސައިލް ޓެސްޓް ކަމަށް ވެސް ބުނެފައިވެ އެވެ.

ޖަޕާނާއި ސައުތު ކޮރެއާގެ އޮފިޝަލުން ލަފާކުރި ގޮތުގައި މިސައިލް ވަނީ 2،000 ކިލޯ މީޓަރު (1،240 މޭލު) މަތިން، 800 ކިލޯ މީޓަރު (500 މޭލު) އަށް 30 މިނިޓް ވަންދެން ދަތުރުކޮށްފަ އެވެ. މިސައިލް ވެއްޓިފައި ވަނީ ޖަޕާން ކަނޑަށެވެ.

ޖެނުއަރީ އަކީ ފަހަކަށް އައިސް ނޯތު ކޮރެއާ އިން އެންމެ ގިނަ މިސައިލް ޓެސްޓްކުރި މަހެވެ. ނޯތު ކޮރެއާގެ ލީޑަރު ކިމް ދެއްވި އާ އަހަރުގެ މެސެޖުގައި ވެސް ވަނީ އާ ޓެކްނޮލޮޖީއާ އެކު އަސްކަރީ ގާބިލްކަން އިތުރު ކުރުމަށް ގޮވާލައްވައިފަ އެވެ.

އުތުރު ކޮރެއާ

6 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަހީދު

31 January 2022

އެމެރިކާ ނުވަންނާނެ ތަނެއްނެތް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

30 January 2022

ބާރުގަދަ ހަތިޔާރާ ނިއުކްލިއަރު ހަތިޔާރު ހުންނަން ޖެހެނީ އެމެރިކާއާ އިސްރާއީލު އަތުގައި އެކަނިބާ؟ މިހާތަނަށް ދުނިޔޭގެ އެންމެ ބާރުގަދަ ހަތިޔާރުތައް އާންމުންނާ ދެކޮޅަށް ބޭނުންކުރީ އެމެރިކާއިން. އަދި 13 އޭޕްރީލް 2017 ގައި މަދަރު އޮފް އޯލް ބޮން އަފްޣާނުގައި "ޓެސްޓު" ކުރީވެސް އެމެރިކާއިން. ކަން މިހެން ހުރިއިރު އެހެން ގައުމަކަށް އަމިއްލަ ދިފާއުގައި ހަތިޔާރެއް ގެންގުޅުމުގެ ހުއްދަ ނޯންނަންޖެހޭ ސަބަބަކީކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިޔު

01 February 2022

ސަބަބު ވ.ސާފު..އެއީ އެމެރިކާއާއި އެމީހުންގެ އެކުވެރިންނަށް ވުރެ އެހެން ބަޔަކު ބާރުގަދަ ވެދާނެތީ އެކަމާ ގަންނަ ބިރެއްގެ ބޮޑު ކަމުން..އެވެރިން ނޫން އެހެން މީހުން އަމިއްލަ ދިފާއުގަ ގެންގުޅެއް ޖެހޭނީ ރަބަރު އުންޑައާއި އޮއްގަލެވެ..ދުވަސް ކޮޅަކުން މިތަކެތިވެސް މަނާ ނުކުރާނެއެކޭ ބުނެވޭކަށް ނެތް..މުސްލިމުންވެސް މިތިބެންޖެހެނީ އެމީހުންގެ ދަށުވެގެން ނިކަމެތި ބުޅާ ގަނޑެއް އުޅޭ ފަދައިންނެވެ.