މުބާރާތުގައި އިއްޔެ ތައިލެންޑާ ދެކޮޅަށް ރާއްޖެ ކުޅުނު މެޗުގެ ތެރެއިން: މިއަދު އޮމާން އާ ދެކޮލަށް ކުޅުނު މެޗުން ވެސް ރާއްޖެ ވަނީ ބަލިވެފަ --- ފައިލް ފޮޓޯ: އެފްއޭއެމް
16 މާޗް 2022 - 18:18
8 comments
ތައިލެންޑްގައި މިހާރު ކުރިއަށްދާ އެންއެސްއެފްޑީ އިންވިޓޭޝަނަލް ފުޓްސަލް ކަޕްގައި ރާއްޖެ ކުޅުނު ދެވަނަ މެޗުގައި އޮމާން އަތުން 7-4 ން ބަލިވެ، ރާއްޖޭގެ ގައުމީ ފުޓްސަލް ޓީމަށް މުބާރާތް ނިމިއްޖެ އެވެ.
ބެންކޮކުގެ ޝޯޑީސީ އިންޑޯ ސްޕޯޓްސް ކޮމްޕެލްކްސްގައި ކުޅުނު މެޗުގެ ކުރީކޮޅު ވައްދާލި ލަނޑުތަކުން އޮމާން އިން ވަނީ ހަތަރު ލަނޑުގެ ލީޑެއް ނަގައިފަ އެވެ. މެޗު ފެށިގެން ފަސް ވަނަ މިނެޓްގައި އެޓީމަށް ލީޑް ނަގައިދިނީ އަލްހަބަސީ އެވެ. އޭގެ މިނެޓެއް ފަހުން އޭނާ އަނެއްކާ ވެސް ލަނޑެއް ޖަހައި ނަތީޖާ 2-0 ށް ބަދަލު ކުރި އެވެ.
އޮމާންގެ ތިންވަނަ ލަނޑު 10 ވަނަ މިނެޓްގައި ޖެހީ އަލްސަމްސީ އެވެ. ހަތަރުވަނަ ލަނޑު ޖެހީ އަލްވާތީ އެވެ. ރާއްޖޭގެ އަލީ ހާފިޒު (ހާއްޕެ) ވަނީ 34 ވަނަ މިނެޓްގައި ރާއްޖެ އަށް ފުރަތަމަ ލަނޑު ޖަހައިދީފަ އެވެ.
ކައިރިކިއިރީގައި ރާއްޖެ އާ އޮމާންއިން ރާއްޖެ އަށް ލަނޑެއް ޖެހިގެން ހަމަޔަކަށް ނޭޅި އުޅެނިކޮށް އޮމާންގެ އަލް ޝިބްލީ ވަނީ އެޓީމުގެ ފަސްވަނަ ލަނޑު ޖަހައިފަ އެވެ. ދެން ޖެހިގެން އައި މިނެޓްގައި އަނެއްކާ ވެސް ހާއްޕެ ރާއްޖެ އަށް ލަނޑެއް ޖަހައިދިނެވެ. އޭގެ ފަހުން އަލް ޝަމްސީ އޮމާންގެ ހަވަނަ ލަނޑު ޖެހި އެވެ.
ރާއްޖޭގެ ތިންވަނަ ލަނޑަކީ އޮމާންގެ އަލާ ވަތީ އަތުން ބައިކޮޅަށް ވަން ލަނޑެކެވެ. އޮމާންގެ ހަތްވަނަ ލަނޑު ޖެހީ އަލް ބަލައުޝީ އެވެ. ރާއްޖޭގެ ހަތަރުވަނަ ލަނޑު ޖެހީ އިޝާން އިބްރާހިމް (ސައްޓު) އެވެ.
ތައިލެންޑްގެ މުބާރާތުގައި ރާއްޖެއިން ބައިވެރިވީ އަންނަ މަހު ބާއްވާ އޭޝިއަން ފުޓްސަލް ކަޕްގެ ކޮލިފިކޭޝަންގައި ވާދަކުރުމުގެ ކުރިން ތަޖުރިބާ ހޯދުމުގެ ގޮތުންނެވެ. މުބާރާތުގެ ފުރަތަމަ މެޗުގައި އިއްޔެ ތައިލެންޑް އަތުން ރާއްޖެ ބަލިވީ 8-3 ންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުސްކުޅި
17 March 2022
ޓޫ މުސްކުޅި ޓީމް؟ ކިހިނެތްތަ ތި ޓީމް ނަގަނީ؟
މަބުނީ
16 March 2022
ރާއްޖެ ކުދިން ދެރައެކޭ ނޫން. އެކަމް ރާއްޖޭގަ ވަރަށް ގިނަވާނެ އަމިއްލައަށް ފެނިފަ ތިބޭ މީހުން. އެންޑް ކުޅިވަރުގެ ޑިސްޕްލީން ވަރަށް ދަށްވާނެ.
ޓަޔަޑް
16 March 2022
ބެންކޮކުނުން އެހެންތަނެއްގައި ތިމުބާރާތްއޮތްނަމަ ތަންކޮޅެއް ރަގަޅުވީސްކަންނޭގޭ. ބެންކޮކަށްގޮއްސިއްޔާ ކުޅުންތެރިންގެ ޖޯރެއްނުހުރޭ، ކޮންސެންޓްރޭޝަން ހުނަނަނީ އެހެންދިމާލަކަށް.
ބާބޫ
16 March 2022
ތިވަރު ރަނގަޅޭ ، ގައުމީ ބާސްކެޓް ޓީމް ހަދާ ހެން ސޮޕިން ކޮއްލައިގެން އާދޭ
ބައްޕީލެހެރީ
16 March 2022
ތީދެން އަހަރުމެންނަށްވާނެ ވަރަކީ، ކުދިންގެ މާބޮޑު ބުންވަރެއްނުހުރޭ، ހަށިގަޑު ނިކަމެތި، ފައި ދަނޑިކޮޅެއް، ރޭގަޑެއްވެއްޖެއްޔާ ދުމުން ސަލާމަތްނުވެގެން، ހަމަނިދި ނުހޯދާ. އެހެންވީމަ ތިވަރު ގޯހެއްނޫނެއްނޫނޭ. ދެން ހިލޭ ބެންކޮކަށްްވެސް ދެވިއްޖެއެއްނުން!
ޑެބީ
16 March 2022
މިނޫންވަރެއްވޭތަ. ފޮށިތަންމަތި ހިފައިގެން އެނބުރި ގައުމަށް އަންނަން އުޅޭ.
އަދި ރަގަޅުވާނެ
16 March 2022
ދެން ފުޓްބޯޅަ ކުޅުން ހުއްޓާލާފަ ފުޓްސެލްއާއެކު އުޅެންވީ. އެތައްޒަމާނެއްވަންދެން އުޅެއުޅެ ކުޅުންތެރިންނަށް ރަގަޅަށް ފުޓްބޯޅައިގެ ދެހާފު ކުޅެވޭވަރަށް ބުންވަރު ނުޖެއްސުނު. އެހެންވީމަ، ފުޓްބޯޅައެއްކޮށް ދޫކޮއްލަންވީ، ކަނޑައެޅިގެން މުސްތަގުބަލެއްނެތްކަމަކަށް ކީއްކުރަން ބޭކާރު ޚަރަދުކުރަންވީ! ކުޅުންތެރިން ބޮޑުވަނީ ޑިސިޕްލިންޑް ޑައިޓެއްގައެއްނުން، ސިގިރެޓް ބޯންޖެހޭ، ދަންވަރުން ހޭލާ! އެހެންވީމަ ފުޓްސެލްކުޅެން ބައިތިއްބާ!
ރަދީފްއޮފިޝަލް
16 March 2022
ހެހެހެހެ.އަދިވެސް މުބާރާތެއް އޮތިއްޔާ ބައިވެރިވެލީމަ ތަޖުރިބާ ލިބޭނެ.ޗުއްޓީ ހަދާލާފަ އަވަހަށް އާދޭ.