29 މާޗް 2022 - 15:04
20 comments
ރަޝިޔާ އިން ބައިނަލްއަގުވާމީ ބާޒާރަށް ނެރޭ ގުދުރަތީ ގޭހުގެ ތެރެއިން އެއްވެސް މިންވަރެއް، ވިލާތުގެ ގައުމުތަކަށް ހިލޭ ދޭން ގަސްދުނުކުރާ ކަމަށް ރަޝިޔާ އިން ބުނެފި އެވެ.
ނޫސްވެރިންނާ ވާހަކަ ދައްކަވަމުން ރަޝިޔާގެ ރިއާސީ ގަނޑުވަރު ކްރެމްލިންގެ ތަރުޖަމާނު ޑިމިޓްރީ ޕެސްކޯވް ވިދާޅުވި ގޮތުގައި "ރަހްމަތްތެރި ނޫން" ގައުމުތަކަށް ރަޝިޔާ އިން ވިއްކާ ގޭހަށް، ރަޝިޔާގެ ފައިސާ ރުބެލް އިން އަގު އަދާކުރަން ދެކޮޅު ހަދާ ނަމަ، އެ ގައުމުތަކަށް ރަޝިޔާގެ ގޭހެއް ނުފޮނުވާނެ އެވެ.
ރަޝިޔާ އިން ޔޫކްރޭންގައި ކުރަމުންދާ ހަނގުރާމައާ ގުޅިގެން، ރަޝިޔާ އަށް ދަތިކުރުމުގެ ފިޔަވަޅުތައް އަޅަމުންދާ ގައުމުތަކަކީ "ރަހްމަތްތެރި ނޫން" ގައުމުތަކެއް ކަމަށް ރަޝިޔާ އިން ވަނީ މިމަހުގެ ކުރީކޮޅު ކަނޑައަޅައިފަ އެވެ. ރަހްމަތްތެރި ނޫން ގައުމުތައް ކަމަށް ރަޝިޔާ އިން ކަނޑައަޅާފައިވާ 49 ގައުމުގެ ތެރޭގައި، އެމެރިކާ، ކެނެޑާ، އޮސްޓްރޭލިޔާ، އޮސްޓްރިއާ، ބެލްޖިއަމް، ބަލްގޭރިއާ، ކްރޮއޭޝިޔާ، ސައިޕްރަސް، ފްރާންސް، ޖަރުމަން، އިޓަލީ، ޖަޕާން، ނެދަލޭންޑް، ނިއު ޒީލޭންޑް، ނޯވޭ، ޕޯޗުގަލް، ދެކުނު ކޮރެއާ އަދި އިނގިރޭސި ވިލާތް ހިމެނެ އެވެ. މި ލިސްޓުގައި މެދުއިރުމަތީގެ އެއްވެސް ގައުމެއް އަދި އިސްލާމީ ގައުމެއް ވެސް ހިމަނައިފައެއް ނެތެވެ.
"ރަހްމަތްތެރި ނޫން" ގައުމުތަކަށް ވިއްކާ ގުދުރަތީ ގޭހަށް އެ ގައުމުތަކުން އަގު ދައްކަން ޖެހޭނީ ރުބެލް އިން ކަމަށް ރަޝިޔާގެ ރައީސް ލަޑިމިއާ ޕުޓިން ކަނޑައެޅުއްވީ މި މަހުގެ 23 ވަނަ ދުވަހު އެވެ. ރަޝިޔާގެ އެ ނިންމުމަށް، ޖީ-7ގެ ގައުމުތަކުން އިއްޔެ ވަނީ ދެކޮޅު ހަދައިފަ އެވެ.
ރުބެލް އިން އަގު އަދާކުރުމަށް ނިންމި ނިންމުމާ ގުޅިގެން، ކުރަންޖެހޭ ކަންތައް ފުރިހަމަ ކުރުމަށް ރައީސް ޕުޓިން އޭނާގެ ވަޒީރުންނަށް ދެއްވާފައިވާ މުހުލަތު މި މަހުގެ ނިޔަލަށް ހަމަވާނެ އެވެ. އެހެންކަމުން، ވިލާތުގެ ގައުމުތަކުން ރުބެލް އިން އަގު ދައްކަން ދެކޮޅު ހަދާ ނަމަ، ދެން އަމަލުކުރާނެ ގޮތަކާ މެދު، ރަޝިޔާގެ ގޭސް ކުންފުނި ގޭޒްޕްރޮމް އިން ގޮތެއް ނިންމަން ޖެހޭނެ އެވެ.
"ގޭސް ފޯރުކޮށްދިނުމަކީ ވަރަށް ގިނަ މަސައްކަތް. ގޭސް ފޮނުވުމާއި އޭގެ ފައިސާ ހޯދުމާއި، ލިބުނު ފައިސާ އާއި ލިބެން ހުރި ފައިސާ އަޅައިބެލުން ވެސް އޭގެ ތެރޭގައި ހިމެނޭނެ. އެކަންކަން ހަމަޖައްސާނެ ގޮތްތަކެއް މިދަނީ ކަނޑައަޅަމުން،" ރަޝިޔާ އިން ވިއްކާ ގޭހުގެ އަގު ރުބެލް އިން އަދާކުރުމާ ގުޅޭ ކަންކަމުގެ އިސް ވިލަރެސްވެރިޔާ ޑިމިޓްރީ ޕެސްކޯވް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޅުބުޅާ
01 April 2022
ދުނިޔޭގެ ފައިސާއަކީ ޑޮލަރަށް ބަޔަކު ހަދައިގެން އުޅުން ނިމުމަކަށް އަންނަން އުޅޭހެން ހީވަނީ
ޕޮޑް
30 March 2022
ޑިމާންޑްއިޒް ހައި
ސަލީމު އިދުރީސް
30 March 2022
މި ރަދީފެއް ކިއާސޮރައް ވާއެއްނުވާއެއް ނޭގި އެއްޗެތި ކިއާފަ ކޮމެއްޓު ކޮއްފަ ހުންނަތައް ފެނުނީމަ ވަރައް ހިނިއާދޭ! ކާކުތޯ ރަސީޔައް ދާންވެގެން މަރުދެނީ! ރަސީޔާގެ ކަމުވޮށިވެގެންވާ ގިނަބަޔަކު އުޅެނީ ހުޅަނގުގެ ބެވޭރީއާ ސަހައްދުގަ! ރަސިޔާގެ ގިނަބަޔަކީ ހުޅަނގުގެ ލައިފުސްޓައިލައް ލޯބިކުރާބަޔެއް! ބުޓިނައް ފޭސްބުކާ އިނޓަގުރާމުފަދަ ޕުލެޓުފޯތައް މާނާކޮއްގެން ރަސިޔާ ދެވަނަ އުތުރުކޮރިއައް ނުހެދޭނެ ކަމައް އެގައުމުގެ ގިނަރައްތުން އެބަބުނޭ
މެސީ1
30 March 2022
ކޮންމެހެން ރަދީފެކޭ ކިޔާނެކަމެއް ނެތް. ރަޝިޔާގަ ދިވެހިންވެސް ވަކި މަދެއް ނޫން. ރަޝިޔާގަ އިންވެސްޓް ނުކުރާ ގައުމެއް ބުނެބަލަ. މީހަކުދެކެ ޖެލަސްވިޔަސް ބޮދުވަރުތީ
ރަދީފްއޮފިޝަލް
30 March 2022
އަހަރެން ކޮއްފަ ހުންނަ ކޮމެންޓް ފެނިފަ ވަލްރަސް ހިނިއަންނަނަ ނަމަ އެއީ ލިބުނު ކުރިއެރުމެއް.އެއްގައުމުގެ އެހީ ނުހޯދާ އަނެއް ބަޔަކަށް އުޅެވޭނެ ގޮތަކަށް ނޫން ދުނިޔޭގެ ކަންކަން އެތުރިފަ މިއަދު އޮތީ.އެހެންވީމާ ވަލްރަސްގެ މޮޔަކަން އަދި ވަކިން ބޮޑު.ވ.ވ.ވެދުން (ގޫލްއިން ބަލާލާ ވަލްރަސް އެއީ ކޮންއެއްޗެއްތޯ)
ސަލީމު އިދުރީސް
30 March 2022
ކަލޯ އިންވެސްޓު ކުރަނީ ވިއަފާރި ކުރަން މިހާރު އެދާމަގުން ރަސިއާގަ އިންވެސްޓު ކުރުމަކީ މާޒިއައް ވާނީ! ރަސިއާގަ އިންވެސްޓު ނުރާގައުމެއް ނެއްކަމައް ބުނާއިރު، އެ އިންވެސްޓުތައް ފުނޑުނީމަ އެންމެބޮޑު ގެއްލުން ވާނީރަސިޔާއައް! ދުނިއެއާ ވަކިން މިޒަމާނުގަ ނޫޅެވޭނެ! ދަތިކުމުގެ ސަބުން މުޅި ދުނިއައްވެސް ބޮޑުގެލުންވާނެ އެމަކު މިނިވަން ގައުމެއް ތަޅާސުންނާފަތި ކުރާދެން ބަލަން ނުތިބޭނެ
ޥަސް
29 March 2022
ޑިކްޓޭޓަރު ޕުޓިން ރަޝިޔާ ނިކަމެތި ކުރަމުން އެ ދަނީ. މުޅި ދުނިޔެއާއި ދެކޮޅު ވެރިވެގެން އުޅެވޭނެ ވަރުގެ އިގުތިސާދެއް ނޫން ރަޝިޔާއަކީ.
ޟެސޯ2
29 March 2022
އެމެރިކާގެ އަޅެއް ދޯތީ
ހަމް67
29 March 2022
ކުރިންވެސް ނުދޭ ހިލޭއެއް ކޮން ދޮގެއް ހަދާކައް. ދެން ޔޫރަޕުން ގޭސް ނުގަންނަނަމަ މިހާރުވެސް ބަނޑައްޖެހޭނެ މުޅިގައުމު.
ރަދީފްއޮފިޝަލް
29 March 2022
ރަޝިޔާ ބަނޑަށް ޖެހޭނެކަމަށް ތިޔަ ނިންމީ ކޮންގޮތަކުން؟؟
ހަމް77
29 March 2022
ދެލޯފުޅާ ގޫގުލް ސާރޗްހަދާބަލަ. ޜަސިޔާ އިކޮނޮމީ ހިފަހައްޓަނީ ކޯއްޗެއް ވިއްކައިގެންތޯ. ދެން އެވިއްކާ އެއްޗެއް އެންމެ ގިނައިން ގަންނަނީ ކޮން ބައެއްތޯ
ހަމް77 ގެ ބަފާގެ ބޭބެ
29 March 2022
ހަމް77 ހިތުން ރަޝިޔާގެ އިކޮނޮމީ ބިނާވެފަ އޮތީ ހަކަތައިގެ ދާއިރާއަށް އެކަނި.ކަލޭ ރަނގަޅަށް ރަޝިޔާގެ އިކޮނޮމީ ކިޔާބަލަ.
ޙަމް67
29 March 2022
ބޭފުޅާ ގައުމެއްގެ އިގްތިސާދު 50% އައް ވުރެއް ބޮޑައް އެއްޗަކައް ބިނާވެއްޖެނަމަ ބުނާނީ އެހެން. ޔޫރަޕުން %45 އައް ވުރެއް ގިނައިން ގޭހާ ތެޔޮ ގަނޭ. ޗައިނާއިން ގަންނަ ތެޔޮ 10% އައްވެސް ނާރާ. 600 ބިލިއަން ޑޮލަރުގެ ރިޒާވް ގެ ދެބައިކުޅަ އެއްވައިހުރީ ޔޫރަޕްގަ. ޢެހުރީ ތާށިކޮއްފަ. ތިބޭ ދެންތިހެން ޕޫޓިން އައް ސަޕޯޓު ކޮއްލަކޮއްލަ
ރާކަނިމަސް
30 March 2022
ރަށިޔާ އަކީ އަަމިއްލައުފެންދުންތަކުން އެހެނގައުމަކަށް ބަރޯސާނުވެ އުފެއްދުންތަކުން ގައުމަށްބޭނުންކޮއްފަ އިތުރުވާއެއްޗެއްވިއްކާ ގައުމެއް ވީއިރުބަޑައްޖެހޭނީ ކޮން އުސޫލަކުންބާ
ރަދީފްއޮފިޝަލް
30 March 2022
ހަމް77 އަށް ވަރަށް އިހްތިރާމާއިއެކީ ބުނެލަން ހަކަތައިގެ ދާއިރާ ވެސް މުހިންމޭ .ނަމަވެސް ރަޝިޔާގެ އިކޮނޮމީ އެއީ އެންމެ ކަމަކަށް ބަރޯސާވެފަ އޮންނަ އިކޮނޮމީއެއްނޫން.މައިނިން އަދި އެގްރިކަލްޗާ ވެސް އެއީ މުހިންމު ބައެއް.މީގެ އިތުރުން ޑިފެންސް ، އެއިރޯސްޕޭސް ، އޮޓޮމޯޓިވް އަދި އިލެކްޓްރޯނިކްސްގެ ދާއިރާ ހިމެނޭ.ކޮންސްޓްރަކްޝަން ، އިންޝުއަރެންސް ، އައިޓީ އަދި ޓޫރިޒަމް ދާއިރާ އިކޮނޮމީގަ ބޮޑު ބައެއް އަދާކުރޭ.މީގެ އިތުރުން ޓެލެކޮމިއުނިކޭޝަން ހިމެނޭ.ވ.ވެދުން
އަލީ އަލީ
29 March 2022
ހުއްޓާލަބަލަ އެއްދުވަހަށް! ވަގޮތެއް ބަލާލަން! ތެޅިގަންފަ ހުންނާނެ! ކޮންޓްރެކްޓައް އަމަލުކުރަން ޖެހެނީ އެއް ބަޔަކުތަ! ރަސިޔާއަކާ ނުކުޅެވޭނެ!
ރަދީފްއޮފިޝަލް
29 March 2022
ސާބަހޭ ޕުޓިން.ތިޔަ 49 ގައުމުގެ ރައްޔަތުން ރަޝިޔުާއަށް އެތެރެވުން ވެސް މަނާކުރަން ޖެހޭ.ބިމުގަ ފަސާދަ އުފައްދައި ހައިޖާނު އުފައްދަން އުޅޭ 49 ގައުމު.އެމެރިކާގެ ތައްޕާހުން އުޅެން ބޭނުންވާ 49 ގައުމު.
ހަމް77
29 March 2022
މީހަކު ނޫޅޭ ރަޝިޔާއައް ނުދެވިގެން. ރަޝިޔާގެ ކަމުވޮށިގެންވާ އެންމެންނާ ބިލިޔަނަރުންވެސް އުޅެނި ޔޫރަޕުގަ އާ އެމެރިކާގަ ދަރިން މޮޅެތި ޔުނިވާރސިޓީއައް ލައިގެން އެތާ.
ތަރުޖަމާ
29 March 2022
ތި ކޮމެންޓުގެ އިނގިރޭސި ތަރުޖަމާއެއް ޕުޓިންއަށް ފޮނުވަންވީނު. އޭނައަކަށް ތާނައިން ލިޔެފަ ހުންނަ ކޮމެންޓު ކިޔާކަށް ނޭނގޭނެ.
ރަދީފްއޮފިޝަލް
29 March 2022
ކަލޭގެ ކޮސްކަން ކަލޭގެ ރިޕްލައިން ބުނެދޭ.ކޮންމެހެން ބޭރުގެ ލީޑަރުން ކިޔާނެކަމަށް ބަަލައިގެން ނޫން އަހަރުމެން ކޮމެންޓްކުރަނީ.ކަލޭ ހިތުން ޑެއިލީމެއިލް ، ޔާހޫ ނިއުސް ފަދަ ޕްލެޓްފޯމްތަކުގަ ހުންނަ ހުރިހާ ކޮމެންޓެއް ލީޑަރުން ކިޔާނެ.(ފުރަތަމަ ވާނުވާ ކަލެއަށް ބަޔަކު ބުނެދޭން އެބަޖެހޭ) . ވ.ވެދުން