ފެން ކޭސްތަކެއް އުފުލަނީ: މިއީ ފެނުގެ ޑިމާންޑް ބޮޑު ދުވަސްވަރެއް -- ފައިލް ފޮޓޯ: މިހާރު
10 އެޕްރީލް 2022 - 13:42
14 comments
ހޫނު މޫސުމާ ދިމާކޮށް ރަށްރަށުން ފެނަށް ޑިމާންޑް ބޮޑުވެ ލިމިޓްކޮށްގެން ފެން ފުޅި ވިއްކަން ފަށައިފި އެވެ.
އައިލެންޑް ބެވަރޭޖަސް މޯލްޑިވްސް )އައިބީއެމް( އިން ބުނީ އެ ކުންފުނިން އުފައްދާ ތާޒާ ފެނުގެ ފަސް ލިޓަރު ފުޅިން މިހާރު މާލޭގެ ފިހާރަތަކަށް މިއަދު ވިއްކަނީ ފަސް ކޭސް ކަމަށެވެ. އެ ކުންފުނިން ބުނީ މިގޮތަށް ލިމިޓްކުރަން ޖެހުނީ ހޫނު މޫސުމާ ގުޅިގެން ރަށްރަށަށް ފެން ފޮނުވާ އަދަދު ވަރަށް ބޮޑަށް އިިތުރުވުމުން ކަމަށެވެ.
މިއަދު ފެން ލިމިޓްކޮށްގެން ވިއްކިޔަސް މާދަމާ އަނެއްކާ ވެސް ފެން ލިމިޓް ނުކޮށް ވިއްކަން ފެށޭނެ ކަމަށް އައިބީއެމް އިން ބުންޏެވެ.
އައިބީއެމް އިން ފެން ފުޅި ވިއްކުން ލިމިޓްކުރުމުން ފިހާރަތަކުން ފެން ހޯދަން އުނދަގޫވެ، އާންމުންނަށް ވަނީ ދަތިތަކާ ކުރިމަތިވެފަ އެވެ.
މިދިޔަ ހަފްތާގައި ވެސް ތާޒާ ފެނުގެ ޑިމާންޑް ބޮޑުވެ ފިހާރަތަކުން ފެން ލިބުން ދަތިވި އެވެ. ނަމަވެސް އެއް ދުވަސް ތެރޭ އެ މައްސަލަ އަށް ވަނީ ހައްލު ލިބިފަ އެވެ.
ލައިފް ބްރޭންޑްގެ ފެން އުފައްދާ ހެޕީ މާކެޓްގެ މެނޭޖިން ޑިރެކްޓަރު އަލީ އިހްސާން ވެސް ވިދާޅުވީ ހޫނު މޫސުމާ ދިމާކޮށް ފެނުގެ ޑިމާންޑް ވަރަށް ބޮޑަށް އުފުލިފައިވާ ކަމަށެވެ.
"ކޮންމެ އަހަރަކު ވެސް މި ދުވަސްވަރުގައި ޑިމާންޑް އުފުލޭނެ. އަޅުގަނޑުމެން މި ބަލަނީ ޑިމާންޑާ އެއްވަރަށް މެކްސިމަމް ޕްރޮޑަކްޝަން ކެޕޭސިޓީގައި ފެން ފޯރުކޮށްދެވޭތޯ،" އޭނާ ވިދާޅުވި އެވެ.
އޭނާ ވިދާޅުވީ، ޑިމާންޑަށް ބެލުމަށް ފަހު، ބައެއް ދުވަސް ދުވަހު 1،000 ކޭސް ނުވަތަ 2،000 ކޭސް ނަގަން އަންނަ މީހުންނަށް ލިމިޓްތަކެއް ކަނޑައަޅާ ކަމަށެވެ. އެންމެ ބޮޑު އިސްކަމެއް ދެނީ ކުދި ފިހާރަކާއި ރެސްޓޯރެންޓްތަކަށް ބޭނުންވާ ވަރަށް ފެން ފޯރުކޮށްދޭން ކަމަށް އޭނާ ވިދާޅުވި އެވެ.
ކޮންމެ އަހަރަކު ވެސް ރާއްޖެއަށް އެންމެ ހޫނު ގަދަވަނީ އޭޕްރީލް މަހު އެވެ. މި ދުވަސްވަރު ބައެއް ރަށްރަށުން ފެން ހުސްވެ ފެނަށް ވެސް ޖެހެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާމަ333
11 April 2022
ކިހާ ދެރަކަމެއް...މާލެއަށް ބަރޯސާވީމަ ވާގޮތް މިފެންނަނީ...ދެން ރައްޔިތުން ފެނަށްޖެހޭނީ މިރޯދަމަހު...ޝުކުރިއްޔާ...ދެން ލޮނުފެން ބޮއެގެން ތިބެ ވޯޓުލާން ދާނީ އަހަރުމެން...ބަލަ ޑިމާންޑް ބޮޑުވާނެކަން އެނގުނީ އިއްޔެ ނުވަތަ މިއަދުތަ....ވާރޭ ނުވެހޭކަމާ ފެން ތާނގީ ހުސްވަނީކަމާ...ރަށްރަށުގައި ބޯފެން އުފެއްދޭނެ ގޮތް ނެތްކަމާ ސަޕްލައި އިތުރުކުރަން ޖެހޭކަން ނޭގުނީ ކީއްވެ...ކޮސްވިއަސް މިއީ ގަމާރުކަމުގެ އިންތިހާ...
ފަގީރުކޮއެ
11 April 2022
އެފް.އެސް.އެމް ގައި ޕެޓްރޯލް އަގު ހުރީ 14 ރުފިޔާ ލާރިކޮޅަކަށް، އެކަމަކު ގާސިންބޭ ރޯދަފެށެންދެން އެ އަގުގައި ބަހައްޓާފައި ހަމަ ފެށުމާއި އެކު 16.95 އަށް ހަދައިފި، އެސްޓީއޯ ފިޔަވާ ސިމެންތި މި ވިއްކަނީ ގާސިމް އެސް.ޓީ.އޯ އިން ސިމެންތި ހުސްވީ ހަމަ ވަގުތުން ގާސިމްބެ ސިމެންތި އަގުބޮޑުވެއްޖެ މީހާލަކީ ގައުމުގެ...
ނޫރު
10 April 2022
ހޫނު މޫސުން އަންނަކަން ފެނަށް ޑިމާންޑު ބޮޑުވާކަން ކުރިޔާލާ އިނގޭ އިރު ވާވަރު މީ.
ލީލީ
10 April 2022
ރޯދަމަހު ފެންބޭނުންކުރާވަރު މަދުވާނެ ކަމަށް ލަފާކުރެވެނީ
ަައަލިހުސޭނު ބޭ
10 April 2022
އެމްޑަބްލިއުއެސްސީ ގެ ކެޕޭސިޓީ މަތިކުރަން ވެއްޖެ އެއްނު.ކިހާދެރަކަމެއް މީ. މީގެ މާގިނަ އަހަރުތަކެއް ކުރިނެއް ނޫން ޕްލާނޓްގަ ރޯވެގެން ފެނައްޖެހުނީ ދިވެހި ރައްޔިތުން. ނިކަން އައްޑޫގަ ބޮޑު ފެން ޕުލާންޓެއް ހަދާބަލަ.
އެޑްމުންޑޯ
10 April 2022
ލިމިޓް ކޮއްގެން ވިއްކިއަސް ސިމެންތި ބަސްތާ އަގުއަރާގެން އެދިޔަގޮތަށް ތިފެން އަގުބޮޑު ނުކުރާތި .
ރެޕްޓައިލް ކިބޫ އެޖެންޑާ
10 April 2022
ތިއުޅޭނީ ހޫނުގަދަވަނީ ޔޭ ތިމާވެއްޓޭ ވަތުކިބަ އޭ ކިޔައިގެން އަނެއް ލޮކްޑައުން އަކަން ދާން ވޭގެން ،،ޓްރާންސް ކުދިން މިހާރު މާލޭގަ ވެސް ވަރައް ގިނަވޭ އެބަ، ނޫސްވެރިން ނައް ހަމަ ހިލަމެއްވެސ ްނުވާ ބާ .. ނުނީ ހަމަ ފިޑިކަމުން ނުކެރެނީ ބާ، ލަދު
ކޮރަލް
10 April 2022
ކޮންމެ އަހަރަކު ހޫނު މޫސުމް އާދެ އެވެ. ތައްޔާރު ވެ ބަލާށެވެ.
ފައިވާން
10 April 2022
ރޯދަމަހު ހޫނުގަދަވެގެން ފެނަށް ޑިމާންޑް ބޮޑެއް ނުވާނެ އެހެން މަސްމަހަށް ވުރެން. ކޮންމެސް ގޯހެއް އެބަ އުޅޭ.
ވަތުކިބަ
10 April 2022
ދޮންކަލޯ ދުވާލު ރޯދައަށް ތިއްބަސް އިރުއޮއްސުމާއެކު ހެސްކިޔާފަ ފަންޏާ ފެނާ ބޯނެ. މިދުވަސްވަރު ގިނަ ރަށްރަށުގެ ވާރޭފެން ސްޓޮކް ހުރީ ހުސްވެފަ. ހަމަ މޮޅު ކޮމެންޓެއް ކޮށްލިއަކަސް ކަމަކު ނުދާނެ.
ވަދު
10 April 2022
ފައިވާން އެބުނަނީ ހަމަ ރަގަޅު ވާހަކައެއް. ރޯދަމަހު އިރުއޮއްސުމާއެކުވެސް އޮންނަނީ ބަނޑެއް. ކަނޑެއް ނޫން. އާއްމު މަސްމަހާ އެއްވަރަށް ފެނެއް ނުބޮވޭނެ. އެހާ ބައިވަރު ކާތަކެތި ހަދާ ގިނަ ބަޔަކު.
ރާއްޖެ
10 April 2022
ފެނެއް ނުލިބޭ، ސިމެންތިއެއް ނުލިބޭ، ތަރުކާރީއާއި މޭވާ އެހާ އަގުބޮޑު، ލުނބޯ ރަނަށް ވެފަ. ނައިބު ރައީސް ބުނީ، ސަރުކާރު އޮތީ ރޯދައަށް ތަކެތީގެ އަގު އުފުލަ ނުދިނުމަށް ތައްޔާރުވެފައޯ.