އަސްލަމް މަޖިލީހުގައި މެމްބަރުންގެ ސުވާލުތަކަށް ޖަވާބު ދެއްވަނީ:
17 މެއި 2022 - 10:24
11 comments
އައްޑޫން 194 ހެކްޓަރުގެ ބޮޑު ސަރަހައްދެއް ހިއްކުމުގެ މަޝްރޫއު ކުރިއަށް ދާ ވަރު ލަހެއް ނޫން ކަމަށް ނޭޝަނަލް ޕްލޭނިން، އިންފްރާސްޓްރަކްޗަރު މިނިސްޓަރު މުހައްމަދު އަސްލަމް މިއަދު ވިދާޅުވެއްޖެ އެވެ.
އެ މިނިސްޓްރީން ވަނީ އައްޑޫގެ ބިން ހިއްކުމުގެ މަޝްރޫއު ނެދަލެންޑްސްގެ "ވެން އޫޑް" ކުންފުންޏާ މިދިޔަ މާޗު މަހު ހަވާލުކޮށްފަ އެވެ.
އެ މަޝްރޫއު ބަޔަކާ ހަވާލުކޮށްފައި ވިޔަސް ނުފެށި ލަސްވާތީ އައްޑޫގެ މީހުންގެ ކަންބޮޑުވުން އެބައޮތް ކަމަށް ވިދާޅުވެ، މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ) ރައްޔިތުންގެ މަޖިލީހުގެ މިއަދުގެ ޖަލްސާގައި ކުރެއްވި ސުވާލަކަށް ޖަވާބު ދެއްވަމުން އަސްލަމް ވިދާޅުވީ، އެއްބަސްވުމުގައި ސޮއިކުރުމަށް ފަހު ކުރަން ޖެހޭ ގިނަ މަސައްކަތްތައް ހުންނަ ކަމަށެވެ.
ތިމާވެއްޓަށް ކުރާނެ އަސަރު ދެނެގަތުމަށް ހަދާ އީއައިއޭ ރިޕޯޓް ފައިނަލް ކުރަން ޖެހޭ ކަމަށާއި "ސޭންޑް ސާޗް" އެއް ވެސް ކުރަން ޖެހޭ ކަމަށް ވިދާޅުވި އެވެ.
"ވެލި ނެގެން ހުރި މިންވަރު ކޮންމެވެސް މިންވަރަކަށް އެނގި ތިބެގެން ބިޑް އެވޯޑުކޮށްފައި އެ އޮތީ. އެހެން ނަމަވެސް މޮބިލައިޒް ކުރުމުގެ ކުރިން ސީދާ ކިހާ މިންވަރެއްގެ ވެއްޔެއްތޯ، ކިތަށް ތަނުން ވެލި ނަގަން ޖެހޭނެތޯ ޔަގީން ކުރުމަށް ގްރައުންޑް ޓްރުތިން ހަދަން ކޮންޓްރެކްޓާ ދާނެ،" އަސްލަމް ވިދާޅުވި އެވެ.
އޭނާ ވިދާޅުވިގޮތުގައި އެ މަސައްކަތް ފަށާނީ އަންނަ ޖުލައި މަހު އެވެ.
އެހެންކަމުން އައްޑޫގެ ބިން ހިއްކުމުގެ މަސައްކަތް ތާވަލުން ކައްސާލައިގެން ލަސްވެފައި އޮތް ކަމަކަށް ގަބޫލު ނުކުރައްވާ ކަމަށް އަސްލަމް ވިދާޅުވި އެވެ.
އިންޑިއާގެ އެގްޒިމް ބޭންކުގެ 800 މިލިއަން ޑޮލަރުގެ ލައިން އޮފް ކްރެޑިޓް ފެސިލިޓީގެ ދަށުން ހިންގާ އެ މަޝްރޫއުގައި ހިތަދު އާއި މަރަދު އާއި މަރަދޫ ފޭދޫން ބިން ހިއްކާނެ އެވެ.
ބިން ހިއްކުމުގައި ބޭނުންކުރާނީ އެ ކުންފުނީގެ ޑްރެޖަރު އެޗްއޭއެމް 318 އެވެ. އެ މަޝްރޫއަށް 6.9 މިލިއަން ކޮޑި މީޓަރުގެ ވެލި ބޭނުންވާ އިރު، ވެލި ނަގަނީ އައްޑޫގެ އެތެރެވަރީގެ ދެ ސަރަހައްދަކުންނެވެ. އެއީ މުޅި އެތެރެވަރީގެ 42 ޕަސެންޓެވެ. މީގެ ސަބަބުން އައްޑޫގެ ތިމާވެއްޓަށް އިޔާދަނުކުރެވޭ ވަރުގެ ބޮޑު ގެއްލުންތަކެއް ލިބޭނެ ކަމަށް އީޕީއޭގެ ރިޕޯޓުން ދައްކަ އެވެ.
އައްޑޫގެ ބިން ހިއްކުމުގެ މަޝްރޫއުގެ ސަބަބުން ތިމާވެއްޓަށް ވަރަށް ބޮޑު ގެއްލުމެއް ލިބޭނެތީ، ގިނަ ބައެއްގެ ފާޑުކިޔުން ސަރުކާރަށް އަމާޒުވި އެވެ. އެ މަޝްރޫއު ހުއްޓާލަން ޓްރާންސްޕޭރެންސީ މޯލްޑިވްސް ހިމެނޭ ގޮތަށް ތިމާވެށީގެ ހައްގުގައި މަސައްކަތްކުރާ ވަރަށް ގިނަ ޖަމިއްޔާތަކުން ގޮވާލައިފައިވެ އެވެ. ޕްލޭނިން މިނިސްޓްރީއާ ދެކޮޅަށް އަމިއްލަ ފަރާތަކުން އެ މައްސަލަ ސ. މީދޫ މެޖިސްޓްރޭޓް ކޯޓަށް ވެސް ހުށަހަޅާފައިވެ އެވެ.
ނަމަވެސް ސަރުކާރުން ވަނީ ތިމާވެށި ހިމާޔަތްކުރަން އިސްކަންދޭނެ ކަމުގެ ޔަގީންކަމާއެކު މަޝްރޫއު ކުރިއަށް ގެންދަން ނިންމާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަރުބަޗޯފު
18 May 2022
ބިންނުހިއްކިގެންތަ މިއުޅެނީ، ބަލަގަ 5 އަހަރު މިނިމެނީ އެންމެ ވަޒީފާގަނޑެއް ނުއުފެއްދި، މިއަހަރު އެކަނިވެސް ހާހެއްހާ ކުދިން އޯލެވެލް އެނިމެނީ ބަނދަރާ ބިންހިއްކުމަކާއިގެން ފާއިތުވި 40 އަހަރު މިދިޔައީ، ޒުވާނުން ލާހޫރެނީ ވަޒީފާއެއްނެތި.
އަހުސަން ފަރީދު
17 May 2022
ލަހެއްނުވޭ 4 އަހަރު މިވީ ދެއްތޯ؟؟ .. އަސްލަންޓޭ އެކަމާ އުޅެތާ...
މަލަރު
17 May 2022
ހުވަދޫ އަސްލަމަށް އައްޑޫ އެއްވެސް ކަމެއް ލަސް ނުވާނެ. ޢަސްލަމް ގެ އެއްމެ ބޮޑު އެއް މިޝަނަކީ އޭނާހުރެގެން ދިގު ދައްމާ، ދައުރު ނިމޭއިރުވެސް އޭނަ ހުރި ވުޒާރާގެ އެއްވެސް ކަމެއް އައްޑޫގަ ވިޔަ ނުދިނނުން.
އަލިބެއްޔަގެ ކަލޯ
17 May 2022
ވަރަށް ސާފު ދިވެހި ބަހުން މިބުނަނީ ގދ.ތިނަދޫގައި ހިއްކާފައި އެއޮތް ބިމުން ރިޔާސީ އިންތިހާބުގެ ކުރިން ގޯތި ނުދީފިއްޔާ ގދ.ތިނަދޫ އެމްޑީޕީ ބައިބައި ކޮއްލާންން. އެތެރޭ އިންތިހާބުގައިވެސް އެކަން އޮންނާނީ ދައްކާލާފަ
ފެކްޝަން ފައްޔާޒު ތިނަދޫ
17 May 2022
ކަލޯ ފަރެސްމާތޮޑާ އަސްލަމުއެވެ. ބިން ހިއްކީމާ ނިމުނީއެއް ނޫނެވެ. ހަވަރު ތިނަދޫގައި ހިއްކާފައި އެއޮތް ބިނަވެސް ކުޑައެއް ނޫނެވެ ބިން ހިއްކާފަ އޮންނަތާ 7 އަހަރު ވެއްޖެއެވެ. އެތާގަ ފުލެޓެއް ވެސް ރޯހައުސްއެއް ވެސް އެޅުނީއެއް ނޫނެވެ. ނުވިތާކަށް އެތަނުން ބަޔަކަށް ގޯއްޗެއްވެސް ދެވުނީއެއް ނޫނެވެ. ތިނަދޫ ކައުންސިލަގެ ރައީސް ބުނީ އެތަނުން ބިން ދޫނުކޮއްގެން އުޅެނީ ސީދާ ފަރެސް މާތޮޑާ އަސްލަމުގެ އޯޑަރަށޭ. ގާބިލުކަން ނެތިއްޔާ އިސްތިއުފާ ދީފަ ބަޗަން އުޅޭ
ާއުނިމާ
17 May 2022
ކަލޭމެނަށް އެއްވެސް ޕްރޮޖެކްޓެއް ލަހެއްނޫން ނުނިމެނީ...ރައްޔިތުންގެ މާއުއްމީދުތައް ފޮނީ އަދި ކަލޭމެން ވީ ވައުދުތައްވެސް ރައްޔިތުންނަށް ދޭހަވިގޮތް ގޯހީ ..ލޮލް! 100 ދުވަހުގެ ވައިދަކީ ދައުރު ނިމުމުގެ ކުރިންތޯ...ދައުރުނިމުމުގެ ނިންމަނ ވީވައުދު އެއި 2025 ގަ ނުވަތަ 2 ވަނަ ދައުރެއް ދިނީމަތޯ..ދެން ވީ ބައެއް ވައުދަކީ ނުވާ ވައުދު ނުވަތަ ނުފަުއްދަންޖޭހޭ ވައުދު ދޯ! ކަލޭމެން ދައްކާވަހަކަ މިހާރު ޤަބޫލުކުރެވޭކަށްނެތް،..ރައްޔިތުން އިތުރަށް ލޮސްއުދޯޔަށް ނާރުވާ
ބޮޑުމީހާ
17 May 2022
އެއްވެސް ކަމެއް ލަސްތަ! ހުރިޙާ ކަމެއްވެސް މިދަނީ ބާރު ސްޕީޑުގަ
ރަދީފްއޮފިޝަލް
17 May 2022
އައްޑޫގެ ކަމެއް ނަމަ 2 އަހަރުން ކުރެވޭ ކަމެއް 6 އަހަރުން ކުރެވުނަސް ލަހެއް ނޫން.އަތް ޖަހާ ، އަތް ޖަހާ.ވ.ވެދުން
ވޯޓުބިލާސް
17 May 2022
އާނ ރަނަގަޅު. ވޯޓުލާ ނިމިއްޖެއެއްނު. ދެން އެއްކަމެއްވެސް ލަސްވާކަމަކަށްނުވާނެ. އަނެއް އިންތާހާބު ޖެހުނީމަ ދުއްވާގަންނާތި!
އަލިފުތާ
17 May 2022
ބިންތައް ރައްރަށުން މިހިއްކަނީ ފަޅުރައްތައް މަދީތޯ ތިހެން ރައްރަށުގަ ރައްޔިތުން ހައްދާލައިގެން ވޯޓްދޭނަމޭކިޔާފަ ހިއްކާބިންތައް ފަޅައް އެތައް އަހަރެއްވާއިރުވެސް ރައްޔިތުން ބިމުގެ ދަތިކަމުގައި ބިންކޮޅެއްގެ އިންތިޒާރުކޮއްކޮއްތިއްބާ ދުނިއަޅާ އެދަނީ ހަމަ ކޮންމެމެ ފަހަރަކުވެސް ރިޔާސީ އިންތިހާބް ކައިރިވީވަރަކައް ތިޔަކަހަލަ ޗަރްކޭސް ދައްކާފަ ބިންހިއްކާފަ ބިންހިއްކާނިމޭއިރައް ކޮންމެވެސް ރުފިޔާ ހުރިބަޔަކައްދީގެން ފުލެޓް ވިޔަފާރިތިޔަކުރަނީ ހުރިހާ އެންމެން