ފިނޭންސް މިނިސްޓާ އިބްރާހިމް އަމީރު ނޫސްވެރިންގެ ބައްދަލުވުމެއްގައި: މި ސަރުކާރުން ވަނީ 32 ލޯނަކަށް 37 ބިލިއަން ރުފިޔާ ނަގާފައި-- ފޮޓޯ:ރައީސް އޮފީސް
03 ޖޫން 2022 - 13:17
76 comments
ވޭތުވެދިޔަ ހަތަރު އަހަރުގެ ތެރޭގައި މި ސަރުކާރުން 32 ލޯނަށް 2.4 ބިލިއަން ޑޮލަރު (37 ބިލިއަން ރުފިޔާ) ނަގައިފި އެވެ.
ފިނޭންސް މިނިސްޓްރީން އާންމުކޮށްފައިވާ ތަފާސްހިސާބުތަކުން އެނގޭ ގޮތުގައި 2019 ވަނަ އަހަރުން ފެށިގެން މި އަހަރުގެ މިހާތަނަށް ސަރުކާރުން އެންމެ ގިނައިން ލޯނު ނަގާފައިވަނީ އިންޑިއާގެ އެގްޒިމް ބޭންކުންނެވެ. އިންޑިއާގެ އެގްޒިމް ބޭންކުން 1.2 ބިލިއަން ޑޮލަރު (19 ބިލިއަން ރުފިޔާ) ލޯނުގެ ގޮތުގައި ނަގާފައިވެ އެވެ. މީގެ ތެރޭގައި ބްރިޖްގެ މަޝްރޫއުއަށް ނެގި 400 މިލިއަން ޑޮލަރު (6.2 ބިލިއަން ރުފިޔާ) ހިމެނެ އެވެ. އަދި ސަރުކާރުން ނެގި 800 މިލިއަން ޑޮލަރު (12.3 ބިލިއަން ރުފިޔާ) ގެ ކްރެޑިޓް ލައިން ފެސިލިޓީ ވެސް ހިމެނެ އެވެ.
ހަތަރު އަހަރުގެ ތެރެއިން އެންމެ ގިނަ ލޯނު ސަރުކާރުން ނެގީ 2020 ވަނަ އަހަރު އެވެ. އެ އަހަރު ސަރުކާރުން ވަނީ 18 ލޯނެއް ނަގައިފަ އެވެ. އޭގެ ތެރެއިން ގިނަ ލޯނުތައް ނަގާފައިވަނީ ކޮވިޑްގެ ހާލަތުން އަރައިގަތުމަށެވެ. އޭގެ ތެރޭގައި ސިއްހީ ކަންކަން ހަރުދަމާ ކުރުމަށާއި ސަރުކާރުގެ ހަރަދުތައް ނެގި ލޯނުތައް ހިމެނެ އެވެ.
މި އަހަރުގެ މިހާތަނަށް ސަރުކާރުން ނެގި ލޯނުތަކުގެ ތެރޭގައި ބަޖެޓް ސަޕޯޓަށް ކާގިލް ފައިނޭޝަލް ސާވިސް އިންޓަނޭޝަނަލް (ސީއެފްއެސްއައިޓީ) އިން ނެގި 50 މިލިއަން ޑޮލަރުގެ ލޯނާއި އިސްލާމިކް ޑިވަލޮޕްމެންޓް ބޭންކުން ނެގި 18 މިލިއަން ޑޮލަރުގެ ލޯނު ހިމެނެ އެވެ. މި ލޯނު ނެގީ ސަރުކާރުން ހިންގާ ކުނި މެނޭޖްމެންޓް ޕްރޮޖެކްޓަށެވެ.
ރައީސް އަބްދުﷲ ޔާމީން ސަރުކާރުގެ ފަސް އަހަރު ތެރޭ އެ ސަރުކާރުން ނަގާފައި ވަނީ 18 ލޯނަކަށް 20 ބިލިއަން ރުފިޔާ އެވެ. އެހެންވެ މި ސަރުކާރުން މިހާތަނަށް ނެގި ލޯނުގެ އަދަދު ވަނީ 55 ޕަސެންޓް އިތުރުވެފަ އެވެ.
ދައުލަތުގެ ދަރަނި މި އަހަރު ނިމޭ އިރު 103 ބިލިއަން ރުފިޔާ އަށް އަރާނެ ކަމަށް ލަފާކޮށްފައިވެ އެވެ. މިއީ އުފެއްދުންތެރިކަމުގެ ނިސްބަތުން 112 ޕަސެންޓެވެ. އަހަރުން އަހަރަށް ދައުލަތުގެ ދަރަނި އިތުރުވާ އިރު ދަރަނި އަދާކުރަން ސަރުކާރުން ހޭދަކުރާ ވަރު ވެސް އަންނަނީ ވަރަށް ބޮޑަށް އިތުރުވަމުންނެވެ. މި އަހަރު ދައުލަތުން 5.7 ބިލިއަން ރުފިޔާ ދަރަނި އަދާކުރަން ހޭދަކުރާނެ އެވެ.
އެންމެ ކައިރި މުސްތަގްބަލެއްގައި ދައުލަތުން ދަރަނި އަދާކުރަން އެންމެ ބޮޑު ހޭދަކުރާނީ 2026 ވަނަ އަހަރު އެވެ. އެ އަހަރު ދައުލަތުން ގާތްގަނޑަކަށް 9.2 ބިލިއަން ރުފިޔާ ދަރަނި އަދާކުރަން ހޭދަކުރަން ޖެހޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަރަށްވާހަކަ
04 June 2022
ދިވެހިންގެ މިސާލަކީ އަމިއްލައެދުން ބޮޑު ބިޓެއްގެ މިސާލުއެވެ. ބޭނުން ވާނީ އެންމެ އަގުބޮޑެތިއެއްޗެތި ބޭނުންވާ އެތިހޯދަން ލޯނު ނެގިޔަސް އޯކޭ އެތިލިބުމުގެ ކުރިން އެކަމަކު އެތިލިބުނީމަ ލޯނު ނަގައިގެން ގަތީމަގޯސްވޭ ދެން ބުރޭކްއަޕް ....... ވަރަށް ވާހަކަ.
ކީއްކުރާނީ
04 June 2022
ބްރިޖާ ހައިވޭވެސް އެއްވެސް ފީއެއް ނުދައްކާ މިލިއަންޑޮލަރު ލިބޭ ޓީއެމްއޭގެ ބޮޑެތިބަސްތަކާ އެއްޗިސް ދުއްވާ ނަގަނީ މިނިވަންކަމާއެކު. ފައިސާހޯދޭނެ ގޮތް އެބަހުރި. ލަދުން މުއްސަދިންއަތުން އެއްޗެއް ނަގަން ނުކެރޭ ސަރުކާރު.
ޢޯކޭތާ
04 June 2022
ޤައުމު އިނދަޖައްސާފަ އިސްތިއުފާދީ ދެން. ޢޭރުން ދެން މަރުވަންދެން ލިބިލިބި ހުންނާނެ.
މޯޑް22
04 June 2022
އެއްވެސް މައްސަލައެއް ނޫން.. ޕިންކް ޕެންތާ ދައްކާވާހަކަ ލޯން ނެގީމަ ބަނގުރޫޓް ވެދާނެޔޭ.. ޔާމިން މަނިކްފާނު ކިތައްމެވަރަކަށް އަހަރެމެންގެ ވިސްނުމަށް މަނިކްފާނު ގެނައި ތަރައްގީ ގެނައިގޮތް ވައްދާ ގުބޯ ހައްދަން އުޅުނަސް ނުވާނެ ތިކަމެއް.. މަނިކުފާން އެމްއެމްޕީ އާރުސީ ލާރި ގަނޑު ނަގައިގެން އެލާރީ ދައުލަތަށް ނުދައްކާ އަދި ވެރިކަމުގަ އަޅާވެސްނުލާ ހުރުމުގެ ޒިންމާ ނަގަން ޖެހޭނެ
ހަސަންދީ
04 June 2022
ލޯނުނަގަން އޭރެއްގައި އޮންނަ ސަރުކާރަކަށް މަޖުބޫރު ކުރުވާބަޔަކީ ރަށްޔިތުން، އެހެންވާން ޖެހެނީ ތަރަށްޤީ ވަމުން އަންނަ ޤައުމަކަށް ވާތީ، ލޯން މެނޭޖު ކުރެވޭ ކަމުގައިވާނަމަ ލޯނު ނެގުމަކީ މައްސަލައެއްނޫން ޤައުމަށް ލިބޭ އާންދަނީން ތަރަށްޤީ ކުރަން ވިސްނާނަމަ ދުވަހަކުވެސް ތަރަށްޤީ ނުވާނެ، ބުރޫޖުޚަލީފާ ހަދަންވެސް ލޯނުނެގި އެޤައުމުގައި ވެސް ހިންގާ ހުރިހާ ޕޮރޮޖެކްޓެއްވެސް ހިންގަނީ ލޯނުނަގައިގެން، މެނޭޖު ކުރެވޭ ކަމަށްވާނަމަ ބޮޑުތަނުން ރަގަޅު ކަމެއް،
ހަނު ހުންނަ މީހާ
04 June 2022
ލޯނުނަގަނީ ސިޔާސީ މީހުންގެ ސިޔާސީ ފައިދާއަށް. ނުފުއްދޭވަރަށް ވައުދުވަނީ ސިޔާސީމީހުން ރައްޔިތުންނެއްނޫން.
މިތުރުކަލަޮ
04 June 2022
ޢާއެކޭ އާއެކޭ ތިޔަނުދައްކާވެސް ކުރާނެ ކަމެއްނެތްތާ، ދަރިނިބޮޑުވެ ލޯނުގެ އަދަދުމަތިވާވަރަކަށް ދައްކަން ޖެހޭ އަދަދު ވެސްގިނަވާނޭ، މީދިވެހިން ވަރަށް ތަޖުރިބާ ކުރާކަމެކޭ އެހެންޏާ ލޯނެއްނުގާ ދިވެސްސަކު މަދުވާނޭ، ދެން ތިޔާގެ މޮޅެއް އޮތީ ބޮޑެތި އަދަދުން އެއްފަހަރާ ދައްކާ ދަރަނިކުޑަ ކުރުމޭ އެހެން އެކަން ހިގައްޏާ ރައްޔިތުންނަށް ވެސް އެގެންޖެހޭނޭ، އެހިސާބު ދައްކަވާށޭ، އޭރުން މޮޅުލިބޭނީވެސް ސަރުކާރައްތާއޭ، ދެރައީ ކޮންމެ ކަމެއް ސިއްރުކުރާތީއޭ،
ެއެޑްމުންޑޯ
04 June 2022
މީ ޔާމީނު ސަރުކާރުން ލޯނުނަގާތީ ކަންބޮޑުވެ ހަޅޭލެވި ބޭފުޅުން ދެއްތޯ ؟ ވިސްނާ ބަޔަކަށް އިބުރަތަކަށް ވެގެންދާނެ
ޒިލްވަން
04 June 2022
"އިކޮނޮމީ"ގެ ކޮމެންޓަށް ތާއީދު
ކޮރަލް
03 June 2022
ސަރުކާރުން ކިތަންމެ ބައިވަރު ލޯނެއް ނެގިއަސް އެފައިސާ ދައްކަން ޖެހޭނީ އާއްމު ރައްޔިތުންނެވެ. ވެރިކަން ތައް ބަދަލުވެގެން އެތައް ހާސް ބަޔަކު މިހާރުވެސް ރާއްޖެއިން ބޭރުގަ އެފައިސާ ތައް ހިފައިގެން އެބަ އުޅެ އެވެ.
ބިލިޔަން
03 June 2022
އެޗުޑީސީން ހިޔާފުލެޓުއަޅަން ނެގި 6 ބިލިޔަން ޑޮލަރާ ވިނަރެސް ފުލެޓު އަޅަން ނެގި 4 ބިލޔަން ޑޮލަރު ނެގީ ޔާމީނު ސަރުކާރުގަ ނޫންތަ 10 ބިލިޔަން ޑޮލަރައް ވަނީ 20 ބިލިޔަން ދިވެހި ރުފިތާބާ
މޮހޯ
04 June 2022
ކުރި ކަމެއް ފެންނަން އެބަހުއްޓެެއްނު އެކަމު މިހާރު ހުރިހާލާރިއެއް ކާލަނީ