ދެކުނަށް އުދަ އަރައި ތިން ރަށަކަށް ބޮޑެތި ގެއްލުންތަކެއް

މަޑަވެއްޔަށް އުދަ އަރާފައި: ބޮޑު ގެއްލުމެއް ލިބުނު ކަމަށް ކައުންސިލުން ބުނޭ.-މަޑަވެއްޔަށ

އާސިމާ ނިޒާރު، މިހާރު

01 ޖުލައި 2022 - 20:06

ދެކުނުގެ ގިނަ ރަށްރަށަށް އުދައިގެ އަސަރު ކޮށްފައިވާ ކަމަށާއި ތިން ރަށަކަށް ބޮޑެތި ގެއްލުންތައް ލިބިފައިވާ ކަމަށާއި ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން މިއަދު ބުނެފި އެވެ.

އެ ސެންޓަރުން ބުނީ ހަތް އަތޮޅަކަށް އުދަ އަރައި ގެއްލުންތައް ލިބިފައިވާ ކަމަށެވެ. އެއީ އދ. ފެންފުށި، ޅ. ކުރެންދޫ، ތ. އަތޮޅުގެ ނުވަ ރަށެއް، ލ. މާވަށް، ގއ. ކޮލަމާފުށީ، ގދ. ގެ ހަތަރު ރަށެއް އަދި އައްޑު އަތޮޅެވެ.

އެންޑީއެމްއޭގެ ޑެޕިއުޓީ ސީއީއޯ އުމަރު ފިކްރީ ވިދާޅުވީ އެ ރަށްތަކުގެ ތެރެއިން އެންމެ ބޮޑަށް ގެއްލުން ލިބިފައިވަނީ އައްޑޫ މަރަދޫ، މަރަދޫ ފޭދޫ އަދި ގދ. މަޑަވެއްޔަށް ކަމަށެވެ.

މަޑަވެލި ކައުންސިލްގެ ރައީސް ފިޔާޒު ހަސަން ވިދާޅުވި އެ ރަށުގެ 98 ޕަސެންޓް މީހުންނަށް އުދައިގެ އަސަރުކޮށްފައިވާ ކަމަށެވެ. އަދި 60 ވަރަކަށް ގެއަށް ލޮނު ވަދެ، އޭގެ ތެރެއިން ހަތަރު އާއިލާއެއް ރަށުގެ ޒުވާނުންގެ މަރުކަޒަށް ވަގުތީ ގޮތުން ބަދަލުކޮށްފައިވާ ކަމަށް އޭނާ ވިދާޅުވި އެވެ.

އެ ގޭ ތަކުގެ ތެރެއިން 53 ގެއަކުން ހިފާ ގެންގުޅޭ ސާމާނާއި ކެއުމަށް ގެންގުޅޭ ހުރިހާ އެއްޗެއް ހަލާކުވެފައިވާ ކަމަށް ވެސް ފިޔާޒު ވިދާޅުވި އެވެ.

އޭނާ ވިދާޅުވީ ރަށުގެ އެންމެން ގުޅިގެން ފެން ހިންދުމުގެ މަސައްކަތް ވަނީ ފަށައިފަ އެވެ.

މަޑަވެއްޔަށް އުދަ އަރައި ފިހާރައަކަށް ގެއްލުން ލިބިފައި.

އުދައިގެ އަސަރު އެންމެ ބޮޑަށް ކޮށްފައިވަނީ މަޑަވެއްޔާއި ހޯނޑެއްދޫ ކޯޒްވާ ދިމާލުންނެވެ.

އައްޑޫ މަރަދޫގެ 50 ގެއަކަށް ލޮނު ވަދެ، އޭގެ ތެރެއިން ދެ ގެއަކުން މީހުން ބަދަލުކޮށްފައިވެ އެވެ. މަރަދޫފޭދޫ ގައި ވެސް 30 ގެއަކަށް ލޮނު ވަދެ ގެއްލުންތަކެއް ލިބިފައިވާ ކަމަށް އެންޑީއެމްއޭއިން ބުންޏެވެ.

އައްޑޫ މޭޔަރު އަލީ ނިޒާރު ވިދާލުވީ މިރޭ ވެސް އުދަ އަރާނެ ކަމަށް މައުލޫމާތު ލިބޭތީ ވެލިބަސްތާ ޖަހައި އެކަމަށް ތައްޔާރުވަމުން އަންނަ ކަމަށެވެ.

މޫސުމާ ބެހޭ ގައުމީ އިދާރާއިން ވަނީ އުދަ އަރާނެ ކަމަށް މެދު ރާއްޖޭގެ އަތޮޅުތަކުން ފެށިގެން ދެކުނުގެ ހިސާބުތަކަށް ވައިޓް އެލާޓް ނެރެފަ އެވެ.

އެ އިދާރާއިން ބުނީ ގަޑިއަކު 22 މޭލާއި 27 މޭލާ ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާކުރެވޭ ކަމަށެވެ.

މޫސުން ގދ. މަޑަވެލި އުދައެރުން

24 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮރަލް

02 July 2022

ކުއްލި އެހީ ވާ ޑިސާށްޓާރި މިހާތަނައްވީ އެހީ އެއް ބުނެ ބަލާށެވެ. ރަށް ރަށުގަ އުދައެރީމަ ކައުންސިލް އިން ވަގުތީ ހޮޔާ ދޭނެ އެވެ. އަދި ކައުންސިލް އާ އެމްއެންޑީއެފް އާ ރައްޔިތުން ފެން ހިއްކަން ވެސް އުޅޭނެ އެވެ. ޑިސާސްޓަރ މެނޭޖްމަންޓް ގެ އެހީތަކުގެ ތަފްސީލް ދީބަލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރަދޫ މީހާ

02 July 2022

މޭޔަރަށް ވާނުވާ އެނގޭހެނެއް ހިޔެއްނުވޭ. މަރަދޫއިން ގެއްލުން ލިބުނު ގެތަކުގެތެރެއިން ރާޅުޖަހާ އިންފާރު އެއްކޮށް ވެއްޓި، މިހާރު ގޭގެފާރަށް ރާޅު ބިންދަމުންދާ ގެއެއް އެބަހުރި. ތިބުނާ އެއްވެސް ކަމެއް ނުކުރޭ. ވެލިބަސްތާއެއް ކީއްކުރަން ވެލިފުކެއްވެސް ނައަޅާ. ރަށުއޮފީހުން ބަލަން އައި މީހުންވެސް ހިނިގަނޑެއްޖެހުން ފިޔަވައި އެއްވެސް ކަމެއް ނުކުރޭ. ވޯޓުހޯދަން ނައަންނާތި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޖާކެމެއް

02 July 2022

މަޖާކަމަކީ އުދައެރުމާއެކު ލޮނުފެން ފެނަށް ބަދަލުވެ ގޭގެޔަށް މިވަންނަނީ އެފެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެފް

02 July 2022

އަނެއްކާވެސް ދައްކަންޖެހޭ ވާހަކައެވެ.ކަ މެއްވިއްޔާ ދިވާވެދާނެއެވެ.އެކަ މަކުއުދައެރު މާދުނިޔޭގެ މޫސު މަށް އަންނަ ބަދަލަށް ބަލައި ރައްކާތެރި ރަށްވެހިކަ މަކަށް ބަލަންޖެހެއެވެ. ކުދިކުދި ރަށްރަށުގައި ދޮޅަހަކަށް މީހުން އުޅު މުގެ ބަދަލުގައި ސޭފް އައިލެންޑް ޕްރޮގްރާ މް ހަރުދަނާކޮށް ވީވަރަކުން އާބާދީ އެއްފަސް ކުރެވޭތޯ ބަލަންޖެހޭ ވަގުތު އަތުވެއްޖެއެވެ. އެހެރަ ހުރިހާ ރަށެއްގައި ބޮޑުތޮށްޓާ ބަނދަރާ ނަރުދަ މާއާ ހޮސްޕިޓަލާ ކޮލެޖް އަޅާނީ ކިހިނެއްހެއްޔެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެސީ1

02 July 2022

ތީ ގުދުރަތީ ކާރިސާ، ބަދަލު ދޭކައްވެސް ނުޖެހޭބެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލާކު

02 July 2022

ހަންކެޑެ ބުރިޖް ހަދާށޭ ކިޔާފަ އެހިސާބު ހިއްކާފަ، އޮއެ ދެމޭ ތަން ތަން މަދު ކުރާ ވަރަކަށް ރަށުތެރެ އަށް ކުރާ އަސަރު ބޮޑުވާނެ. އަދިވެސް ހިއްކާފަ ގުދުރަތީ ފަރުތައް ހަލާކު ކުރޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުސެން67

02 July 2022

ދަތުރުނުކުރެވޭ ވަރަށް މަޑަވެލި-ހޯނޑެއްދޫ ކޯޒްވޭ ކަނޑާލައިފި 10 މަސް ކުރިން... ވިސްނާ ބަޔަކައް އިބުރަތެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަގަތްފާނު

01 July 2022

ރައީހާއި ވަޒީރުން ހިޔާފުލެޓުގެ ކަންތައް ކޮންމެދުވަހަކު ބަލަމޯ.... މިއޮތީ ކޮންމެވެސް ވަރަކަށް ބަލާލަން ރަނގަޅުކަމެކޭ، އަހަރަކު އެއްދުވަހު މިހިސާބުގެ ކަމެއް ބަލާލިއަސް ހިޔާ ފުލެޓު ކަންކަމަށް ބުރުލެއް ނާރާނެދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޒާރު ދިއްދޫ

01 July 2022

މި ކާރިސާގައި ގެއްލުންވި ފަރާތްތަކުގެ ހިތާމާގައި ބައިވެރިވަން. ވިސްނާލަންވީ މިކަހަލަ އާފައްތަކާއި މުސީބާތްތައް އަންނަނީ އިންސާނުންގެ ސަބަބުންކަން ވިސްނާލައްވާ މިއަދު މިގައުމުގެ ހާލު ހިތާމަހުރި އިލާހީ އުސޫލުތަކާއި މިންތައް ފަހަނައަޅައި އިންސާނުން ޖަނަވާރުންގެ އުސޫލުންބޭރުވެ ހަމަޔާއި ނާއިންސާފު އާއްމުވުމުގެ ނަތީޖާއަކީ އިލާހީ މުސީބަތްތަކައް އަމިއްލަޔަށް ހުށައެޅިގަތުން ވިސްނާ ފިކުރުކޮސް އިސްލާހުވާކައް ނުވޭތޯ؟