އެމްޑީޕީގެ ޑެޕިއުޓީ ޗެއާޕާސަނުންނަށް އިބުރޭ އާއި އަހުމަދު އަބްދުﷲ

އެމްޑީޕީގެ ޗެއާޕާސަންގެ އިދާރީ ނައިބު ކަމަށް ކުރިމަތިލެއްވި އިބްރާހިމް ވަހީދު (ކ) އަދި ޗެއާޕާސަންގެ ނައިބުގެ މާލީ ކަމަށް ކުރިމަތިލެއްވި އަހުމަދު އަބްދުﷲ.

އާސިމާ ނިޒާރު، މިހާރު

25 ޖުލައި 2022 - 18:32

6 comments

އެމްޑީޕީގެ ޑެޕިއުޓީ ޗެއާޕާސަންގެ ދެ މަގާމުގެ ތެރެއިން ކޮންމެ މަގާމަކަށް ވެސް ކުރިމަތިލެއްވީ އެންމެ ބޭފުޅަކަށް ވާތީ، އޮޓޮމެޓިކުން އެ އެ ދެ ބޭފުޅުން ހޮވިއްޖެ އެވެ.

އަންނަ އޮކްޓޯބަރު 25 ގައި ދައުރު ހަމަވާތީ ޗެއާޕާސަންގެ ނައިބު އިދާރީ އަދި ޗެއާޕާސަންގެ ނައިބު މާލީގެ މަގާމަށް ކުރިމަތިލާން ހުޅުވައިލީ މިދިޔަ ހޯމަ ދުވަހެވެ. އެ މުއްދަތު މިއަދު ހަމަވިއިރު އިދާރީ ކަންތައްތައް ބަލަހައްޓާ އިސްވެރިޔާގެ މަގާމަށް ކުރިމަތިލެއްވީ ފެނަކަ ކޯޕަރޭޝަންގެ ޑެޕިއުޓީ މެނޭޖިން ޑިރެކްޓަރު އަދި މަތި އުތުރު ޕްރޮވިންސްގެ ރައީސް އިބްރާހިމް ވަހީދެވެ.

އެ މަގާމުގައި މިހާރު ހުންނެވީ ހުޅުމާލެ ދާއިރާގެ މެމްބަރު އަލީ ނިޔާޒެވެ.

މާލީ ކަންތައްތައް ބަލަހައްޓަވާ ނައިބު ކަމަށް ކުރިމަތިލެއްވީ މިހާރު ވެސް އެ މަގާމު ފުރުއްވަމުން އަންނަ، ބާރަށު ދާއިރާގެ މެމްބަރު އަހުމަދު އަބްދުﷲ އެކަންޏެވެ.

އެމްޑީޕީން ކުރިން ކުރި އިއުލާނުގައި ބުނީ އެ އިންތިހާބު އޮންނާނީ އަންނަ މަހުގެ 19 ގައި ފަށާ ޕާޓީގެ ކޮންގްރެސްގައި ކަމަށެވެ.

ނަމަވެސް ކޮންމެ މަގާމަކަށް ވެސް އެންމެ ބޭފުޅަކު ކުރިމަތިލާފައި ވާތީ ވޯޓުލުމެއް ނޯންނާނެ އެވެ.

އެމްޑީޕީ މެމްބަރު އަހުމަދު އަބްދުﷲ (ބާރަށް)

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޫހި

26 July 2022

ބޮޑު ޕާޓީއެއްގެ މުހިންމު މަގާމަކަށް މިއީ ދެން ގާބިލް ބައެއްތަ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

25 July 2022

ކުރިމަތިލާފައިތިބި 2 މީހުނަކީވެސް ތާއީދު ކުރަންޖެހޭވަރުގެ ޤާބިލް އަދި މިހާރު ޕާޓީގައިހުރި މައްސަލައަށް ހެޔޮބަދަލުގެނެވޭނެ ބައެއްނޫން. # އެމްޑީޕީގެ ލީޑަރޝިޕްގައި ފެތުރިފައިވާ ޑިމޮކްރަސީއާއިދުރު އެއްރަށްދައުލަތް ސިޔާސަތާއި ތަފާތުކުރުންތަކަށް އަހަރުމެންނުރުހޭކަން ދައްކަން އެމްޑީޕީގެއެތެރޭގެ އިންތިޙާބުތަކުގައި ވޯޓް އެޅުން މަދު ކުރުމަކީ ވަރަށް މުހިންމު ކަމެއް. ގްރާސް ރޫޓް ލެވަލްއިން "އިންތިޙާބަށް ނޫނެކޭ" ބުނެ ވޯޓާއި ފެއަށް ޖެހެންޖެހޭ ވަގުތަކީ މިއީ.