ޓޫރިސްޓު ރިސޯޓެއް. ޓެކްސް ބޮޑުކުރުމާ ގުޅިގެން މަޓާޓޯއިން ވަނީ ކަންބޮޑުވުން ފާޅުކޮށްފައި--ފޮޓޯ:މިހާރު
05 އޯގަސްޓް 2022 - 17:03
27 comments
އަންނަ އަހަރު ޓެކްސް ބޮޑުކޮށްފި ނަމަ ޓޫރިޒަމް ދާއިރާ އަށް 10 ޕަސެންޓްގެ ދަށްވުމެއް އަންނާނެ ކަމަށް މަޓާޓޯއިން ބުނެފި އެވެ.
މަޓާޓޯއިން އާންމުކުރި ބަޔާނުގައިވާ ގޮތުން ޓީޖީއެސްޓީ ބޮޑު ކުރުމަށް ސަރުކާރުން ނިންމުމާ ގުޅިގެން ރާއްޖެ އަށް ޓޫރިސްޓުން ގެންނަ 300 އަށް ވުރެ ގިނަ އޮޕަރޭޓަރުން ހިމެނޭ ގޮތަށް ސާވޭއެއް ހިންގާފައިވާ ކަމަށެވެ. އެ ސާވޭއިން ދައްކާ ގޮތުން ޓެކްސް ބޮޑު ކުރުމާ ގުޅިގެން، ރާއްޖޭގެ ޓޫރިޒަމް ހިދުމަތް ދޭ ތަންތަނުގެ އަގަށް ބަދަލު ގެނެސްފި ނަމަ އޭގެ ނޭދެވޭ އަސަރު ރާއްޖެއަށް ކުރާނެ އެވެ.
ސަރުކާރުން ވަނީ އަންނަ އަހަރު ޖީއެސްޓީ ހަ ޕަސެންޓުން އަށް ޕަސެންޓަށް އަދި ޓީޖީއެސްޓީ 12 ޕަސެންޓުން 16 ޕަސެންޓަށް ބޮޑު ކުރަން ނިންމައިފަ އެވެ. އެ ނިންމުމަށް އައިއެމްއެފް އާއި ވޯލްޑް ބޭންކުން ވެސް އޮތީ މަރުހަބާ ކިޔައިފަ އެވެ.
އެކަމަކު މަޓާޓޯއިން ބުނީ 2020 ވަނަ އަހަރު ކޮވިޑަށް ބޯޑަރު ބަންދު ކުރުމަށް ފަހު އަލުން ހުޅުވާލުމުން، ރާއްޖެ އަށް ކުޑަ ދުވަސްކޮޅެއްގެ ތެރޭގައި ގިނަ އަދަދެއްގެ ޓޫރިސްޓުން އައި ނަމަވެސް، ޓެކްސް ބޮޑުކުރުމާ އެކު އަގުތަކަށް ބަދަލު ގެނެސްފި ނަމަ، ރާއްޖެ އަށް އަސަރު ނުކޮށް ނުހުންނާނެ ކަމަށެވެ. ސަބަބަކީ ރާއްޖެ ފަދަ ބީޗް ޑެސްޓިނޭޝަންތައް ކަމަށްވާ ތައިލެންޑް، ބޯރާ ބޯރާ، އިންޑޮނޭޝިޔާ ފަދަ ގައުމުތައް މިހާރު ހުޅުވާލައިފައި އޮތުމެވެ.
މަޓާޓޯ އިން ބުނީ ޓެކްސް ބޮޑު ކުރުމުން އެކަމުގެ އަސަރު އެންމެ ބޮޑަށް ކުރާނީ ޓޫރިޒަމް ދާއިރާގެ މެދުފަންތީގެ ވިޔަފާރިތަކަށް ކަމަށެވެ. އެގޮތުން ގެސްޓްހައުސް ވިޔަފާރިތަކަށް ބޮޑު އަސަރެއް ކުރާނެ ކަމަށް ބުނެފައިވެ އެވެ. އެހެންވެ، ޓެކްސް ބޮޑު ކުރުމާ ގުޅޭ ގޮތުން ސަރުކާރުން ނިންމާފައިވާ ނިންމުން ބަދަލު ކުރަން ވަނީ އެދިފަ އެވެ.
މަޓާޓޯއިން ވަނީ މިދިޔަ ހަފްތާގައި އައިއެމްއެފްގެ ޓީމަކާ ބައްދަލުކޮށް ޓެކްސް ބޮޑުކުރުމާ ގުޅޭ ގޮތުން ހުރި ކަންބޮޑުވުންތައް ވެސް ހިއްސާކޮށްފަ އެވެ.
މަޓާޓޯއިން ބުނީ ދުނިޔޭގެ އިގްތިސާދަށް ކުރިމަތިވެފައިވާ ހީނަރުކަން ޓޫރިޒަމް ދާއިރާއަށް ވަރަށް ބޮޑަށް ކުރަން ފަށާފައިވާ ކަމަށެވެ. އެ ޖަމިއްޔާ އިން ބުނީ، މި އަހަރުގެ ސަމާ ސީޒަނުގައި ވެސް 30 ޕަސެންޓާއި 40 ޕަސެންޓުގެ ޑިސްކައުންޓް ރޫމްތަކުން ދިން ކަމަށެވެ. އަދި ޓެކްސް ބޮޑު ކުރުމުން އެފަދަ ބޮޑު ޑިސްކައުންޓެއް ދޭން އުނދަގޫވާނެ ކަމަށް އެ ޖަމިއްޔާއިން ބުނެފައިވެ އެވެ.
މަޓާޓޯއިން ވަނީ ޓީޖީއެސްޓީ ބޮޑު ކުރުމުގެ ބަދަލުގައި ސަރުކާރުގެ ހަރަދުތައް ކުޑަ ކުރަން އެހެން ފިޔަވަޅުތައް އަޅަން ސަރުކާރަށް އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަޒް
07 August 2022
ޓެކްސް ކިތައްމެ ބޮޑު ކުރިޔަސް މިތަނަށް އަންނަން ތިބި ބަޔަކު މިތަނަށް އަންނާނީ
ކިރު ސައި
06 August 2022
ނުހިންގެންޏާ ރައްޔިތުންގެ ރަށް ރައްޔިތުންނާ ހަވާލުކޮށްފަ ދާތަނަކަށް ދޭ.
ގްރީޑް
06 August 2022
މަޓޯޓާއިން ބޭނުންވަނީ ޓީޖެސްޓީ ކުޑަކޮށް، ފައިން މާފުކޮށް، ކުލިމާފުކޮށް، ގްރީންޓެކްސްއުވާލާ، ބިސްނަސްޕްރޮފިޓްޓެކްސް އުވާލަން ނުވަތަ ކޮޑަކުރުމަށްފަހު، މޫދަށް ކުނިއެޅުމުގެ ހުއްދަ. ސަރވިސްޗާރޖްވެސް ރިސޯޓަށް ނަގަން. ކުޑަމުސާރައިގަ ގެންގުޅެންވީ ބިދޭސީ މުއްޒަފުން.
2023
06 August 2022
"ޓެކްސް ބޮޑު ކުރުމުން އެފަދަ ބޮޑު ޑިސްކައުންޓެއް ދޭން އުނދަގޫވާނެ". ރިވެނިއުއިންނެއް ނޫނޭ މިޓެކްސް ނަގަނީ. ޓީޖީއެސްޓީއަކި ރިސޯޓުންތަކުން ދައްކާ އެއްޗެއްނޫން. އެއީ ޓުއަރިސްޓް އަތުން ނަގާ ޓެކުހެއް. ހަމަޖެހޭ ވަހަކަ ދައްކާ.
ރޯޒަސް
06 August 2022
ތީގެ އަސަރު އެންމެ ބޮޑަށް ކުރާނީ ގެސްޓް ހައުސް ތަކަށާއި ހޯމްސްޓޭއަށް. ހަގީގަތުގައި ތި އިތުރުކުރި ޕަސެންޓު ދައްކާނީ އެމީހުންގެ ޖީބުން. އަގުބޮޑުވިވަރަކަށް ހިޓްވާނީ ޗީޕް ކޮށް އަންނަން ބޭނޫންވާ ޓޫރިސްޓުންނަށް،، ބޮޑެތި ރިސޯޓްތައް ހަމަ ކުރިއަށް ދާނީ.
މަހުޖަނުންގެ ގއ އުނދުޅި
06 August 2022
ޕަކާސް ތިކިޔަނީ ސާރވޭ ރިޕޯޓޭ. ބަލަ އޮޑިޓް ރިޕޯޓް ބެލްސް ޝީޓް ޕްރޮފިޓް އެންޑް ލޮސް އެކައުންޓް ފައިނޭންޝަލް ފޯކާސްޓް ފައިނޭންޝަލް ސްޓޭޓްމަންޓް މެނޭޖްޑް އެކައުންޓްސް މިހުރީ ހައްތަހަވެސް އެބަޔަކު ބޭނުންގޮތަކަށް ޓެކްސަށް މަކަރު ހަދަން ބަދަލު ކުރެވޭނެ އެއްޗެތި. މޮޔަ ވާންވީނު. އައިއެމްއެފް މީހުންނަށް ފައިސާ ދީގެންވެސް ތިކަހަލަ ރިޕޯޓެއް ނެރުނޭ ޓެކްސް ބޮޑު ނުކުރާށޭ ކިޔާގެން. އެންމެ ފަހުން އައިއެމްއެފް ގެ އަސްލު މީހުން މަރުހަބާ ކީ. މަކަރު ރިޕޯޓް ނުނެރޭ.
ނާމްދި ކާނޫ
06 August 2022
މަޓާޓޯ އަކީ ރާއްޖޭގެ ފަތުރުވެރިކަމުގެ ސިނާއަތު ކޮންޓްރޯލު ކުރާ ކާރޓެލް އެއް!
ކަދީރު.
06 August 2022
ދިހަ ޕަސެންޓް ކީއްކުރަން 50 ޕަސެންޓް ދަށް ވިކަމުގައިވިޔަސް އެއަރޕޯޓް ތަރައްޤީ އަށް ކުރަންޖެހޭ ކަންކަމާއި މިރާއްޖޭގެ ރައްޔިތުންނަށް ހިދުމަތް ދިނުމަށް ބޭނުންވާ ފައިސާ އާއި ޤައުމުގެ ތަރައްޤީއަށް ނަގާފައިވާ ދަރަނި އަދާކުރަން ޓެކްސް ބޮޑު ކުރަންޖެހޭ.
ޖޮބޭ
06 August 2022
10% ދަށް ވިޔަސް ޖީބުފުރާލެވުނީމަ ނިމުނީ. ޙައްތާވެސް އަމިއްލަ އެދުން
ޢެޑްމުންޑޯ
06 August 2022
ރިސޯޓް ތަކުގެ މުއައްޒަފުންނަށް މުސާރަ ބޮޑުކުރަން ނިންމީމާވެސް ތިފަތިވަރު ކިޔަމުން ދިޔައީ ، އެކަމަކު ދުވަހެއް ދުވަހަކަށް ޓޫރިސްޓުން އަންނަ އަދަދު އިތުރުވަނީ