ދުނިޔޭގެ ވޮލީގެ ކޮންގްރެސްގައި ރަނޭ ރާއްޖެ އަށް ހާއްސަ ޝަރަފެއް ހޯދައިދީފި

އެފްއައިވީބީ ކޮންގްރެސްގައި ރަނޭ ވާހަކަ ދައްކަވަނީ: އެފްއައިވީބީ ކޮންގްރެސްގެ އެފަދަ ސްޓޭޖެއްގައި ރާއްޖެ ތަމްސީލު ކުރި ފުރަތަމަ ދިވެއްސަކީ ރަނޭ

ހުސެއިން ހަބީބް، މިހާރު

24 ސެޕްޓެމްބަރ 2022 - 13:47

3 comments

ދުނިޔޭގެ ވޮލީބޯޅައިގެ މައި ޖަމިއްޔާ "އެފްއައިވިބީ" ގެ ކޮންގްރެސްގައި އެ ފެޑެރޭޝަންގެ ވޮލީބޯޅަ ޕްރޮގްރާމަކާ ބެހޭގޮތުން ރާއްޖޭގެ ވޮލީބޯޅަ އެސޯސިއޭޝަންގެ ރައީސް މުހައްމަދު ރަނޭޝް (ރަނޭ) ޕްރެޒެންތޭޝަނެއް ހުށަހަޅައި ދެއްވައި ރާއްޖެ އަށް ހާއްސަ ޝަރަފެއް ހޯއްދަވައި ދެއްވައިފި އެވެ.

އެފްއައިވީބީގެ 220 އަށް ވުރެ ގިނަ މެންބަރު ގައުމުތަކުގެ މަންދޫބުންގެ ކުރިމަތީ ރަނޭ ޕްރެޒެންޓޭޝަން ހުށަހަޅައިދިނީ އެފްއައިވީބީ ވޯލީބޯލް އެމްޕަވަމެންޓާ ޕްރޮޖެކްޓާ ބެހޭގޮތުންނެވެ. ނެދަލެންޑްސްގެ އާނެމްގައި މިދިޔަ ބުރާސްފަތި ދުވަހު ފެށި ކޮންގްރެސްގައި ރަނޭ އިއްޔެ ވަނީ ވޮލީބޯލް އެމްޕަވަމެންޓް ޕްރޮޖެކްޓާ ބެހޭގޮތުން މެންބަރު އެހެން ގައުމުތަކުގެ މެންބަރުންނަށް މައުލޫމާތު ދެއްވާފަ އެވެ.

"އެފްއައިވީބީ މި ޕްރޮޖެކްޓްގެ ދަށުން ރާއްޖޭގެ ބިޗު ވޮލީބޯޅަ އަށް ހާއްސަކޮށް އެފްއައިވީބިން ފޯރުކޮށްދީފައި ހުރި ކަންކަން ފާހަގަ ކުރިން. އެގޮތުން ރާއްޖޭގެ ބިޗުވޯލީ ބޯޅަ ޓީމަށް ބްރެޒިލްގެ ކޯޗެއް ހަމަޖައްސައިފައިވޭ. އަދި ރާއްޖެ އަކީ ގުދުރަތީ ގޮތުން ދޮންވެލި ގޮނޑުދޮށް ގިނަ ގައުމަކަށް ވާތީ ބީޗު ވޮލީގެ ހަބެއްގެ ގޮތުގައި އެފްއައިވީބީ ދެކޭތީ ރާއްޖެ އަށް ހާއްސަ ފުރުސަތުތަކެއް ދެއްވާކަން ފާހަގަ ކޮށްފައިވާނެ،" އެފްއައިވީބީ ކޮންގްރެސްގައި ހުށަހެޅި ޕްރެޒެންޓޭޝަނާ ބެހޭގޮތުން ރަނޭ ވިދާޅުވި އެވެ.

ރަނޭ އެފްއައިވީބީގެ ޕޯޑިއަމްގައި ހުއްޓި ވަޑައިގެން ޕްރެޒެންޓޭޝަން ހުށަހަޅުއްވައި ދެއްވަނީ: އޭނާ ވަނީ އެފްއައިވީބީގެ ވޮލީބޯލް އެމްޕަވަމެންޓާ ބެހޭގޮތުން ޕްރެޒެންޓޭޝަން ހުށަހަޅައި ދީފަ

މި އަހަރުގެ ކޮމަންވެލްތު ގޭމްސް އަށް ވައިލްޑް ކާޑުގެ ދަށުން ރާއްޖޭގެ ބިޗު ވޮލީ ޓީމަށް ފުރުސަތު ހޯދައިދީފައިވާކަން ރަނޭ ފާހަގަ ކުރެއްވި އެވެ.

ދުނިޔޭގެ ކުޅިވަރުގެ ބޮޑެތި ސްޓޭޖުތަކުގައި ރާއްޖެ ތަމްސީލު ކުރުމުގެ ފުރުސަތު ލިބެނީ ވަރަށް މަދުންނެވެ. ދުނިޔޭގެ ވޮލީބޯޅައިގެ އެންމެ ބޮޑު ކޮންގްރެސްގައި ރާއްޖެ ތަމްސީލު ކުރި ފުރަތަމަ ދިވެއްސަކީ ކުރީގެ ސެޓަރު ރަނޭ އެވެ.

އެފްއައިވީބީ އާއި ރާއްޖެ އާ ދެމެދު މިހާރު ރަނގަޅު ގުޅުމެއް އޮތްކަން ރަނޭ ވަނީ ފާހަގަ ކުރައްވައިފަ އެވެ. އެފްއައިވީބީގެ ރައީސް އަރީ ގްރާސާ މިދިޔަ އަހަރު ރާއްޖެ ވަޑައިގެން ބިޗުވޮލީގެ ހަރަކާތްތައް ރާއްޖޭގައި ފުޅާ ކުރެއްވުމާ ބެހޭގޮތުން މަޝްވަރާ ކުރެއްވި އެވެ.

ގްރާސާ އަކީ އޮލިމްޕިކް ކުޅިވަރުތަކުގެ ދުނިޔޭގެ މައި ފެޑެރޭޝަންތަކުގެ ތެރެއިން ރާއްޖެ ވަޑައިގެންނެވި ދެވަނަ ރައީސް އެވެ. އޭގެ ކުރި ޓޭބަލްޓެނިހުގެ މައި ޖަމިއްޔާ އައިޓީޓީއެފްގެ ކުރީގެ ރައީސް ތޯމަސް ވައިކާޓް ރާއްޖެ ވަޑައިގެންނެވި އެވެ.

ވީއޭއެމް

3 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިޔާލީ އަލީ

24 September 2022

ކޮމެންޓުކުރާ މީހުންނަކަށް ނޭންގޭނެ ޕްރެސެންޓޭޝަން ކަހަލަ ކަންކަން ހުށައެޅުމާ ރިސާޗު ޕޭޕަރުތައް ވަރުގަދަ ޔުނިވަރސިޓީގެ ޖާނަލް ތަކުގަ ޕަބްލިޝް ކުރެވެނީ ވަކި ކޮލިޓީއެއް ވަކި ބައެއްގެ އެއްޗެއްކަން، ހަމަ ހުރެލާފަ ކޮންމެ ކޮންމެ ގައުމަކަށް މީހަކަށް ކުރެވޭ ކަމެއްނޫން އެއީ