އެމްޓީސީސީން ރާއްޖެ ގެނައި އާރްޓީއެލް އިލެޓްރޯނިކް ބަސްތައް ކްލެއާ ކުރުމުގެ ތެރެއިން ---ފޮޓޯ: އެމްޓީސީސީ
07 ނޮވެމްބަރ 2022 - 21:49
24 comments
ރާއްޖެ ޓްރާންސްޕޯޓު ލިންކް (އާރްޓީއެލް) މާލޭ ބަހުގެ ހިދުމަތުގައި ބޭނުން ކުރަން އިލެކްޓްރިކް ނުވަތަ ކަރަންޓުން ދުއްވާ ބަސްތަކެއް ގެނެސްފި އެވެ.
އެމްޓީސީސީން ރާއްޖެ ގެނައި އެ ބަސްތައް ހިދުމަތުގައި ބޭނުންކުރުމަށް ވާންޖެހޭ ތައްޔާރީތައް ވުމަށް ފަހު މާލޭގެ މިނީ ބަހުގެ ހިދުމަތުގައި ބޭނުން ކުރަން ފަށާނެ ކަމަށް އެ ކުންފުނިން ބުންޏެވެ.
އާރްޓީއެލްގެ ބަސް ފްލީޓަށް އަލަށް އިތުރުކޮށްފައި ވަނީ ކަރަންޓުން ދުއްވާ ހަ ބަހެވެ. އެއީ މިހާރު މާލޭގައި ދުއްވާ މިނީ ބަސްތަކަށް ވުރެ ސައިޒުގެ ގޮތުން ކުދި ބަސްތަކެކެވެ.
އާރްޓީއެލް އިލެކްޓްރޯނިކް ބަހެއްގެ ކުރިމަތީ އެމްޓީސީސީގެ މުވައްޒަފުންތަކެއް ފޮޓޯ އަކަށް ހުއްޓިލައިގެން ---ފޮޓޯ: އެމްޓީސީސީ
ޖުމްލަ 15 މީހުންގެ ޖާގައިގެ އެ ބަސްތަކުގައި ފަތްޖެހޭ ދެ ގޮނޑި ހިމެނޭހެން 11 ގޮނޑިއަކާއި ހަތަރު މީހަކަށް ކޮޅަށް ތިބެވޭނެ ޖާގަ ހުރެ އެވެ.
އެއީ ހަނި މަގުތަކުގައި ވެސް ދުއްވަން އެކަށީގެންވާ ބަސްތަކެއް ކަމަށް އެމްޓީސީސީން ބުންޏެވެ.
މާލޭގެ މިނީ ބަހުގެ ހިދުމަތުގައި މިހާރު 18 ބަސް ހިމެނޭއިރު، އަލަށް އިތުރު ކުރި ބަސްތަކާއެކު ޖުމްލަ 24 ބަސް ދަތުރުކުރާނެ އެވެ.
އަލަށް އިތުރު ކުރި މި ބަސްތަކާއެކު ރައީސް އިބްރާހިމް މުހައްމަދު ސޯލިހުގެ "ނެޓް-ޒީރޯ ބައި 2030" ސިޔާސަަތަށް އެއްބާރުލުން ދެވުމަކީ ލިބޭ އުފަލެއް ކަމަށް އެ ކުންފުނިންް ބުންޏެވެ.
އެމްޓީސީސީން ރާއްޖެ ގެނައި އާރްޓީއެލް އިލެޓްރިކް ބަސްތައް ބޯޓުގައި. ---ފޮޓޯ: އެމްޓީސީސީ
އެ އުޅަނދުތަކުގެ ސަބަބުން ކާބަން ފުޓްޕްރިންޓް މަދުވުމާއި އެމްޓީސީސީގެ ކަސްޓަމަރުންގެ ތަޖުރިބާ ރަނގަޅު ކުރުމަށް ކުރާ މަސައްކަތަށް ފައިދާ ކުރާނެ ކަމަށް އުންމީދު ކުރާ ކަމަށް އެ ކުންފުނިން ބުންޏެވެ.
އެމްޓީސީސީން މާލޭގައި މިނީ ބަހުގެ ހިދުމަތް ދޭން ފެށީ މިދިޔަ ސެޕްޓެމްބަރު މަހުގެ ފަސް ވަނަ ދުވަހު އެވެ. ގާތްގަނޑަކަށް މަހެއްހާ ދުވަހުގެ ހިލޭ ދަތުރުތަކަށް ފަހު މިދިޔަ މަހުގެ ކުރީކޮޅު ވަނީ އަގު ނަގަން ފަށައިފަ އެވެ.
އެމްޓީސީސީން ރާއްޖެ ގެނައި އާރްޓީއެލް އިލެޓްރިކް ބަސްތަކެއް ---ފޮޓޯ: އެމްޓީސީސީ
މިނީ ބަހުގެ ޓިކެޓެއްގެ އަގަކީ 7ރ. އެވެ. އާރްޓީއެލް ޓްރެވެލް އެޕް ނުވަތަ ވެބްސައިޓް މެދުވެރިކޮށް ޓިކެޓު ނެގޭ އިންތިޒާމުގެ އިތުރުން ދާދި ފަހުން ވަނީ ބަހުން ކަރުދާސް ޓިކެޓުވެސް ވިއްކަން ފަށައިފަ އެވެ.
ތިން އަހަރުން ދަށުގެ ކުދިންނާއި 65 އަހަރުން މަތީގެ މީހުން އައިޑީ ކާޑު ދެއްކުމުން ހިލޭ ދަތުރުކުރެވޭނެ އެވެ. އަދި ނުކުޅެދުންތެރިކަން ހުންނަ މީހުން، ނެޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) ގެ ކާޑު ދެއްކުމުން ހިލޭ ދަތުރުކުރެވޭނެ އެވެ. ޔުނީފޯމުގައި ތިބޭ ސްކޫލުތަކުގެ ދަރިވަރުން އަތުން ވެސް އަގެއް ނުނަގާނެ އެވެ.
މިނީ ބަސް މާލޭގައި ދަތުރު ކުރަނީ ތިން ރޫޓަކުންނެވެ. އެއީ އޯކިޑް ރޫޓާއި، އަމީނީ ރޫޓުގެ އިތުރުން ސޯސަން ރޫޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވޯ ލަމްހޭ
09 November 2022
ކަރަންޓު ބަހޭ؟ ބެޓެރި ބަހެއް ނޫންތަ؟ ކިހިނެއް ތިޔަ ޗާޖުކުރަނީ؟ 7 ރުފިޔާ ކުޑަ، 10 ރުފިޔާ ރަނގަޅު. މަ ކުޑައިރު ޓެކްސީ އެއް ލިބެނީ ކޮޅަކަށް 10 ރުފިޔާއަށް. އެއީ އެއްގަމު ދަތުރު ފަތުރަށް ރަނގަޅު އަގެއް ކަމަށް ފެންނަނީ. ވައިގަ ހިފާ އެކަހަލަ އަގުތައް ނެގީމާ ދެކޮޅު ޖެހި، ދެމެހެއްޓެނިވި ގޮތަކަށް ކުރިޔަށް ގެންދެވޭނީ.
1206
08 November 2022
އައިޑީ ކާޑު ޑިޖިޓަލައިކުރުމަކީ ގިނަ ޚިދުމަތްތަކެއް އިތުރަށް އެފިޝަންޓް ވެގެން ދާނެ ކަމެއް. އެއާއެކު ޑިޖިޓަލް ސަލާމަތީ ފިޔަވަޅުތައް ވެސް ވަރުގަދަ ވާން އެބަޖެހޭ.
ކަޑައީހަމަ
08 November 2022
ބަހަށް އިރުގަނޑަކު މަޑުކޮށްގެން ހުއްޓާ ޖެހިޖެހިގެން 2 ބަސް އައިއްސަ ހުއްޓާ. ތަންކޮޅެއް އިޚްލާސްތެރި ކަމާއެކު ބަހުގެ ކަންކަން ރާވއިފިއްޔާ ގިނަވާނެ އޭގެން ލިބޭ މަންފާ. އަމާ ބުނީތީ ފަރަށްދާ އުސޫލުން ކޮށްގެން ތިކަމެއް ނުވާނެ އަދި. ދިވެހިން ދަނެގެން ދިވެހިން ބަލައިގަންނަ ޚިދުމަތެއް ދެވޭނީ. އައްޑޫ ހިތަދޫގަ އެ ދުއްވާ 2 ބަސްވެސް ލިންކު ރޯޑުން ހިތަދޫގެ ބޮޑުމަގަށް ދެވެނީ ގަމަށް ގޮސް އަނބުރާ އަންނަބުރު. އެއިރު 40 މިނެޓު ހިނގާނެ. އަދި ދެބަސްވެސް ފުލުފުލުގަ.
އާދަނުު
08 November 2022
ތިޔަ ޗާޖް ކުރަނީ ތެޔޮ އަންދައިގެން ސްޓެލްކޯގެ ކަރަންޓުން؟ ދެން ތިމާވެށި ވާގޮތެއް މިވިސްނަނީ.
1206
08 November 2022
އެ އީ މަ ވެސް މި ވިސްނާ ކަމަކީ. ސޯލަރ އިން ޗަރޖް ކުރަނީ ނަމަ އޯކޭ.
ސަލީމު އިދުރީސް
08 November 2022
ބަސް ތަކުން ދަތުރުކުމަކީ ރަނގަކަމަކައް ވިއަސް ސަރުކާރުން އެކަމައް ބާރު އަޅައިގެން އެކަންވާނީ! ބަހުގެ ނިޒާމު ފުރިހަމަކޮއްފަ ސައިކަލު ތަކައް އަހަރަކު ފަންސާސް ހާހާ ސަތޭކަ ހާހުގެ އަދަކުން ޓެކުސްނަގާ ހަމައެކަނި އެވަރު ލީބޭ މަހުޖަނުނައް ދުއްވޭއެޗައްހަދާ! އެހެން ގައުމުތަކާ ހިލާފު މާލެޔަކު ކޮންމެމީހަކައް ދުއްވާއެއްޗެއް ހުންނަން ޖެހޭކަމުގަ ނުދެކެން
ގުދާރު
08 November 2022
ޗާރޖްކުރާ ސްޓޭޝަންތައް ހެދުނީތަ. ނުހެދިގެން، ހަދަން ހަރަދުތަކެއް ދާތީ ތެޔޮ އަޅާބަސްތަކެއް އެންމެ ފަހުން ގެނައި ކަމަށް ވަނީ
ކކކކކކ
08 November 2022
ކުންފުނިތައް އިނދަޖެހޭ ވާހަކަ ދައްކަނީ! މިއީ ކޮންފަދަ ކަމެއް. ބަސްތައް ދުއްވަނީ ގިނަ އިން ހުސްކޮށް ނޫނީ 3 މީހުނާ ފަޅި ލައިގެން. އެކަމަކު އެއަށް ކުރާ ޚަރަދު އިންތިހާ. ތި ބަހުން އެކަނިވެސް ތި ކުންފުންޏަށް އަހަރަކު މަދުވެގެން 12 މިލިއަނުގެ ގެއްލުންވާނެ.
ކުޗީ
08 November 2022
އަގު 5ރ އަށްތިރިކޮއްލަ ދީބަލަ ... ކުރީ އަމީނީމަގުން އައިއިރު އަޑިގަނޑަކަށް ޖެހިތަނާ ކިރިޔާ ޅިނދު ސަލާމަތްވީ ...
މޭޔަރުމުއީ
08 November 2022
ކަރަންޓްގަ ޖެހިދާނެ ކަމުގެ ބިރަށް ކަރަންޓް ބަސްތަކުން މުސްކުޅިން ދަތުރުނުކޮށްފާނެ. އެހެންކަމުން ބަސް ނިޒާމް ފެއިލްވެދާނެ.
ސަފަރުކައިއްދަ
08 November 2022
ނެތެއްނު ސަލާމަތެއް ދެން
ފފފފފ
08 November 2022
ބަސް ނިޒާމް ފެއިލްވާކަށް ނެތް. ނިކަން މަޖީދީ މަގަށް ނުކުމެ ހުރެބަލަ. ތި ބަސްތަކުން ދަތުރުކުރަނީ ކިތައް މީހުންތޯ ގުނާލަބަލަ. މަދުފަހަރަކު ނޫނީ 5 މީހުން ހަމަ ނުވޭ. މިއޮއް ކަރަންޓާ ޑީސަލް އަގު ބޮޑު އިރު ދަތުރަކަށް ނުލިބޭނެ ތިއަށް ޚަރަދުވާ އެނަރޖީ ފައިސާ ދެއްކޭވަރަށްވެސް. ކުންފުނިތަކަކީ ކޮރަޕްޝަންގެ ހާލިތަކަކަށްވާތީ ބަސް ގަތުމުން ޖީބަށް ވަންނަ ފައިސާ ބޮނޑި ބޮޑުވުމުން ބަސް ގެންނަނީ.
އެމް
08 November 2022
ސަޅި