މިސްކިތްމަގު ޓީމުގެ މަޒިއްޔާ (9): މޮޅު ކުޅުމެއް ދެއްކި. --ފޮޓޯ: ނިޝާން އަލީ/ މިހާރު
12 ޖެނުއަރީ 2017 - 12:17
މިދިޔަ އަހަރުގެ ގައުމީ އަންހެން ވޮލީބޯޅަ މުބާރާތުގެ މޮޅު ކުޅުންތެރިޔާގެ މަގާމު ހޯދި ފުވައްމުލަކު މިސްކިތްމަގު ޓީމުގެ ފާތިމަތު މަޒިއްޔާ ހިމަނައިގެން، މި މަހު ފަހުކޮޅު މާލޭގައި ފަށާ އޭވީސީ ސެންޓްރަލް ޒޯން އަންހެން މުބާރާތަށް ގައުމީ އަންހެން ވޮލީބޯޅަ ޓީމުގެ ސްކޮޑު ފައިނަލް ކޮށްފި އެވެ.
މި ފަހަރު ޓީމުން ޖާގަ ހޯދާފައިވަނީ ހައްވާ ރާޝިދާ، އައިޝަތު ޝައްފަ، އާމިނަތު އަރީޝާ، ޖޫޒާން ޒަރީރު، ފާތިމަތު ޒީނިޔާ، ޝައުފާ އާދަމް، ސިލްމާ ޒާހިރު، އާމިނަތު ރިއާޝާ، ހައްވާ ސަހާ، ނުހާ ވަހީދު އަދި އައިޝާތު މާޖިދާ އެވެ.
މިފަހަރުގެ ސްކޮޑުން ބާކީވި ކުޅުންތެރިންނަކީ މަރިޔަމް އަޒްމާ، ހަލީމަތު ސަމާ އަދި އައިޝަތު އިމްތިނާން އެވެ.
ޓީމުގެ ކޯޗަކަށް ހަމަޖައްސާފައިވަނީ ކުރިން ވެސް އެ މަގާމުގައި ހުރި އަހުމަދު އަދީލް (ބޭބެ) އެވެ. އަދީލްގެ ކޯޗުކަމުގައި ފާއިތުވި އަހަރެއްހާ ދުވަހު އަންހެން ވޮލީ ޓީމު ވަނީ ބޮޑު ކުރިއެރުމެއް ހޯދައިފަ އެވެ. އޭގެ ތެރޭގައި މިދިޔަ އަހަރު އިންޑިއާގެ ގުވަހާޓީގައި ކުރިޔަށްދިޔަ އޭޝިއަން ގޭމްސްގައި އަންހެން ވޮލީ ޓީމު ދެއްކި ކުޅުން ފާހަގަކޮށްލެވެ އެވެ.
އޭވީސީ ސެންޓްރަލް ޒޯން މުބާރާތް ކުރިޔަށްދާނީ މި މަހު 27 އިން 29ގެ ނިޔަލަށް މާލޭގަ އެވެ. މި މުބާރާތުގައި ކުޅޭ ގައުމުތައް ވަރަށް އަވަހަށް ފައިނަލް ވާނެ ކަމަށް ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އިން މައުލޫމާތުދެ އެވެ.
މިއީ ރާއްޖޭގައި ބޭއްވި އޭވީސީ ބީޗް ވޮލީބޯޅަ މުބާރާތަށް ފަހު ބޭއްވޭ ބައިނަލްއަގްވާމީ ފުރަތަމަ ވޮލީބޯޅަ މުބާރާތެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ޖާރިޔާ އަހުމަދު ދީދީ
12 January 2017
ދިވެހި ރާއްޖޭގެ ގައުމީ ޓީމުގެ ފެންވަރު މިއެނގެނީ މިކަހަލަ ރާއްޖެތެރޭ ޓީމުތަކުން އައިސް، ގައުމީ ޓީމުގެ އެއްވެސް ކުޅުންތެރިއެއް ނެތި މުބާރާތުގެ ތަށިގެންދިޔައިމާ..
ކަރެކްޝަން
12 January 2017
ފޮޓޯއިން އެ ފެންނަ މަޒިއްޔާއަކީ ލ.ގަމު، ތުނޑީގެ ޒުވާނެއް. މަރުހަބާ މަޒީ.