އެންމެ މުއްސަނދި މީހާ ކަމަށްވާ ބިލް ގޭޓްސް. -- ފޮޓޯ: ގެޓީ އިމޭޖަސް
17 ޖެނުއަރީ 2017 - 06:17
8 comments
ދުނިޔޭގެ އެންމެ މުއްސަނދި އަށް މީހުންގެ މިލްކިއްޔާތު، މުޅި ދުނިޔޭގެ ހުރިހާ ފަގީރުންގެ ދެ ބައިކުޅަ އެއްބައި ކަމަށްވާ 3.6 ބިލިއަން މީހުންގެ މިލްކިއްޔާތާ އެއްވަރު ކަމަށް އެހީގެ ޖަމިއްޔާއެއް ކަމަށްވާ އޮކްސްފަމް އިން ބުނެފި އެވެ.
ބިލިއަނަރުންގެ މިލްކިއްޔާތާ ބެހޭ އެންމެ ފަހުގެ މައުލޫމާތުގެ މައްޗަށް ބިނާކޮށް އޮކްސްފަމް އިން ބުނީ މުއްސަނދިންނާއި ފަގީރުންނާ ދެމެދު އޮތް ފަރަގު ބޮޑުކަމުން ކަންބޮޑުވުން ފާޅުކުރަމުން ދާއިރު އެ މައްސަލަ އޮތީ ހީކުރާ ވަރަށް ވުރެ ވެސް ނުރައްކާތެރި ހިސާބެއްގައި ކަމަށެވެ.
ވޯލްޑް އިކޮނޮމިކް ފޯރަމް ހުޅުވުމާ ދިމާކޮށް ނެރުނު މި ރިޕޯޓާ ގުޅިގެން އިގްތިސާދީ މާހިރުންގެ ފާޑުކިޔުން ވެސް އަމާޒުވެފައިވެ އެވެ. އެ ފަރާތްތަކުން ބުނަނީ އޮކްސްފައިމް އިން ވިސްނަންވީ އެހެން މީހުންގެ މިލްކިއްޔާތާ މެދުގައި ނޫން ކަމަށާއި އެހީގެ ޖަމާއަތެއްގެ ގޮތުގައި މަސައްކަތްކުރަންވީ ފަގީރުކަން ކުޑަކުރެވޭނެ ގޮތްތައް ހޯދަން ކަމަށެވެ.
ރިސާޗް އިންސްޓްޓިއުޓެއް ކަމަށްވާ އެޑަމް ސްމިތު އިންސްޓިޓިއުޓްގެ ވެރިޔާ ބެން ސައުތުވުޑް ވިދާޅުވީ އޮކްސްފަމްގެ މައުލޫމާތުގައި މައްސަލައެއް ނެތް ކަމަށާއި އެކަމަކު އެ މައުލޫމާތު މާނަކުރަނީ އޮޅުން އަރާ ގޮތަށް ކަމަށެވެ.
ދުނިޔޭގެ އެންމެ މުއްސަނދި އަށް މީހުންނަކީ ބިލް ގޭޓްސް (75 ބިލިއަން ޑޮލަރު)، އަމަންސިއޯ އޮރްޓޭގާ (67 ބިލިއަން ޑޮލަރު)، ވޮރެން ބުފެޓް (60.8 ބިލިއަން ޑޮލަރު)، ކާލޮސް ސްލިމް (50 ބިލިއަން ޑޮލަރު)، ޖެފް ބެޒޯސް (45.2 ބިލިއަން ޑޮލަރު)، މާކް ޒަކަބާގް (44.6 ބިލިއަން ޑޮލަރު)، ލެރީ އެލިސަން (43.6 ބިލިއަން ޑޮލަރު) އަދި މައިކަލް ބްލޫމްބާގް (40 ބިލިއަން ޑޮލަރު) އެވެ.
ބިލިއަނަރުންގެ ތެރެއިން ބައެއް މީހުން މިލްކިއްޔާތުން ބޮޑެތި ހޭދަތައް ކުރެ އެވެ. ބިލް ގޭޓްސް 2000 ވަނަ އަހަރު 44 ބިލިއަން ޑޮލަރާ އެކު އެހީގެ މަސައްކަތް ފައްޓަވާފައި ވާއިރު މާކް ޒަކަބާމް ވަނީ މުޅި މިލްކިއްޔާތުގެ 99 ޕަސެންޓް ޚައިރާތުކުރައްވާނެ ކަމަށް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުރިގާޓު
17 January 2017
ޒުވާނުން މިކަމުން ފިލާވަޅު ލިބިގަނެ، ކެޕިޓަލިޒަމް މިހާރު މިދުނިޔޭގައި ހިނގާގޮތް ފޭލިވެއްޖެ ކަމަށް ގަބޫލުކުރާށެވެ. އަމިއްލަ މުސްތަގުބަލުގެ ހުންގާނުގައި ހިފާށެވެ.
ކޮންސްޕިރެސީ އެމްވީ
17 January 2017
ތިއީކީ އަދި މުޅިއަކުން ހަޤީގަތެއް ނޫން! ނިކަން ރޮކަފެލާ އަދި ރޮތްސް ޗައިލްޑްސް ކޮބާތަ. މުޅި ދުނިޔޭގެ މުއްސަނދިކަން 13 ފެމިލީއެއްގެ އަތްމަތީގަ އޮތްކަމަކީ ހަޤީގަތް. ނިކަން ރިސާޗްކޮށްލަބަ. ދިވެހިރާއްޖޭގެ މުއްސަނދިކަމުގެ %80 އޮތީ 5 މީހެއްގެ އަތްމަތީގަ! #ވޭކްއަޕް
ހުހޫ
17 January 2017
ގެވާރާ އަށް ތާއީދު!
އަހުމަދު ޝިްމހާދު
17 January 2017
އެއްމެ މީހަކު މިލްކިއްޔާތު ހުރި އަދަދަކީ ދިވެހިރާއްޖޭގެ 68 އަހަރުގެ ބަޖެޓް
އަލީ
17 January 2017
ކޮބާ ރޮތްޗައިލްޑް، ޖޯޖް ސޯރަސް، މިފަދަ ފިލައިގެން ދުނިޔޭގެ ބޭންކްތަކާއި މާލީއިދާރާތަށް މުށުތެރެއަށް ލައިގެން ދުނިޔޭގެ ހިނގާ ހުރިހާ ހަނގުރާމަތަކެއްގެ މުގުލުގައިތިބި ޔަހޫދީ މަހުޖަނުން. މިމީހުންގެ މިލްކިއްޔާތު ތިޔަ 8 މަހުޖަނުންނަށްވުރެ އެތައްގުނައެއް ބޮޑުވާނެ.
ރޯޒް
17 January 2017
އަލީ އަށް މާބޮޑަށް އެނގޭ ހެން ހީވަނީ.. ރިޕޯޓެއް ނެރެން ފެނޭ
އަލީ ބުނީ
17 January 2017
ކޮބައިތޯ މިއުޅޭ އިސްލާމީ ގައުމުތަކުގެ ވެރީން؟ މެދު އިރުމަތީގެ ތެޔޮވަޅުތަކުގެ ވެރި ބަދަވި އަރަބި ޝެއިޚުންގެ ވާހަކަ؟ އެމީހުންގެ ތަނަވަސްކަމުގެ ވާހަކަ ނުދައްކަނީތޯ؟ ވަރަށް ވެދުން. ހަޖަމް.
އަހުމަދު
17 January 2017
ރޯޒް،އަލީ އެނގިގެން އެބުނީ ރޯޒް ވެސް ރިސާރޗް ކޮށްލަބަލަ އޭރުންދޯ އިނގޭނީ